Jackiess的個人專頁

由於new join 新公司，呀姐好好咁請我哋成班同事食飯仲叫同事book埋枱lunch就嚟呢度後尾有同事先講，呢間係新開嘅cafe，佢係附近返church之後食過覺得好食，所以推介俾呀姐。於是我哋成個department浩浩蕩蕩咁就嚟team lunch勒。本身入到嚟其實個空間感係幾令我impressive嘅大家都知而家香港寸金尺土，唔搭枱又唔密質質嘅空間真係買少見少一嚟個就嚟咗個小食，就係個蕃薯條，其實就咁睇，我係唔想食，因為覺得好似好多油炸過咁同埋都係啲來貨野，味道都應該似好假點知一食落，真係好有蕃薯嘅甜味，同埋唔係似用好多油炸如果大家on diet緊，千其唔好試，因為食過一條，通常都忍唔住食第二條。然後就有個沙律，呢個沙律算係幾足料，啲藜麥唔算係亂俾，灑得幾靚。個汁係呢間餐廳自己調嘅蜂蜜刁草油醋汁，食落係中和咗頭先食蕃薯條嘅熱氣感。啲蝦我以為係啲雪藏野，點知佢入口好爽口，而且無雪味，應該似係用新鮮，呢下幾impress到我呢個又係唔好睇外表，因為我諗咗好耐食唔食，唔明點解啲飯要粉紅色咁low 後尾我同事係強烈推介呢個，佢話條魚勁似銀雪魚又唔腥的確，入口皮脆肉嫩，而且啲粉紅色嘅risotto係用紅菜頭汁整出嚟，用意其實係咁大舊魚肉入口係有啲漏，但呢個risotto清新嘅口感完全中和返。最後呢個令大家引頸以待嘅經典西班牙海鮮飯，海鮮用料足，而且味道係唔錯不過當然唔夠我鍾意嘅另一間西班牙餐廳比，畢竟人家的Paella賣緊4百幾呢度勝在仲係即叫即焗，性價比高，賣緊百幾蚊 jar ~ 呢餐飯之後，我自己仲諗住book母親節飯，however ，當時已經full booking 了但呢間我bookmark咗下次還是會再嚟。…查看更多

朋友說我沒有關心佢，咁啱睇咗一位youtuber介紹和昌飯店的叉燒所以為咗顯出我嘅誠意我帶呢位朋友嚟到呢間百年建築物食餐飯而預留位置時，我係特意預留叉燒嚟到先發現其實好多野都要留，特別係海鮮。雖然都知道係廂房先可能會有師傅嚟表演燒叉燒你嘅不過我以為點都有炭爐上結果係無。然而，並唔影響佢本身嘅「味力」。佢係無問我地要肥定瘦但舊叉燒本身已經係有肥有瘦，入口啲肉非常軟淋睇得出已經搽咗幾層麥芽糖甜得嚟有咬口基本上，我食咗3舊，已經我位朋友食哂。絕對係手快有手慢無之作。 $398 我唔係覺得性價比高，不過我覺得物有所值。跟住因為呢條友無試過柚皮，我就叫咗個柚皮嚟食我自己本身食過大圍已經執咗嘅楓林小館version 所以我覺得呢個都算係拍得住嗰個級數柚皮唔澀仲無搶咗啲蝦籽嘅味道嗰兩條菜雖然係伴碟都唔差，一啲都唔老。由於前面兩道菜太好味，呢道粉麵就顯得有啲失色雖然兩面黃仍然處理得好好不過黑豚肉就個色就麻麻個麵仍然都叫好味嘅雖然我都飽到嘔，但我仍然叫咗個甜品，不過都係普普通通，即係蛋白係香嘅同滑，但係撈埋一齊又唔係太驚艷。不過如果係靜靜地傾偈，呢度係幾唔錯，環境唔算太嘈又唔算太靜。我都打算同我老公再嚟。…查看更多

