hilda gunso的个人专页

嚟銅鑼灣一位唔使一嚿水就有得賣醉，忘卻工作上嘅煩惱，抵玩呢度最爽嘅係，一個大雪櫃任係拎酒勁多種類嘅sake任君選擇，悉隨樽便由純米酒到勁辛口嘅sake都有，任斟唔嬲三粒鐘，作為酒鬼嘅大胃勁開心刺身拼盤好精緻，刺身有三文魚、油甘魚同赤蝦，勁鮮味，蝦有大量嘅膏。至於壽司有深海池魚、間八、赤鯛、三文魚、左口魚邊同蟹籽，嚿嚿都鮮香十足，送sake一流嗌生冷嘢，都要嗌啲小食送吓酒，呢度嘅鮟鱇魚肝，比坊間更可口在於，用醋點綴，令魚香鮮香更加鮮晴甜蝦用嚟炸都冇聽過，原來都幾有肉地，而且鮮味不減反增，外脆內嫩呢度串燒都係必嗌，而且好出色，牛舌燒得相當有彈性，唧咗檸檬汁更能突出肉香。宮崎豚肉同樣爽口，肉香油香俱備，果然係出身有名生蠔喺夏季嚟講都好時令，大胃當然唔會錯過，用大量嘅蒜蓉提味，配合滑溜多肉嘅蠔肉，大快朵頤明太子飯團嘅色水真係好明太子，咬落有鹹香，飲酒前先食非常適合呢度連Shabu Shabu都有，牛肉雪花仲要勁靚100g其實都好夠食，淥喺湯底都好吸味:)煲裡面有大量蔬菜同粉絲，夠晒豐富…查看更多

打風就唔好學人去睇海，其實食海鮮比睇海更開心落咗波就去太子呢間火鍋店滾一滾要食新鮮海鮮，有乜湯底好過清湯？話就話係清湯，都有唔少蕃茄、娃娃菜、粟米同豆腐等湯料，唔會寡又健康先配醬料，就等海鮮登場橫風橫雨食海鮮總係好有feel，呢間新推出深海龍躉海鮮拼盤，雖然因為打風，未有龍躉班頭腩不過都有蟶子頂上，都相當巨型，烚完啲肉都好大嚿本地龍蝦仔都唔仔呀，好大隻好多膏，啲肉勁有彈性。南非鮑魚一人半隻，都好大嚿肉，同樣好爽彈游水生蝦仲係郁郁吓，大胃都係快啲了佢殘生，新鮮烚熟即係真係超鮮味。仲有花甲，烚完即食都好鮮爽食完海鮮就食吓其他肉，一次過嗌四寶丸就唔使揀，有齊梅菜豬肉丸、鮮牛丸、手打鮮蝦丸同手打墨魚丸，手工製嘅質感好唔同，嗰種彈牙用機器都好難整到出嚟，肉香保留得好仲發揮到出嚟除咗一般粉麵，呢度仲有鍾華記生麵，開頭大胃都唔係好識淥佢原來係要一小柱咁淥兩至三秒，咁就食得，咁先食都嗰陣蛋香同爽口打住邊爐要飲竹蔗茅根，自己煲唔會太甜啱啱好，咁先下到火…查看更多

