bu.cky的个人专页

突然想飲下小酒，與朋友小聚一下，係疫情下揾到呢間居酒屋。呢間酒居一直無留意，由於係電車橋下真係好小行果邊。預先訂位比較好，由於地方小又有疫情下限制，唔想等就預約定喇。食物即叫即燒，試咗高推介既A4和牛，真係唔錯。以家有啲清酒套餐都唔錯。服務員都好有善。呢間酒居可以有下次！！！…查看更多

叫了個2人餐  再加個石頭鍋飯  非常之飽鮮果沙律份量好足  亦黎菜好快   配日式芝麻醬好開胃呢度有2mm薄pizza  夠薄夠脆  時間剛好  唔會烤到好硬  配上蟹子火煺同蛋  再上蟹子意外哋match~蟹子再多啲就好   個雜菌意粉好香  好多菇菌  配料十足  好多意大利餐廳成日菇菌得幾片  呢度又大片又多  啖啖都食到菇呢個牛油果芝士海鮮墨汁石頭鍋飯  熱辣辣   好香  牛油果配墨汁飯都幾夾  芝士份量剛好  如果唔係會蓋過牛油果味  有魷魚又有蝦   又係好足料  所以飽到滯個餐每人有杯餐飲  個紅豆冰幾正  但個草莓佳人就好普通  好勁既梳打水味    好難飲呢~本人不喜歡梳打味呢！…查看更多

裝潢都幾靚  頗有沖繩feel  坐位多寬敞  感覺好舒服呢度有個皇牌oki bun  咁就試下啦   叫咗個okibun沙律  沙律份量少  個bun皮炸得幾脆  個餡都幾爆 食完會好漏  如果單個叫成三十幾蚊  又貴又唔抵又唔值我哋2個人每人叫了個set個苦瓜奄列同苦瓜蛋無分別  個咖喱味道普通  對男仔黎講份量頗細對於女仔黎分量算ok  但我覺得個set好難食  所以無食曬(結果夜少少又肚餓了)  個蕎麥麵太淋身 配個醬好奇怪  我唔覺得match  個醬好似沙嗲味咁  又咸又唔好食  個吉列魚又炸得太耐  叫咗杯黑糖咖啡   好難飲   苦到爆   搞埋啲cream都係咁難飲仲有啲服務員好似無乜心咁  落張單都搞唔點  走過黎check單幾次  又改又擦  張單放低又拎走  重重覆覆   食到食到好唔舒服  服咗佢總括而言  真係好普通  被個裝潢呃咗  但都係呃到一次  無下次…查看更多

我哋共10個人食  無大枱  要分枱但都叫做隔離   我哋4個女仔一張枱  叫咗個3人套餐  加個韓式壽司  份量剛剛好   張枱太細   又坐得逼  好唔舒服  食到就住就住咁叫了個烤肉拼盤  首先黎個前菜前菜份量少  泡菜能無得添  3個人食都唔夠zip牙啦....跟住配三個小食  年糕又唔入味  得個紅色  粉絲好咸   三個小食係韓國料理既基本小食  但都整到咁差...都幾令人失望呢個泡菜餅  不過不失  嫌佢蔥不多  唔夠香   個餅唔太粉  算係幾好泡菜豆腐鍋  辣度夠  豆腐都算多  配一個白飯  亦算唔錯烤肉份量我哋覺得ok  可能係因為女仔啦  不過生菜好少  加埋得8片  又啲仲好細塊  配料亦唔足  真係淨食肉  啲青椒紅椒各一片  超薄。。。  啲肉醃得都算入味  但我哋覺得太咸了壽司應該係咁多樣最好  份量又足  好彩有佢我哋先飽  如果芝麻再多啲就最好！！！服務方面  啲大媽動作好慢  叫人叫咗好耐   加水加到個壺都唔見埋   當時店舖人又唔太多  枱亦唔爆  都等咁耐  真係要好好改善  呢間野真係好難再令我再去   隔離都開了間烤肉店  水準高好多  當然貴不少   但唔再提升水準  競爭力都會無埋   可能香港又會少了間烤肉店了  即使韓香幾咁盛行。。。…查看更多

