smartboyeatallday的个人专页

上星期六晚和好朋友去了觀塘新開嘅西餐廳非常有特色，一入門口有得玩飛鏢&桌球，今次試左$288嘅set dinner 物超所值！首先，是日餐湯可以揀南瓜/粟米湯。粟米夠甜，湯亦好順滑，值得一提係個湯啱啱滾好，飲落好溫暖&舒服，非常享受呢碗湯嘅味道。然後有意大利黑醋配巴馬臣火腿沙律，賣相非常吸引， 生菜夠新鮮，加上個甜甜地嘅汁食落好開胃，非常滿足Main Course揀左挪威三文魚配檸檬牛油汁伴小麥米，係一道非常精緻嘅菜式，三文魚柳非常鮮嫩，配上酸甜嘅醬汁口味道豐富，小麥米亦都好特別，連配菜都非常好食，烤過嘅薯仔同點呢個醬都好夾飲品方面點左杯Clover Club，係好特別嘅cocktails，夢幻嘅粉紅色，紅石榴汁令酒嘅味道更清新。最後甜品係芒果朱古力慕絲蛋糕，口感綿密，唔算太甜，為呢一餐飯帶嚟完美嘅結束總捨嚟講，我非常喜歡呢家餐廳，他們的菜或和雞尾酒都非常好吃。強烈推薦大家支持呢間咁用心嘅新開西餐廳。…查看更多

上星期四收工之後去了將軍澳中心這家穴の酒販吃晚餐，整體用餐體驗不錯，侍應服務態度很好，餐廳環境舒服。另外，這家日式料理店吸引之處，逢星期一至四晚上八點後入座指定串燒有85折、啤酒和無酒精飲品更有7折！月見免治雞肉棒將雞肉混合雞軟骨和洋蔥粒，配上燒汁再蘸一蘸生雞蛋汁，口感嫩滑。鮮嫩的雞肉越嚼越香，讓人停不下來。明太子釀雞翼剛剛燒好，端上枱熱辣辣，雞翼外皮加上燒烤醬十分香口，外脆內有明太子，一隻接一隻，停不到口。鹽燒牛舌肉質非常鮮嫩，入口即化 。 而且帶有濃郁的肉香味，讓人口感十分滿足。鹽燒的調味也十分恰到好處，讓牛舌的味道更加突出。今晚的主角是穴の酒販的特選壽司拼盤（10款），師傅壽司擺放有設計過，打卡一流！壽司分別有魷魚、甜蝦、油甘魚、鯛魚、三文魚、深海池魚、玉子燒等等，吞拿魚入口即溶，北海道帶子鮮味十足！這家壽司的醋飯是壽司美味的靈魂，醋飯溫熱的酸味帶出魚材的甘甜，融合魚材的油脂與肉質，在口中成就出美味。松葉蟹蓋海膽石鍋飯石鍋燒得非常熱，加上松葉蟹蓋和海膽，讓整道菜品散發出了濃郁的海鮮味道、鮮甜的蟹肉香氣，讓人食指大動。蟹籽蟹肉搭配也非常適宜，口感十分豐富。此外，松葉蟹膏和海膽的份量十分足夠，給人一種物超所值的感覺。…查看更多

上星期三同女朋友慶祝週年紀念，訂了觀塘假日酒店的自助餐，剛好享用到優惠有一個人有半價，計返埋單都有75折！如果三個人就每人8折、四個人就其中一個免費！每位都有一碗燉湯，經理話湯品每日都不同，我們是花旗參燉瘦肉，甘甜滋潤，當天剛好轉涼非常Match。當晚重頭戲是一人一隻三両半的大閘蟹。睇返張相就知一打開蟹膏飽滿，雖然唔算大隻但勝在非常新鮮。其他美食則是自助形式，有不同的壽司。海鮮方面，我覺得麵包蟹、凍蝦、螺頭相對吸引，現吃即可，非常新鮮也不一定要配海鮮醬。亦有法國生蠔，非常creamy 。另外，可以搵店員幫忙即切西冷牛扒，香氣十分迷人。因為疫情關係，餐廳也有加強防疫措施。食客們都要像我一樣戴好口罩才能出去取食物，讓大家都很安心。甜品方面，有各式各樣的蛋糕和雪糕，也有鮮果。總括來說，餐廳環境舒服，座位闊落，值得一試。…查看更多

