NivlekAihs的个人专页

因為餐廳同Sanrio水怪合作，所以放工諗住黎試吓。排左20分鐘隊，7點幾接近8點入座。入到去靜係得普通餐牌。問職員先話有水怪餐牌，但佢話好多都無哂。蛋糕餐得蛋糕，但蛋糕上的水怪眼耳口鼻都無（甘緊係唔要啦），另外水怪漢堡包餐就有2個。甘我地都拿拿聲叫左漢堡包餐。叫完過一陣，佢先話無哂，叫我地轉其他。。。最後我地一樣水怪嘅野食都無，完全覺得比人伏左入黎。。。其實你一開始都知大部份野食無曬，係咪應該係客人排隊時已經要通知大家，而唔係排到入去先知乜都無？之後我地只好叫左2杯野飲、金邊粉、粟米餅、海鮮菠蘿炒飯粟米餅幾好味，金邊粉同野飲都正常，但最大問題係個海鮮菠蘿炒飯！ 佢有3隻蝦，但我同朋友都食到，其中兩隻蝦勁大陣榴槤味，食落都係有個陣味，勁嘔心！最後食左565蚊，人均280。如果係甘嘅質素同服務，CP值很低…查看更多

星期一已經book左位今日同朋友去哩間餐廳，book左18:45，我地準時到達，然後同職員講我地名同電話，佢話我地係book左14:45，問我係咪book錯。然後我開返openrice比佢睇，我無錯⋯然後佢話佢系統係寫我14:45，又話唔緊要佢有位可以比到我⋯但個語氣就係我book錯左，宜家施捨啲位比我個種⋯然後我地叫左一個小食拼盤、焗豬扒飯、炒貴刁同兩杯野飲（芒果同熱情果特飲）。首先黎左兩杯野飲，都幾好味，唔會太甜。然後黎左焗豬扒飯，微暖，唔知放左幾耐，正常岩岩焗好嘅話唔係應該熱嫁咩？之後小食拼盤，都算好食，又有好多款式，份量都足夠。到我地食哂飯同拼盤，等左陣個炒貴刁都未黎，諗緊係咪漏單，然後有個職員就過黎，已經想收走我地啲碟同餐具⋯有無甘急⋯之後個炒貴刁終於黎左，都係正正常常嘅味道。然後食完準備買單，甘岩有個店員迎面行過，我就即刻舉手，我100%肯定佢望到，因為只係半個身位嘅距離，但佢無視左我，掂行掂過，我唔知佢係靜係負責傳菜定點，但我地唔知嫁嘛，明明望到都無反應，勁奇怪囉！走左之後諗住行陣街，點知我同朋友已經即刻肚痛⋯我唔會100%話有關聯，大家自行判斷⋯無哂mood返屋企⋯用咗三張優惠券，兩個人食咗四百幾蚊…查看更多

閒日晚上8點左右兩人到達這家拉面店，需要等位，店員請我們坐著等等，等了5分鐘便可入座。濃厚豬骨魚介沾麵 ($78) - 大中小麵同價，我叫了中麵，材料並不多，有一大片肉，半隻唐心蛋，及少許荀。豬骨魚介湯濃郁美味，比想像中好，可以一試。黑胡椒風味炸雞翼 - 不錯不錯，讓人一吃再吃的小食，個人覺得美中不足是雞皮太乾，但朋友覺得剛剛好，每人口味不同，大家同樣推薦。人均大約$100，雖稱不上抵食，但亦可接受，好評!…查看更多

我們三人星期五晚上7點到達，大概等了20分鐘有位。蟹肉龍蝦包配薯角 - 蟹肉龍蝦包材料豐富，但比想像中普通，個人認為不值180多元，淺嘗一次便足夠。龍蝦汁大蝦意大利飯 - 同樣材料豐富，有幾隻大蝦，可惜意大利飯不好吃，質地粗糙，難以入口。鮮鮑魚竹炭汁意粉 - 是日最好味的主食，有四隻小鮑魚，竹炭汁意粉味道特別，胃口大開。布蕾黑糖珍珠鮮奶 - 適合拍照打卡，鮮奶占比重。鳳梨沙冰牛油果鮮奶原味梳乎厘 - 最期待的甜品，可惜十分普通，沒有梳乎厘應有入口即溶的質感。最最最重要的重點是，雲尼拿雪糕為什麼有陣陣榴槤味，我跟另一位不吃榴槤的朋友均吃得出有榴槤味!!!!3個主食:一好一中一差。甜品:差。飲品:中。但考慮人均$210，及等候時間等因素，實在不抵食。…查看更多

星期日晚上兩人到這家日式餐廳晚餐，每枱坐滿食客，但我們剛好到達時有座位。我點了一碗拉面及一份小食，很快便有食物送上。黑蒜油豚軟骨拉面($78) - 味道不錯，豚軟骨數量亦足夠，還有半隻唐心蛋，另外黑蒜油湯底濃郁，但吃得多容易口喝。燒雞泡魚乾($48) - 這小食讓我有點小失望，從圖片亦可看到，燒得不夠，而且燒得不平均，我比較喜歡吃上去有脆脆的感覺，而這雞泡魚乾是濕濕的。不過還好並不難吃。這次沒有點飲品，人均大約$100埋單…查看更多