與亦師亦友的朋友一起慶生，選的是這間米芝蓮2星的餐廳，雖是法國餐廳，但今日我們選的卻是Omakase menu ，生日無論如何也要點最特別的吧?!餐廳一嚟就sell 你飲餐酒，可惜我哋下晝仲要開會，所以婉拒了，但佢地再sell我地另一款無酒精嘅飲品，係柚子再打蓉，加入氮氣增加綿滑口感，我同友人飲完都覺得意外好喝。餐前是這裡自家製的麵包，加入紫菜酸種，配上醬油做的cream butter，能不好吃嗎? 麵包又鬆又軟，cream butter有點咸咸的醬油香，完美的西日配。再來就是凍食的日本茶碗蒸變奏，蛋是凍上的，加上枝豆，三文魚籽，柚子，再配上少許wasabi，味覺立時由麵包的濃味，變回清新。這個是醬油造的pancake皮，再夾著tuna，又脆又軟，加上兩款不同的醬料，像是吃了兩種不同菜式一樣。龍蝦又是做得相當出色，粟米打成的蓉，加上醬油(對，離不開日本之魂) spicy powder 同黑白芝麻，底部有很多粟米粒，完全和龍蝦肉很相配。本來粟米打成的蓉很甜，卻又被有點辛辣和咸味中和，甜而不漏。主菜苦等了我們廿多分鐘，幾乎要遲到，這是春雞 ~ 經理善意告知原本是4成熟，如果介意有血水，可以轉做7成，好貼心，加上春雞脾，以prama ham賣相上菜，相當有趣，春雞肉7成熟還是入口嫩滑，4成熟又是什麼景況呢~ 最後是raspberry sobert再配上蛋白片和朱古力碎，又是一道欲罷不能的甜品。下次要和老公嚟呢度慶祝~ …查看更多

如果你問我最近想再去嘅火鍋店我一定推介呢間因為我從來無諗過啲野新鮮到咁。本身我地一行7個人，點知有條友甩咗底，但侍應仍然好好服務，逐一介紹有啲乜推介。我地最後點咗個6人餐，因為點計都好似底啲。  影一影個配料盤係因為都幾足料，成12樣野可以俾你加。我地點咗個沙嗲同埋芫茜皮蛋呢啲大路野，有時套餐啲湯底難免稀啲，但呢間真係俾足你，所以我地食到底都係好濃郁。3秒響鈴好多餐廳都係交貨嚟，呢度真係自己炸，老實講，唔使食嗰陣防腐制嘅味，已經唔扣分。而且上嚟嗰時仲係脆。呢度啲餃又係有誠意，唔係嗰啲套餐細細粒，求其交咗貨俾你當有，佢真係大大粒，最鬼鍾意係佢啲雲吞皮唔厚，如果唔係同班化骨龍嚟，我自己會食多幾粒。啲本地手切肥牛，油花紋路真係好靚，你見到啲油花分佈咁平均，每一啖入口都有油香肉香，我地最後係成班忍住有尿酸嘅風險，叫咗啤酒送肉。登登登!!!!  我最suprise係，係餐廳打邊爐，我真係無見過咁雪白嘅鮑魚，所有海鮮都係洗得乾乾淨淨，同屋企食會洗得乾淨一樣，我地成班見到已經嘩嘩聲。 最後埋單........... 每人只係$248，呢個數已經係包埋野飲、加一，大佬，仲想點?  你問下次同班fd出嚟打邊爐，我都未諗到仲有邊間又平又有返咁上下水準。 …查看更多

過左一個月都令我念念不忘的泰菜因為佢嘅味道同曼谷嘅正宗泰菜有得揮就趁住而家個疫情，無得堂食，都懷念下。呢間係朋友仔住附近推介，我地就叫咗個二人套餐share另外仲order咗多一個冬蔭海鮮湯，堅係足料，除咗咸咗少少之後，其實無乜好挑剔，我亦都欣賞店家無因為要就下啲食客嚟減辣，老實講，唔食得辣，做乜鬼要食泰國菜? 另外佢嘅泰式明爐魚都係相當吸引，本身出去都成 $238 啦，呢度更加好味，香茅味足，又唔係細條，都係包係個餐裡面，老實講，我感覺店家真係蝕做。呢個馬拉盞炒通菜又係唔能夠錯過，係繼我係另一間泰菜館食過最似泰國地道嘅之一，份量亦無hea你，4個人食絕對係夠有突。呢個醃肉碎生菜包，我地揀咗雞肉，再加埋佢地特製嘅香料，真係好唔錯，而且啲生菜都係好新鮮，入口爽爽聲，唔係大食嘅話真係3個人食都得。食完呢餐飯，我個胃真係好想去旅行.........建議去唔到曼谷又想食泰菜，呢度真係一個性價比好高嘅選擇。…查看更多

