PuitinMak的个人专页

由中學食到而家做咗嘢幾年，味道完全冇變，仍然係只有三種口味:雲耳椰菜/白菜豬肉/韭菜豬肉，但係整得好真係唔需要咁多花臣！佢個野葛菜湯底真係好好飲，完全係我既comfort food ，雖然佢搬過一次但係無論搬去邊度我都會繼續支持！…查看更多

同朋友喺荃灣食生日飯，決定搵間好多好平環境又唔錯嘅餐廳，呢間喺海之戀商場嘅西餐有得坐outdoor，係而家有少少秋意嘅天氣啱啱好，我哋冇叫二人set dinner 因為想叫多啲唔同種類嘅嘢試吓，但total都差唔多$1000，兩個女仔本身唔算大食，但係都清晒所有嘢，所以份量真係偏細。食物質素可接受但係完全冇驚喜。結論係食過一次就夠。…查看更多

嗰日去完街市買餸，出嚟見到呢間泰菜小店，裝修都好由泰國感覺所以入去試吓。叫咗炒金邊粉，乾炒肉片河，同埋菠蘿炒飯。 睇圖就知碟碟都好大碟，幾好食！炒嘢有鑊氣真係好重要，不過環境略嫌唔算好乾淨。…查看更多

尖沙咀一到夜晚周圍都好多人，想喺商場搵一間餐廳坐低食嘢真係好難，所以行到尖東附近見到呢間係地舖嘅串燒，決定入去試吓。佢串燒種類好多價錢又唔算貴，同朋友決定試吓佢嘅蒜蓉粉絲大蟶子$58 真係好大隻彈牙爽口，應該都算幾新鮮。食完蟶子決定叫多幾款串燒試吓。秋葵大大條但略嫌有少少根，雞翼雖然偏細但$38 有四隻！日本芝士年糕出色，同居酒屋味道一模一樣，厚切牛舌心真心好厚，燒得啱啱好一啲都唔韌，所以嗌左2串。肥牛金菇卷正常，呢個配搭本身就唔會出事😂，最開心係蒜蓉原條茄子🍆，好林好入味，用筷子夾一絲絲出嚟好似食麵咁。串燒一般來講都正常發揮同埋價錢以尖沙咀黎講真係偏平！呢間餐廳除咗串燒之外有自選湯麵，就好似車仔麵咁，可以俾你配唔同嘅配菜，個人覺得佢份量都算大，但比較起上嚟串燒出色d。最尾加錢食咗個冰粉，幾好食唔會太甜好似蒟蒻咁。…查看更多

第一次嚟大角咀搵朋友食飯，決定試吓佢屋企附近嘅台灣小店，試咗好多人推介既蚵仔鮮蝦滷肉飯，第一次食呢個配搭原來好夾好好食，每一粒蚵仔都勁大粒又冇沙！再叫左個肉鬆芝士蛋餅，份量好大，質量不過不失，鹽酥排骨都係正常發揮大大份幾好食，不過唯一唔太滿意嘅係佢嘅雞泡魚乾，真係好乾🥺…查看更多

趁有得食晚市就約咗朋友去食漁正，見到佢有更新左menu，所要決定都試吓新野🤣前菜叫左佢新promotion 生蠔 $18only!!! 仲要鮮甜！朋友平日唔算勁中意食生蠔都話好食！見佢生嘢咁出色決定試埋佢嘅金目鯛刺身，想講平時幾百蚊真係食唔到呢啲質素嘅刺身，佢係即日日本空運新鮮到港，值得一題佢嘅Wasabi係生磨的，呢個好重要因為配刺身又唔會蓋過魚嘅鮮味🤤食完生冷嘢梗係要食返啲熱嘢平衡下😂叫咗一盒炸墨魚咀，彈牙爽口送酒一流。清酒煮蜆粒粒都好大隻，如果酒味再濃啲就好。然後朋友話去居酒屋點可以唔叫串燒，所以我哋叫咗三串: 燒豬頸肉，大葱雞柳，同埋荔枝豚肉卷，三串都燒得好靚，個人最鍾意荔枝豚肉卷因為又甜又鹹個配搭好正😂最後叫咗個鰻魚飯完結左今晚嘅夜晚，兩個人食好飽但係居酒屋咁樣叫法竟然買單$900有找，覺得好抵！…查看更多

