yan_9795的个人专页

好耐無嚟過食，所以就和家人過嚟食lunch。有位叔叔服務員真係好好禮貌，如果香港餐廳茶記嘅侍應都好似呢個阿叔咁有禮貌，食物質素和價錢成正比，香港人，特別住市區嘅人都唔會山長水遠北上消費。…查看更多

真係完全冇諗過一間五星級酒店餐廳水準可以比三星級更差。門面裝修環境係有五星，但食物質素真係唔得，普普通通一個蟹肉炒飯可以輸比茶記揚州炒飯！中午已經選擇唔算多，揀得落手去畢嚟食更少。Btw，炒栗子都可以係一碟五星級酒店自助餐嘅餸？我真係打開新世界之門。最有印象係甜品嘅柚子mousse 同橘子mousse，味道清新亦唔會太甜。服務方面，唔可以話好差，但呢個級數嘅酒店我expect會有d 水準，好明顯呢到訓練不足。…查看更多

經過TAMAGO-En 好多次，見裝修幾可愛，最終抽到時間黎試一下。點咗兩份餐，一份宮崎和牛漢堡配太陽蛋同一份究極のtkg 追加金倉魚腩碎。嚟到個樣係可以打張靚卡，但開始食少少已經覺得麻麻。先講漢堡，味道其實係好正常嘅日式漢堡，但個肉質係好似"蓉"咁，同我平時食開嘅和牛漢堡嘅口感完全唔一樣。個tkg 仲好笑，追加嗰份魚都唔預佢多，但個飯其實係撈味精粉嘅味... 食到咁嘅樣 ＞_＜ 成餐飯最靚嘅就係隻蛋！我應該只食一次。…查看更多

近日疫情有緩和跡象，所以趁有時間就入西貢一轉。平時主要行海邊一帶，但今次行入市中心，發現有間新開cafe，於是決定試一吓。叫咗個combo set, 有一碗有機紅菜頭湯，一碟grill chicken breast penne 同一杯有機阿薩姆(Assam)紅茶。平時雞胸好容易煮得太乾，而呢間cafe 嘅雞胸煮得剛剛好，嫩滑又有肉汁，penne 亦唔會太腍。第一次飲Assam black tea, 有種好香嘅麥芽味道。聽講呢種茶仲有消除疲勞功效。順帶一提，呢到每日都會有唔同款式即做蛋糕，仲有我最鐘意嘅其中一款香蕉蛋糕。可惜我去嗰日老闆娘冇整，唯有寄望下一去嘅時候會食得到。…查看更多

本人比較少食德國菜，行過路經見到夏娃，於是擇日一試。點咗Salmon salad, 炸牛仔肉同乳豬。salad 味道調得幾好，唔會過咸或淡，但個麵包，平時食嘅croutons係好脆，佢地就好明顯係麵包搣出嚟，只於係新鮮麵包定用... 我就唔清楚。乳豬燒得唔錯，仍然好有肉汁，皮亦夠脆，但炸牛仔肉就好一般，略為遜色。…查看更多

睇過食評，做過功課先過嚟食。用3~6個月大嘅本地加美雞熬成的皇湯雞絲羹絕對必食，味道極為濃郁，啖啖精華。皇湯用小型瓦煲上，下面一直用蠟燭㷫熱令雞湯不會因溫度下降而「凝」油。自問唔算細食，不過食完隔一陣會覺得飽飽哋～ 另一碟有驚喜反而係complimentary 嘅頭盤，酸薑玉子豆腐。味道配搭恰到好處，唔怕酸薑搶味。龍帶玉梨香幾特別，皮薄而脆。唯一就係底部嘅梨有一份甜一份唔係好甜... 自己口味覺得應該配甜會好味d... 其他菜式好似焗蟹蓋、鮑汁扣鵝肝、清湯牛腩都唔錯，啖湯好清（可以想像撈河粉會勁正）。全部水準之內但唔會有特別驚喜。單尾炒飯略油... 呢個真係有d 失望。甜品方面，某youtuber 推介甜品楊支甘露為全港最好食... hm... 唔係lor。 味道冇問題，係好味嘅之但係我唔覺得係「最」好食。明明本來係想試另一個 chef recommendation 嘅甜品，真係可惜了我嘅quota。值唔值？我覺得食物水準，service 同環境都值呢個價位。只係唔係碟碟菜都好驚艷。由於佢係三星，所以本身對佢都好有期望，expectation 亦會相較提得更高。回頭的話會過嚟試下點心。…查看更多

Burger 肉質質素一般，但bacon 幾脆口，唔錯！薯條炸得外脆內軟，份量亦好多，比對手好，唯一係好鹹，太多鹽，令你唔點飲品唔得。汽水任飲係必須的。總括來說，另一間有combo，呢到只可單點，性價比唔高，但偶爾一食亦無妨。…查看更多

