fifi_9108的个人专页

東大街除咗有安利牛腩, 豬扒米線出名外, 而家多咗一間打卡一流的歐陸文青cafe餐廳每一角落都可以係打卡點未嚟之前簡單做咗research知道份量比較少於是我點了羊鞍架配飯（後來我錯了分量比我想像多）值得一提餐廳用QR code點餐, 比較喜歡用這個方式去order, 尤其是在繁忙時間, 這樣可避免有出錯單嘅問題每道擺盤都好靚, 有高級酒店賣相, 相機食先是必然。羊架比我想像中大件, 冇諗過外層加上芝士烤焗,雖然個人喜歡單純煎羊架嗰種外脆內軟的羊肉騷味, 但係配以芝士鹹鹹地又幾特別唔需要再點其他芥醬或者薄荷醬已經提升到個味道。略嫌側邊黃色醬汁多了, 可以當係一個點綴。朋友點了健康自選蔬菜飯, 因為朋友食唔到太生嘅溫泉蛋, 負責人建議轉做流心蛋, 可惜因為掛住食冇影到相, 七彩繽紛, 未食都畀顏色吸引住！題外話, 午飯時間一個小插曲, 隔離食客因為唔滿意侍應要求轉枱, 可能因為當日又落住雨比較麻煩, 再加上餐廳仍在試業中, 好多突發事情唔能夠應變得順暢, 最終點了餐都拂袖離開, 其實繁忙時間大家互相體諒, 食飯都會開心啲:)…查看更多

同事就快last day, 大家都鍾意食肉, 諗咗一陣決定嚟呢度食, 仲好豪咁同佢講見到咩就食咩, 我嘅入到嚟有四款唔同sources 可供選擇, 其中一隻個人比較鍾意嘅係帶住wasabi味嘅醬汁, 辣辣地用嚟點和牛唔錯。點咗"霞", 主打係熟成M5和牛西冷, 我呢塊脂肪比較多, 但我最鍾意用佢外邊脂肪燒香佢, 配上醬汁香口加肉汁味放在嘴裏一流另外海鮮有鮑魚, 雞泡魚乾, 比目魚, 雞泡魚乾未試過自己燒, 原來自己燒都都可以好好味, 可惜因為係lunch, 所以冇啤酒如果配埋啤酒就正哂。比目魚, 魚肉好滑, 有驚喜因為叫得太多肉, 最後都嗌咗啲輕食, 清酒煮蜆加黑松露雜菇, 估唔到燒起上嚟聞到陣陣黑松露味, 加埋牛油, 味道唔錯放題仲有包埋甜品, 可惜已經太飽, 同事表示很滿意, 收貨, yeah…查看更多

呢一間日本料理一直放在我嘅must go list好耐, 今晚終於有機會嚟試餐廳有很多選擇刺身, 壽司刺身...食材新鮮, 因為唔知想食乜所以索性揀咗omakase 料理師傅好好, 知道兩個女孩食唔到咁多嘢,第一道菜係細海膽飯, 配紫菜食可以減少海膽的滯口, 形容為海膽山都唔會誇, 每人平均可以分到四塊海膽, 海膽新鮮, 下面再配少少吞拿魚加醬油飯, 超級開心滿足！比較喜歡用紫菜包住海膽嚟食加埋wasabi層次豐富柚子啫喱配米崎蠔, 大大隻蠔肉身肥美配埋柚子啫喱酸酸甜甜非常清新十款壽司, 魚生肥美淨係食魚都食到唔同質地嘅魚, 好新鮮淨係睇過秋刀魚刺身就見到師傅刀工有幾好, 但因為自己比較怕魚腥味, 所以我自己就一般般, 但點咗佢個薑蔥豉油感覺腥味又冇咁重淨係食佢嘅魚生, 刺身壽司就已經好滿足, 所以到呢個味噌煮牛腹就有點比下去, 個人覺得有有點偏鹹, 可能用嚟送飯會啱啲兩個女孩子坐喺師傅整刺身壽司檯前, 有傾有講, 又可以欣賞師傅嘅刀工, 渡過咗一個愉快的晚上…查看更多

