ivylau的个人专页

呢餐放題都食左食個月勒,因為係慶祝情人節去食既,其實佢嚮openrice度無乜評分,可能係地點唔多就腳(嚮尖沙咀漆咸道南),所以人氣未必高,男友book呢間係佢嚮附近返工同同事黎試過覺得好味,加上任食刺身有我鍾意既北寄貝同帶子,咁就一於去試下啦.本身book左7點半,但7點左右上到去都未多人,安排到個好寬落既四人卡位俾我地,平時食$238一個人另加一任食兩個鐘,情人節就得個半鐘,所以一埋位就即刻開始剔野食勒,野食都唔駛等好耐就黎到...開餐勒.另外加每人$50可以任飲啤酒清酒等,或者加十蚊八蚊有特色飲品,不過本身任飲既已經有一般茶啡汽水,仲要有冰沙,可惜情人節o個日好凍,無飲到凍野lu.可能呢間放題我相信我會有下次既,下次要食夠兩個鐘,嘩哈哈.…查看更多

嚮市而上無咁多雞煲出現之前,我已經成日幫襯食雞煲勒,之前食開既都係麻辣居多,麻辣湯加薯粉簡直係最佳配搭呀,2014年既第一個雞煲嚮稻香食,佢出左個暖暖羊腩雞煲,本身興趣就唔大既,但上網玩遊戲中左個煲,咪同老公去試下囉,因為限正價時段入座(6-9點),所以無得叫特價火鍋料lu,我地平日晚去到唔駛等位,一去到俾低張卷,跟個煲仲有6罐汽水/啤酒送,十分鐘左右就有雞煲食勒,原來個份量都幾大,羊腩都有5-6件,不過我本唔食羊,怕酥,所以只試左一小舊,又唔係好酥,似牛腩咁囉,之後我地再劃多碟丸同魚麵,咁就夠哂飽勒,yumei!! 而家羊腩雞煲而家好似無左,但又多左個麻辣雞煲,搵次9點後特價火鍋時段再去試返轉先啦.…查看更多

第一年同老公一齊過聖誕(因為..係第一年做左我老公囉), 基本上一齊幾年係有一年遲左book唔到outback,其他幾年我地都指定去outback食,今年都唔例外,早左一個月book定尖沙咀分店,不過都講明得個半鐘時間食...準時去到不過都等左幾個字先有位,但有4人卡位坐等耐少少都抵呀,哈哈.平安夜叫做要比平時食多d好野啦, 除左主菜牛扒外, 仲叫左個小食拼盤,同埋我摯愛既甜品..先黎黑糖麵包, 聽聞而家嗌一個主菜先有一條, 呢晚我地無encore呢個包..因為食完自己嗌既野食已經好飽, 所以未能證實黑糖麵包限量供應呢個傳聞勒. 之後黎個餐湯,呢晚係洋蔥忌廉湯,不過個湯我就覺得普通d.小食拼盤同主菜都好快就黎…前者好抵食, 有5隻小雞鎚, 一堆芝士薯條, 仲有起碼6小件既豬肋骨…之後就黎個主菜, 嗌左七成熟既安格斯肉眼扒, 呢晚既扒好似鞋口左d, 不過就學may姐咁講,好有肉味bor..不過個配菜焗甜蕃薯真係好甜好好味呢,最後就黎我最鍾意既甜品..食完呢幾樣都好鬼飽, 埋單都係四百鬆d..比起成千蚊一個既貴價buffet, 我覺得聖誕去食outback真係超值呢. 食完之後.. 周圍行下睇燈飾,影左陣相, 就返屋企lu...好平安既一個平安夜呢.…查看更多