已經有一段時間無飛日本旅行，好掛住日本東京間蟹道樂。上星期同女朋友慶祝紀念日，特別選了這家日本松葉蟹刺身專門店。好近銅鑼灣地鐵行5分鐘都唔洗，店內座位好舒服，空間夠大。我們點了店員推薦的蟹慶海鮮會席。（$1380二人前）前菜時令沙律，感覺清新，蟹肉和蟹子配醋汁十分開胃。兵庫縣生蠔🦪肥美鮮甜，可能是時令當造，蠔殼比較細而肉卻相當豐滿，蠔味在口腔好持久！季節剌身（深海池魚、赤蝦、帶子、中拖羅）重頭戲當然是松葉蟹棒剌身！海鮮寄世鍋配舞茸烏冬超級足料，有兩隻帆立貝、松葉蟹腳、特大虎蝦，蝦頭肥美多膏。時令蔬菜配舞茸烏冬，鮮味十足。海塩燒喜之次師傅先會洗淨魚身及去除內臟後，再以竹籤穿過魚身定型，燒熟後喜之次仍然展出活靈活現的姿態。魚皮燒得香脆，魚肉嫩滑多魚油。海鮮清湯蟹肉昇華，清甜解膩，回味無窮！板上天婦羅盛盒天婦羅粉剛剛好薄薄一層，蟹棒刺身炸得香脆可口。…查看更多

上星期五收工打算找餐廳Happy Friday ，所以就嚟到尖沙咀厚福街搵食，令和呢間日式居酒屋，摸摸酒杯底和食日本料理！前菜 先點了幾串串燒試一下這家師傅的功力。 分別點了燒粟米、 鹽燒白鱔、 明太子醬免治雞肉棒、原條燒茄子。最出色是明太子醬免治雞肉棒。將雞肉混合雞軟骨和洋蔥粒，配上明太子醬燒烤過，再蘸一蘸生雞蛋汁，口感豐富又嫩滑。堂煮壽喜燒($ 398) 這款壽喜燒由店員會親自在旁邊煎煮,燒好的A4和牛會撈埋日本蛋汁,和牛入口即融的感覺。 食到一半感覺好Heavy 又可以配野菜豆腐或者白飯，都會非常Match！套餐係包埋一盆野菜,所以性價比都幾高,兩個人絕對夠食。 燒完之後可以叫店員幫你放壽喜燒湯底，轉打邊爐，一燒二食，我地點左蝦、薩摩赤雞，蝦大大隻夠甜，雞肉係雞腿位夠嫩滑，自己注意返時間啦！最後點了餐廳特選的手作梅酒果凍（$ 35 ）超香濃的梅酒香, 作為甜品做結尾可以一試啊!…查看更多

上星期日朋友帶我去這家日式串燒店，最大的特別是可以叫omakase廚師發辦! 主打各種不同部位的雞串燒，當中仲有好多罕有特色的內臟。餐廳是開放式廚房，可以見到有個日式炭燒爐，師傅都細心咁每串每串咁燒，慢工出細貨。雞腳筋 - 絕對係第一次聽，感覺好刁鑽，識落好煙韌。雞腎 - 算是我最鐘意的，挺爽口的，而且炭燒味極重，肉爽多汁。鳥之提燈 - 說實話，食之前係未聽過唔知咩嚟。經理也特意喺我地食完後專登過嚟介紹。原來係串燒界的珍品，燈籠其實係母雞嘅輸卵管、卵巢與連結著未覆殼嘅蛋黃，而且要母雞宰殺時剛好形成蛋黃，數量並不多，所以燈籠的數量總是不多，亦係限量發售！聽完有點震驚，但可以食到初生蛋味道也不錯。燒鵝肝 - 相比坊間的燒鵝肝，呢到係用左新鮮嘅鵝肝，所以係比較軟熟的。最後，餐廳仲奉上暖笠笠嘅鮮甜雞湯同甜品紅豆牛奶布甸作結，非常滿足呀。…查看更多