月頭已糧尾嘅大胃，會選擇同同事食米線，西環一樣有平選呢間嘅米線夠晒大碗抵食，唔想揀嘅大胃就揀寫住「秘製」嘅米線，豬扒炸得好入味焦脆，仲要好大塊，韭菜餃大大粒好香滑，夠晒足料米線配清湯都好夠味，份量完勝胃民全都要，就自選米粉揀想要嘅餸，魔鬼辣就算係小辣都唔惹小，小心辣親紫菜鯪魚卷整法好新穎，又脆又嫩好特別蠔仔𢳂咗好多，好似唔使錢咁啖啖肉。竹笙唔係薄切切，而係好粗嘅一卷卷，口感爽彈蓮藕魚餅都係呢度必食，勁大塊口感勁順滑豬手微煎有色澤，煲到質感好腍好吸味跟餐可以加啲錢嗌小食，酥炸雲吞都幾大粒，咬落脆卜卜，餡料就勁綿滑，內外有對比好正，點甜酸醬仲正呢間辣嘅菜式好出色，點都加份牛𦟌歎吓，一碟份量都好多，肉片紋理好靚，筋位夠彈，吸收到辣香，食到伸晒脷胃民仲加多碟片頭墨魚鬚，但呢碟就係酸辣，有自家製嘅醃菜，辣到入味嘅片頭同墨魚鬚，好嫩滑彈口，同辣味好夾辣到咁，點都要嗌嘢飲，紅豆冰都算好解得辣大胃就要杯檸檬可樂，仲可以揀zero，解辣消暑都係好啱…查看更多

銅鑼灣呢間串燒店由佐敦逆市開到嚟，睇嚟有返咁上下實力先做到，確實裡面又夠氣氛，啲嘢幾抵食𠻹餐廳每日都會一早預備新鮮食材，其中一樣就係馬友，鹽燒烹製到卜卜脆，切開嗦嗦聲，先就咁新鮮食喺魚肉，是日新鮮果然唔同啲，然後再唧檸檬汁同點醬食，連皮食都好正佢地新menu都有好多手工菜式，用雞皮同紫蘇葉包住成條剝咗殼嘅蝦，手法好有心思，口感同香味好有層次雞皮做嘅餃子都好足料，一咬開啖啖餡肉用玉子包住燒蠔，再用蟹籽點綴嘅做法都係聞所未聞，好有意思，咁嘅配搭原來更具鮮味釀蝦滑都有好多種玩法，釀喺冬菇亦得，大大隻菇令蝦滑更有口感用尖椒釀就有些微辣香，口感爽朗，同蝦滑味道好夾鯇魚可以燒到咁脆身，都唔係度度食到，魚肉好爽脆。手打烏冬勁綿彈，用蔥同wasabi撈湯汁，浸烏冬食用，有消暑之效炸蝦餅都幾大件，炸得好脆彈，蝦肉滿滿。雞肉串好有炭燒香，外爽內嫩有口感。雞腳筋都有得燒，好有嚼口，用蜜糖燒好似嚼緊軟糖咁過癮燒豬肉都有好多玩法，就咁食炭燒豬肉都已經覺得正。用豚肉包住荔枝，香感直線飆升。包青蔥都可以好有爽感，為豚肉片提升層次。青提都包得，又一樣夾到，乜豚肉可塑性係咁高㗎？牛魔王系列都好多得意部位，牛骨髓大胃好鍾意食，難得呢間都有。牛筋燒到好Q彈，少少麻辣好吊味:)金錢肚都好少有串燒店有，因為唔易燒，但呢度都有。牛胸油燒到好似雞皮咁薄脆，第一次食到咁得意嘅口感呢度都有好多酒水選擇，放工happy hour都好啱，有Whisky有sake，都有好local嘅檸檬茶酒，每啖檸香解膩，好啱送串燒飲…查看更多

西九龍中心food court張櫈斜咁，都無阻晚市人潮因為真係好多平靚正嘅嘢食，其中呢間炸雞真係飽到你瀡唔到滑梯:)晚市依然有set，一個餐有成三大嚿炸雞，仲有飯同飲品好夠份量又夠平，出面好少有咁平嘅價今次試招牌芝士味，芝味濃郁，外皮好爽脆，雞炸得好乾身鎖汁，肉質好嫩另外一個餐就要蒜香醬油味，醬汁多到完完全全包圍住啲炸雞，超級香甜又唔會浸腍啲炸皮，滲入滑口雞肉超正跟餐有兩款飯可以揀，卡邦尼飯聽落好特別卡邦尼汁撈飯又幾得喎，飯底煲得唔錯，好快就食咗大半兜飯另外一款係安東雞飯，醬汁係啡啡地，似燉雞汁，送飯都幾惹味跟餐加廿幾蚊有薯條，仲要係有味嘅，粟米湯味最獨特，又真係有湯味，撈落薯條又幾夾狂熱味即係微辣BBQ味，食落香噴噴，份量仲好多，廿幾蚊好抵加平時年糕係煲熟佢嚟食，炸年糕就比較少見，跟餐加幾條試吓，試吓跟芝士炸雞撈，脆皮煙煙韌韌咁，口感都幾好咬口…查看更多

