monkey d luffy514的个人专页

大角嘴其實都真係好多野食，成日聽人講大角嘴有間西餐廳好正，黑松露pizza好岀名，所以突登黎試下。入到去環境唔錯好闊落，又夠靜，咁入到去二話不說叫個黑松露pizza,咁個pizza個口感唔係真係好似pizzahut果種，唔怕食到好濟，食唔到其他野，黑松露味道好香，加啲沙律菜係面同醋，好fresh好正，黎金船長必食之選。之後叫左個牛肝菌雲吞，鍾意食菌類既人一定會超鐘意，夾埋忌廉汁，好香好滑，極快就清左碟野。咁主菜叫左三文魚排，比目魚排配忌廉汁，咁啲魚好新鮮，唔會有雪味，又煎到好香，外面少少脆，入面啲肉又唔會好老，非常好食。甜品就叫左心太軟，熱辣辣，吉開佢既時候啲朱古力流岀黎真係好幸福既感覺，味道唔會太甜岩岩好，又係必叫之選。飲品就叫左黑牛，呢個無需多講，雪糕加汽水又點會唔正。其實menu重有好多款野食想試例如自選意粉，牛扒，下次一定會再黎食。…查看更多

係路德圍食野食到悶，跟住向愉景新城方向行，睇下有乜好食，行下行下見到呢間叫初見的餐廳，好似幾特別，所以就入去試下。見到個menu以日本料理為主，好岩我口味，之後點左個吉列牛set，都係一百蚊到，你無聽錯我無講錯，成個吉列牛set只係一百蚊到，咁個set有個龍蝦湯，唔係普通日本料理店既麵豉湯，非常有誠意，味道都好好，好creamy, 之後上主菜，吉列牛，佢會跟一塊石板比你燒熟佢黎食，很有趣，外型都得美觀，而味道方面都很好，很脆但入面肉很淋，有肉味，同岀面食二三百蚊既吉列牛無分別，最後我重加左個波子汽水，非常滿足既一餐總括黎講，如果想食好味又平既日本料理，以後都會過黎食初見…查看更多

係銅鑼灣有時真係多野食到好難揀，係sogo行完街見到對面好多人派傳單既金百利廣場，都知好多唔同既野食，但平時真係好少上，咁就見到七樓有間叫築地既日本料理店咁就上去試下。上到去都唔洗點排隊，環境幾舒服唔算好迫，慢慢坐吹水一流。咁黎到築地就緊係叫sushi先，咁叫左唔同既sushi就唔逐一講啦，但特別推介拖羅，非常新鮮，魚味好重，油脂成份岩岩好，食完重有少少味留係個口，非常驚喜。然後再叫左條燒鯖魚，燒得好香個皮脆脆加埋檸檬酸酸地，然後條魚又夠鮮甜，味道一流，之後重叫正個蠔仔煲飯，呢個飯要半個鐘整，但慢工就岀細火，蠔既味道入哂落啲飯度，鐘意食蠔一定唔可以錯過。最後重叫左梅酒，食日本野飲梅酒就係緊局，食一啖蠔仔飯，飲一啖梅酒，非常滿足既一餐…查看更多

去開太子行到界限街果邊，咁岩有啲肚餓，又咁岩睇到呢間cafe排哂隊，排哂隊就一定好食，所以今日就揀左呢間cafe paradise，排隊等左五分鐘到就入得，入到去呢間cafe雖然唔大，但都坐得幾舒服。前菜叫左個南瓜湯同沙律，南瓜湯好香好滑非常之好，之後主菜就叫左豬手同意粉，先講個意粉，好creamy好好味，意粉又唔會太淋，有口感，而個豬手脆卜卜，又唔會太咸，同埋非常之大份，兩個人食都好飽，最後就不得不提杯朱古力，除左個味好濃，朱古力味好重之外，佢重有一球雪糕係面，一次滿足你兩個願望，岩哂喜歡朱古力既我。呢餐真係抵食又滿足。…查看更多