上星期六剛好約了女朋友慶祝拍拖紀念日，在銅鑼灣訂了這家居酒屋，有特色的Fusion菜可以吃！蕃茄蒜子沙律 $28前菜是原個蕃茄沙律，鋪滿香蔥和蒜蓉，酸酸甜甜，非常開胃。托托蜆$88蒜蓉牛油青蔥煮托托蜆，香氣撲鼻，蜆肉鮮甜。法國Martin生蠔 🦪 starter $118生蠔超級新鮮肥美，入口爽脆，清新的海味盈滿口腔，風味甘甜無比。日本白粟米 $48聽店員介紹它的甜度高達17 度或以上！用燒烤的煮法一口咬落去，爆汁之餘帶有淡淡忌廉香味！松葉蟹肉甲羅燒 $108配上青瓜取代坊間一般用的梳打餅，10分清新，突出松葉蟹的鮮味，濃濃的蟹膏香令人非常回味。蟹盛御好燒 配紫菜$158源自日本的一種鐵板燒小吃。加上大量嘅蟹肉同蟹籽等材料，於鐵板上燒成煎餅薄身嘅御好燒煎到香脆可口，還可以自由加紫菜和紅薑絲。燒鱈魚干 $58佐酒小食，酒過三巡，銀雪魚乾仍然香脆！甜品點了日本蛋卷 （$38）選了我最愛的巨峰提子味，甜度適中！另有芒果、綠茶、香蕉朱古力等味道可以選擇。…查看更多

上星期日約了幾個朋友行街食飯，找了間Cafe坐下聊天。有朋友超級喜歡貓，所以就去左呢間cafe🐱進入前要先穿鞋套，十分重視衞生👍🏻環境算大，枱座位數目都很多，企企理理，而且都幾多貓～食物方面，我們點了楓糖漿蕃薯條🍠除左有楓糖漿嘅甜味，蕃薯本身都已經好夠甜，份量都唔少！如果熱啲會再好味啲😋鹽燒厚切牛舌蕃茄羅勒芝士闊條麵🧀牛舌厚薄適中，闊條麵幾彈牙，芝士都落得幾多，芝士控必點～海龍皇野菌赤蟹籽墨魚汁意大利飯🇮🇹海鮮新鮮，隻蝦有驚喜，爽口新鮮！墨汁意大利飯口感香滑濃郁～Oreo脆脆特濃朱古力🍫一開始以為只有上面有Oreo，原來飲落啖啖都有！甜度適中，而且唔細杯，飲完都幾飽～整體而言，餐廳食物質素比想像中好，但人客比較多，建議同朋友嚟先book好枱和準時黎到！…查看更多

上星期一收工之後去了坑口搵食，去了TKOgate food court的鮪世市場。餐廳座位不多，只有圍著壽司師傅的bar枱。當然可以外賣自取，質素應該都唔錯！刺身🐟方面點了油甘魚刺身（$35) 、藍鰭大吞拿魚腩（$98)、日本帆立貝刺身（$36)。食材非常新鮮，魚香肥美！Omakase set($180)師傅挑選是日最新鮮，包括有赤身、深海池魚、秋刀魚、金目鯛、灸燒三文魚、赤蝦。所謂不時不食，金目鯛、秋刀正值當造時令。赤身乃拖羅背部位，油脂比例較小，口感比一般的中拖羅更豐富另外，三文魚籽軍艦是我個人最喜歡，粒粒晶瑩剔透、顆顆飽滿，經醬油醃製，突出三文魚籽味和鮮味！…查看更多

