KAYINIp的个人专页

今日行過見到新開，起初唔太知道係賣咩嘢，甘咪走過去睇下，原來係韓國便當，見到班員工都係啲韓國人。一黎就「襟心me打」🤣🤣.舖頭唔算大，但都陳列左好多食品供大家看到sample樣。望完個menu 都係想食個飯團便當。這裡沒有堂食，所以都係外賣的。打開飯盒都幾精緻，有啲心思嘅擺放，同sample放舖頭嘅完全相乎。.首先講講炸雞，個汁係有少少辣嘅，配落炸雞都幾好味，雞唔會乾爭爭。.右下角係炸餃子一隻和炸紫菜卷兩條，炸餃子幾好食，有少少驚喜。另外紫菜卷就不過不失啦！.仲有飯團，我都幾欣賞！對於我又要減澱粉質，而又食到飯團，呢個飯量唔多。好正！.總括都會再黎試下其他便當🍱…查看更多

話說朋友話想來驗證一下這間店是否與網上傳聞一樣，和牛係會出晒血水貨不對辦的問題，特此來視察一下～我地揀咗Lv3個餐一坐低有整齊餐具！ok~ 無問題！再來每人頭盤一客一出去見到甜品櫃都呆咗一下～ 幾多款式喎仲有各式前菜～ 我都食左兩碟泡菜呢碟牛都閒置咗15-30分鐘，仲未有血水出。果然只係傳聞，呃唔到半價添🤪呢塊肉肉真係要介紹，好似係芝士牛油蒜茸和牛🥰🥰 好香 好林 😌正呀今次親身體驗呢間和牛品質，確實唔錯！唯獨通風系統尚待改善😅 食完成身味，坐巴士巧尷尬丫～ BTW, 今次用朋友金會員去食，唔係借返黎架！😆😆😆…查看更多

今日又有高層突然請食飯，完全估佢唔到。負責搵食嘅我，就揀咗呢間日本料理啦！太耐無嚟食😂😂由於有高層請食，又強烈建議叫刺身，我唯有乖乖配合一下。🤣我叫了三個定食大家share，一個橫綱 刺身定食、一個大關 刺身定食、松 壽司定食。麵豉湯都幾濃，keep到水準。沙律就普普通通啦！而蒸蛋都夠滑夠香嘅。當然主角刺身最重要啦！而佢嘅刺身其實幾好食，你見到佢刺身舊舊都厚切嘅，亦都好新鮮。😋其實我好少食生冷凍嘢，今日都破下戒啦😅😅…查看更多

今日被朋友帶來lunch，一來到只得十張八張枱，好似cafe格局，由於疫情關係，呢度枱與枱之間距離夠疏落，我都感到好安心。呢度以先購票形式嘅！因為佢得兩個人，無辦法有人會來寫單😅我叫咗個油封鴨，呢個真係好好味呀！下面有少少飯，係煎過架！邊邊有香草醬，都好好味😋畢竟我第一次食油封鴨，所以無得比較，但呢個鴨真係超好味😋由於無熱茶，我又唔飲咖啡嘅，所以叫咗一杯熱朱古力一望都知係一杯有誠意嘅朱古力，面有舖上朱古力粉，讓整杯朱捾力好香濃，好好飲。甘都只係$120，我覺得好超值🤤 值得去試下…查看更多

估唔到响工廠區會有一間甘有水準嘅食店，今次呢間食店係朋友帶我黎食嘅！呢間店當我一推門入去果下，好似去咗第二個世界咁，返咗去古代嘅感覺。個裝修設計好吸引到我，好靚呀！由於兩個人食唔到好多，所以叫幾個小食就夠啦！台灣香腸我一向鍾意食嘅😋😋夾啲蒜片一齊食真係好好味😋鹽酥雞好juice，唔乾爭爭，好好味。其實份量都唔少架😅鹵水拼盤都要試下，不過不失，都幾好味架！🥰🥰然後扮健康都要叫個菜食下，即刻無甘邪惡…查看更多

