紅雞

营业中

休息中

今日去左red chicken,呢間野其實想試好耐，但每次去都好多人排隊所以都放棄左，今日終於見到唔算多人排，等左一陣就入得。入到去燈光好暗好有格調，老闆職員都好nice，擺位後，因為今次人唔多，所以叫左一份兩隻味既無骨炸雞同一份薯條配芝士條加兩枝啤酒已經夠。一開波先黎左啲沙律蝦條同酸蘿蔔，都係比你開開胃，準備食大大碟既炸雞同薯條。之後薯條同芝士條黎到，熱辣辣，好脆，唔會話黎到林哂，不過呢個都好基本，再點少少牆汁就一流，雖然我都係比較傳統鐘意點茄汁。之後就係重點炸雞，我就叫左原味同辣味，辣果隻就辣得黎有少少甜甜很有韓國的味道，不過我都係鐘意原味，熱辣辣脆卜卜既炸雞配冰凁啤酒真係一流