星期一晚上時間在太子晚餐，汝洲街附近有間餃子店很有名氣，於是和女朋友去試下呢間餃子店的小吃。．涼拌海蜇海蜇口感爽脆，極重麻油香氣，我們喜歡吃辣可以自己加蒜香辣椒油。．袐汁雞腎配上滷水汁，非常爽脆入味，夏天佐酒必備！．香菇鮮肉湯餃這家餃子店湯底用椰子海帶鮮雞豬骨濃湯，湯頭非常鮮甜，帶點椰子香味！餃子香菇肉餡都好紮實，但餃子皮略嫌太厚。．韭菜鮮肉煎餃（煎餃另加$2）口感香脆且不油膩，韭菜味非常香濃，肉汁豐富。．青檸蜜🍋解辣、清津解渴…查看更多

上一次來已經是4年前，上次食omakase時已經留意到旁邊的鐵板燒。最近好想係香港食到日本的味道，所以預早book定臺同女朋友試呢到一流的日式鐵板燒，師傅介紹我地揀左Fresh Lobster Set for 2，話係性價比最高😋😋😋前菜 秋葵沙律、醬油豆腐配蟹肉加了沙律醋，酸酸甜甜，秋葵清爽開胃醬油味偏淡，配上蟹肉能夠吃到啖啖的豆香汁煮白鱈魚師傅用上洋蔥汁煮白鱈魚，魚皮用鐵板燒至薄脆，店員亦向我們介紹南極犬牙鱈魚肉質爽口彈牙，有別於一般市面上吃到的。主角 — 澳洲龍蝦🦞首次親眼目睹，師傅如何處理新鮮生猛龍蝦。澳洲龍蝦爽口彈牙、海膽龍蝦汁作點綴，配菜有雞冠草、紫蘇花，賣相吸睛可口🤩季節料理 — 蒜蓉汁煮日本花菇剛好昨天是中秋節，師傅提早準備了日本花菇，事前已炆煮5、6小時。簡簡單單用蒜蓉汁煮，入口是濃郁的菇香，口感軟林林，而唔會韌。熊本縣產A5和牛王A5黑毛和牛王的魅力，就在於完美的油花分部以及入口即化的口感，光看就令人口水直流。油花勝過一般草飼牛，口感更為軟嫩，厚度約1.5cm，個人口味喜歡5分熟左右的熟度，上台時香氣撲鼻，配菜的獨子蒜片亦香脆可口。炒飯粒粒分明、蛋香濃郁香菇蝦肉雞湯，清甜解膩，回味無窮！甜品 — 靜岡蜜瓜果肉軟滑，果汁特別多😋總括而言，鐵板燒考的是心機，無論是調味，到挑選食材都是經細心思考、配搭，食材新鮮、服務一流。…查看更多

上星期是和女朋友的紀念日，早就上網訂了這家挺有名氣的燒肉店。收工之後先去了尖沙咀走走，上樓見到這家店的位置很闊落，因為是平日很快可以就坐，點了幾款招牌菜。牛肉盛盒日本和牛三角胸小排、和牛背峰、和牛肋條、美國牛小排、厚切牛舌、牛心。日本和牛固然高質，但估唔到美國牛小排切成薄片，配上特調醃醬汁，輕燒兩面，口感嫩滑，油脂分布平均！厚切牛舌口感爽滑，油香味濃！簡單配搭黑椒、鹽燒炙，突顯濃郁牛香。甲羅燒蟹蓋內放了松葉蟹膏，中間再放上生鵪鶉蛋和特製的麵豉醬，連殼燒熟，一邊燒已經香氣撲鼻，配上餅乾吃，色香味俱全。酒煮文蛤跟一般外面的清酒煮蜆不同，用上湯加堅魚汁去煮，帶出文蛤的鮮甜味，好吃到我連湯都喝光！限量一夜干魷魚一夜干，即日本鹽漬海產，店員燒物技巧一流，魷魚肉身Q彈，風味濃郁，不用再額外點調味醬。$198 90分鐘任飲SAKE光吃燒肉當然不夠，必須配上清酒🍶才夠過癮！這家全港獨有的任飲清酒機，自助形式一次讓我們爽過夠，個人私心推介「作 惠乃智」，洋梨般清新的香氣跟清柔的味道十分配合。店員態度友善，進內會幫客人探熱和提供搓手液，亦會主動幫客人燒肉，推介招牌菜，值得一讚。…查看更多