旺角呢間火鍋店都有sell椰子湯底，聽起嚟都幾特別嚟個二人套餐，唔使逐位計，咁就有大大煲椰子雞煲首先店員會搬五個好大嘅椰青嚟，倒晒落個煲度，完全以椰水做湯底，清甜程度難以置信等椰水湯底滾起，倒啲雞骨件落煲度熬熬到咁上下，再落啲脆皮雞喺煲度淥，淥一分鐘就食得肉質好嫩彈，所謂脆皮，唔係炸皮嗰種脆，而係皮肉爽脆嗰種呢個餐仲有鮑魚同蝦，鮑魚大大嚿冇花假用椰水烚超彈牙超嫩滑，椰水滾蝦同樣好正蝦肉唔會老，勁爽嫩多膏:)仲有六安士嘅手切安格斯牛小排，平時一碟價格不菲，呢個餐都包埋真係好抵，呢碟牛雪花平均，牛香油香足，肉質不俗當然菜亦唔少得，呢個餐都有包埋，一個菜籃有晒幾款菜，相當翠綠，食落嗦嗦聲好脆口，食肉獸食菜冇難度食椰子雞煲，飲椰青水好順理成章，呢個椰青好多肉好多水打住邊爐頸渴就梗㗎喇，特製柚子蜜原來係指size特製，夠晒補水…查看更多

五一黃金周出尖沙咀，怕逼所以走去漆咸道南嗰頭，人流鬆動啲仲有一間新開嘅墨西哥酒吧，撞正Happy Hour就入去chill吓食墨西哥菜一定走唔甩Taco，既然有手撕豬餡料揀就要試吓，店員會問我地想軟皮定脆皮，因為想食埋Nachos就揀軟皮軟皮質感都唔錯，夾住啲好清新嘅各類蔬菜同手撕豬，豬肉入味夠香唧青檸汁上去味道更係放大咗咗，點吓醬食層次會更豐富Nachos亦係墨西哥美食嘅代表之一，都可以揀配料組合今次揀雞肉，係烤肉嘅烹煮方法，同多醬多料多芝士嘅nachos亦好夾，仲有三種唔同嘅醬可以點嚟食有牛油果醬、忌廉醬同蕃茄辣椒醬，點食都唔會厭，送酒啱晒酒品選擇都好多，其中一杯揀咗Signature cocktail叫Raspberry Farm，勁香桑莓味，用龍舌蘭做基調，加咗青檸同蛋白加強口感層次，非常出色另一杯就試吓Classic啲嘅Tequila Sunrise，酒感較強，雖然加咗橙汁同紅石榴漿，但酸味為主，唔會有藥水味，反而幾醒胃:)…查看更多