話說這間餐廳我是吃了好幾次，才打這篇食評，因為我就是怕大家都知道這個好地方。一入去已經被這個精緻的地方所吸引這裡有大約3間像洞穴的房，最適合和閨蜜一起相聚。忘了告訴大家，這裡吃的是fusion 川菜。我們點了二人餐，因為相當化算，我們除開也只是二百多元，在這裡還沒有人一入座就提你：用餐時間XX分鐘。 多好，想坐多久便多久。這個二人餐每人也有一杯茶，不濃不淡，正好開胃。一出場就是我們平常都點的腰果皮蛋，腰果和薑打成泡，再加上花生火箭菜，皮蛋完全不漏，是道溫柔的前菜。再來已經是和很多朋友來到，大家都說「唔飽再encore」的必點項目辣子雞翼不算太辣太刺激，卻入口難忘的單骨雞翼，而且單骨來說真的好多肉。我們選了主菜 - 松露黃金虎蝦 ，三種重口味的東西放在一起，無論賣相還是味道也相當和諧，撲鼻而來的松露香味，加上粒粒咸蛋黃，蝦也是熟得剛好。除了套餐外，我們還order了甜品 - 春，貪其賣相吸引，果然不負眾望。用香水嗊壺裝滿玫瑰糖水，還有用化妝掃的紅桑子糖粉，加上玫瑰慕絲，甚是打卡之作，味道也相當不錯，不太甜，入口也充滿花香。我們埋單也只是三百多元，這樣的裝潢，還有食物，真的musea的滄海遺珠。…查看更多

老公想吃燒肉，但老實說好吃的又要等勁耐誤打誤撞下search到呢間燒肉就膽粗粗去食估唔到有驚喜，因為首先個好處係，唔使等已經可以入去再加上啲位好闊落做咗人呀爸呀媽就係咁你總係想搵啲坐得舒服我係佢樓下已經收到張佢地嘅leaflet寫住二人同行就送佐賀和牛所以我一嚟都幾厚臉皮問係咪有，侍應都幾大方話係啊, 有啊~ 即係都唔會黑哂面咁，喂，服務真係算唔錯。由於我老公請，咁我揀最貴嘅SRF極黑和牛小排嗰個餐，貪佢開哂１２４品嚟食係餐前最鬼鍾意佢地個碟，好鬼貼心咁有個隔油架係個碟度，食燒肉我都想隔下油，掠一掠啲油架嘛~  呢個真係想俾十個like ! 其實佢地出面都仲有啲飯啊、魚旦啊、沙律啊、雪糕啊 係出面張枱，但其實你淨係食嗰124品都真係已經夠，quota真係唔好放係呢啲地方。燒之前我地點咗啲蔬菜啊~ 南瓜沙律嚟佐一佐個胃，真係唔錯啊!!! 南瓜mix咗少少蛋沙律，真係幾開胃。啲蔬菜係新鮮到我之後再多點了一round ~ 除左呢排咁壯觀嘅雪櫃，我個餐已經包咗啤酒同清酒任飲，但我呢個洗錢嘅女人係唔心熄嘅。所以就order咗$24一枝嘅梅酒，店方除咗斟好俾你，仲會俾枝梳打水俾你咁正。第一樣燒肉嚟係呢客「壺漬封門柳」，店方對點呢客封門柳嘅客人都會安排同事去燒侍應生話要燒到好似個donut形咁，仲要唔好太熟，入口又真係好驚喜，因為都真係幾甜，肉質鬆軟。之後，終於盼到送俾我地嗰客佐賀和牛，老實講個擺盤唔錯，同埋都有5塊唔係hea你但可惜嘅係其實除咗本身有牛味真係普通，幸好有佢地啲調味醬料調下，侍應生講到係師傅親手炒啲燒肉鹽啊,  都係加份位。跟住呢盤野算係好唔錯，我地梗係點咗SRF和牛嚟試，唔係叫呢個餐做乜啊食完之後，我想話早知唔叫其他，真係完全比下去啊~  真係和牛係食得出架!!! 幾乎入口即溶嘅口感，呢個叫5碟真係番本! 唔講太多長篇大論，最後埋單大約482 一個人，我覺得係有和牛嘅情況下，已經值回票價，同埋坐得舒服真係已經係賣點。…查看更多