呢間日牛涮涮鍋嚮專門店將軍澳,其實因為住附近又唔想去遠所以就揀左呢度,之前打過去問話booking full哂只得walk-in,所以同老公到差不多五點半就走入去開始食勒,我地揀左最平既日牛(澳洲穀飼牛+美國豬肩),$133一位另加一,限時就90分鐘,所以一入到去就落order湯底同出去拎定配料同飲品勒.呢度配料唔算多但亦唔算好少既,有芝士腸,墨丸仔,芝心丸,炸魚角,同埋唔同既蔬菜類等,而飲品都係汽水雀檸等,不過黎得呢d地方其實都主要係食牛/豬架勒,兩樣都好快上到黎,拿拿臨恰下恰下勒,其實d牛唔差,唔叫做肥到無人有o個d,我地好快就一盤一盤咁清走...加加埋埋我地係食左7盤牛/豬肉架.(以每盤8塊計...原來每人都廿幾塊....肥屎人勒).上網睇過食評話d粉麵等都唔錯,所以就每樣拎左少少,有冷麵,烏冬同類似薯粉既野,三樣中覺得薯粉感覺最得意呢,滑o都o都咁i like it. 食到咁上下剩低10分鐘就有侍應remind你,同埋俾張單你,同時間都有問我地join唔join做會員,原來即場申請用$xx(唔記得幾錢)做會員有一堆coupon送,其中包括一張$50現金卷,即係原本要$133x2x1.1=$292.6,最後埋單係$247.6,都平左幾十蚊囉,埋完單我就出去拎yogart勒,食完一杯...再拎外杯邊走邊食,嘩哈哈,食到飽一飽,好滿足呀.返到屋企見到堆coupon中,原來只要上返網登記返個會籍,仲有多$50coupon送呢,oh,睇黎我下次既涮涮之旅又好快黎到勒.…查看更多

厚福街有好幾間甜品舖,但我地有9個人一時三刻真係唔易搵位,咁岩呢間有位就衝入去勒.因為都係岩岩先食完晚餐所以同男人share左一個朱古力雪花冰就算,至於水準...不過不失,正正常常,只可以講我食過更好味既棉棉冰咁囉.同埋加映另一友人既甜品,個賣相我覺得OK ar,味道就唔知勒.…查看更多

下午茶時段諗起有兩張拉麵coupon就拎去食勒...因為coupon只可以嗌每碗$50以下既拉麵,嚮得三幾碗麵既選擇之下我地揀左九州辣麵同叉燒拉麵,兩者既分別其實在於一個落左D辣既配料.都等左起碼十分鐘先有麵上,感覺良好,起碼好似叫做即叫即整咁...至於味道,其實兩碗都係普普通通,不過以為兩碗會有好大分別點知原來只係差在d辣既配料,呢度又好似差咁D,而且價錢唔係特別平..所以..應該都有排唔會黎呢度食lu.…查看更多

友人介紹下第一次試呢間,下晝打去book位拎左個號碼,book左七點半,七點二時去到問搭唔搭檯,唔搭要等15-20分鐘,唔緊要,反正未齊人,照等囉...但齊人後..無位...繼續等...但期間見有人埋單走人,會有d人一個箭步標埋張檯...期間呢間舖頭係無出聲無理無主持秩序,如是者過左兩三張...都見到後過我地號碼既有人都標左入去,所以突然見到有張吉檯下我地都即刻入去搵收銀,終於搶到張檯返黎,唔係既話可能仍然on居居嚮門口等呢...三小口子嗌左三餸一個湯...味道整體ok,有大排檔感覺,可能就係呢個賣點令到咁多人幫襯...只但係,除左食物質素,我係prefer環境同服務,大排檔要搵好質素既並唔難,加上呢間價錢反而比大排檔貴,book檯制度又奇奇怪怪,(其實唔接受book檯只限walk-in可能會更好)所以..唔係街坊既話其實真係唔需要特別黎到呢度食勒...…查看更多

之前都去過唔少次文化中心,其實都無特別為意呢間舖頭,今次係友人介紹下去試下既.六點已經去到,大把位任揀,坐左個角落位,其實佢仲有d梳化位應該好坐d,但要食野既話都係有張正常檯舒服d既.呢度係自己去落order,俾完錢會有個牌號俾你,野食整好侍應會拎俾你架勒,同友人嗌左一個蝦喇沙,焗豬扒飯,冷熱朱古力各一.其實野食未夠七點就食完,之後都係吹水時間,到八點咁上下比較多人搵位勒,相信如果文化中心有節目既話呢度會更加迫爆呢,想食得relax d既話可以揀d非繁忙時間呢.…查看更多

