Yanaki的个人专页

今日行完山、順便經過利東街搵個下午茶食，就見到有間恆香冰室、真係孤陋寡聞、原來恆香有冰室！就一試究竟。叫左兩份茶餐1. 奶黃流心西多 $402. 沙爹牛肉芝士流心蛋豬仔包配薯角 $483. 老婆餅一個 $12上到黎個賣相好之餘仲要係好好味、比想像中好。所有野即叫即整、薯角熱到標煙，熱辣辣！沙爹牛夠晒味配埋芝士同蛋個組合都好match。茶餐做到呢個水準黎講真係完全冇投訴個人係覺得要讚下！希望可以一直保持水準。加油…查看更多

之前一直都好想試呢間過江龍手打烏冬店，所以今日下晝6:30專登搭車黎食。排隊等左一個鐘入場、都預左要等。整體感覺都還ok，但由於等既過程太無聊（要人肉排隊）所以係度睇人地OpenRice 評論、見到勁多負評都驚驚地、但最終都係試一次伏既心態去試下佢入座前有店員會同你複單，同問你要唔要走蔥等要求、然後就入座啦。店面係比較迫，出入都要比較小心。店員事前講左烏冬要等15分鐘，所以預左入黎之後仲要坐多陣先有得食先上既係雞翼，食得出係即整既雞翼、熱辣辣，好味道就好似其他人咁講、個雞翼係好味。到戲肉既烏冬上場啦，的確係大家講既一樣、個味噌係偏咸既、不過我想幫佢平反一樣野係、佢本身都寫左味噌係重口味、如果平時唔係食開重口味既朋友我覺得係唔應該食佢味噌個湯底既 而佢個鰹魚湯底都係偏濃味既，好似濃縮鰹魚湯底咁，食到底個時都係會略為覺得咸。我只可以話、佢可能係local 名古屋既口味既話、有可能唔適合廣大香港人既口味都唔出奇但有樣野比較失望既係佢個烏冬冇我想像中咁煙靭！佢主打手打烏冬，但出黎既效果同我食既普通烏冬差唔多。我有懷疑過可能之前太多投訴話佢唔熟所以佢切幼左dd黎煮？今次兩碗都冇唔熟呀、但冇左煙靱既感覺、呢下係比較失望。另一個失望位係、我唔明點解我碗味噌烏冬隻生蛋係煲底，生都變熟蛋乜蛋唔係最後先放上去架咩？勁奇怪！整體而言我覺得呢間店既過江龍烏冬店的確係名大於實。可能marketing 做得好好但可惜食物質數跟唔上。以依家既食物質數未必值得再排隊同特登走黎食。…查看更多

諗住係跑馬地運動場附近等下朋友、就見到呢間Cafe店，第一眼感覺已經覺得好舒服，所以諗都唔諗就行左入去。成個店既環境無論係裝修、音樂、溫度都恰到好處！ 坐係度既感覺真係幾chill 下。店面唔係好多人、所以完全唔駛擔心會俾人趕。Order 左ice matcha latte 。個presentation 都靚、雖然有小小細杯但都幾好飲之後坐坐下就忍唔住點埋個Honey cake, 個人覺得個cake 都唔錯，cream 同蛋糕比例都好好，唔漏亦唔會太甜。成個afternoon tea 體驗黎講都算唔錯，下次再經過又要搵地方停留既話可以考慮再黎…查看更多

今日出觀塘行街、即場搵左間工業大廈樓上台式餐廳，竟然有意外驚喜！本身見OpenRice 都多人讚以為要大排長龍、點知入到黎午市時間竟然唔駛排隊等、好開心好快就已經入到座。就二話不說即刻試左佢個熱門介紹飲品- 阿華田豆漿。呢杯野飲係要飲左一部份豆漿先再放個阿華田冰冰入杯豆漿度、由於本人太輪盡、倒入去個下搞到d溶緊既阿華田同朱古力汁滴到成台都係、搞到有d肉酸😂但杯野飲果然係幾好味，有得玩又有得飲、如果未試過係值得試下飲跟住黎既野食樣樣都係比我預期好味、而且價錢全部都係幾廿蚊、非常抵食、仲要夠多餸要俾返十個讚佢。最好既係佢地完全冇因為飯市時而趕客、隔離台有人食完恰眼訓佢地都冇叫醒個食客🤣果然台灣人開店係唔同d…查看更多

