一入去 staff就好有禮貌咁問我幾位, 叫我隨便坐, 去cashier嗰度點餐, 即時俾埋錢, 再等食~
個open kitchen 見到幾乾淨企理, 對於衛生情況都幾放心! 👍🏻👍🏻👍🏻
我點咗大啡菇牛肉漢堡配雙色薯條, 熱辣辣香噴噴好惹味!! 大啡菇同牛肉都非常juicy!! 生菜同紫洋蔥食落爽脆香甜, 可見用料非常新鮮~😋😋😋
雙色薯條原來係薯條同蕃薯條! 又幾特別~ 香口又好味, 都幾唔錯!
小食方面, 椰漿脆雞翼完全係令我喜出望外! 意想不到咁好食! 個皮炸得又香又脆, 椰漿味勁濃! 熱辣辣咬開勁juicy! 真正做到皮脆肉嫩!! 😍😍😍
男友點咗安格斯西冷牛扒(5成熟)配沙律同薯條, 賣相一流令人口水直流! 🤤🤤🤤 薯條一貫香口, 沙律菜爽脆鮮甜, 但塊牛扒比起個burger 同雞翼實在失色, 雖然調味唔錯, 但有少許筋位而且偏韌, 我諗下次再嚟都係食burger同雞翼算啦~
我意思係... 下次一定會再嚟!! 🤗🤗🤗