在又一城修完眉，就約老公係附近食埋野係地下味千集團嘅金色不如歸同埋LUBUDS集團嘅鳥十之間我揀咗呢間畢竟LUBUDS旗下多數係日本餐廳，唔係真係純想食拉麵嘅，我就揀咗呢間了。本人點咗個定食，雖然3點幾都仲有得食定食，我覺得算係唔錯前菜係三文魚沙律，雖然賣相一般，不過我覺得都唔錯，菜又爽口。同埋都真係少餐廳，定食嘅沙律都會有幾塊三文魚，畢竟好多都係求其沙律菜俾啲醬就算。麵鼓湯唔算好咸，而且有啲年輪狀的腐皮也少見，口感不錯。係食主菜前，我仲貪心叫咗呢度出名嘅串燒，丫，單係賣相嚟講，真係幾好，雞皮唔會乾哂，雞軟骨都唔係hea你，一串四粒都真係每粒有骨有肉，下次有開心事都可以係度食佢地個串燒套餐，都係四百幾一個。我係好鍾意去每一間日本餐廳都點返個煎餃子，如果sort out得好，其實可以開個blog嚟寫咁滯。呢個個賣相係平時日式餃子嘅傳統煎法，所以賣相不錯。不過見到佢真身嗰時，又覺得有啲弱咬到入去仲無乜料，無乜口感之餘，料又唔多，真係有啲失望。不過跟住嘅生姜豚肉燒就無失望勒，沙律配料就可以不吃，因為一般，但係本身個生姜豚肉燒真係整得好好食，係忍唔係會：「丫!」 點頭嗰種~ 而且豚肉同洋葱都好入味，而且飯嘅份量都啱啱好，啲洋葱都係好好送飯。好彩係個定食嘅甜品都係佢地自己整，唔係嗰啲包裝好嘅雪米糍，芝麻餡但都算有心思。總括嚟講，呢個集團嘅日式野食都唔錯，所以今次發揮到水準都唔係意外。…查看更多

我記得食呢間餐廳嘅時候係啱啱可以放返晚巿食飯於是我地一行四個女仔，搵咗個中間點，即係又係尖沙咀嚟食酸菜魚之前見新假期推介呢間酸菜魚，我冒住幾乎次次食飯傾到overrun 俾人叫走嘅危險都嚟呢間試一試。呢個老虎椒愛鬆花蛋，單係賣相已經令人胃口大開，所謂嘅老虎椒都唔係太辣，皮蛋亦有雪花紋理，相當吸引，我地4個勁快已經食完。其實我地都無叫其他野，一嚟已經order咗土豪份嘅老壇酸菜魚，諗住加埋啲配菜應該都飽，一嚟到見到個賣相，都真係覺得幾震撼，因為店家用一個好大嘅盤去裝住，加上有胡椒同食用菊花做點綴，真係食辣都覺得有點優雅。腐皮唔係算太多，不過佢無淥到好淋，仲係有啲挺身嘅，同埋有啲細塊咗，令人覺得似腐片多過係皮。反而佢地嘅薯粉好淋，幾乎係已經淋到有啲爛，好似已經淥咗好耐，口感仍然煙韌，不過我覺得薯粉真係可以考慮。至於魚我地覺得真係好食嘅，但係土豪份都唔算太多魚肉，我諗係最近啲魚貴啦，不過啲魚真係滑同唔腥，一定唔係雪藏先。午餐肉質感結實，唔似係用白豬仔嗰隻，口感似韓國或者荷美意嗰種，不過個人喜好可以淥耐少少總括嚟講，呢間餐廳個景係靚，不過佢行高級路線，唔係用火鍋嘅處理方法上菜，真係煮好俾你先上，明顯係店方真係對自己嘅酸菜魚好有信心，而且亦希望食客真係食到佢地煮到最好嘅質地俾食客食。 不過我覺得份量係可以再多少少，土豪份4個人食，只係啱啱好(可能我地大食)，下次要加多個粉絲啊、米線啊先得。…查看更多

