deliaaab的个人专页

喺元朗都開咗一段時間，成日見有人排隊，太多人所以一直都無買到嚟食。終於到到下午時間無人排隊，終於可以埋到個凍櫃睇到有咩賣同可以試吓。$35 麻辣手撕雞撈麵 我見到個姐姐夾嘅時候都呆咗一呆，佢裝手撕雞個兜，成兜都係青瓜。所以我呢兜麵亦係成兜青瓜。手撕雞絲夾埋都唔知有無十舊，呢個係青瓜撈麵😑😑痴線夾走部分青瓜就係得咁多雞絲，本身啲雞亦無咩味，仲要個麵撈埋調味料都係無咩味厚興瑜記好食好多好多倍，起碼人哋隻雞有味。到底點解吸引到咁多人排隊買😅…查看更多

加餸好選擇！Lunch 食嚟食去自己帶嘅飯盒真係好dry，咁啱附近有好嘢食，緊係唔好放過啦！🤣🤣起碼滿足吓眼球同胃先啦！原來都幾多人排隊幫襯㗎，而製作都需要啲時間。分別叫咗兩隻口味😋鼠尾草鹹蛋黃哥好脆好脆嘅雞皮～面頭嘅鹹蛋黃醬我自己就覺得鹹咗少少，但整體嚟講幾特別幾惹味嘅！文青風玫瑰🌹講白啲，係上面有玫瑰花瓣嘅蜜糖雞翼食落唔太重玫瑰味，係陣陣蜜糖味，加上佢整得好香跪，所以都係唔錯相比起鹹蛋黃醬雞翼，我鍾意呢個多啲…查看更多

村爺爺聽過朋友講好多次，終於都可以嚟試吓啦！好方便就喺油麻地站出口附近，離遠少少見到排緊隊嘅人龍就知到啦！前面有成5-6枱客，大概等咗20分鐘左右會喺入座前點餐先，一入到去就即刻有得食啦！花膠螺片雞湯翅 $68 加白飯再油菜就再加$10份量係極多！唔太食得嘅可以唔加飯都得，因為真係食唔晒㗎！湯底非常濃郁，好夠味，而且好足料，足足有成半隻雞咁滯，雞肉好嫩滑！除左有刀叉之外，仲提供咗一對手套方便大家食雞但張枱唔係好夠大，放兩個盤都唔係好夠位食唔晒打算拎返屋企都唔得，原來係唔可以打包的，做咁大嘥鬼啦😭😭…查看更多

太少去荃灣啦呢排，真係好耐無食皇室啦，以前係一個星期食三次咁滯。嚟到皇室太多款選擇，樣樣都好想食，個胃又得一個，唉～首選一定係榴槤甜品！榴槤都有幾款，最後揀咗榴槤忘返 $48入面有啖啖榴槤肉 雲呢拿雪糕 水晶珠 黑珍珠 上面仲有少少榴槤沙冰咁嘅份量都幾多！好好味，佢係有好多榴槤肉，總之食啖啖都會食到，不過最大嘅問題係越食越凍，呢啲天氣食食完行出門口都仲有幾陣寒意，但嚟緊夏天食就相當唔錯啦！如果加埋小丸子，一定仲好食，下次再戰！…查看更多

喺元朗想搵間好食嘅米線真係好難，真係要每一間都試一試，唔喺大街，但唔難搵嘅。鋪面唔算大，所以都係買外賣算啦餸嚟講都幾多選擇叫咗個招牌小鍋米線，呢個本身入面已有雞肉同菇，所以揀多一樣餸都夠晒，揀咗個個都推介嘅南乳雞件配埋個酸辣湯底好貼心，外賣係會分埋湯配菜真係幾多，味道唔算太辣接受到，元朗嚟講算係好食南乳雞件好香脆，好食，終於明白點解個個都會叫😁特別一提本身米線跟的配菜 秘製甜酸菜甜得嚟又唔會少咗酸菜應有嘅酸味 因為係配菜，份量唔太多，唔夠喉啊！…查看更多

以前去親元氣食壽司都一定排晒長龍，而家終於唔使等位啦！直入👍🏻QR code點餐我就真係唔係咁鍾意啦，有時要揾想食嘅嘢都難啲，麻煩咗。脆蒜長鰭吞拿魚 $10/件叫呢個全因為個醬，唔知點解幾鐘意食沙律醬加辣椒油，仲要加埋蒜，個組合好似怪怪地，但真係幾特別㗎喎！但舊吞拿魚就麻麻地啦！三文魚壽司 $14/碟不過不失啦海膽魷魚軍艦 $17/碟魷魚爽口辣味三文魚$17/碟呢個係又係元氣先有嘅怪怪辣味三文魚，唔知佢係點整出嚟，怪得嚟又幾好食😂順帶一提呢個醬油樽真係好差，成日漏到周圍係😓…查看更多