星期日家庭聚會  香格里拉有張積分卡  可以兑現金黎用  就黎到期當然要用咗佢啦  16個家人齊齊黎歎個buffet真係開心到不得了👍  拜論人多定小都係book定枱最好  因為真係枱枱full~ 一入去已經俾個甜品區吸引住  有我最愛既Häagen dazs 雪糕  越過8款口味  而且仲有不少甜品供購買  其二我最愛係salad bar有nuts有紅腰豆有ham有smoke simon 有多款cheese幾種vegs 俾你自由配搭啱salad  我切到靚一靚  色彩繽紛  好yummy~ 亦有多種調味汁  作為buffet既開始  最好不過啦😋跟住點少得凍蜆凍蟹等等  大大隻  不斷refill 唔駛咁急搶住拎  因為一定食得好  食到作滯都仲有 三文魚刺身好新鮮  切既師傅好好人好有禮貌 每次拎親  都會講句多謝曬  十足十日本師傅咁有禮貌 拎都拎得開心 自然食到開心啦仲有好款馬來西亞印度風味食品  印度薄餅一定要食  熱辣辣好香脆  三文頭亦燒得啱啱好 好豐富既膠元吖😋我會將個印度薄餅配雪糕黎食  冷熱凍火交融  好正！！！  想特別食法  不妨試下我咁樣  雪糕有小小不足  因為融得好快  應該係雪櫃唔夠凍  不過雪糕配料都有唔少  彌補返啦佢既曲奇好好味  好鬆脆好有牛油香  最好食係個芝麻蛋糕  必食之選別！生果大大件  又係不斷refill  生果好鮮甜  唔會係浸糖水  完美結果buffet之旅  …查看更多

新分店新裝修  地方夠大  唔似旺角果陣食杯雪糕逼餐死  仲要企係路邊食 連廢氣一齊食😪  係呢間可以慢慢食完先走  裝潢幾靚  夠韓feel~今次食咗飄雪奇緣版雪糕  主要係燕麥oreo夜配啲燕麥粉  當然仲有佢既賣點  蜂蜜啦😋  因為係用了燕麥中和返個甜度  唔會好甜  啱啱好  啖啖蜜啖啖麥  怕甜既朋友可以叫少啲蜜  咁就啱啱好啦  怕肥既朋友叫呢個就無咁大罪惡感啦 因為有燕麥嘛😆…查看更多

我都算係小新既fans  佢好鍾意火鍋  "壽喜燒" 一直都想試下  咁啱去了對面honey grammy食雪糕  見到別府既meau 好吸引  賣相幾好  仲推薦壽喜燒  於是擇咗呢間食晚餐  火鍋係細細個  每人叫一個  分別叫了  壽喜燒同蕃茄海鮮鍋  淨睇賣相幾好  仲幾期待  點知一試  完完全全徹底失望  湯底得色無味  如果唔係有醬油真係放唔入口  仲衰過我焯熟淨係放鹽調味  起碼仲食到配料既鮮味 茄湯更差  真係無話可說  啲海鮮雪味重  好失望仲叫了個沙律  沙律正常啦  因為好難會難食  份量唔太了除了火鍋難食之外  炭燒食物更係不值一提  完全唔覺得係用炭燒  食落係帶苦澀  有gas既味  好難食  配埋醬汁苦上加苦總括而言  一定唔會再黎食  其他分店亦不除外  好難想像連火鍋味道都整得唔好既食店  點樣再可以吸引到我去食呢  真心食到有啲嬲同唔開心:(…查看更多