星期日晚上7點到這家拉面店一試，基本上沒有人，只有大概2到3枱客人，如果只希望與朋友坐久點，安靜聊聊天，是不錯的選擇。但如果講究食物品質，恐怕會有點失望。我點了 特濃蝦湯味噌拉面($95) - 味道一般，蝦湯不濃郁，並不難食，但沒有給我留下任何深刻的感覺，以這價錢來說，實在不抵食。另外還叫了男爵薯餅($24) - 十分普通，雖然很脆口，但不熱(可能因為冷氣較大)，令整體大打折扣。人均107元，不抵食，但環境不錯，很清靜，與朋友聊了1個多小時。…查看更多

見這間冰室很有特色，所以我們二人就進去了。女店員問搭枱是否可以，我們不想搭枱所以選擇等一等，感覺他們有點不悅，然後女店員就讓我們先在搭枱那里坐著等候。坐下後，一直沒有餐牌，我們想先看看吃什麼，就問男店員，他說“好“後就走了，但沒給我們餐牌，只好等到有卡位然後調枱，但我不介意，至少他們貼心的讓我們坐下。但落單後等了很久，中途女店員有主動詢問及追單，最後等了23分鐘才有食物。點了一份雜扒，連一杯凍檸茶要97蚊。但鐵板完全不熱，倒上黑椒汁後完全沒有反應，而且味道一般，牛扒非常生，不敢吃(當然有些人不介意)，整份雜扒最好味的是粟米。部隊鍋 - 連特飲要82蚊，但只有少許肥牛，4條芝士腸，菜，豆腐，菇，3隻蜆，公仔面，不抵食。餐牌寫少少辣，但特辣，而且是麻辣，不能吃辣的朋友不要嘗試。特飲 Oreo朱古力 - 味道很淡，不是Oreo碎，而是一大塊，要自己努力吉碎，但大部分都吸不到...倒不如給我一片Oreo加一杯朱古力。正常凍檸茶一杯總括而言，我跟朋友都一致認為服務態度一般，等候食物時間及食物質素均是差評，只此一次。…查看更多

今日特登黎呢到試拉面，大概下午6點45分到達，唔算太多人，一到就即刻有位。店員服務態度感覺一般。我地叫左兩碗拉面同一份小食，好快就有。1 辛辣拉面配炙燒叉燒 ($78) - 叉燒不錯，肥瘦適中，但湯底略為普通。我選了軟面，但面仍然很硬，整體來說中上。2 期間限定蟹粉拉面 ($88) - 同樣配2塊炙燒叉燒，亦有很多蟹子、蟹粉，比起辛辣拉面，更為抵食，而且味道特別，吃到最後仍然有蟹粉，材料十足，推薦!3 唐揚魷魚 ($22) - 唐揚脆口，魷魚彈牙，數量亦足夠，抵食又好食。…查看更多

本來想去食pizza，但點知店舖已換為這間night market，鐘意食台灣野既我，決定同朋友入去試一試。環境座位不會大逼，也算開陽，唯獨枱細左小小，但整體都座得舒服。服務正正常常，晚市較多人，侍應都沒有黑面。食物以台灣菜黎講，這個價錢真係很貴了，不過這類有一些平常台式食店比較少見的小菜，例如麻油雞，鳯梨蝦球等等，不過味道真的令我們有些失望仙草奶茶/茉香珍珠奶茶非常非常淡，便利店買到既都比佢好飲好多，20幾蚊非常唔值。台南擔仔面肉燥很少，令整個面非常淡味，面煮很過淋，口感很爛。60幾蚊亦非常唔值。鳯梨蝦球$11x，大約有七舊，好在味道不錯，酸酸甜甜，蝦也好大隻彈牙，但蝦味較弱醬油炒飯算是比較值的選擇，調味合適，炒過的蒜茸令飯更香，也不會大鹹。但石鍋不是太夠熱總括而言性價比非常抵，兩人食左350，明白商場舖價錢比較貴，但出面好食過佢又平過佢既食店有好多，更值得去食。…查看更多

預約了星期三閒日晚上7點，到達即時入座，用餐時間2小時，尚餘30分鐘及15分鐘時，亦有職員溫馨提示，最後雖然我們超時10分鐘，但職員並沒有開口請我們離開，非常感謝。食物有分為以下幾款:1 熟食/凍食 - 有蝦，菜，薯條，餃子，魚蛋，燒蠔等等，味道都不錯，選擇雖不算豐富，但他們不是主角，所以沒關係。2 串燒 - 其實選擇不算十分多，但都夠我們吃飽，牛，雞，豬，羊樣樣有，另外還有丸，燒賣，蔬菜，菠蘿，棉花糖等，懶人燒，等待時又可跟朋友聊天，聚會一流，但每次一枱4人只能燒9至10串，速度有點慢，不過味道可口，又有多款調味料自由配搭3 甜品 - 有馬卡龍，木糠布丁等，味道一般。4 飲品 - 自助免費，我們因為有優惠卡，所以有一大杯免費特飲。整體來說，食物味道雖不是上上級，且人均240，未算抵食，卻是家庭朋友聚會首選，服務態度亦是一流，推薦!…查看更多