又到咗每個月嘅22號，我總係會想搵一間未食過嘅餐廳同我老公explore下，今次我地放工去佐敦買啲野，路過就到咗呢間個名幾搞笑嘅餐廳，就入去試下點知呢度主打嘅係雞湯翅，而且係一個普通人都可以負擔到嘅尋常價錢，所以我都唔執輸，揀返個嚟試下。先講下啲前菜，其實呢個豬手是不錯，店方去掉一些豬骨，讓人只吃到肉和皮的爽口，要挑剔的話是花雕未太入味，但仍是不錯。至於這個金錢肚，就普普通通，畢竟肚太韌。 但念在店家不是主打這個，我覺得是情有可願。話說我在這個雞湯翅加了個粉絲，這個粉絲是另上的，但湯仍是用返本身雞湯翅的湯，而且火腿也沒少給你，和雞湯翅相當之夾。好了，這個主菜了，老實說百多元，我本來沒太大期望，但來到時看到這賣相，還是覺得喜出望外。畢竟翅真的沒少給，金華火腿也是，花膠和雞的份量也不相伯仲，可以說相當足料，湯也是相當濃厚，喝了一口，也沒覺口渴，那是原汁原味的味道，沒添加味精。我想說的是份量真的頗多，相信店方也是希望兩個人分著吃，只是沒想到我是自己一個人吃，哈哈，所以挺飽的。 鄰桌的男人大啖大啖吃著，好不滋味的樣子，要是工作辛苦了一天，來到這裡還能吃雞湯翅，也算是一個不錯的心靈慰藉。…查看更多

朋友家住堅尼地城邀請我到她家附近吃飯，其實心裡也掙扎了好一段時間，但本著Happy Friday陪朋友就來一趟，到了餐廳門前，卻被門口的歐陸戶外雅座所吸引，當天還有人帶著寵物在這位置用餐，的確是我這位好友的心儀餐廳。本以是間小店，誰知店內實在可用有型來形容，沒想到中間大柱位是烤焗廚房，店內逾7,000呎用地更是讓人感到相當舒適不止座位裝潢，連天花吊燈亦用上月球佈置，加上店內的大鞦韆更是打卡熱點我地叫咗個combo加少少 a la cart menu 嘅野食，首先嚟嘅係常見頭盤沙律。其實佢呢個Santa Monica Salad，淨係睇個名唔知食乜，但睇埋個樣真係不得了。半個牛油果咁切落去真係好有誠意，仲要加咗個芝麻脆片嚟增加口感，加上西柚又酸甜開胃，可以真係打開我地嘅胃口，後來枱頭一看呢個水耕菜嘅櫃，更加係不得了，你單係望住呢個菜櫃，再食住啲沙律菜，真係好fresh 好脆口。跟住散叫呢個海神海鮮籃更加係意外驚喜，你係無諗過成個炸漿係蘸滿咗紫菜，辟咗啲腥味之餘，令鍾意紫菜嘅我，增加咗鍾愛程度。每件海鮮，包括蝦、三文魚、八爪魚都令人覺得爽口鮮味，如果唔係食完仲要OT真係想叫杯cocktail送下酒。跟住係本來有少少俾waiter半推半就叫嘅US Rib ，一班大鄉里出省咁，同waiter講：我地唔想食豬啊～ 最後waiter尷尬講係牛嚟架，牛都有rib.... 仲問我地幾成熟，其實一向食開7成嘅我，係因為我覺得叫medium well 就會一切開好多血，但最後嚟到，一件件無乜血水嘅粉紅嫩肉係我地面前嗱，我真係好少覺得medium well 嘅肉係好食，而which is 真係好好食，首先無乜雪味，好有肉味，又唔會太過韌切唔開，可以話相當唔錯嘅肉質，呢個價嘅話好過OutXXXk 朋友話極推介呢度嘅西班牙海鮮炒米粒麵，嚟嘅時候我一度以為其實係risotto啫，不過原來更有口感，而青口更加係juicy到食生蠔咁，真係好少食到唔係熟到橡皮膠咁嘅青口，這刻我真的流淚了。overall 嚟講，其實呢度真係好食過平時食開嘅連鎖扒房，地點係遠咗少少，但住南區嘅真係不妨一試，真係物有所值。…查看更多