去完d2 place行完次次都唔知食咩，通常都係亂行搵間岩心水，咁今次就係地鐵站附近既工廈見到有間叫bondi既西餐廳，咁就上去試下。環境幾闊落又夠靜，幾岩情侶黎食，首先先叫左個湯，好香好有菇味，然後重有個沙律，好足料，有我最喜歡既芝士醬加巴拿馬火腿，我個人就最鐘意食芝士醬，呢個沙律夠哂多醬，生菜同火腿沾左啲芝士醬超好味。食完沙律開左個胃就準備食主菜，咁食西餐就緊係食排啦，叫左個五成熟既肉眼扒，好林，好有肉味，平時食排好驚好乾好難咬，但呢度煎得岩岩好，好好食。最後就係甜品，心太軟，好喜歡一叉落去有朱古力滲岀黎既感覺，而呢度既心太軟甜而不膩，唔錯，大滿足…查看更多

同屋企人做節當然要食中餐啦，這間位於美孚新開張的“京都薈”，地鐵站側，位置超方便，裝修又幾靚，還有中秋特價套餐很抵食👍，同屋企人訂左2圍試試。由於佢新開既關係，環境好新淨，又寬敞，坐得好舒服脆皮乳豬燒得外皮好香脆，肉質好鬆軟嫩滑，肥瘦均勻，無乜多餘嘅脂肪，完全唔會有好油膩嘅感覺！清蒸海星班，條魚都夠回本，條魚大大條，蒸得岩岩好。驚喜位，系Movenpick雪糕，大小朋友都開心，使這晚餐更加完滿。…查看更多

今日去到荃灣食飯，路德圍果邊啲餐廳真係間間都食過咁濟，諗諗下就去近近地既愉景新城食飯，就揀左呢間叫chef's stage kitchen 既西餐廳，估唔到咁正。首先叫左個湯先，個蘑菇湯當然唔係普通開岀黎既湯，非常足料，每一啖都都食到蘑菇，而且蘑菇味重好濃，非常好食。之後重叫左個salad ，酸酸地又夠fresh ，開開胃，準備好胃口食個main ，咁main就叫左牛扒配牛杆菌汁再加薯菜，個人就五成熟岩岩好，而牛杆菌汁就係本人既至愛。非常好食，跟住特別要介紹係烤菇扁意粉，可能個人真係好鐘意菇，所以我認為呢個意粉係必叫，非常creamy，非常好食。食完最後就飲左個沙冰叫ocean ,係菠蘿檸檬沙冰，甜甜地，唔錯，非常滿足既一餐…查看更多

吉列豬扒成日食，但吉列牛呢聽就聽得多，食就真係未食過，咁見電視有介紹就去左琥酌到試下吉列牛，係海防道好近地鐵站，是上樓的，咁上到去好寬敞坐得幾舒服，開頭重。咁就叫左個set，咁個set就有啲前菜，好似菇，miso，清清地好開胃，令到你更加期待之後既吉列牛，而吉列牛側邊重放住一個蟹子薯蓉，超級正呢個，估唔到蟹子同薯蓉係咁夾，而家唔會好大，唔會食，完就食唔到其他野，跟住餐入面重有隻溫泉蛋，其實我不嬲都唔係話好鍾意食溫泉蛋，但職員介紹話可以撈落個飯度食，真係好食好多最後岀場就係吉列牛，佢會比你自己燒，每邊大概廿秒，咁就為之最好，唔會太熟又唔會大生，外脆內軟，咁佢重有好種醬汁比你點，我自己就比較喜歡柚子汁夠特別，或者係唔點，原汁原味，總括黎講一定要反啅呢間琥酌吉列牛…查看更多