周末睡醒起隨便逛逛順便搵早餐食，點知唔係未開門就係有人龍，越行越遠，直到見到ASAP。望一望街外早餐餐牌$3x~$5x，在同區內唔算平，但望入去有唔少人，抱住一試心態就找個位坐下點菜。味道合格的，煙肉只一塊，厚切麵包軟綿綿幾新鮮，稍嫌份量不足。…查看更多

十多年前剛出嚟社會做事，中午時份會跟住一班識飲識食的同事出去食晏。有次同事帶我去灣仔蘭杜街一間小麵店名叫蝦麵店。因為本人頗喜歡叻沙，所以就點了一碗，色香味俱全，往後日子都經常幫趁直到我轉工為止。可惜的是，在總店結業前也沒有機會再嚐一次。近日路經希慎醫肚，發現開了一間新的蝦麵店，所以我果斷買了一碗雞絲湯粉作午餐。店員非常友善咁將餐盤俾我後我就快快坐低準備開餐，點知聞一下... 點解有少少腥味 ... ? 再飲一啖湯 水+ 鹽的味道，淡到一個點！ 真係好．難．食！完全同我記憶中的蝦麵店差9皮！！同碗粉惡鬥十分鐘最後投降食淨大半碗收場！我從來都不喜浪費食物，但今次真係食唔落！食物質素如此差，在希慎應該好難生存！雖然只是$76，但响隔離買個triple O 或pepper lunch 會好食10倍。結論，傻仔只做一次。…查看更多

食過好多次呢到嘅水餃，不過每次都係外賣生餃返屋企同家人分享。今次係第一次堂食，第一次試煎餃，第一次食加入了魚湯的水餃。呢到每隻餃都包到滿滿，餃子皮更係食過嘅數一數二。個人比較喜歡水餃，因為可以飲埋個魚湯。…查看更多

經常在北角出沒，開業時已經想試，但看過頭幾篇食評就打消念頭。直到今日，已經唔想再食茶記或粉麵，於是抱住試一次嘅心態入去。自己唔食得辣，所以點了怡保雞湯麵加可樂。食物份量比想像中多，翼脾位有幫你斬開都幾細心。湯嘅味道唔係我印象中嘅怡保湯味，以清湯底計入口都幾濃，冇加水～ 雞肉亦冇講到咁鞋囉～ 我覺得雖不至好好食，但絕對合格。價錢以同地區計算，車仔麵三餸要$38。我點嘅麵就貴咗少少$58唔包飲品。普通飲品包嘅話感覺會好好多。…查看更多

因為要去旺角做事，經過見有新開商場所以就順道入去食晏。本身想去食碗拉麵，但行入food court 見到海南雞飯d 雞唔錯就試試，所以點咗雞飯另加飲品。雞本身可以食，都算滑唔「鞋」，但個飯真係好離譜。飯無雞油飯味都算，個飯係好腍，一 pat pat 咁，爛到唔識形容。我唔清楚係個廚唔小心落多咗好多水去煮飯定係佢地本來d 飯都係咁爛，但最終我只係食咗雞肉同飲咗碗湯，飯只食半碟就算。隔離枱位女士直頭無食過飯，只係清哂雞肉。…查看更多

已經有一排無食翠華早餐，前兩日路經中環就入去食個早餐。因為係平日又過了9點半，所以人唔算多，入去就有位。點了個萬年不變嘅B 餐，沙牛麵跟炒蛋豬仔包。麵同餐飲先到，差不多食完麵，炒蛋豬仔包先出現。碟炒蛋真係仲差過我自己炒，有想為證。中環翠華喎，咁嘅出品都見得人？環頭環尾嘅茶記都炒得好過佢，好明顯個廚無心機做，唔會再幫襯佢。…查看更多

因為前幾日先光顧完中環某出名燒鵝店，今日中午時段行經天后見棋哥燒鵝嘅價錢要比中環嗰間貴兩蚊，好奇心驅使下就行入去點咗燒鵝瀨套餐。套餐$58包一杯熱飲。燒鵝同瀨粉份量都多少少，不過有肉嗰邊都幾肥，另一邊就差唔多全骨。燒鵝有好濃嘅煙燻味，皮唔係太脆，瀨粉就正常。在天后區收$58 我會有期望，所以我只幫襯這一次。…查看更多

第一日新開張已經過黎試，可能第一日啦，全張單都有甩漏。叫米線黎咗公仔麵，檸檬茶d 色水只係俾檸水深少少 ... 你第一日開張咁我就算數俾多次機會你。今早去食早餐叫個叉燒米線餐，跟煎蛋火腿同餐包。睇相都覺得削，麵包連牛油都無！煎蛋上面又有粒唔屬於我嘅粟米😰 $32我不如去大xx! 無第三次。…查看更多