Shirakawa Kriz的个人专页

食物正正常常中規中矩，但個別店員態度服務極其惡劣，喺香港絕對有更好嘅選擇。本身晚餐用膳堂食，中間加咗一個外賣俾家人，最初該「副店長」表示會如餐牌所示會有一個蛋撻仔。（當時18:20，如果我選擇叫下午茶餐嘅話就係預設唔會有蛋撻仔，晚餐就會有，因此我選擇落單叫較貴嘅晚餐）都隔咗一段時間（當然過左18:30下午茶餐截止後），另一名店員，亦都係態度10分惡劣西面既X盈，走來同我哋講外賣唔會有蛋撻仔，我話頭先你個店員同我講有，佢冇理到，只係再三強調外賣有九折就冇蛋撻仔。我再表示落單嘅時候你哋話有，如果冇嘅話我就叫下午茶餐啦，佢就話下午茶餐而家已經截咗止。佢好似借咗聾耳陳隻耳咁樣聽唔到，西面之餘完全冇回應自己同事一早講錯咗或打算認衰道歉 。其實本身真係好小事，呢一個店員連一句好基本既「唔好意思同事講錯咗」「對唔住呀」都冇，我嚟過呢間餐廳我諗都有50次以上，本身落單嘅時候你哋講錯咗，少少責任都唔負，少少謙意都無，你咁大支嘢放心啦，以後都唔會再嚟☺️…查看更多

銅鑼灣曾經有一間日式餐廳出過一款海膽龍蝦海鮮丼，疫情過後，個日式餐廳已經捱唔住結業了。緣份之下發覺原來該店師父已靜悄悄去咗尖沙咀一條比較偏正嘅街就係晴空啦！晴空嘅價格相對較為相宜，唔係行高檔，一線Omakase路線（其實行高檔路線嘅好多已經做唔住了）由於暫時唔係好多人知道有呢款丼飯，所以暫時都係要預約先有得食。原隻大大隻波士頓龍蝦，再配上三層嘅海膽，相片鋪咗薄薄嘅金箔，影相都已經夠晒震撼。由於龍蝦🦞要訂師傅先至會攞，所以絕對新鮮。呢個飯既精髓就係師父喺龍蝦頭榨返啲龍蝦膏整嘅醬汗出黎，個飯就係用呢d龍蝦膏Ko醬汁撈返嚟食，十分鮮甜滿足😌。可能你會覺得四百幾食一個龍蝦飯好貴，但係食過一次，你就知道原來龍蝦係可以整成一個咁美味可口嘅海鮮丼。（當然啦平啲就更加好啦哈哈。晴空嘅定價已經比舊舖$5xx更加平）…查看更多

茶點美味。賣相討好，裝修美麗，打卡滿足。帶子十分鮮甜。蝦也十分美味。鬆餅味道很好。票子味既cream就個人應覺一般。飲品賣相很好，如果可以少cream會更理想。服務員態度友善，要改善的地方飲品單價偏高。如下調到50-60會合理好多。店鋪人氣晚上出奇冷清，可能與定價高於同類case有關。建議下調或給予優惠，做旺人氣。另外，冷氣異常十級雪房凍，必需正視，否則好睇都坐品耐有d可惜。應該同商場無關，因為一出餐廳就最番晒⋯⋯…查看更多