星期五提早六點去又一城食飯估唔到會full House，一入門口就有一堆high table 然後每一台客人都起碼嗌咗杯Cocktail 原來因為佢星期五都有happy hour 我哋叫咗個牛扒沙律同埋半份青口，兩個人食絕對啱啱好因為佢所有嘢食都好大份。值得一題佢送嘅welcome bread 個朱古力合桃muffin 同果仁麥包都好好食，仲有佢個自家製士多啤梨牛油👍🏻👍🏻 nice …查看更多

係OpenRice 見到個menu覺得以尖沙咀來講價錢幾合理所以就決定放工同朋友去試，佢嘅甲羅燒送餅乾好好食，而且又會喺你面前燒👍🏻👍🏻Btw見到隔籬枱有人慶祝生日仲有好大支炮仗蠟燭，好開心好有氣氛…查看更多

前幾日同朋友喺尖東行完街，見到一間越南菜小店有位就決定入去試吓，點知都幾有驚喜！佢價錢唔算貴，但係質素幾好！前菜就叫左個燒大蝦柚子沙律🥗睇圖已經feel到佢足料，有兩隻碟咁大嘅大蝦，係略嫌有少少鹹，不過成個沙律都好豐富好好食。因為同朋友都係細食之人，所以決定嗌多個小食— 炸春卷，皮好薄好脆！料又夠多，仲配埋同春卷數量一樣嘅生菜 😂唔怕唔夠分我哋淨係嗌咗一個主食，就係佢嘅順化粉，佢有少少似豪華版車仔麵，有好多間牛筋腩，豬手同豬紅，仲有扎肉湯底仲有好香蝦膏味！唔似喇沙但又好惹味！唔想食咁多澱粉所以再嗌咗條魚，呢個係香茅燒魚，我想講呢個真係必叫，燒到個皮好脆但係啲肉仲係好嫩好滑，個汁有啲似平時明爐燒魚個酸辣汁 goodgood😋差啲漏咗講杯嘢飲😂😂 杯芒果沙冰真係用芒果榨出嚟！唔係嗰啲假芒果汁果，桂圓蓮子一睇就知佢比好多粒！總括嚟講所有嘢都好食又足料，應該係我下次去尖東行完街都會食既餐廳。…查看更多

星期一同朋友食生日飯，環境好舒服，唔多人，成間餐廳得2枱客，問返staff先知原來除咗星期一之外其餘日子都有live band.. 好sad竟然咁啱係星期一黎🥲 好彩野食好食，雖然價錢係有少少貴，散叫人均都1000，所以大家真係可以試吓佢998既Tasting Menu 。叫左個沙律，唔特別所以冇影相，油甘魚刺身正常發揮。另外再叫左佢signature dishes: Fifty Shades of Tuna🍣 👍🏻👍🏻👍🏻 好食！Total有6舊，係普通/中/大拖羅每樣2件 個portion 都合理值得叫佢個 Wagyu Sando！本身價錢$388，非常建議加$200 upgrade 有4個口味既toppings: Truffle/Caviar/ Uni/Foie gras 好食又靚!!…查看更多

同朋友行完佐敦又唔想去廟街食嘢，見到一間好有日本feel嘅居酒屋，門口寫住新開張有七折優惠，見到價錢合理就決定入去試吓，結果估唔到佢細細間但野食水準咁高😳蟹子沙律，正常😂清酒煮蜆，蜆肉粒粒都好有肉，完全冇沙叫咗幾款刺身試吓:北寄貝，三文魚，烏賊，八爪魚。北寄貝同出邊食嘅完全唔同！好爽口唔會韌，個人覺得必食燒芝士年糕，出色！真正做到外脆內軟試咗牛舌串，蘆筍豚肉卷串，雞全翼串，燒得好好，我覺得師傅稍為有少少重手落多咗鹽，同埋如果可以用炭燒嘅話相信味道一定會更好😎鹿兒島A5和牛，佢似三成熟嘅肉質，和牛不嬲肉味唔算重，不過呢個都可以鰻魚飯，鰻魚燒得好香，佢個鰻魚汁係較為甜嗰隻，個人都鍾意❤️總括嚟講覺得今次所有嘢食都好有水準，覺得必食嘅係北寄貝刺身同燒芝士年糕。係一間下次經過都可以再食既餐廳…查看更多