媽呀～ 我終於都黎盛記朝聖啦！呢個組合約左好耐，終於約得成來盛記朝聖。三個女人叫到成枱係食物，最後都無乜剩，我地好叻呀！個牛超新鮮，真係好好食！望見都知新鮮啦！特別推介個酸梅湯，自家製好好飲！👍🏻菜、午餐肉、響鈴，打邊爐唔少得肥鵝腸堅肥，但唔敢食甘多，真係好滑架！啲蠔隻隻都手掌甘大隻，想點先！🤪老闆仲行埋黎問啱唔啱食，同埋原來佢剛剛入左醫院做完手術🙈🙈唔洗講甘多！我會多啲幫襯嘅！甘好食，encore是常識吧！💪🏻…查看更多

我一向好少食其他素食店，但今晚有位朋友好鍾意素食，而佢又係我一位敬佩的師姐，所以來這裡試下。佢個沙律原來真係好大個架，都幾抵食，又幾好味，但記得汁另上自行加會較好。太多汁會無咁好食上湯竹笙時蔬都清清地，我都幾鍾意食竹笙嘅，幾好！👍🏻乾扁四季豆係我好鍾意嘅菜式，不過不失，幾好！正常嘢要推介一下個炸豬大腸，真係好好味。我如果會再去都會再叫黎食。仲有呢個素叉燒包，好好味！但唔夠我之前食開果間甘好味。🤪🤪🤪…查看更多

是日又係每月嘅business lunch，由於阿姐上次有提及過呢間餐廳，所以都滿足下阿姐要求啦！餐紙都有特別設計效果。都幾靚，我幾欣賞🥰我都係叫左個牛扒食，質素都幾好，不過不失。而餐包和餐湯都唔錯，個湯原來有南瓜，我以冒住皮膚敏感嘅可能情況下飲咗，都唔錯。成個午餐，唯獨係可能坐近露台摺門關係，我係覺得有點熱，食完都仲係成身汗😅😅 簡稱焗冷氣成間餐廳環境設計成黑白畫風真係好特別好靚，好似去左韓國主題特色餐廳甘，係值得一讚嘅！👍🏻…查看更多

今日有同事請我嚟呢間高級餐廳，當然開心到不得之了，呢度除左食物質素之外，當然係食環境啦！.我叫咗個紐西蘭牛柳，再加錢食埋個甜品，真係滿足到呢！yummy~ .其實個包都好好食，好鬆軟，又熱辣辣香噴噴，我覺得佢好似新鮮出爐面包嘅感覺，而唔係放入微波爐叮返熱比你果種。.個沙律就普普通通啦！正常嘢～🤪.個甜品係西柚香橙撻，但要撻連生果一齊食先至無甘漏。切記！同埋有種好fresh嘅感覺走出黎.再來一次食午餐，都依然好好味🤤🤤…查看更多

呢間個蒸海鮮套餐係幾平靚正嘅！其實佢仲有個蒸籠蒸氣火鍋，但我地揀個平平地就夠了，得兩個人食唔到甘多。🥰.一黎就有個刺身頭盤。跟住就一輪海鮮攻勢，有鮑魚、扇貝、生蠔、海蝦、蕃薯蜆、龍蝦、瀨尿蝦等等，最後再加多一盤蒸雞、烏冬、芋頭、粟米等蔬菜類就飽晒。.總括嚟講，樣樣都好新鮮，隻大瀨尿蝦真係好鮮甜、隻龍蝦都堅係新鮮又甜。👍🏻 值得一讚.每位$298呢一個價錢我覺得係幾合理，有甘多新鮮海鮮同刺身食。.其實可轉粥底，但驚食唔晒所以無叫到😅…查看更多

呢間堅要推介，之前和同事黎食咗個石燒牛扒，勁好食，今次同阿姐食飯都推介佢黎呢度試下午市一人一鍋，呢度仲有任食叫架！.阿姐即係阿姐，佢揀左個最貴嘅一人一鍋火鍋任食套餐🤤，係有M6澳洲和牛食囉～ 滿足晒！.我揀左花膠湯底，清清地！然後就有一堆頭一轉牛肉送過黎 應該有8盤牛肉和4盤豬肉。.價錢係包咗飲品，又有薏米水飲、洛神花茶、罐裝忌廉溝鮮奶、都有hite 啤酒等等。.食完仲可以食雪條，但認真講太飽了！食唔落😆.好滿足嘅一餐，又有人請。一個字「正」.最後一提，阿姐好滿意三個人坐六人枱，好舒服，又好食，我都覺得值得再來嘅一間食店👍🏻…查看更多