今日真係好熱，所以就去食下放題，食下魚生，咁係尖沙咀就試下間成日排長龍既大喜屋，佢個位置非常好，係地鐵站附近，食飽可以即刻番屋企訓，雖然到左之後要等等，但完全係值得等，到左入座時間，其實都係等左五至十分鐘職員好快就幫我安排坐位。入左去之後,即刻叫啲sushi 魚生，燒物咁，因為真係好肚餓，落左單五分鐘到就有野食實在太好，呢度既魚生同平時真係唔同，除左又大又厚，重好新鮮，特別係三文魚，啲油份食完之後重有陣味留係口，而sushi就厚魚生少飯，唔會食幾舊就飽，之後重唔同既燒物，個人會特別推介燒牛柳粒，送啤酒一流，但我果日係飲左fruit punch ，都好正，雖然佢比其他放題貴幾十蚊，但質素唔止爭幾十，所以再想食放題我都會食番呢間，大滿足！…查看更多

近排真係好想食燒烤，所以就上網搵係有無啲又就腳，方便，又好食既自助燒烤，咁就搵到位於旺角既烏龍燒，地鐵站一岀行五鐘就到，坐低左就緊係叫野食啦，呢度地方都坐得幾舒服，同埋唔會太焗唔怕焗到成身燒烤味，咁燒烤肉就一定唔少得，今次就叫左好多唔同既肉，全部都好正，有肉味，雖然我燒燶左少少，同埋燒肉最緊要肉本身要有少少油份，食落好juicy，除左肉之外燒菇係一定要叫，咁呢度有幾款調味粉可以揀，我就試左兩款，同一種食物都有兩款味道，幾好，食燒烤最唔好係隻隻食物啲調味差唔多，而呢度有多種調味可以揀岩哂我呢啲鐘意貪新鮮既人，所以烏龍燒番食指數好高，又就腳，一定會再黎。…查看更多

好耐無食過放題，搵左幾間發現瀛喜又抵食又就腳，所以就book 左黎食，佢既地點係路德圍果邊，荃灣地鐵站行過黎唔洗五分鐘。入到去第一時間睇有咩食，咁其實放題都不離開刺身壽司燒物定食，但瀛喜食物種類好多，而食物都好新鮮，而最正既係佢會有個爐係度比你自己燒，所以一入到去就見到每一枱都燒緊海鮮肉類，食物既香味湧埋黎既時候，真係更加肚餓，所以叫左好多燒物，有蠔啦，帶子啦重有燒菠蘿，全部都好鮮味好正，然後定食方面不得不推介鯖魚，非常好食，魚皮位置燒到脆脆地，肉既位置就好鮮甜，當然呢條魚唔洗自己燒，相信自己燒燒唔到咁。總結而言瀛喜係真係幾抵食，又唔貴，款式多，不錯不錯…查看更多

今日去左red chicken,呢間野其實想試好耐，但每次去都好多人排隊所以都放棄左，今日終於見到唔算多人排，等左一陣就入得。入到去燈光好暗好有格調，老闆職員都好nice，擺位後，因為今次人唔多，所以叫左一份兩隻味既無骨炸雞同一份薯條配芝士條加兩枝啤酒已經夠。一開波先黎左啲沙律蝦條同酸蘿蔔，都係比你開開胃，準備食大大碟既炸雞同薯條。之後薯條同芝士條黎到，熱辣辣，好脆，唔會話黎到林哂，不過呢個都好基本，再點少少牆汁就一流，雖然我都係比較傳統鐘意點茄汁。之後就係重點炸雞，我就叫左原味同辣味，辣果隻就辣得黎有少少甜甜很有韓國的味道，不過我都係鐘意原味，熱辣辣脆卜卜既炸雞配冰凁啤酒真係一流…查看更多