朋友喜歡食海南雞飯, 行開女人街經過呢度一於嚟試下可能係星期五, 店內特別多人, 去到都要等一陣先有枱兩個人叫咗粉紅招牌海南雞飯, 冬陰雞肉炒香料飯, 再叫馬拉盞炒芥蘭, $36 一碟飯, 一啲都唔hea, 雞油飯用香茅, 薑片同蒜頭, 好香但略嫌啲飯有啲硬, 雞肉好滑嫩, 皮同雞肉中間都有薄薄嘅脂肪, 唔錯朋友叫嘅冬陰雞肉炒香料飯, 不得了囉...味係有啲濃, 酸酸辣辣, 但真係食唔停口, 兩個女孩子居然食曬啲飯值得稱讚嘅馬拉盞炒芥蘭, 芥蘭爽脆馬拉盞亦恰到好處, $18碟朋友點了陳年柑桔蜜, 我就揀咗冷泡炭焙烏龍茶, 茶我就覺得一般啦, 但係朋友個柑桔蜜佢話唔錯最後用椰汁芒果糯米飯做甜品, 黑白糯米各一半椰汁味好香, 之前都擔心會唔會太飽食唔落, 但見到又好ok喎, 啱啱好唔多亦唔少, 糯米飯比較黏但黑糯米粒粒分明食落去口感唔錯百零蚊食到兩個都飽飽, 仲要係有質素值得推介…查看更多

Girl's night, 朋友剛考完試, 因為大家都鍾意食蠔, 一於蠔一蠔佢慶祝！蠔站終於開到銅鑼灣一於嚟試下, 不嬲都知佢啲蠔好抵食, 最吸引係十蚊一隻精選蠔, 我哋兩個女孩當晚就叫咗兩打嚟試當日精選蠔係愛爾蘭嘅 Dorriel , 平時好少叫呢隻蠔食, 蠔好新鮮其實真係唔需要點任何醬汁就咁加啲檸檬汁已經好好味, 味道比較大眾化, 有海水味, 肉質好滑, 入口真係有種滑落喉嚨嘅感覺淨係食蠔當然唔夠飽啦, 當晚叫咗自家製焗蟹餅同炭燒澳洲羊架蟹餅好豐富, 真係食到蟹肉, 我一個蟹餅都食唔曬, 因為都有啲滯羊架我哋叫咗五成熟, 雖然出嚟個效果係有啲嚇人, 但係食落口係接受嘅, 外脆內嫩加上芥辣同薄荷醬唔錯, 有羊肉味, 但略嫌配菜有點遜色, 薯蓉唔夠熱同蒜頭亦整得比較生, 可能時間唔充足, 但整體也滿意的。值得一提係侍應友善耐心介紹每道菜, 服務很專業, 因為係新開所以如果要飲酒就暫時未有酒牌要自己外帶, 呢一餐平均每人三百幾蚊, 我覺得真係好化算…查看更多

男友生日飯, 滿足佢兩個願望, 有得飲湯又有得打邊爐, 知道呢度嘅鴛鴦花膠雞湯出名, 一於提早book 定枱試下點咗黃湯鴛鴦雞湯做湯底, 第一窩係飲個湯先, 鴛鴦雞湯原來係指魚肚同花膠, 湯底好濃沃, 飲到有豐富的膠質, 相信這個湯底亦都淆咗一段時間, 淨係飲個湯都正。生日喎梗係要食得豐富啲啦, 叫咗二人份量海鮮set同澳洲和牛封門柳再加一啲餐前小食海鮮拼盤算唔錯, 扇貝, 貴妃蚌, 蠔...因為少用海鮮打邊爐, 店員細心解釋每一樣海鮮煮熟嘅時間, 可能自己鍾意食海鮮, 特別對呢個拼盤加分封門柳, 個人比較喜歡白灼唔加醬油淨係食佢嘅牛肉味, 如果分量可以再多少少就更加開心了至於小食, 炸鯪魚球, 呢個比較一般, 略嫌鹹了點。但係鮑汁鳳爪不得了囉, 真心推介, 個人喜歡見到湯汁好快凝固, 代表真材實料, 鳳爪容易入口, 軟硬適中呢餐生日飯食得好豐富, 總算物有所值, 店員服務好, 有問必答, 最開心係可以飲到成煲雞湯, 真係真材實料, 滿滿的一個晚上溫馨提示 : (逢星期一至四) 一日前訂座4位或以上並惠顧火鍋滿HK$800即送原條 < 象拔蚌刺身 >…查看更多

