ckyau827的个人专页

冇諗過可以咁差!!!原本叫紅燒牛肉湯飯，但佢落錯單嚟咗個清燉牛肉湯飯，都算，但真係難食，個湯純粹得個鹹字，牛肉又老又韌，咁樣收人$70好唔好意思?豆乳鹹酥雞肉燥飯，鹹酥雞雖然唔熱但都尚算好食，個肉燥飯勁多肥豬肉，揀曬啲肥豬肉出嚟之後都冇咩肉食....見到牆上貼咗台式香腸拼盤幅圖，望落好似幾好，於是叫咗碟$17台式香腸，點知係我最錯嘅決定！首先同幅圖已經好大出入，份量咁少而且食落油淋淋超級肥膩，懷疑全部都係用肥肉製造，根本唔係平時食開嘅台灣腸！！！…查看更多

八天堂嘅梳乎厘班戟香軟得嚟好似棉花一樣極重空氣感!! 我點嘅係抹茶口味，配上抹茶粉甜膩感大大降低，食多兩啖都唔覺得漏~~~ 就連伴碟嘅黑豆都甜甜地好好味，丸子同蕨餅香軟又煙靭~~~ 而八天堂除咗甜品之外，連意粉都非常好食!!! 我點咗明太子溫泉蛋忌廉意粉，意粉軟硬適中，撈埋蛋味香濃嘅溫泉蛋同幼滑又creamy 嘅忌廉汁，配上明太子 = perfect match!!!! 😋😋😋 …查看更多

呢間餐廳日頭係茶記，夜晚搖身一變變成以鮮甜蟹粥做主打嘅海鮮小店😍😍😍 瓦煲生滾蟹粥即叫即滾，粥底軟綿綿，鮮甜美味，絕對係必食推介!!! 配埋店內嘅豉油王炒麵一齊食絕對係perfect match~~~ 😋😋😋籠仔鮮蟹蒸飯蒸到入曬味，除咗海鮮嘅鮮味，仲有荷葉嘅香味添!! 👍🏻👍🏻👍🏻泰式炒蜆酸酸辣辣幾惹味，蜆肉肥美又冇沙，唔錯唔錯~~~另外誠意推介即叫即炸嘅蝦膠響鈴、雞軟骨、椒鹽白飯魚，同埋蜜糖雞翼!!! 😋…查看更多

呢個造型cutie到爆嘅烏卒卒火山鰻魚櫻花蝦飯用嚟打卡一流!!! 正價$148，但賣相咁得意咁有心思，真係一試無妨!!! 佢烏卒卒嘅火山外殼其實係軟綿綿嘅蛋白，火山頂係蛋黃，由山頂切落去蛋黃汁就好似岩漿咁流出嚟，真係好似火山!!! 😂 裡面嘅炒飯有鰻魚粒同櫻花蝦，以為佢只係靠外表吸客，所以本身都冇乜期望，點知好難得呢個飯係內外兼備，仲要幾好食添!!! 😋😋😋👉🏻留意返，呢間餐廳可以經app book，最少都有九折!!! 🤗 …查看更多

元朗美食林立, 老字號食店多年嚟屹立不倒, 當然自有原因! $56/碟蝦籽撈麵, 麵底香口彈牙, 絕無梘水味~ 配上蝦籽同香蔥, 非常惹味!! 😋😋😋 嫌太乾身可以飲返啖上湯, 就算成碗飲曬都唔覺口乾! 👍🏻 值得一提嘅係作為老字號食店, 佢嘅服務係出奇地咁好!!! 一坐低, 店員招呼已經非常熱情, 要幾多杯水, 邊個位冷氣大, 要唔要剪麵, 服務相當周到! 👍🏻👍🏻👍🏻…查看更多

喜愛咖啡 x 甜品嘅朋友萬勿錯過! 呢款咖啡豆形狀嘅窩夫不但令人一見傾心, 更加係一試愛上~~~ 😋😋😋 窩夫外脆內軟而且蛋味香濃, 配上微澀嘅咖啡, 加埋帶有檸檬皮嘅忌廉, 再點少許蜜糖, 口感豐富而且多層次, $60 嚟講 cp值真係好高!!! 😍😍😍不過份量真係唔少, 最好就揾埋朋友一齊share食啦, 記得試埋佢杯咖啡都好好飲~~~Follow my ig for more:https://instagram.com/ck_mouse…查看更多