呢間雞鍋米線，唔使黐膠花晚市都可以平價食到花膠，一坐低就已經擺定兩個爐當然一嚟就嗌招牌嘅花膠雞鍋啦，大貪啲加錢轉雞髀都唔肉赤:)啲肉果然好嫩好入味，唔做點吮都已經骨肉分離日熬六粒鐘嘅雞湯好香亦唔會鹹，飲晒佢感覺好補，仲有幾多花膠喺裡面夾啲米線落去，好快就索味，質感啱啱好又綿又彈另一鍋睇落差唔多，其實係客家黃酒雞，酒香好濃就算唔係雞髀，其他部位嘅雞肉都好嫩口，亦索晒酒香除咗米線，仲可以揀飯或者米粉，米粉都好吸湯，啖啖酒湯香味不得之了再嗌多個小食送麵都仲得，佢地嘅酥炸蝦卷一碟都有五大條，炸得幾脆身裡面蝦香夠濃，點甜辣醬食更有風味跟餐加錢有飲品跟，凍檸水都好大杯吓，雖然走甜，檸味好足豆漿都大杯，凍冰冰咁，食熱辣辣嘅雞鍋米線啱晒…查看更多

北角呢間火鍋店幾有四川mood，任食邊爐一個人唔使三嚿水就有得任食兩粒鐘首先揀咗湯底先，花膠濃湯鍋底就啱晒大胃呢啲女人仔，補鈣補骨膠原，有紅棗同蟲草花等等，飲多兩碗先好開始淥嘢食作為社畜，第一輪嗌咗家畜先，打邊爐必叫肥牛，仲有羊肉同豬肉任嗌，厚切又大片仲有黃喉、腰花、豬腦、豬大膠、牛肚等等可以嗌，款式特別，每次嗌都大大碟呢間主打海鮮，好多選擇，有成條魚可以嗌，亦可以點蠔、蝦、鱔、鮑魚、魷魚、海螺等等，都幾鮮味，仲好足料，自己屋企打邊爐咁買法都唔平除咗掃QR code落單，都可以出去撈生勾勾嘅海鮮，有蟹、蝦、鮑魚、蜆撈，開心過撈金魚，即撈即淥熟咁食，嗰種新味難以忘懷竹笙、鵝腸、千張等等都可以落單，都係出面相對唔common嘅材料。除咗落單，出去自助區撈丸撈菜好多海藻類菌類選擇，非常健康外面有醬料區，可以自行混醬，有啲醬汁如腐乳、花椒油都比較少見等唔切啲嘢淥熟，都有熟食可以開住胃等食:)甜品方面除咗生果同雪米糍，竟然有得自己𢳂冰粉，今次真係要𢳂兩碗食，太開心喇飲品櫃有汽水、涼茶、啤酒、冷泡茶等一應俱全最特別係去雪櫃度有椰青拎，椰水好香甜…查看更多

下星期終於有紅日，TGIF要飲返杯賀吓，美酒點都要襯吓pizza，上次去西環食過呢間pizza，覺得勁抵食:)今次上半山呢間分店，感受吓唔同嘅氛圍今次依舊嗌呢set二人套餐，包含嘅嘢食好夠飽一開頭會有個platter，有好多款小食，有炸新鮮魷魚、自製雞肉炸丸子、烤麵包配自製番茄莎莎醬、煙三文魚配酸豆、檸檬同特級橄欖油、朝鮮薊、橄欖同意大利咸魚配多士炸丸子好大嚿好實淨，配松露醬勁夾莎莎醬多士超級開胃，連同三文魚同炸魷魚都係好好嘅開胃菜跟住就到主菜之一，今次揀雜錦海鮮意粉配白酒汁湯汁嚟講，酒味極之濃郁，海鮮都有好多，蜆、蝦、魷魚都幾好肉食完意粉就食主角 — pizza喇，呢次就食Italia，配料有白菌、香腸、意大利辣腸同意大利青椒餅底好脆又有質感，咬起嚟啖啖料啖啖肉勁香最後仲有包埋甜品，係朱古力蛋糕，好濕潤好香濃，啖啖都勁爆朱古力味，上面嘅雲呢拿雪糕融落蛋糕度，混埋一齊食勁正呢個餐有包espresso free flow，不過夜晚怕瞓唔著，都可以嗌其他嘢飲代替，可以嗌汽水都有house wine揀，襯海鮮一絕…查看更多