經過餐廳，看見餐廳招牌黯然銷魂飯，便毫不猶豫進去了，餐廳環境尚可，亦不會太嘈雜。可能因為看電影太多，對此飯亦充滿期望，結果卻比普通更普通，沒有黯然，沒有銷魂，只是一個比外邊貴，但味道不見得比外邊好的叉燒飯(盛惠60元)。煎蛋、叉燒、飯，三者各自各的，沒有融為一體。主角叉燒不夠肥美，沒有半肥瘦，而是舊舊瘦，但有一件全肥...而飯沒有任何醬汁，吃得口擘擘。相反飲品不錯，點了杏仁露，有濃郁的味道，比外邊好味。…查看更多

Lady M有分兩邊排隊，一邊堂食一邊外賣。因為閒日下午2時左右買外賣，所以排隊人數不多。總共買了11件蛋糕作公司散水餅，每件售價65至75元，包括:1)原味千層蛋糕 - 比其他店鋪的千層蛋糕好味，但與自家的其他蛋糕相比，就顯得較為普通2)抹茶千層蛋糕x2 - 有陣陣抹茶味3)玫瑰千層蛋糕 - 第二好味蛋糕，有清新的味道4)伯爵茶千層蛋糕 - 第三好味蛋糕，而且伯爵蛋糕感覺其他地方少見5)開心果千層蛋糕 - 個人覺得味道一般6)皇家奶茶慕斯蛋糕x2 - 全公司同事一致認為最好味及最特別的蛋糕7)朱古力棋盤蛋糕x2 - 個人對海綿蛋糕一般，所以覺得略為普通8)法式芝士蛋糕 - 沒有食，所以沒有評價外賣分成兩盒，一盒6件，一盒5件，服務員很細心，在5件的那一盒加上卡紙，防止蛋糕移位。另外，還主動詢問是否分兩袋，很貼心。總括而言，同事們都很滿足，吃得很開心，果然沒有選錯。…查看更多

見完工8:00中左右，行行下經過這間拉面店，見裡面全部都係一個人食，所以就入去試下。環境店舖不大，當時只有3-4個客人，所以座了四人枱，非常舒適。食物叫左濃厚味噌拉面，再加了10蚊要一個炸雞串，大約85蚊，算較便宜了。拉面味道很好，味噌湯底濃而不咸，可以真接飲，面是比較爽身的那種，沒有鹼水味，配料都很多，整體的味道雖然不算很特別突出，但食落就會覺得好舒服。最好食既係叉燒，很厚很大舊，非常軟嫩多汁。炸雞串的炸粉厚了一點，但配的醬汁很好食，不會太酸，以加10蚊的價錢算非常抵了服務都好好，店員很有禮貌，推薦的一人飯堂…查看更多

星期五中午到德美午餐，如果閒日中午去，記得要早些到達，不然就上班族1點左右Lunch，很多人排隊，我們12點35分到達，很快便入座。服務員態度一般，食物選擇很多，我們點了:1 壽司定食配牛肉細烏東 - 細烏東一點也不細，味道不錯。壽司也新鮮好味，小朋友最愛。2 三段魚生飯 - 餐牌寫是三文魚，油甘魚，玉子燒。但玉子燒變成蟹柳了! 當時沒有為意，但很美味。另外每個套餐亦包沙律，味噌湯(壽司定食沒有)，茶碗蒸蛋(材料豐富)及一粒雪米糍，非常飽。…查看更多

太子有很多扒房，上一次已經食過金鳯，今次就試試這間前金鳯廚師主理的平民扒房。環境方面餐廳不是太大間，由於早去，去到時只有3-4枱客，被安排去旁邊的卡座，所以位置較大較舒服。服務方面一般正常的服務，態度不差，不過這樣的價錢當然不會有五星級服務喇，所以還好。食物方面餐湯及餐包—點餐後一分鐘就送上，餐湯不熱，暖暖的，忌廉湯接近沒有料，但味道還可以，羅宋湯較足料，但不夠濃郁，餐飽就是一般的貨式，普遍來說合格的肉眼扒及金翠牛柳—肉質軟諗，雖然食得出有用鬆肉粉，但是仍然食到本身的肉味，肉質都唔會乸到霉，兩者的分別不大，就是肉眼較薄較軟諗，牛柳較厚身，相對多肉汁，但不夠肉眼諗。另外加了2蚊的蒜茸也非常香，黑椒汁也不會太咸，整體是好吃的，下次都會再去…查看更多