唔知點解最近越開越多冰室, 叫得冰室通常都係主打懷舊, 路過見到呢間荔香園裝修幾有心思, 門口阿姐又不斷大叫有九折, 於是就入去試下😎 我叫咗個 $48 雙拼蕃茄湯麵連飲品, +$5 轉稻庭烏冬, 大大粒墨魚丸有4大粒, 唔粉不特止仲幾彈牙添! 瑞士雞翼2大隻, 都幾入味! 蕃茄湯唔算突出, 不過不失咁啦, 反而烏冬幾煙韌, 唔錯唔錯~~~ 裝修真係幾靚嘅有心思…查看更多

見MK呢間泰國菜裝修好靚，難得book到優惠時段就去試下😍環境以花草園藝佈置為主題，又靚又好坐~門口佈置得都好靚芒果柑桔蟹肉沙律，少量蟹肉，柑桔可能只是果醬，值得一讚係生菜好新鮮食到索索聲， 同埋芒果肉幾甜😋雞肉串燒烤得太過乾身，如果可以juicy D就更好... 🤔🤔🤔炸芝士條一碟9件，一定要趁熱食先好味! 奈何 兩個人食嘢速度有限，食到第三條已經凍咗， 芝士餡變硬之後真係冇咁好食🙈🙈🙈最好食係呢個芒果糯米飯，有泰國當地質素~~~ 總括: 有優惠絕對係食得過! 坐得又舒服，打卡一流!!! …查看更多

星期五晚同老公即興去土瓜灣 walk in食西餐~$38 泡沫甘筍蕃茄忌廉湯，見到都覺得驚喜 ，賣相好靚! 個湯好夠熱，泡沫好綿密，甘筍蕃茄味好濃，仲有好香嘅胡椒味!老公一定要食飯嘅關係就點咗$98海鮮意大利飯， 賣相七彩繽紛好吸引，意大利飯食落creamy 又好味，海鮮仲好fresh添，waiter聽見我哋大讚，走過嚟話海鮮係每日新鮮購買! 唔怪得知啦~~~鍾意食羊嘅我就點咗慢煮$188五小時羊髀配扁意粉，慢煮羊髀一切開簡直係香軟鬆化， 一啲羶味都冇(但其實我食得羊髀完全唔介意羶😂)，扁意粉軟硬適中，醬汁香濃，份量大大碟，女士一個人會食唔曬! 下次試下去食lunch先…查看更多

旺角女人街一向食肆林立，花多眼亂，有時都唔知食咩好! 星期六中午時是但走入呢間十三姨，估唔到有幾有驚喜!一坐低店員即刻送上七彩蝦片同熱茶! 不另收費~~~蝦片七彩繽紛脆卜卜!水滾茶靚，杯茶仲幾香添!茶杯刻有十三姨，靚得嚟又幾有心思~檯面有飯/湯麵專用嘅秘製豉油，甜甜地好香口!$49 黯然叉燒雞飯，本身個甜豉油好好食，撈飯一流! 配有半熟蛋一隻、沙律醬同木魚碎，又幾夾幾好味!秘製雞叉燒，冇豬肉咁肥膩，食落冇乜罪惡感但又做到好香口!😍😍😍餐飲+$8 要炭燒咖啡，原來係類似越南咖啡咁嘅滴漏咖啡!杯裏面預先加咗煉奶，所以不需另外落糖! 不過杯咖啡只屬一般，我覺得佢送嗰杯熱茶最仲高分過杯咖啡! 😂😂😂整體嚟講都好滿意，下次再幫襯! 🤗🤗🤗…查看更多

葵涌廣場近年愈開愈多小食店，五花百門，基本上真係想食咩都有，絕對係掃街好去處!之前行3/F TOP世界一向係shopping睇衫，但最近多咗小食店進駐，變成一條美食街，淨係揀食咩都有排睇! 今次就試咗烤焗工房先啦🤗我叫咗火焰芝士雞件撈公仔麵，大大兜都只係$29!!!芝士微微焗香，4件雞件炸過但唔算熱氣而且尚算嫩滑，都幾令人驚喜! 可惜撈麵略嫌乾身， 如果有少少醬汁相信會更加好食!朋友仲叫咗蜜糖炸雞翼，不過佢話只屬一般，只係普通炸雞翼淋上少許蜜糖汁~~~…查看更多