一直以為兩個招牌嚮樓下=兩間唔同既酒樓,乜原來一樣架咩? 定還是合併左呢? 本身嚮元朗試完衫就book定間酒樓食飯, 打去季季紅book元朗原來就等於喜尚嘉喜勒.入到去五個人嗌左個套餐,有四餸一湯一飯仲有糖水送,今時今日我覺得抵食過茶餐廳囉.…查看更多

十個八個人嚮街食飯,除左酒樓cafe外其實都唔係特別多選擇,呢次去左食泰國菜.人多既好處就係可以嗌多幾樣野share食.另外仲嗌左冬蔭公湯同炒金邊粉,味道都OK,其實各方面既食物水準都唔錯,而且我地一行9人可以有個偏廳位自成一角,價錢唔算貴,呢餐都唔錯丫.…查看更多

女人街度好多食肆,炳記牛牛都算係OK平既一間,平日晚七點幾入到去坐低就嗌野食,兩個人一人一個焗飯,焗牛柳同焗豬扒,兩者味道都普通,豬扒我覺得美X既比較厚切,呢度可勝之處就係有多少芝士痴住同埋即焗囉,跟飯加飲品好似都要加錢,另外最唔明解係點解會有加一...其實佢真係似一間茶餐廳...…查看更多

平日book左5:30pm,5:15pm已經上到去,估唔到已經有二三十人嚮度等緊...但餐廳都堅持5:30pm先放人入去..其實可以早d俾人入去坐住先囉,最多唔嗌野食住先既o者...入到去就即刻剔野食,都係剔返我地鍾意食既野...各樣食物黎既速度都幾快,而且最重要係無乜漏過單,只係刺身既天使蝦永遠數量減半,我前後剔左三次(8/8/4),但佢地黎既係4/4/2...但其他刺身又有多無少架bor...唔明.嚮facebook print埋coupon(其實佢樓下附近都有人派,想去食既可以留意下),7:30pm前埋單每人平$20,感覺抵D呢.…查看更多

未夠9點黎到,唔駛等位,仲咁岩有個角落梳化位,good6個人一食完晚飯就黎,所以都只係叫左5個甜品大家share,各樣甜品都合乎水準芒果+雪糕..好難會難食囉..呢個其實幾特別,不過我唔太好綠茶味既甜品友人話個朱古力一般...但我覺得好好味bor:)呢個朱古力都係我至愛最貴呢個,要$82,窩夫都有少少脆,佢寫係二人分量,不過我覺得自己一個人都食得哂.埋單約$250,價格唔係平,走o個時好多人等緊位勒…查看更多

無得book位,去到話個半鐘要交檯,唯有差不多齊人先入去嗌住野食先啦,6個人無乜idea食乜,嚮set dinner度揀幾個再嗌多個飯同雜菜搞掂.普通餐湯一個繼續普通雜菜一個再黎普通餐包幾個前菜一般,主菜又ok bor,雖然我未食到舊龍蝦,不過個意粉都幾好丫.呢個海鮮燴飯唔錯,好足料牛扒七成熟,唔韌又夠味燒唔知乜野魚,個皮好似炸出黎咁脆口呢.跟餐甜品...失色左d,好普通.其實呢度新裝修後環境都幾靚,尢其係一d卡位,岩哂一對對既情侶坐呢,不過限時限刻(但唔係滿座)就會令人卻步勒.…查看更多

慶生時間又黎勒,今次黎到海港城呢間日式西餐廳,兩個人唔食得多,嗌左一個飯一個pizza share食.切開唔會整爛蛋皮,墨汁飯好好味呢.長pizza可以切開約5件,味道ok,但略嫌個皮韌左些少,尢其攤凍左後.…查看更多