有時經過康年聞到啲新鮮麵包味都真係會被佢吸引住，即使唔肚餓都會忍唔住買個包食。所以今次都唔例外🤣今次唔同嘅係直情坐喺入面嘆埋先！有時好難會喺麵包店猴到啲新鮮出爐麵包，多數都係買到啲唔熱嘅而康年有烘住啲麵包，熱辣辣真係好食好多叫咗兩款相信大家都唔陌生嘅包因為佢熱嘅關係，我就切開嚟睇吓會唔會有少少流心嘅效果實則唔算係流心，但都真係會見到會有少少餡流出嚟奶黃墨西哥包好喜歡面頭脆脆嘅部分，入面都幾多餡，而且麵包鬆軟雞尾包餡料椰絲非常香…查看更多

呢間嘢次次經開都特別多人，每次想食都要等位，真係非常令人卻步，咁啱今次唔使等，就試吓啦太耐無食台灣嘢嘅關係，真係樣樣都好想食。所以揀咗個雙排雙格餐，就係有得揀兩樣食物嘅餐啦。而我就揀咗兩個B滷蛋豆腐肉燥飯併台式酸辣湯面$62 再加配台式特飲佢個份量係同我想像中有出入，份量係非常之大😂😂我相信係食量非常大嘅人先會食得晒酸辣湯麵so far so good 話佢特別好食又真係唔係肉燥飯非常麻麻 整體嚟講係比較乾相對起嚟酸辣湯麵算好出色啦總括而言係唔值得排隊食嘅🤔…查看更多

約咗朋友喺荃灣食飯，佢話成個冬天都無食過煲仔煲，所以就同佢嚟咗呢度食啦😁鋪面唔算大，坐位唔多，但以少少古代嘅風格嚟裝修，都幾吸引㗎。兩個人叫咗個啫啫芥蘭煲 未上菜，離遠已經聞到香味同朋友都諗緊一粒粒嘅配菜係咩嚟，食落發覺原來係炸好咗嘅豬油渣，配搭都幾特別黑椒豬手分量都幾多，而且豬手炆到非常之淋，但個人認為唔太夠味重頭戲～煲仔飯 連埋豬油撈👍🏻砵仔煲魚腸入面加咗啲油炸鬼，相對其他食店比較與別不同，整體嚟講比較濃味…查看更多

其實相隔唔耐就會要嚟嘆返個油渣麵，唔知點解次次食完，無耐又會再想食😁 好似會上癮咁嘅！市面上咁多間食油渣麵嘅食店，偏偏就對英記情有獨鍾👍🏻相信大家對英記嘅招牌油渣麵都唔陌生啦雖然係下午茶時段，但每次我都一定會叫個大size, 一嚟到就飲返啖湯止止癮先🤣然後必落佢嘅秘製辣椒油，自己唔算食得好辣，但都頂硬上加咗三滴，因為真係幾惹味㗎！油渣整到好香口，唔膩，而且我自己就鍾意食肥肥哋再叫咗個腐乳通菜啱啱好！留返少少位夜晚再去食飯😋…查看更多

之前去過尖沙咀間分店，今次又再嚟幫襯啦😁一直都回味緊佢個湯麵，所以今次都係繼續食湯麵🍜仲同朋友極力推薦😋我就揀咗 黑豚肉船湯配金邊粉 $68唔使多講都知，湯底名符其實一定係夠濃，好香胡椒嘅味道。重點係，越食越濃味！而且鍾意食船湯其中一個原因係迷上麵上的配菜，豬油渣，脆卜卜超正👍🏻頂級美國肥牛冬陰功湯配泰式河粉 $68材料十足，有晒海鮮配菜，青口，蝦真係唔少得，非常抵食，酸酸辣辣好開胃啊，麵嘅分量亦好多，真係捧住個肚走㗎！炸芝士雲吞 $28呢個一定一定要趁熱食，先會食到拉絲嘅感覺。泰式小食拼盤 $68有炸蝦餅、炸芝士雲吞、雞翼新鮮熱辣炸起嘅蝦餅好彈牙！…查看更多