之前係網上面見到呢間cafe 好有特色所以就有日假日走左去食lunch去到現場都大約兩點但仲係好多人排隊、雖然舖頭好細、但好彩好快有得入場我地本身想點其中一個特色野食、可惜當日冇得食、所以就點左個burger 同 all day。詳細叫咩名就唔記得啦！個burger 同all day 都幾好味、all day 個黑色多士平時好少係街食到、比較淡但就好香脆。如果鍾意食淡味小小既人就幾岩食、濃味怪就可能爭d啦。我地叫左兩杯野飲、粉紅色個杯好似係叫玫瑰鮮奶、另一杯好似叫綠茶鮮奶。雖然我地叫左少甜、但綠茶個杯我覺得好淡味但玫瑰鮮奶就飲到玫瑰香同甜味。如果兩杯黎講我會比較推薦飲玫瑰鮮奶啦雖然呢間係cafe..但感覺太多人幫襯所以都未必可以好舒服咁坐係度啖、同埋整體食物價錢都偏貴而且份量好細、如果胃口大既人就未必太適合去啦不過整體環境同食物味道我係幾鍾意既、如果人少返d既話、第日有機會會再去食PS. 因為後面有3個人等位所以店員想我地轉台俾兩個孖台後面入、我地都冇咩所謂就轉左台啦、但原來我地轉去另一張枱係執完枱之後就冇抺乾淨就俾左我地，所以服務方面我覺得呢下有d差…查看更多

因為下晝我同男朋友食左個tea有d 滯滯地、夜晚就諗住食下壽司/刺身丼之類既野。跟住係厚福街搵左一陣店家、見到翔壽司冇乜人、但猶豫緊既時候、就突然有一堆人入左去、於是就急急腳咁沖入去坐低左啦。食店本身個size 係偏細既、好彩本身我地都冇咩拎住好多野所以就掛到係佢腳前面既勾仔度、然後就叫左個12件自選壽司。落單既姐姐都有細心問我地要唔要wasabi, 我地叫佢分開上，咁就可以就到各自口味去落個份量然後兩個人食完呢碟12件梗係唔夠啦、我就好快將個target 就放左係d貴價既單件壽司度（因為呢d冇套餐食）所以好快就入左單點環節。分別有大拖羅、海膽、蟹肉蟹膏軍艦：大拖羅真係好肥美，冇筋，肉既顏色好粉，睇落勁新鮮蟹肉蟹膏都好味、可惜蟹膏太少，海膽份量都唔多，感覺唔夠滿足雖然夠晒新鮮。食完都仲未飽、於是向頭頂一望、見到季節限定既黑板、然後又點左幾份自己未食過既時令魚黎食啦：鰤魚腩壽司🍣 $50/件呢個壽司既魚既顏色真係太靚，而且同大拖羅一樣非常肥美，師傅已經落左鹽同黑椒於是叫我地乜都唔駛點直接食就得，唔講唔知、原來係油甘魚黎，但食落係同平時食既油甘魚完全唔一樣（both 味道同口感）再叫左個生銀雪魚壽司$38/件呢個老實講我有小小失望佢個銀雪魚係好滑（入口即溶）而且用火槍燒到燶燶地幾香。但見佢個牌寫生銀雪魚，我真係以為係生食、所以冇左個驚喜添。但佢呢個壽司唔係唔好食既，只係同我個期望有落差而已。再黎點埋個北海道牡丹蝦我地落單點牡丹蝦時先知佢地有兩種牡丹蝦。師傅話一款係爽d另一款係鮮d、我地就㨂左個貴小小鮮d既北海道牡丹蝦。果然真係大大啖肉、而且仲好鮮甜最後因為想錫住個荷包、我地就停左冇再叫落去、但都差唔多食左接近佢最平個個omakase 既價錢啦已經！總括一下今次個感想：我覺得佢唔算平，坐都唔係特別舒服高級既小店、但係食物既新鮮度係好夠既。時令壽司單點係值得叫既、因為食到平時少食既壽司並且你都可以睇到師傅擺碟係有heart 既。而且你有唔明佢都好樂意解釋你聽佢整緊咩魚俾你食同埋呢個壽司既特點係乜。坦白講壽司飯既份量佢算細、但係唔會太實又唔會一夾就散我覺得睇得出師傅有功力。但平時大食既男士們就可能要食多兩件先夠飽啦…查看更多

