有我鐘意嘅壽喜燒烏冬
所以就入去試試佢💛
但出乎意料之外，我食完之後最最最推薦係佢個冬甩雪糕🍩
反而主食就一般般喇..
佢係兩段式嘅套餐
可以要炊飯/ 烏冬做底
然後再搭配唔同嘅餸
跟餐仲有飲品同埋甜品
由於我一心想食壽喜燒
所以就叫咗壽喜燒牛肉+壽喜燒烏冬喇
一set $97
不過我覺得真係賣相好過個味道
牛肉唔知點解好紅卜卜
可能急凍肉唔多靚
而且肉質都一般，有少韌同有筋
而且兩樣都係冇咩壽喜燒味嘅...
不過烏冬麵質係煙韌好食嘅
只不過絕對唔係壽喜燒味...
令我有啲失望
反而跟餐呢個冬甩雪糕挽回分數
我覺得淨叫呢個就已經夠曬了
冬甩係熱辣辣同埋煙韌嘅
之後配埋凍冰冰嘅雪糕
夾埋一齊食真係好正
呢樣係我最推薦大家食嘅
