T1013F的个人专页

星期日約了朋友一行六人中午聚餐，在OpenRice 預訂了枱。誰知道當天餐廳廚房抽風系統壞了。只有甜點及咖啡供應。但事前也沒有通知客人，好彩附近也有餐廳選擇，否則六個人企晒響度～o～建議下次可以通知預訂了的客人，待客人有準備。…查看更多

12:30 去到，湯粉類counter 有牛腩麵，餃子，雲吞等等。但餃子雲吞等很快便沒有了，那時下午1:00都未到。食物味道是可以的，但種類不多。前後兩排都是熱盤但食物都是一樣的，收$98元的的話，灣仔還有很多好的選擇。試一次就夠了，下次不會再去。…查看更多

第一次來呢間餐廳，見到佢嘅環境好多花花同甜品好似幾特別，就試吓啦。個人覺得如果你想打卡同食甜品，呢道係一個唔錯嘅地方. 其他菜式都係一般，叫咗個avocado toast 啲雞有雪味，牛油果醬唔新鮮，已經黑咗。明太子雞翼一般，炸醬厚咗啲，個豬扒就太乾，唔juicy。甜品叫咗個signatures 嘅星球，味道唔錯，有得玩。…查看更多

端午節做節…哈哈…都係搵個藉口同屋企人聚下。誤打誤撞搵到間好嘢，響黃金泳灘旁邊，食物質素有水準，服務好，景觀優美。性價比高，叫哂豬牛羊，每一樣野都恰到好處，熟成程度Perfect。一定會再去^^…查看更多

同朋友慶祝生日，去咗一間老公之前食過話好食嘅廚師發板，除咗廚師比較細心之外食物水準都係一般，感覺冇乜驚喜，壽司全部都係用醬油去處理，仲要加勁多Wasabi，食到眼水都標埋，令我懷疑食材唔係最新鮮嘅。用鹽焗嗰舊魚可以塞飽你半個胃，我朋友仲要唔小心食到舊鹽，鹹到呢～老公都話今次去食同上次好唔同，上次有多啲變化。個侍應都唔係特別有禮貌。佢嗰度都有Teppanyaki, 不過我冇食過就唔評論啦。個人認為，食Omakase都係響中環嘅比較有信心！…查看更多

年初三加情人節同屋企人食盆菜，本身對盆菜都冇乜喜好，因為次次食親都係成個盆都係一個味，好多時啲食材都係普普通通冇咩驚喜。預著啲盆菜個底全部係蘿蔔芋頭豬皮⋯好似之前食團年飯嗰個（我都忍唔住比咗個劣評）攪到我對盆菜都有啲抗拒⋯⋯但係今次呢個盆菜真係我食過咁多個之中最好味嘅一個，直得我用啲時間比個like 佢。道先一開煲蓋，香氣撲鼻，鮑魚同蝦新鮮，花膠算厚及彈牙，豬手大隻嫩滑，成個盆唔會係同一個味，每樣食材都有返自己嘅味道，雞有雞味，鵝有鵝味，仲好入味，就算煲咗一陣間啲食材都保持水準，直得推介。…查看更多

團年飯食盆菜，諗住元朗呢間老字號點都唔會太差，點知中伏。首先送貨唔上門，比成千幾蚊4-6人盆菜要響樓下停到車嘅地方接已經好唔方便，所謂極上，係有蝦，蝦是不新鮮的，鮑魚味道及口感一般，海參好細條，冇味道，唔好食。雞鵝唔新鮮鞋口的，個盆勁多豬皮，芋頭，蘿蔔太大舊唔入味⋯⋯成個盆比較好的係學記魚旦同腩肉。老實講冇下次～0～…查看更多