Ling007的个人专页

Book 左六點三食飯，準時到已見餐廳內坐左8成人，侍應非常忙碌！我地都好快手咁掃QR code 落單，叫左幾樣野，當中包括半隻片皮鴨，四個人食半隻我覺得份量都叫足夠，皮量少😂 食完啲皮都仲有鴨剩😂😂😂味道不過不失，上菜都叫快。媽媽們好愛呢道炸魚，佢地話好香口，連隔離枱都問我地呢碟係咩😂 佢地都叫左碟醉雞份量唔多，但味道不錯，未有太大驚喜但最唔開心嘅係叫左拔絲地瓜，但遲遲未來，一問之下話賣晒，但賣晒唔講-.- 我地叫左另一個甜品，等左成20分鐘先到。知道餐廳多人好忙，但賣晒都可以講聲，app 上面無顯示，事後都有問，話出緊，再問就話賣晒，但過左一陣廚房拎住碟新嘅拔絲出黎，到底係有定無食到心情差！…查看更多

週末嘅Lunch 時段去人比較多，等位等左大約20分鐘。襯住有時間影下個店面，前面有位置做等待區，可以坐係度等，亦提供了酒精消毒。店員周不時都會行出黎同我地講返個等待情況，例如：有一枱就黎食完，請等多一陣。比人嘅感覺係客人無被忽略，反而係被重視，感覺即使要花時間等候，都比較無咁焦慮。門口已經有簡單嘅menu :未入去可以諗下想食咩🥹 我們一早諗好了！因為第一次食，有店員主動介紹menu 上嘅菜式有咩唔同。我地就叫左一個Flat iron 同guest chef flat iron ，店員指後者係經過慢煮，所以有少少分別。此外，再叫左兩支野飲，一杯檸茶，一支石榴汁。呢份就係guest chef 嘅…份量而言、兩份大小相若，味道上則guest chef 果份就多左少少濃味，但都唔係太濃，兩者分別唔算太大，兩份都叫左五成熟，肉汁豐富鮮嫩👍🥹但同樣都好好食，相比之下，我會覺得普通嘅flat iron 性價比較高。最愛都係黑松露嘅任食薯條，真係大愛，條條都好脆好香黑松露味🍟🍟🍟🍟推薦⭐️⭐️⭐️⭐️⭐️好中意呢種美式漫畫嘅裝飾，可以打卡！💕…查看更多

上水彩園廣場的食肆唔多，選擇亦不太多。經過見到午飯時間但門口無咩人排，所以入去食 入到去就被告知用手機落單，如果手機無數據上唔到就可以主動同店員落單。Menu:叫左一個飯，加個山葵八爪魚，我等左大約半個鐘都未有，催左三次之後先有。我明白午飯時間的客比較多，店嘅人手有限，不過催完幾之後搵埋個類似店長嘅人反映先有，呢種感覺唔太好。希望可以改善。炭燒牛肉飯嘅牛肉量多，味道香濃，而且欣賞佢有唔同嘅蔬菜🥬 感覺較健康，店面裝修其實幾靚：…查看更多

之前搵元朗好食推薦嘅時候，見到有YouTuber 介紹呢間豆乳飲品專門店，成間店主要賣不同口味的豆漿～～～經過該店嘅時候就買左一支黎飲，我買嘅係芋頭味。入口豆漿順滑，豆味香濃，但係飲唔太到芋頭味，有少少失望🥲🥲 唔知其他口味嘅飲品係咪都係咁，有機會再試下其他味。店面裝修幾靚😂打卡影相幾靚可惜芋頭味不足小店仲有其他口味的豆乳飲品，例如西瓜、牛油果、紅豆、黑糖、黑米等等。 價錢由二十幾蚊至三十幾蚊不等。…查看更多

我真係好鍾意食餃子🤝🥹早排睇完YouTuber 介紹元朗有餃子食，即刻心血來潮食返碗！ 記得呢間有幾間分店，元朗都有兩間，大家可以OpenRice 下邊間分店近自己💕無記錯嘅錯叫餃子都有碗湯水送，好鍾意有湯水，味道不錯，有種想要多碗嘅感覺😂叫左一碟芝士粟米煎餃、一碗湯餃、一碟手拍青瓜一咬落芝士粟米煎餃度，啲芝士十分濃郁，芝士爆晒出黎，唔好講咁多，睇下相先影得唔好😂 但真係一咬落去係就係芝士，唔係果種就黎食晒成隻都無芝士嘅餃子👍 叫做真材實料！兩個人食到飽飽都係百令蚊👍當日發現仲有咖哩撈鳥冬，有無人食過，味道如何？…查看更多