新開張  環境舒服亦有格調  座位闊落  想渡過休閒舒適既下午都係不錯選擇~  同友人叫了兩個午市定食都係兩條魚  一條鯖魚  一條秋刀魚  鯖魚定食 份量頗大  對我倆黎講飽之餘有特呢  配上健康殼米飯  亦有粟米沙律做前菜另一個定食配以烏冬  加了8蚊轉蕃茄豬骨濃湯  蕃茄味唔出  變成又唔似豬骨湯  又唔係蕃茄湯  烏冬略嫌不夠熱  感覺好似煮定先  烏冬亦都唔彈口  偏淋  成個麵食好似食糊仔咁  真係好一般  秋刀魚反而不錯  係有點咸  皮亦脆又夠熱  魚大小算不錯午市定食會免費有杯餐飲  有5 6款選擇  係自行係紙都選擇  另外亦會有優惠價加小食  我擇咗溏心蛋  味道不過不失~邊食既時候  睇到其他meau  賣相幾好  價錢相宜  可能會再黎食過晚餐  試下其他  但食物水準真的有待改進呢:)…查看更多

3間分店都食過了   3間食物水準都係差唔多  都係咁抵食咁正  另人食完都想回再黎食   成功佔領平價韓食市場👍黎到呢到  必叫壽司  多款饀料~ 我覺得最好食係配甜雞肉  但今次就試下新口味  配魷魚魷魚爽口  唔太咸亦夠入味   但始終都係覺得雞肉好啲呢😆粉絲亦係我必叫之選   雖然粉絲水準不太穩  有時頗咸   今次不錯味道剛好   配料亦好足~第一次食鐵板炒物  甜雞肉  雞肉好嫩  好入味  熱辣辣仲起曬泡   配白飯一流  加15蚊就有3款前菜小食   挺開胃的  (魚餅  泡菜   薯蓉)…查看更多

常常走過  聽到抹茶抹茶  真係啱曬抹茶控  我愛但唔嗜   因為原本抹茶係帶苦澀的  怕會整得太甜  突然想食甜品  下午4 5點人人少少  決定一試  一看meau  原來佢有好多款丼定食  賣相相當吸引  決定會再黎食  但都要試過甜品先可以再決定😄  除了多種抹茶甜品  都有少量其他口味(士多啤梨，芒果)  啱曬唔愛抹茶既人  就係我媽咪了銅鑼燒第一次食  應該都pancake差唔多  賣相擺盤幾靚  分量亦挺多  可惜cream太多好漏既感覺  士多啤梨亦唔甜  但都唔算太酸芒果芝麻抹茶芭菲💪抹茶雪糕夠滑  唔太甜  頗有抹茶香亦食到佢既苦澀味  正！  配芝麻類似果凍質地  意外地夾  既有芝麻味亦唔會遮蓋抹茶香~  值得一試兩樣甜品  每人一樣   非常飽  如果係食完飯食建議2人share一個甜品  除非係食下午甜品   結果夜晚我好似先食飯亦食得唔多   因為呢個甜品真係好飽肚呢🙈…查看更多

最初呢間大牌檔係Ig盛傳  個個讚  好多人爭住去食  亦都出名爆場  等位等到頸都長  好彩我哋成班好醒目  7點就殺到  但無奈已經爆場  但都係等咗3個字  就有得坐  開埋枱叫餸黎餸都係等多4個字姐   未到8點已經可以開餐😋呢度氣氛真好  好鬼死熱鬧  最啱同埋親朋戚友聚埋一齊  叫餸食飯👍感覺真好   配埋啤酒  邊食邊飲邊吹水  淨係諗已經開心都不得了  更何況身在其中👭👭👬👬第一碟黎當然係招牌菜手撕雞雞肉好滑  撕得夠碎  唔會一舊舊分唔開~正  2)孜然棒棒骨醃得好入味  肉又唔會um同硬  咬落去骨同肉好易分開  亦唔太油   令到人食完想再食  (好可惜剛好8條 每人得一條)😩3)腐皮卷腐皮炸得好鬆脆  入口同樣好爽身唔油  值得一叫4)冬蔭公湯估唔到呢到冬蔭公湯又幾夠味  又幾正呢  湯唔太夠辣  做到冬蔭公既酸  令我哋喜出望外呢其他~總括黎講~呢度炸野係正!!!  又唔油  又夠脆身  熱辣辣  約埋三五知己最適合不過~~…查看更多

