皇室甜品 (眾安街)

太少去荃灣啦呢排，真係好耐無食皇室啦，以前係一個星期食三次咁滯。
嚟到皇室太多款選擇，樣樣都好想食，個胃又得一個，唉～
首選一定係榴槤甜品！榴槤都有幾款，最後揀咗榴槤忘返 $48

入面有啖啖榴槤肉 雲呢拿雪糕 水晶珠 黑珍珠
上面仲有少少榴槤沙冰咁嘅份量都幾多！
好好味，佢係有好多榴槤肉，總之食啖啖都會食到，不過最大嘅問題係越食越凍，呢啲天氣食食完行出門口都仲有幾陣寒意，但嚟緊夏天食就相當唔錯啦！
如果加埋小丸子，一定仲好食，下次再戰！