今日同事話要食泰國嘢，我唯有去search下公司附近有咩嘢好食嘅泰國菜啦！仲要坐得耐唔好趕我地走，等我地可以傾陣密計。.呢間食評都唔錯，價錢又幾合理，所以我就揀咗呢間！.一來到餐廳門口已有一堆人在排隊，我又放棄咗我小小原則，都排了一份🤣.好彩排左一陣就到了！.叫了個無骨海南雞飯，都幾好食嘅！真心好泰式做法。.周邊設計擺設都好泰式，如果係食晚餐時間坐得耐啲，更加有置身响泰國嘅感覺嘅！連杯凍檸茶都係泰國嘅凍檸檬茶味。結論都唔錯，下次可以再試下船麵，因為見隔離枱三位女仔都食船麵🤤…查看更多

今日與伴侶慶生辰，揀咗呢間食鐵板燒，因有朋友試過話好食，而壽星又想食，咁就一於去試吓啦！我叫左個「鐵板活龍蝦二人前套餐」，安排得好好👍🏻 對到正師父個扒爐！個刺身好新鮮，讚👍🏻個麵豉湯用魚湯做base 正😋😋再有沙律做前菜 開一開胃先先上正式第一道菜「銀雪魚」和雜菜因有魚油作底油，翠肉瓜係好香嘅！而銀雪魚都好香滑！不錯👍🏻第二道就上「龍蝦」，佢刻意唔整熟晒 令龍蝦更爽口，正👍🏻第三道係「鵝肝」 係幾香脆肥美，鵝油從咀邊流出🤣🤣🤣， 配左多士係無甘油膩🥰🥰🥰第四道「安格斯牛扒」，師父表演，掛住錄片添！的而且確好香好好食！呢下係要讚下👍🏻 去到呢道菜已經飽飽地，因為都幾油膩🤣🤣🤣到炒飯啦！都真係炒得好香，但食唔晒！😆再來炒雜菜，消化下至得仲有雪糕呀！問你死未！話明生日就梗係唔少得整個公仔啦🥰🥰🥰眼見隔離枱點最貴嘅套餐，雖然無份食，但師父對到正响我面前煮，真係睇左當食咗啦！…查看更多

係我唔好！我舊年已經想同呢位朋友黎呢度慶生，無奈地舊年疫情好嚴重，所以無黎到！直到今年，慶生話題再次被掀起，終於都黎咗喇！.呢度Decoration都真心幾靚，好多愛麗斯，只係影景都開心！.我叫左個黑松露意大利飯、而友人都叫左個意大利粉！竟然兩樣都打破咗傳統主題餐廳「好睇唔好食」嘅宿命，佢呢個set都幾好食喎！我個意大利飯request咗唔要太硬，佢都做咗比我，好香好好味，而友人個意粉我都試左一啖，都係好好食！.我地兩個都叫咗水果茶，成套茶具都真係好靚好特別。.當然唔小得甜品啦！友人甘鍾意愛麗斯又點會放過呢個紙杯蛋糕呢？而我比較踏實，叫個朱古力慕絲就夠了！又係好好味！碟上寫上友人名字令友人亦係好開心嘅一件事🥰🥰.今日平日無乜人，我地坐左兩個鐘都無人趕我地走！最後係自己唔好意思才走😆…查看更多

2021.04.23.朋友問去旺角食咩好？我即時想起去食水門雞啦！.其實想食好耐！無奈地疫情問題都無乜出街，屋企附近又無水門雞分店！今晚終於有得食喇！.思前想後都係食返最基本嘅水門雞飯🤩🤩🤩這個水門雞飯並不是平常食到那種好肥美嘅雞，又沒有幾款醬汁，但我就是喜歡這一種！.雞唔太肥，但很嫩滑😌😌 飯是油飯又不會太油膩😌😌再配上一個冬瓜湯消一消暑盡是美味😋😋.下次再來我也會點這個簡單晚餐🥰🥰…查看更多