朋友話呢間燒賣好好食, 係元朗名物, 起初以為都係小食店啫? 🤷🏻‍♀️ 點知一試之下, 簡直令人驚豔! 😍 $10/5粒大大粒, 好難得佢啲燒賣係用瘦肉而唔係肥豬肉, 仲有香噴噴嘅冬菇粒, 加上甜豉油, 真係一試難忘! 😋 食過返番尋味, 馬上返轉頭諗住試埋佢啲串燒, 可惜牛舌已宣告沽清, 於是就食串燒燒賣, 串燒燒賣其實冇蒸燒賣咁好食, 但勝在個沙嗲汁香濃又惹味, 而且燒賣皮燒到脆卜卜, 真係未食過咁好食嘅燒賣!!! 😭😭😭另外, 上網見到唔少人話佢啲阿姐黑面, 講真做到冇停手喎, 黑面都好正常啦! 而且街頭小食, $10/5粒仲想要求有咩service呢😅😅😅🙆Follow my ig: 👉@ck_mouse👈for more🙆…查看更多

一直以為元朗冇咩飲咖啡嘅cafe, 直到朋友推介呢間咖啡小店! 成間cafe裝修好有心思, 以木製傢俬為主, 有種古典優雅嘅感覺, 埋邊有個大書櫃全部都係有關咖啡嘅書, 感覺店主真係好熱愛咖啡! ☕ 我飲orange mocha, 拉花好靚好有心思, 咖啡味同奶味香濃, 少許橙香調味又唔會蓋過咖啡味... 😋👍🏻 男友飲hazelnut latte, 冇諗過佢拉花可以拉隻鹿仔出嚟仲要有棵樹響後面! hazelnut味好香好突出, 好睇又好飲☕👍🏻👍🏻👍🏻兩杯咖啡盛惠$70, 唔駛加一! 非常抵飲, 又唔限時~~~…查看更多

咁啱見app有折, 就嚟試下呢間裝修幾靚嘅cafe! 我叫咗個原價$128 嘅黑松露溫泉蛋雜菌扁意粉:賣相唔錯, 食落亦都幾好味! 扁意粉不會太淋, 有咬口! 👍🏻 雜菌份量極多, 食極都有! 🤣 略嫌溫泉蛋蛋香不足, 好在調味搭救, 黑松露忌廉汁夠曬creamy 惹味! 😋😋😋 另外, 上網睇好多人踩佢service唔好, 但我又覺得ok! 侍應是後生女, 雖然期間有漏單, 但都有say sorry就算啦! 反而店名為Coffee Jobs, 以為佢咖啡係主打啦, 點知佢12pm開門, 1pm先有咖啡供應! 😮😮😮…查看更多

同男友講開長沙灣多咗好多美食, 於是今晚專登去試其中一間: Neighbor 😜😜😜一入去 staff就好有禮貌咁問我幾位, 叫我隨便坐, 去cashier嗰度點餐, 即時俾埋錢, 再等食~ 個open kitchen 見到幾乾淨企理, 對於衛生情況都幾放心! 👍🏻👍🏻👍🏻我點咗大啡菇牛肉漢堡配雙色薯條, 熱辣辣香噴噴好惹味!! 大啡菇同牛肉都非常juicy!! 生菜同紫洋蔥食落爽脆香甜, 可見用料非常新鮮~😋😋😋雙色薯條原來係薯條同蕃薯條! 又幾特別~ 香口又好味, 都幾唔錯!小食方面, 椰漿脆雞翼完全係令我喜出望外! 意想不到咁好食! 個皮炸得又香又脆, 椰漿味勁濃! 熱辣辣咬開勁juicy! 真正做到皮脆肉嫩!! 😍😍😍男友點咗安格斯西冷牛扒(5成熟)配沙律同薯條, 賣相一流令人口水直流! 🤤🤤🤤 薯條一貫香口, 沙律菜爽脆鮮甜, 但塊牛扒比起個burger 同雞翼實在失色, 雖然調味唔錯, 但有少許筋位而且偏韌, 我諗下次再嚟都係食burger同雞翼算啦~我意思係... 下次一定會再嚟!! 🤗🤗🤗…查看更多