今日突然好想食日本野，上網見到呢櫻木好似唔錯，又近地鐵站大概五分鐘到，咁上到去裝修唔錯，又闊落，坐得好舒服，不過重點唔係環境，係食物，啲食物都係由日本直送，咁我就叫左個一人餐，首先係冷盤，開頭以為都係果啲，清清地既青瓜，無乜特別，點知一擺入口，啲芝麻味非常之香，好好食好開胃，之後就係一個海膽紫薯湯，其實好似第一次飲海膽湯，啲海膽好正好甜不愧為日本直送，跟住就到重點刺身，果然無失望，拖羅入口即溶，無乜根，好好味，其實真係唔一定去築地，日本先食到好即海鮮，香港一樣有，其他刺身好似帶子，甜蝦都好甜好正，不過同拖羅始終無得比。之後上燒和牛我諗係呢餐最正一樣，外面燒到好脆，但入面仍然好林，而啲牛肉味，加埋啲脂方分佈，真係一試難忘。食完呢啲係上sushi之前就有個漬物用黎開胃，酸酸地既三文魚骨既組織，好開胃，最後就上sushi手卷，同刺身一樣好新鮮好正，飯唔會太多比例岩岩好，重食左秋刀魚sushi，第一次食，原來都好正。今次呢餐大概四百蚊一個人，真係一分錢一分貨。正…查看更多

今次晚餐地點係一間樓上咖啡店，講起樓上咖啡店，本人其實會有些抗拒，因為以前上當了太多次......很多都只是虛有其表，食物質素強差人意！今次因為朋友的推薦，姑且再鼓起勇氣試一試！一入到店內，首先覺得環境非常不錯，裝潢很年輕舒適，店員們亦非常年輕有活力，服務態度十分好，很親切。看到menu時，其實有驚喜了一下，因為看到很多在咖啡店不常見的食物材料，例如海膽、鴨肝、黑松露牛肝菌等，而且價錢都很優惠！正餐主食料理不用$100！由於本人與朋友都不算太餓，所以點了一份香煎鴨肝.紅酒燴梨千層酥加一個pizza。千層酥上鴨肝的size很大而且很厚身很有肥美~底下脆脆鬆鬆的千層酥解了鴨肝的肥膩感，再配上紅酒及梨的甜甜sauce及酸甜果肉，一整個口感非常之清新及匹配，值得一試！另外點的是牛油果風乾蕃茄菠菜忌廉醬荷蘭薄餅，選擇它的原因首先是因為牛油果，這大熱的水果誰能抗拒！！而且單看材料其實完全想像不到味道會是如何，所以就想試一下。果然！我敢說呢個一定係我第一次嘗到的味道，很特別！首先薄餅皮很薄，外圍是脆脆的，中間則是軟軟，店員話吃的時候卷起來吃會更方便好味。吃的時候驚喜連連，因為味道真的非常豐富特別！有少苦的菜，有甜甜的醬及洋蔥，有酸酸的蕃茄乾，又有清新脆口的青椒增強口感，唯一有點美中不足的是牛油果存在感不大，有點可惜。另外，每個主食都可以加$25轉配特色飲品，本人點了抹茶沙冰，味道不過不失，略嫌冰量少了一點。總括來講，係一次頗驚喜的晚餐，食物質素及環境都屬中上，而且價錢十分優惠，係性價比高值得一試的食店！…查看更多

可能大家會覺得係香港好多野食都食過，已經食到好悶，但其實有好多好正既餐廳都係啲樓上鋪，唔搵真係唔知有間咁既鋪頭，今日就去左銅鑼灣開平道既一間韓國餐廳the hwaduk，好近地鐵站，希慎果邊一岀再行過少少就係。呢間餐廳好寬敞坐得好舒服。由於好肚餓既關係，我叫左一個烤雞配八爪魚既set, 沙律再散叫蒜香烤雞，野食黎到既時候先發現份量好多，岩哂一大班朋友黎食。咁個set除左有烤雞同八爪魚之外重有飯團同薯條，對我呢啲熱愛食飯既人黎講，個飯團真係世界級，因為呢度所用既醬汁都係由韓國直送，味道較甜較濃，而飯團搭上好香既芝麻味，感覺較清淡，岩哂配濃味既烤雞。而烤還有三種不同既醬可以點，迎合不同人既口味，我自己就最鐘意點cream cheese。跟住個沙律都好清新加上適量既cream cheese,對喜歡芝士既人黎講，係一流既選擇。最後不得不提sangria西班牙特飲，雖然好多餐廳都有，但如果黎到the hwaduk一定都既試下佢地既sangria，誠意推介！…查看更多