上星期日晚上難得和女朋友一起出去銅鑼灣行街拍拖，係登龍街附近找東西吃，找到這家豊勝手丼。看了一下餐牌和裝橫後，覺得不錯就進去了。這邊主打是丼飯和壽司🍣，點了幾款招牌菜。天婦羅沙津配日式蕃茄和風汁 $78魷魚和蟹棒天婦樂，炸得酥脆香口；沙律菜、小蕃茄、粟米，清甜開胃。海鮮五色丼 $248食材用料全部都新鮮鋪滿在珍珠米上，除左分別有 三文魚、新鮮帶子、赤蝦、油甘魚，重點是有大大板鮮甜紫雲丹海膽。飽滿肥美，帶濃郁海膽味而且味道鮮甜，口感細膩軟滑，入口即溶， 啖啖滿足。豐盛壽司盛合（12貫）$238吸睛度高、集合油脂豐厚的三文魚、吞拿魚（有赤身同中拖），口感彈牙的帶子、赤蝦、海膽、蟹肉，等多種類漁獲，手工捏製成握壽司🍣必點！厚燒牛舌 $88師傅用慢火輕輕烤熟兩邊，有助保留豐富肉汁。這道配搭清酒一流，令口感加倍清爽。…查看更多

位於銅鑼灣嘅正宗印尼餐廳係地鐵站E出口行2分鐘就到，呢間店舖前賣好多印尼特色小食，炸物、甜品、飯盒都有，都唔知原來後面係間餐廳，有得堂食，而且選擇非常多，炒粉麵飯通通都有得揀！印尼黃金飯 ($88)本身以為個飯得個尖搭少少地，原來個底度仲有哈哈，份量十足！黃薑飯嘅香料味好濃烈，仲有好多唔同嘅配菜，有加多加多沙律同天貝餅，炸雞好大隻，個皮亦炸得好脆，非常飽肚！印尼特色炒飯 ($78)炒飯入邊有好多豐富嘅材料，雞肉絲、蝦、蛋等等，面頭仲有隻煎蛋，個飯配咗兩條串燒同大大塊印尼蝦片，好有誠意，兩碟餸都超級豐富呀！雞肉沙爹三串 ($48)因為真係好鍾意食沙嗲串，另外再叫多個小食，佢嘅自家製醬汁同串燒真係超級夾，好食！夏日特飲-柑桔冰 ($28) 雜錦冰 ($38)非常清涼爽嘅柑桔冰，見到青檸即刻好有夏天嘅感覺雜錦冰面頭有牛油果同埋唔同顏色嘅珍多冰，好特別成餐飯都好飽肚，好抵食，估唔到係銅鑼灣都可以食到咁豐富嘅印尼餐😋…查看更多

九龍灣德福廣場有個隱蔽的food court，我也是後期才知道第二期新開了，裡面有各式各式各國菜式。今次揀了食school food，多種韓國街頭小食，好多都充滿讀書時候嘅回憶。我與友人各自選擇了一款set(主食+紫菜包飯），大約$70左右。部隊鍋拉麵雖然知道部隊鍋都係非常簡單的食材，但每次都忍唔住喺韓國餐廳到食。除左有辛辣麵，仲有好多配料：魚糕、年糕、腸仔、午餐肉，啱哂我呢鐘意食肥仔餐嘅人。如果午餐肉可以預先煎過，就可以攞更多嘅分數哈哈。脆蝦咖哩烏冬好少餐廳可以食到湯咖哩+烏冬呢個組合，濃郁嘅烏冬湯底好惹味，烏冬亦有嚼口，唔好太淋。韓式烤豬肉紫菜包飯 &原味午餐肉紫菜包飯紫菜包飯每份有7舊，每一舊都係一口size，食完麵都唔怕份量太多，剛剛好。飯粒稍為偏硬，再煮淋啲就更加好了～…查看更多