臨近中秋諗住近近地同老爺奶奶做節，所以就下老人家去食中菜，又見到呢間算係幾靚仔就入去坐下。佢呢度啲菜式嘅價錢都算幾合理，所以老人家都係比較鍾意啲抵食啲嘅野，一入嚟佢地見到$1 隻燒鵝同雞，已經雙眼發光，我其實本身個心態都唔係抱有好高期望，畢竟$1 野你想點丫點知嚟到嗰時, 份量唔差喎, 仲搵個爐仔㷫住碟鵝，醬料又齊。趁熱食啲皮都仲脆，肉唔羶，$1真係抵到爛。另外我地仲order咗個肥牛粉絲煲，肥牛唔係得幾舊，我地幾個人一人幾碼食到幾舊，而且啲粉絲好入味，又唔係發漲到爛哂。 呢度最重要嘅係佢加咗少少菠蘿吊起沙嗲陣味，真係唔錯。可惜嘅係跟住落嚟呢碟野就失色了，本來我地見到咁大碟豉油王鵝腸真係覺得抵到爛，因為我地平時食開百幾蚊都可能得呢碟野嘅一半都唔知有冇。但當我地入口嘅時候，嗰種羶味真係勁到你食咗一條已經唔想食落去，有位經理見到我地剩咗咁大碟同郁都無郁過咁滯，埋嚟問咗幾句係咪唔啱食，我地反映咗之後，佢就拎咗入去廚房理論，仲好好咁幫我地cancel 咗張單，仲同我地解釋咗一輪，對品質未符預期覺得抱歉。其實一間餐廳我都唔係expect樣樣好食，不過呢位經理咁嘅服務態度，本身已經幾值得一讚。最後，我要食返一碟普普通通嘅蒜茸炒小白菜，先洗得走鵝腸嘅味道，碟菜都尚算鮮甜。總括來講，其實一家人做節嘅話都真係抵到爛，連埋碟鵝腸都係4百蚊倒，坐得舒服，每枱都有一定空間又唔迫，真係算係咁。…查看更多

記得幾年前我仲係灣仔捱世界嗰時，有位唔太熟嘅舊同事帶我嚟咗呢間菜館嗰時都仲係散叫同埋單俾cash 不過覺得好好食，所以同而家係灣仔捱世界嘅朋友仔返番嚟呢度食點知有樣野變咗，就係而家好似四姐川菜咁，一個定額叫幾個餸咁。其實我同朋友仔都係食得辣，但我地唔想樣樣都係辣，所以我地就唔想叫咁多得兩個人，但係竟然可以叫兩個前菜(一啲都唔前) 同3 個主菜以我同朋友仔嘅食量，其實真係可以叫多個朋友上嚟食都仲得我係想表達呢度平過四姐之餘，仲好鬼抵食呢個涼麵係全晚最好食，佢酸酸辣辣令我開胃之餘個麵軟硬適中如果食lunch真係食呢個都飽呢個香油苦瓜，我覺得麻油味太重，雖然都好好味，苦瓜唔澀但係食完我成晚個口都係蒜味，真係感覺太難受不過苦瓜咁煮，其實好適合啲食素嘅人呢個酸菜魚，好食過尖沙咀有間米芝蓮嘅川菜餐廳魚嘅份量好多而且酸菜味道夠，又唔會太酸我同朋友好開心，終於食到間好食嘅酸菜魚真係幾乎喊出嚟我地連墊底嘅薯粉都食哂呢道菜係侍應生推介，有密集恐懼症者勿吃但我同朋友係超級鍾意呢道菜佢唔太辣 (呢個亦係侍應生推介原因)，我地未試過呢道川菜而且雞肉切得好容易入口(特別係女士) ，而且萵苣好好食 !!!! 我朋友係鍾意到食唔哂都要打包走呢間野真心係蒼海遺珠 ! 所以我唔寫唔得~ 唯有挑剔嘅，太多年輕人(好似我地呢啲年紀嘅) ，Happy friday 嚟講有啲嘈 …查看更多