大胃遠走他方，去一去南區，有間好正嘅韓燒等緊胃前菜有五碟唔同嘅款式，有醃蘿蔔、泡菜、芽菜、黑豆、漬物等等，有辣有唔辣，有啲酸甜，都係幾開胃食燒肉之前，先食冷盤，一碟四條好大隻醬油蝦，一搣開頭身分離，蝦膏滿滿，醃得好入味，蝦肉微辣又香，嫩口非常跟住再食個飯先，呢個石鍋飯非同小可，有專人車啲牛骨髓落鍋飯度，再撈起滾燙嘅石鍋飯，每一啖都散發幽幽髓香，仲有少少飯焦有咬口仲有仲有泡菜煎餅，一碟勁大塊，切開好多份，澱粉感唔會好厚，厚度啱啱好，兩個人食得晒唔會脹爆肚完咗前奏就可以請店員幫手燒肉，第一味先燒鵝肝多士，首先逼鵝肝油出嚟炒炒啲菇，等待期間燒埋片和牛，色澤同雪花都好吸引，煎到牛肉熟熟地，咁啱鵝肝同菇都變埋金黃就用和牛包住鵝肝，加上新鮮嘅wasabi同醬汁，係成世人食過最好食嘅鵝肝多士跟住就燒牛脷，所謂厚切牛脷，唔係得把口，真係激厚，中間夾住一堆蔥燒到半熟，保持嫩滑咁咬啖，口感好彈好綿，充滿蔥香和牛肩肉盛有日本肩唔同部分嘅肉，雪花紋理勁靚燒起嚟都扯扯地火，簡直係惹火油物，點吓醬汁同鹽或者wasabi食都有唔同嘅美味呢餐咁正，點都要飲返兩杯，嗌齊兩杯cocktails斟斟佢，柚子有好靚嘅玫瑰色，甜甜地幾開懷菠蘿味就好夏日feel，清新口味幾解膩…查看更多

嚟呢間酒吧心情點都會好，有氣氛嘢食又正，賜胃勇氣過埋其餘四日飲啡亦唔係日頭專利，呢杯用啡整嘅cocktail特別在用蒸餾技術整成透明嘅經火一燒，療癒嘅Chiikawa活現眼前，奶蓋香綿得可愛胃民唔飲得酒，咁啱happy hours嗌mocktail有半價，呢杯抹茶益力多超清新，唔會死甜，帶點微酸，更留有抹茶同烏龍香星期一follow佢IG即享有頭盤半價，嗌個咁大盤嘅炸魚薯條都唔使一嚿水仲要擺盤勁靚，似主菜多啲魚肉炸得好滑溜，點他他醬超過癮，薯條份量都好夠鵝肝都有半價，呢個批得意在，用薯仔整千層批，鵝肝外焦內軟同脆脆地嘅千層薯仔出奇地夾，口感非常有層次諗住同樣係頭盤嘅Parma ham都會只係得幾塊，點知有成一大盤，仲要係靚肉，對Parma ham有陰影嘅胃民都愛上食佢連埋咁juicy嘅哈密瓜更令人愛上，仲有好大個布拉塔芝士，勁香奶味超滿足掛住嗌半價頭盤，點都嗌返碟主菜，見有gnocchi好特別，撈卡邦尼本身就sure win仲要加咗粒好靚嘅蛋黃，咁橙應該叫蛋橙，撈埋一齊食，同芝士香更加融合…查看更多