與男朋友在假日搵食，記得以前食過「凡直友里）晚餐，味道和氣氛不錯，當時仲有晚市，可以與友人飲杯酒，聽下歌、傾下計。餐廳門面有簡單的菜單可以查看。與男友在此共進午餐，我叫左一個黑松露芝士牛肉漢堡配薯條（可配粟米或薯條）。男朋友則叫了一個簡簡單單的肉醬意粉🍝漢堡仲有肉汁，麵包鬆軟，薯條食左成餐差唔多半個鐘仲好脆！最鍾意卜卜脆的薯條🍟 Nice !!!!! 男朋友指肉醬意粉不過不失，份量有點少。但對我而言就岩岩好。好期待該餐廳開返晚市，下次再來！…查看更多

疫情下邊度都去唔到，唯有同男朋友去大棠行下山，行完就黎到千色後面嘅Cafe 坐下。近呢兩年元朗多左好多質素Cafe , 行完山，有點疲態，搵間Cafe 坐底Chill 下都係唔錯嘅選擇。叫左一個all day breakfast, 一件香蕉蛋糕，兩杯Soda ( 一杯柚子、一杯檸檬）All day breakfast 有貝果，近年貝果係香港興起，呢間Cafe 嘅貝果夠煙韌有咬口，配上煙三文魚、茄汁豆、蛋、沙律菜、蕃茄… …份量都味道都配合得不錯。 有機會會想再試試其他口味嘅貝果👍☺️香蕉蛋糕嘅合桃碎多，口感豐富，每食一口都食到幾粒合桃碎🤤 難得嘅良心小店 店嘅碟、杯墊、裝修都係好靚好特別，打卡一流。見到好多人都叫咖啡，下次再黎要試下先🤤整體食物水準不錯，老闆娘由入門口果刻已經好有禮貌主動幫客人，遲左幫我地落單都唔好意思前唔好意思後，非常有禮👍👍 支持支持…查看更多

重口味指嘅係背脂煮干因為味道比一般拉麵濃厚，湯底用上大量特選豚骨、豬背脂、大量沙丁魚乾熬出成「煮干」湯頭，再加入指定日本醬油，湯底望落去似「蛋花湯」，食落比平時嘅較油同較「重口味」。第一次試背脂煮干，男朋友叫了一碗拉麵、我叫了一碗沾麵。背脂我哋都簡左「標準」，大家仲可以簡增量級嘅其他選擇。店門新淨，人流稀疏，我開頭仲擔心會唔會要大排長龍，畢竟都叫係新店。望落好似「蛋花湯」嘅湯底沾麵湯底「有料」入面有日式叉燒、少量柚子皮，「重油」得黎又幾清新，個人認為幾特別，沾麵湯底係較稀果種，但麵嘅掛湯好好，每一啖都好夠味，岩晒重口味人士（即是我）😝😝男朋友叫嘅拉麵顏色較紅，因為佢叫左辣，佢都話好惹味，不過男朋友就嫌湯底「油得濟」。小插曲： 當日我部電話跣手跌左落碗湯度（估唔到電話都餓了），我條褲、電話、口罩都係湯🥲 店員好快手即刻拎左新口罩、濕紙巾叫我去洗手間處理一下。 雖然聽落好小事，但店員嘅主動幫忙，對於當刻手忙腳亂嘅我黎講真係好大嘅幫助🙏🏼 多謝您最後處理完就埋單走人。個人鍾意沾麵多過拉麵🍜推薦指數： ⭐️⭐️⭐️⭐️⭐️（岩重口味人士）…查看更多

見到Ig 好多foodie 介紹呢間韓式餐廳，睇相見到都好似唔錯，抽空同男朋友食。餐廳係自己簡好食物再自行出去付款，付款後再自行取餐。兩個人好餓，叫左一份燉牛肋骨蛋包飯、一份炸雞（蜜糖、芝士）、一份韓式泡菜豬肉煎餅。燉牛肋骨蛋包飯一上枱就好香，瞬間令人流口水🤤🤤🤤 牛肋骨燉得好軟，肉輕鬆離骨，而且飯亦已經有汁煮入味，三者都好香！泡菜豬肉煎餅嘅汁望落好辣，但食落唔辣，反而煎飯脆口香甜，不過中間食到有骨，唔係軟骨果種，扣少少分。炸雞叫左初雪同蜜糖雙併，味道未算驚艷，但份量夠，不過不失，炸雞配上炸年糕同薯條，炸韓式年糕反而好吸引，外脆內軟。可惜今次被分配嘅位置唔近窗，相信近窗嘅位置景色更美。推薦指數⭐️⭐️⭐️⭐️…查看更多