因為工作關係, 成日經過見到呢間餐廳排滿人, 好猶豫究竟因為咩原因會有咁多人喺度等候, 終於忍唔住約埋閨蜜一齊嚟試下。七點未到, 門口已經開始排隊店舖細細, 店員都有兩至三個做樓面, 可能因為疫情關係, 外賣也比較多。兩個女孩子樣樣都想食, 叫到一枱都係, 都係咁嘅價錢, 真係好抵食叫咗台灣香腸, 海苔肉鬆蛋餅, 第一次喺香港食台灣腸係加蒜片, 朋友說這才是正宗, 入口有啲辣, 但係沒有搶到香腸嘅味道, 唔錯。蛋餅好豐富, 有肉鬆同海苔, 入口已食到海苔味, 同埋再加上芝士, 蛋餅點上辣醬一同入口, 好豐富, 其他台灣餐廳未必食得到。值得推介食台菜又點可能少得滷肉飯, 魯肉飯係迷你版, 但係好好味味, 啖啖肉, 半肥瘦, 呢個一定要叫牛肉麵, 不過不失, 肉質冧, 易入口。另外冬瓜排骨蛤蜊湯就一般, 蜆唔係好多, 比較普通, 再加兩杯凍飲蜂蜜綠茶同蜂蜜檸檬, 呢一餐飯食得好滿意。唯獨是可能係食飯時間, 店員運作方面比較混亂, 同埋嘈, 呢方面需要改善。…查看更多

因為工作緣故打算見完客先食一個下午茶當做午餐, 諗住食個下午茶再去附近嘅南豐紗廠行下叫咗個豉油王撈麵, 第一時間試佢嘅撈麵, 食得出啲麵係用豬手汁嚟撈嘅, 初時以為咁大碟麵未必食得曬, 點知一口氣食清！ 佢個湯有好重胡椒味, 我估應該味精都幾重, 因為食完後, 就覺得到好口渴不斷要飲水。不過40蚊嘅下午茶, 大大碟嘅撈麵再加一杯熱檸茶, 抵食, 滿足。…查看更多

從來都唔知道 Jollibee 嘅中文叫做快樂蜂, 真心覺得佢啲雞係好好食, 有肉汁雞肉滑, 簡單, 只係做好一隻味炸雞： 原味同辣味, 冇特別多餘嘅選擇, 如果淨係想叫炸雞除咗桶裝6件外, 一件雞18蚊, 你自己揀, 要幾多就計上去。因為突然想食炸雞, 所以只賣外賣, 每盒都會附送gravy, 不過就算唔點gravy, 佢嘅雞已經好好味, 點咗辣味, 後悔唔嗌多件原味去比較下, 但係一食就分高下, 另外如果想食雞翼就要去第二間喇, 因為佢呢度係冇雞翼供應。…查看更多

慕名而來, 相約好姊妹一齊嚟試下餐牌好簡單一邊係撈麵, 一邊係酸辣湯底, 我點咗酸辣紅薯寬粉配大腸加金菇。另外再加個口水雞通常米線到都會試咗佢個湯底先, 可能係叫咗小辣所以覺得好容易入口, 分量好足料, 大腸爽有鹵水味, 最初都擔心佢會有陣味, 入口食到鹵水味同爽口, 唔錯。另外如果唔夠辣可以加一蚊加辣度, 不過個辣度就唔知會唔會太重手, 因為都係廚房隨心加。口水雞就好一般, 一啲都食唔到辣味。呢一間係黃店, 店員服務都好細心, 店裏養咗隻大肥貓, 好鍾意曬太陽, 店員每次都會溫馨提示我哋留意腳下低有隻大肥貓, 好多時候一開門就會走咗出去, 佢又會好細心咁叫返肥貓返入嚟, 好有愛嘅一間麵店。…查看更多