返完工要食返夠本補充生命值，沙田呢間火鍋店簡直係喪食天堂呢個套餐有好多煲選擇，大胃先食秘製牛雜煲，坊間罕見，濃味過出面啲小食店牛雜超入味，牛膶唔嚡好索汁，牛肺牛肚好爽彈:)食完牛雜煲就嗌烤魚，有勁多口味揀，今次就試醬香味 ，有勁大條清江魚啖啖肉好有醬汁香，冇乜骨好滑溜，如果有多個胃都想食多煲本身仲想食埋雞煲、豬手煲、牛尾煲，真係食唔到咁多，唯有留肚打邊爐，嚟個鴛鴦湯底—香茜皮蛋鍋同越式香濃牛肉鍋，兩種湯底都好特別爆多芫荽勁令人興奮，越式湯底酸酸地咁好開胃既然係任食，火鍋配料可以喺QR code度任落單牛板腱、羊肉、滑牛等等好值得食，好鮮紅彈牙。海鮮都有唔少選擇，青口、蜆、帆立貝、魷魚、墨魚仔、墨魚滑等等通通任食勁爽出面都有自助區，可以自己配醬料，亦有響鈴、魚皮、麵食任攞。配料自助區都有好多蔬菜、丸類等等任夾任食，好多丸款式都好特別，仲有豆製品同菇類都有得拎飲品都係有選擇嘅自由，有汽水、涼茶、茶飲、果汁等:)最正係有啤酒，打邊爐隊啤係好重要嘅儀式嚟最後都有自助雪糕，有好幾款雪糕，包括本地品牌都有，值得留返個胃食…查看更多

嚟到長沙灣呢間越南餐廳，佢地整嘅料理好有心思，款式都好吸引越南湯粉通常都係配牛肉，但佢地有招牌鹽焗手撕雞，就咁聽好似冇乜特別，但原來雞肉真係好香口唧啲青檸汁喺湯底，即刻好飲到喪飲，胃弟都話因為佢地嘅湯底會再返嚟食跟餐加兩件牛油雞翼，好香牛油味但又唔會油，蒜粒夠多香味好入肉要食牛肉嘅，不妨食咖喱蛋飯，佢地用A5日本和牛整成漢堡扒，大大嚿好有質感咖喱汁非常惹味，同出面食嘅好唔同，有南洋風味得嚟又唔會太濃味太辣，加上煎蛋好靚仔，蛋黃一篤就流心，食到舔舔脷越南沙律比較少食到，呢間特別在用午仔魚墊沙律底，食之前用唧吓青檸汁呢個靈魂醬汁魚肉同沙律一定要夾埋一齊食，簡直係不可分割嘅神組合跟餐可以加錢有嘢飲，胃弟就要咗杯柑桔蜜而大胃當然要青檸梳打襯返個mood，一杯有三片青檸倒啲梳打水入去，清澀又帶點甜…查看更多

去台北返到嚟香港就心掛掛，呢間連鎖台灣麵大胃都未食過趁佢近近地開喺圓方，就一解寶島夢呢間以牛肉麵著稱，紅燒湯底又香又濃，慢火燉煮六粒鐘嘅腱心牛肉，嫩滑非常，筋肉都煲到好軟彈手工麵底紮實又吸湯，又粗又扁超有口感雞麵都不遑多讓，用返呢碗麵嘅雞髀肉，熬呢碗麵嘅湯底，清香撲鼻幼麵吸盡雞湯精粹，雞髀肉依然滑溜無比，唔使絲毫掙扎就骨肉分離滷味係台灣必食美物之一鴨舌條條都好肥美，又入味又多肉台式滷菜有豆乾、杏鮑菇、麵筋、娃娃菜同花生，一碟五味夠晒過癮，好香滷味大滿足仲有台式小食嘅代表鹽酥雞，大胃喺台北都冇食過囉，呢間炸得好乾爽唔油得嚟又勁嫩口，分分鐘好食過當地另外連鍋貼都有，裡面包嘅豬肉餡好有肉香，外皮夠實淨，炸起嚟口感好夠除咗嘢食，冇諗過嘢飲有台式嘅風味同水平，璞玉紅茶極之香醇，荔枝果香加玫瑰花香渾然一體齊發芳香冬瓜茶加上薏仁，配搭又幾特喇，感覺更養生，但味道不輸…查看更多