媽咪生日，本來訂了一間中菜館，卻因那裡的老師傅退休了，我們失了預算下，決定在家裡附近找吃。這才發現原來從前的新斗記早已改朝換代，換成了屬於大圍人的菜館。安頓好後，這裡的小吃明顯比別家都花了心思，桂花馬蹄實在花香撲鼻我對馬蹄一向又愛又恨批皮批到手都損，但係只係食到少少肉，這次竟然有這個削得乾乾淨淨的入口爽口，桂花汁又香又甜，名符其實的開胃小吃。吃這個真的要看彩數，因為我看到隔離枱是個話梅苦瓜呢! 我家的肥老豆最喜歡吃燒味，所以我們點了一客例牌燒鵝皮脆肉嫩，媲美對面海福的金城當然優勝的是這裡從來不催促我交枱。這裡的啫啫生菜煲用上原個生菜，撕好一片片後再放上這個熱鍋生菜爽口，而且蝦醬香濃嚟到呢度不得不試呢個出面唔係度度有得食嘅三馫籠仔飯用咗白飯魚仔乾、魷魚鬚同蝦乾蒸成整籠飯實在是咸咸香香入口又有口感，相當有漁鄉風味。四個人食生日飯，每人大約二百五十倒，又近屋企，又食到特式菜我個人認為下次我做節一定會嚟…查看更多

VPoint 呢棟野真係入咗好多幾好食嘅食肆，所以我就約咗我久未露面嘅best fd嚟呢度一間新開嘅雞煲食飯 (其實係明知佢唔食得辣又唔鍾意食雞煲而整蠱佢，當然最後整蠱嘅係自己) 其實我地係嚟宵夜嘅，因為OT 到咁上下時間都好夜勒，好彩佢有個宵夜套餐，兩個人就大約$538，要收加一，亦都無飲品送，不過我地覺得環境靚無乜所謂啦。介紹下佢個套餐有乜野食啦：前菜涼拌青瓜本來其實我地唔多想要個前菜，不過個前菜一嚟到，我地又俾個賣相吸引。我地唔食辣又幫我地走咗辣，青瓜每塊大小不一，應該係手拍青瓜，拍到佢地稀巴爛的，不過真係好爽脆，而且醋汁同埋蒜茸亦令人相當開胃。串燒可以揀兩款，最衰我朋友唔食辣，其實都算燒得幾香。好勒講下個鍋勒，其實我本來諗住會係好似出面咁，食咗一輪乾嘅雞煲先倒啲湯入去，但一嚟到，竟然係.... 已經湯上，實在太特別，而且見到上面啲波波辣椒，真係覺得睇到辣。不過咁大煲湯，其實唔係好撈到啲雞.... 而啲雞個size 又咁「大」..... 亦都因為浸住個咁嘅湯，其實隻雞無乜味。建議丸真係唔好再叫，唔係太彈牙。呢個響鈴嘅賣相，完全可以用唔太用心嚟形容，不過浸完湯入口就唔係咁覺嗰種好似交貨過嚟咁嘅質素。如果可以，希望大家唔好叫呢個隨變粉，因為個口感都幾怪，原本我地expect係差唔多似薯粉咁嘅質地但入口完全唔係嗰回事，滾咗陣就溶到一pea野咁。呢碟西班牙黑豚肉賣相幾好，而且味道亦唔差，只係等嘅時間比較耐，我地同咗經理講：仲差呢碟未到。佢自己聽錯，我地係要多碟，然後我地向不同店員，包括經理佢自己解釋，我地係追緊呢碟，唔係要多碟，經理表現嬲怒，我地表示無辜。最後埋咗單，甜品係粒雪糕糯米糍。 …查看更多