一連幾日復活假期, 最好就係食食食, 朋友突然想食韓燒, 因利乘便, 決定嚟呢度試下, 套餐比較貴, 所以選擇散叫前菜：幾款都好味 最好食係個泡菜柞木雞肉拼盤：有去骨雞翼 雞胸 去骨雞脾肉 - 幾樣都好味 好滑 唔會鞋因為唔夠飽所以追加咗個韓式拌飯, 建議大食嘅, 就唔好嚟呢度, 因為價錢都比較貴。總括嚟講不過不失, 店員服務好好,好有禮貌,亦都會畀給予意見。…查看更多

去翡翠拉麵唔一定食擔擔麵, 比較喜歡佢嘅午市套餐有湯, 前菜, 小食再加主食都係講緊$98, 朋友點咗拉麵套餐就$88我揀咗湯, 個人覺得湯鹹咗少少但係足湯料小食叫咗矮瓜同手拍青瓜, 矮瓜唔錯仲可以見到紫色部分, 醬汁加上矮瓜一口咬入去好豐富, 滿足前菜叫咗紅油抄手同春捲, 春捲炸得脆身又唔會太燶我點嘅宮保雞丁, 腰果多過雞, 有啲失望朋友嘅擔擔麵有啲辣, 麵身有咬口最後我哋都係食唔哂, 因為個套餐真係好豐富。…查看更多

朋友在星街附近返工所以約咗呢度食lunch , 初時以為係一間一般嘅日本菜, 嚟到門口仲以為自己去錯地方。佢冇著和服嘅侍應去招呼你, 個感覺好似係去咗食西餐咁。嚟得呢啲地方食lunch都唔會平得去邊, 最緊要食物嘅質素, 睇落其實都幾健康starter我叫做咗炸雞, 朋友就叫咗三文魚, 如果starter嚟講炸雞嘅份量對我來說係比較多同埋辣辣地幾好味, 外表似炸得好似燶咗啲, 但係雞肉好 tender, 有肉汁。 朋友嘅三文魚都好滑,但係我見得幾塊, 唔好意思食咁多主菜我點了west coast, 侍應姐姐recommended , 基本上係有好多好多配菜有炸豆腐, 三文魚粒, 七彩繽紛好吸引, 但係坦白說就聯想唔到日本菜, 不過感覺好健康有肉有菜仲要蔬菜嘅份量多過肉類, 唔錯唔錯朋友點了tuna salad, 呢個只係純沙律冇飯。如果你想要飯可以加多十蚊, 我沒有試呢個, 因為我嘅都已經好足夠, 但係見佢食唔停就知道味道應該唔錯。呢一個午餐食得好愉快, 對我嚟講好新鮮, 只不過餐廳比較細, 座位安排比較窄。朋友係大碼size, 所以佢就坐得有啲唔自然。…查看更多

因利成便, 因為喺鰂魚涌返工放lunch成日經過呢間紅館, 都見好多人排隊, 終於有機會食到晚市。可能因為係commercial area 晚市唔多人食, 我同朋友兩個整晚都只係有一台客幫襯, 嗌外賣嘅比較多。兩個女孩子唔食得多, 前菜叫咗手拍青瓜, 跟住係水煮雙拼, 我哋叫咗魚加牛肉, 小辣。個人比較喜歡牛肉, 愈食愈辣, 好彩係叫小辣, 反而佢嘅芽菜係好好食, 好脆口, 同埋索曬啲辣汁, 最衰唔記得加紅薯粉, 有埋紅薯粉就絕配了。另外亦都叫咗豉椒炒蜆, 上臺是好有鑊氣, 但係可能炒得唔夠勻循, 有啲蜆比較鹹。再加上冰凍啤酒, 呢一餐飯食得很滿足…查看更多

朋友生日, 見疫情好啲所以就出嚟食晏當係同佢慶祝, 揀咗呢一間, 諗住泰國菜都係食返啲基本小菜, 應該無問題冬陰功湯, 椰汁味同蕃茄味都好濃, 食唔到辣味有啲失望。蝦餅比較出色, 食到蝦肉同彈牙最失望係呢個柚子沙律, 賣相已經同相片好大出入, 蝦係雪藏蝦完全冇味, 我情願佢唔落, 抽仔唔甜....唔建議食串燒叫咗雞同牛, 雞串燒係ok嘅牛肉就一般都係嗰句啦, 不過不失但係唔會再食多次。…查看更多