年假話咁快就完咗，都仲未收拾好心情工作。之前嚟過Uptop食過晚餐，上網見到原來有hightea就同朋友嚟試吓啦！揀咗個Europe 5ive 係以一個粉紅色嘅旅行箱，裝住一件又一件精緻嘅小食，以旅遊嚟做主題，啱晒依然喺holiday mood唔捨得返工嘅我！除咗旅行箱之外，餐廳仲提供埋小道具passport同boarding pass滿足埋我哋嘅歐遊夢有鹹點亦有甜點，介紹吓我最鍾意嗰幾款啦。Iberico Ham Tapas Parma ham fans一定會鍾情呢個Fish Fritters w/ Pea Bites 炸魚配豆蓉 食之前落咗少少檸檬汁 酸酸哋幾滋味Gosse Liver Mousse on Spinach Bread 非常香濃嘅鵝肝醬多士 一啲唔會覺得膩㗎!Churrous w/ Chocolate Sauce 玉桂圈圈沾濃濃嘅朱古力醬嚟食 好夾喔Panna Cotta 上層滑滑嘅牛奶 下層竟然係開胃嘅青檸 真係想食多幾杯丫Macarons 一粒朱古力一粒焦糖 焦糖甜度啱啱好 朱古力唔使多講啦 係有水準嘅另外加配咗杯特飲Affogato 係特濃西班牙咖啡配雲呢拿雪糕 口感比我想像中香滑 雪糕配咖啡比配奶更加好飲…查看更多

之前都有幫襯過呢間金田家，不過係另外嘅分店，今次同朋友食呢間睇下有無分別。店鋪內唔算多人，地方算幾寬敞，坐得舒服。因為其實香港好多拉麵店都好擠迫，食野果陣隻手總會撞到隔離枱，而依度就顯然無呢個問題。我地叫咗碗辛子黑蒜拉面 ($93)，麵條就揀咗普通的軟硬度，正常蔥蒜，仲加左隻溏心蛋($14)同黑豚叉燒/4片 ($33)。落咗唔洗五分鐘就上菜👍黑蒜油味好香，湯底飲落去都好濃郁，又帶有小小既辣味。而黑豚叉燒都同佢本身個款腩肉叉燒差幾遠，黑豚叉燒係相對口感軟腍同香啲，又無乜肥膏，真係啖啖肉嘅感覺😉。之後仲叫左杯草莓乳酸梳打($24)，平時呢啲都甜到漏，但呢杯真係啱我口味，唔太甜之餘又無假草莓嘅味道，剛好解到黑蒜湯個油膩感。另外我朋友都叫左碗豚骨Mix拉麵($83)配豚肉叉燒4片 ($20)，仲飲左杯巨峰乳酸梳打($24)。整體價錢合理又覺得幾好食，會再嚟。…查看更多

放假難得的悠閑嚟到中環行吓，行到半山區附近就想搵間餐廳嘆吓，芸芸中見到有Gelato食，就唔使再考慮食邊間啦Rose latte $50香滑latte面層滲上片片玫瑰花瓣 口感好滑 味道好香好fresh 加上天鵝形嘅拉花 生色不少而旁邊放置一杯水 非常之貼心喔Everything Toast $138至於牛油果控嘅我 係咁多選擇中 揀咗有三文魚同牛油果嘅配搭Toast搽上軟滑cream cheese 上面嘅牛油果份量多到係原隻咁誇張!! 睇到就非常興奮而三文魚同牛油果又非常夾👍🏻👍🏻加埋檸檬汁仲開胃是日重點Gelato🌟為咗滿足視覺同味感覺享受 我揀咗紫色嘅花花Lavender 配 Butterfly Pea Flower 花味組合 花花造型薰衣草好香濃 碟豆花甜甜 好夾喔 …查看更多

喺旺角血拼完，真係好餓啊，食物選擇又多，都真係好難揀。咁啱行過OPPA又好耐無食過韓式燒肉，即刻入去食啦。女仔食韓燒，最怕就係食到成浸油煙味，但係店舖都好貼心，每枱都有抽煙機，咁就唔使怕啦！前菜有泡菜、海帶同芽菜嗯，即刻揀嘢食先。早朝餐 $308雞肉石窩飯 離遠已經聞到浸香味啦，色香味俱全牛拼盤包含 雪花牛、牛肋肉、牛舌 180g雪花牛非常嫩滑，好香肉味當中我最鍾意嘅就係牛舌，燒完口感係非常細膩，必食推介👍🏻五花腩肥瘦分明，好惹味！炸雞 $88炸到啱啱好，香脆可口，雞肉好嫩滑啊！…查看更多