公眾假期又去咗行Element ，見到呢個T恤星期一至日都有就叫咗一個同男朋友share 有兩個軟殼蟹米紙卷， 香煎帶子，慢煮豬腩肉，燒牛肉，有兩舊類似炸雞配多士，兩嚿蝦肉粉絲雞肉撈埋炸出嚟嘅波波。鹹點overall都好正路！去到甜品佢有四款，果撻正常發揮紅苺藍莓🫐都好fresh!朱古力小cupcake 好食，個朱古力醬好濃又唔太甜，熱情果芝士蛋糕都好食不過有點兒太酸，最後個斑蘭puff就在普通，唔夠鬆化。跟餐有得叫兩杯嘢飲，對得住個價錢。 另外因為好肚餓所以叫咗個喇沙，價錢有少少偏貴($118) 不過佢好足料，有四隻大蝦同三四舊雞俾肉仲有吸晒湯汁嘅豆卜，真心覺得正…查看更多

星期日想吹下海風所以就決定揸車入淺水灣食Tea。因為疫情關係沙灘唔開放，但係因為有好多間餐廳都對住個沙灘所以其實都可以吹到海風~ 普遍呢度啲餐廳價錢都偏貴，見到coffee academic 裝修都幾靚就入咗去。我叫咗杯Latte (~$40) 轉Oat milk(+$6) 味道不過不失但係份量算細杯，朋友嗌左杯long black 不過咖啡略嫌偏酸，佢本人比較喜歡nutty 的所以唔算太喜歡。野食叫咗個Kfc 2.0，佢係韓式炸雞！炸雞好食，佢上面有幾粒雞蛋仔做裝飾，不過好實淨 唔鬆脆的😅。另外叫咗個扭扭薯條，好食！佢有三個Sauce 三款都好食甜品叫咗個Basque burnt cheese cake ，個人認為普普通通，但係佢個coffee butter pancake好好食 鐵板上good👍🏻👍🏻…查看更多

星期五放工通常都會出街食飯，行完新城市廣場順便搵吓嘢食，佢地面嗰層有好多間餐廳，見到呢間好多人食所以決定去試吓。由於太掛住台灣，決定要叫返台灣必食嘅牛肉麵。我叫左佢個推介: 紅燒三星牛肉麵，有牛肚牛筋牛腱。湯底有三款可以自由選擇，有紅燒 麻辣 蕃茄; 麵都有得揀粗麵 刀削麵或者冬粉(glass noodle) ，仲有得揀多/少/走葱。我就揀咗紅燒湯底同刀削麵多葱。一上枱，wah咗一聲！超級足料，睇圖就知，幾舊好大嘅牛筋，兩舊牛肚，兩舊牛腱，第一啖梗係飲吓個湯先，覺得好好味！！！刀削麵都有口感，不過食到一半覺得好口渴好鹹。朋友就嗌咗牛骨湯麵配炸雞扒，雞扒有啲似鹽酥雞扒，又脆又好食，佢叫咗粗麵，不過大家一致認為刀削麵好食d。另外都係有同一個問題就係偏鹹。我哋見佢份量咁多就冇再加小食，不過見到隔離枱小食啲份量有啲細，好似唔係好抵食。兩碗麵埋單~$180 ，我覺得價錢合理嘅不過真係要飲番幾杯水。…查看更多

因為冇晚市堂食，所以食完飯心思思又想出去買糖水氹吓自己，上網search發覺呢間糖水舖好多好評，所以決定揸架車出去買外賣返屋企食。見到佢個必食推介- 椰皇蛋白燉桃膠， 雖然$52有少少貴，但係天氣咁凍決定試個熱嘅去暖吓個胃。 另外在買咗個夠薑蕃薯糖水配芋圓湯圓。佢個椰皇真係原個用保鮮紙包住咁拎返屋企，打開超有驚喜，個蛋白超滑!!!桃膠發得夠林，入邊仲有西米同小丸子，真係好好食。番薯糖水真係好薑，怕辣嘅唔建議叫呢個。…查看更多