Koeymilk的个人专页

呢間嘢午膳時間食過兩次，食完第一次其實已有經驗，諗住俾多次機會佢改善，但係都冇，所以唔會有第三次。午膳時間多人要等耐啲冇問題，但係呢間啲阿姐全部都好有問題，但以下問題接受唔到囉😏1. 三個人被迫坐兩個位(本身已經好窄); 2. 沒有通知下，移動我杯嘢飲同食物，叫我轉第二個位; 3. 仲飲緊杯嘢，就敲我哋張枱話，好多人等緊，食完快啲走4. 杯嘢未飲完冇問過就收走咗; 以上經驗令我同同事覺得呢間嘢只可以叫外賣或者兩點後先食🙃…查看更多

星期日觀塘工廠區餐廳唔多，附近餐廳搵到呢間。上到去先知原來係貓餐廳，冇所謂，唔係特別怕貓，又唔係鐘意，照食。兩個人，叫左炸魚脆薯、墨西哥卷餅、黑松露意大利飯，芒果沙冰，Oreo 沙冰。全部都好一般，炸魚炸皮有啲厚，墨西哥卷餅幼得可憐，意大利飯溫度又唔夠熱，完全冇黑松露味，沙冰d 冰又大粒，芒果沙冰冇芒果粒，Oreo沙冰，除咗上面少少黑色餅碎自之外，杯嘢裏面完全冇Oreo。可一不可再的餐廳！消費$430，喺樓下掃街仲好過😢…查看更多

開業嘅時候食過一次，食物正常滷水野，不過不失，但午市安排好亂。兩個月前再食一次，不知所謂。今日俾多次機會佢，食多一次，唔會再食。午市套餐唔值$68，員工反應慢，冇禮貌，唔憂做。…查看更多

朋友約打邊爐，試下新野。清清地試咗豆乳野菌鍋，叫咗象拔蚌刺身，鹹蛋黃魚皮，冰鎮鮑魚，牛肉，牛骨髓，幾粒丸，萵筍，響鈴。三個女仔食，啱啱好。價錢中等，因為牛骨水唔係度度有得食，餐廳又有隔音板，自成一角私隱度極高。…查看更多

Shore 新裝修，去HH😆 涼涼地坐出面。叫左hooch Passion 同 Old fashion。味道不錯，熱情果甜甜酸酸，易入口，但係杯Old Fashion就唔夠濃。仲叫咗個cheese pizza 同French dip sandwich, 勁多cheese, 好滿足😋😋…查看更多

Expect cafe or 西餐廳有杯水飲下，只有樽裝水，tap water 都唔比，cheap 😏叫了 Smoked salmon spagheii with truffle sauce, 完全冇黑松露味，大家樂都好過佢。Lunch set 嘅 set drink 係加15蚊得soft drinks.場內有點唱機，成件事好MK😏😏好啦，埋單走啦，話open rice book 枱有折，原來係加一再九折，多謝哂😒 數人頭入返open rice 話計數，咁啫係買like 啦，明哂😎…查看更多

四個同事仔一齊叫外賣，有飯有烏冬。原來烏冬用一個碗放哂，但飯同餸就分開。四個餐，四個碗，上到公司，先知漏左成個海南雞飯。嬲到一個點😏😏😏，又再行上行落。 落單又慢，電話又唔通，唔會再叫。…查看更多

一個人，求其食啲嘢。1.叫咗酸辣海鮮檬粉，問佢可唔可以少辣，佢話冇得控制，好，碗野嚟先算。碗野嚟到，一大羹辣椒醬加指天椒，咩叫冇得控制？算！你個腦原來都控制唔到🙄2. 一路食住碗野一路睇YouTube ，個女侍應refill 醬汁，超大力放低，由於我勁專心睇電話，成個人彈起，電話反埋，佢見到即刻Say sorry。算！3. 有個短頭髮(疑似super) 女侍應refill 櫃桶嘅餐具，超大力閂個櫃桶，成張枱震晒，我再次成個人彈起。冇講對唔住，仲話要埋數，快啲埋單。4. 差唔多10點離開，餐廳差不多準備清潔，年輕侍應將啲垃圾Hea晒出嚟，我起身走人，同我講拜拜，但係啲垃圾阻住條走廊，又濕滴滴。我心諗我跌低一定追究！****呢世都唔會再幫襯…查看更多

病病地諗住食粥，好聲好氣叫左個鯇魚粥。態度差到殺父仇人咁，怕d 粥淡，問佢攞豉油，佢大大聲話碗底有，唔見有，又話喺個碗裏面。好啦，拎到返去食，唏哩哩水咁，有冇魚味勁多胡椒粉。不知所謂！…查看更多