首先、呢間既afternoon tea 真係好難book, 我唔知係因為手機book 有問題永遠都book 唔到、定係真係咁難book。如果唔係有人突然放左個位出黎、我應該冇機會去試呢間既tea。後尾我食完將相放上社交平台 先知原來我朋友有份參與設計呢個afternoon tea 項目。本身都係覺得個環境幾靚，為打卡而黎。亦都俾佢野食無限refill 呢個idea 吸引左黎試。環境係幾吸引，裝修、佈置同茶具都花過心思。窗外個景色就更加唔駛講啦！對住維港👍🏻咁講返野食啦，其實我就覺得味道唔差既，但成個盤比較迫同細、雖然擺滿晒好靚靚既效果唔錯但係每件食物個size 都極細，個人係比較鍾意食咸多過食甜，但呢度既甜點🍮我竟然唔覺得「漏」可以食晒，呢個係幾唔錯！不過我麻麻甜點所以就冇再refill 。 （如果冇記錯既話、可以refill lemon tart 同brownie)咸點既話、佢既味道都係唔錯既、可惜真係都似其他人既comment 咁講、係凍冰冰，唔夠熱，如果係多士個d, 冇左熱同脆既感覺的確係扣分不少。同埋老實講、擺盤上面既野食放耐左由熱變暖/凍我都覺得情有可原，但係連refill 既多士咸點個d都係凍既話，咁我就覺得要改進下。當然如果對食物有要求既人既話、呢個質數可能就未必收貨啦味道我覺得真係唔算差的但點樣保存食物新鮮度呢個位值得大大改善一下。整體黎講、環境幾好、味道不差但仲有好多改善空間，希望會越做越好啦。…查看更多

星期日夜晚去左旺角間鐵火堂食晚餐、好彩唔駛等好耐、兩個人好快就入到去食（Lucky)之前都食過尖咀間鐵火堂既、同旺角個格局差唔多、環境會比較迫、但每人座位下面有個籃可以擺袋、都叫做ok啦。放低袋、就等唔切叫魚生飯啦！我地叫左一個大拖羅拼四款自選魚生飯同埋普通拖羅拼四款自選魚生飯。另加一隻廣島蠔（生蠔🦪）最先上碟就係隻生蠔🦪我冇食所以comment 唔到佢新唔新鮮啦、男朋友就話一般（我既理解就係都新鮮既、但味道普通唔算出眾）跟住主菜（魚生飯）啦、我叫既大拖羅魚生飯第一眼印象好靚、d魚生擺碟都舖滿滿、感覺好開心食落都新鮮既，不過有d後悔叫左汁燒元貝、覺得好細片、如果叫新鮮元貝會開心d、加多$3 大粒好多！大拖羅有小小失望，佢都新鮮肥美、但係…好多筋唔知係埋我唔好彩。個蟹鉗幾好樣、但細粒同冇乜蟹味，反而個甜蝦好大隻好甜，我覺得幾好味，所以下次再食我可能會㨂多d魚生食少d熟食。我加左錢換個香菇飯，香菇唔算好香、試完就算、下次可以唔加都得。至於另一碗魚生飯整體都係新鮮既、味道就冇得comment 啦。我男朋友大食，呢度可以免費加醋飯呢個係大bonus, 最後佢係食左個大魚生飯加小魚生飯（我俾左部份魚生俾佢）咁就塞飽左佢鐵火堂我覺得係幾抵食既、因為佢價錢唔算貴而且整體感覺食材都係幾新鮮，係一間可以返兜再返兜既美味小店…查看更多

因為有朋友見依家lunch 有折、我地一行4人就過左黎試食。坐低左之後waiter 就幫我地倒左幾杯水、然後輪盡地倒瀉左一杯。跟住佢係咁同我地講唔好意思同埋即刻幫我地不停抹、有幾個同事黎幫手。當堂覺得服務態度幾好而且都幾好禮貌到野食上場啦、整體全部都幾有驚喜叫左個雞胸肉香草意粉🍝、個雞胸肉份量好大，仲要比想像中嫩口個意粉調味都好好。我地仲有叫其他既野食、好似和牛漢堡等、呢間餐廳既野食都偏好味。掛住食、就唔記得左影埋其他主菜啦最後我地仲叫左兩款甜品食、今次記得影相啦個芝士撻同埋雪葩兩款都好好味！整體黎講餐廳價錢係偏貴, 不過水準keep得幾好，如果鍾意食好西既話、應該要試下黎食啦😍…查看更多

諗住試下呢度既下午茶餐、同埋見到有d特色下午茶、就諗住試一試啦、於是叫左個龍蝦潛艇黎食$58 、 張圖片係充滿住龍蝦肉。心諗、都預左實際唔會咁多既、少一半都收貨啦！誰不知道、樓面拎黎既係一個淨沙律潛艇充滿左薯仔🥔、成個包裡面只有兩粒豆咁大粒既龍蝦肉，真係得兩粒豆咁多！覺得俾人呃左😢Black list 呢道菜。希望大家唔好試呢度菜、見到相當食左好啦。茶記就算成本問題我認為都唔可以咁樣呃d食客！可能我簡簡單單食個雞翼沙律又平過佢又多肉過佢。…查看更多