河內大娘越南餐廳 (已結業) 查看

前几日同朋友喺尖东行完街，见到一间越南菜小店有位就决定入去试吓，点知都几有惊喜！佢价钱唔算贵，但系质素几好！前菜就叫左个烧大虾柚子沙律🥗睇图已经feel到佢足料，有两只碟咁大嘅大虾，系略嫌有少少咸，不过成个沙律都好丰富好好食。因为同朋友都系细食之人，所以决定嗌多个小食— 炸春卷，皮好薄好脆！料又够多，仲配埋同春卷数量一样嘅生菜 😂唔怕唔够分我哋净系嗌咗一个主食，就系佢嘅顺化粉，佢有少少似豪华版车仔面，有好多间牛筋腩，猪手同猪红，仲有扎肉汤底仲有好香虾膏味！唔似喇沙但又好惹味！唔想食咁多淀粉所以再嗌咗条鱼，呢个系香茅烧鱼，我想讲呢个真系必叫，烧到个皮好脆但系啲肉仲系好嫩好滑，个汁有啲似平时明炉烧鱼个酸辣汁 goodgood😋差啲漏咗讲杯嘢饮😂😂 杯芒果沙冰真系用芒果榨出嚟！唔系𠮶啲假芒果汁果，桂圆莲子一睇就知佢比好多粒！总括嚟讲所有嘢都好食又足料，应该系我下次去尖东行完街都会食既餐厅。