事隔一年，重臨長洲。一到步，當然是醫肚！ 長洲很多「好西」，所以打算食少少野，再留肚食其他。見到有個期間限定嘅「肉醬漢堡肉加天使麵」，相片賣相每我流晒「口水」🤤🤤再叫一個大阪燒。天使麵嘅賣相同相片嘅一模一樣，唔知係咪太肚餓，一食落口「驚艷了我的舌頭」！好好味！醬汁份量多，足以撈晒成個天使麵，加上漢堡肉嘅肉汁鮮嫩豐富，我一個女仔食晒都唔夠喉！而大阪燒嘅配料亦十分豐富！ 男朋友都大讚足料好味！😝😝店面無太多華麗嘅裝飾，但位置係出名嘅甜品店允升對面。唔知下次個「期間限定」仲有無，講起都想食🤤🤤🤤🤪…查看更多

係ig 見到啲老友拎住杯野對住塊寫住「長洲」嘅牆打卡，很是羨慕。終於襯住放假，可以黎人氣飲品店打卡！見到人氣店門外大排長龍，我開始懷疑到底真係好飲定大家係想打個卡先黎🤔等左大約15分鐘，終於拎到杯飲品，我叫左係士多啤梨味嘅「角酪」，其實係乳酸飲品，飲落酸酸甜甜，十分開胃！🤤 我以為好甜，其實甜度適中，味道不錯！除左士多啤梨嘅清香，個底仲有其他配料。下次去長洲玩，都一定再買一杯！推薦指數⭐️⭐️⭐️⭐️⭐️不過可以坐底飲嘅位好少，大部分人都係外賣拎走飲。…查看更多

Weekday 接男朋友收工，係附近嘅餐廳食飯。佢同我講：「呢間餐廳0負評，仲有蛋糕放題，岩唔岩？」對於港女黎講，有咩開心得過食Cake ，就係無限食Cake ☺️叫左兩個主食套餐，再加一蚊就可以有蛋糕放題。餐湯包餐湯叫左一個慢煮豬手同明太子意大利麵，兩個都秒清！實在太好食！慢煮豬手好軟，唔使用刀都可以食晒成隻！食完就到戲肉，可以一次過晒menu 上嘅蛋糕🍰連平時唔太鍾意甜食嘅男朋友都清晒。食完真係飽到上心口落樓😌 大滿足…查看更多

呢間唔起眼嘅小店我係YouTube 見到唔少KOL 都有介紹過…行開元朗同家人一齊試下，叫左醉雞卷、叉燒、苦瓜、米線、鴨舌等等。問心 每樣我都好鍾意。醉雞卷：有適宜嘅酒味 淡淡肉叉燒：少少燶邊 好香 肥瘦適中苦瓜：少量苦味 所以有陣話梅嘅酸酸地 幾開胃Encore 左幾次，有時經過都會買啲返屋企加餸高度評價！不過座位唔多，要食嘅話要睇時間，有時要排。但姐姐嘅態度好好🤝🤝 家嘅感覺喂 今時今日咁嘅小店 值得支持！地理位置可能不太方便，google 下先搵到…查看更多

時間大約是平日的六點多，不用排隊。叫咗一個蕃茄芝士雞扒刀削麵和牛魔王刀削麵，點餐只需要掃QR code就可以。完成點單後，大約5-7分鐘左右餐點就送到，非常快👏🏼食物暖笠笠，好正，蕃茄麵係好濃，唔會太稀，唔算係好湯水果種，幾和味。牛魔王有嘅牛展非常軟腍！牛味十足！必食推薦！食完開始出面有人排隊，我地已經食得好快，但野飲仲飲緊，我未食完，仲有兩條麵，已經問係咪食完，幫我地收晒啲野，仲擺低一句：「埋單出面」好趕 我地已經十令分鐘隊晒個麵🥲 …查看更多

終於有機會食到five guys ！餐廳裝潢係好典型嘅快餐店設計，同電視上見到嘅外國快餐店裝修一樣。叫左一個熱狗、一個cheese burger ，薯條同雲呢拿milkshake 平心而論，典型嘅味道，不過我幾欣賞個奶昔，對我黎講幾濃稠，味道夠，唔會好稀果種，飲晒一杯都飽左6成。薯條份量勁多，兩個人都食唔晒！店內座位唔多，繁忙時間好多人要企係度等。人地企係我隔離望住，我都唔好意思慢慢食，搞到食得好急。快餐嘅速度，快餐食物，不過不失啦～…查看更多