去到九龍灣徳福行街  單單個商場已經有好多美食  又schoolfood  又一風堂  又牛陣等等  都唔知揀咩好   行過丼丼屋  見到唔太多人可能7點較早  地方寬闊  個meau亦係我最愛既紫色(其實唔太關事喇haha)  俾佢個吉列滑蛋同肥美既刺身丼給引住  所以就入黎試下喇   其實之前已經聽聞過佢個吉列豬  久久未試  今日就一嘗你既滋味啦首先當然黎個開胃前茶  沙律  松蟹份量夠多  製作亦需時  應該係既叫即拆   非常新鮮鮮甜  啖啖蟹肉同個大食豬每人一個丼  我係四式丼   佢食吉列滑蛋豬扒定食(只要加15元  就可以轉定食) 自己選擇:)  定食會多了2個小食  沙律  麵"是"湯不錯既四式丼  刺身新鮮肥美   佢啲wasabi 好好味~沾上醬油  真的好好食  一啖飯一啖刺身  yummy~滑蛋丼  個滑蛋漿整得不錯  只可惜個吉列不夠脆身  有點失色了...最後點少得個甜品  先至係happy endng~雪糕軟身  一黎到已經覺得佢融緊  有啲快喎!!!但食落口好軟幾滑  不錯   我叫佢分開個抹茶醬咁可以因自己重淡口味黎落  亦可以搭真個雪糕本味   個醬好香好重抹茶香  不會太甜    食到個雪糕未到一半  要開始撈底   粟米片沾滿抹茶雪糕  一啖啖咁食   不知不覺就ko曬  仲有點覺得不夠喉  抹茶香還留在口腔🍵正！…查看更多

今日突然好想食烏冬  呢間開咗咁耐真係第一次係到食  呢間好特別係自家同板長聯營  第二間係咪咁就唔知  但勝在可以order下啲壽司唔駛咁dry啦 我哋每人叫了個烏冬  但份量並不多  吃了亦不會覺得飽  上面係吉列豬扒咖哩湯烏冬  咖哩味好淡  而豬扒亦炸太耐好硬身  下面係海鮮蕃茄湯烏冬  蕃茄味亦不久  青口有點苦  而烏冬質感亦不久彈性爽口   整體烏冬水平普通一般除了烏冬  亦叫了幾款壽司分別有親子丼(三文魚厚身  幾鮮甜)   火灸三文魚  火炙醬油三文魚(第一次食挺好味的  可以一試)  香芒軟殼蟹卷(香芒好酸  無咗香芒仲好食  但無意思了)另外仲叫了個海鮮沙律  蟹子頗多  落足料  係個不錯既開胃菜!!!…查看更多

係中環循道衛理  皇后大道中一帶四周都有地盤  面貌全非  差距約3條街既勝香園  還能撐多久   呢度每日例牌咁多人  係呢度最重要快  眼利腳快  先位到個位坐低今時今日呢個價錢呢個水準真係食少見少  今次帶了男豬黎食  連不嗜蕃茄的他亦不讚好味  係真係幾唔錯  我每次都係點茄牛通  而佢都跟住我 但加多隻煎蛋  牛肉依舊嫩口  湯底依舊鮮甜  濃郁既蕃茄  啖啖蕃茄味~ 另外點少個檸蜜脆脆 豬仔皮依舊脆身 令我食唔停口  佢既水準依舊~ 唯一不足既係杯凍奶茶落得太多奶  茶香無曬  可惜!!…查看更多

我好耐無去過廟街了  廟街給我的印象是 嘈吵喧鬧的地方  係食雞煲煲仔飯打冷大牌檔的地方  今次黎到發現原來變了不少  開了不了吃西餐甜品既食店  而且常聽朋友說呢度有間好有創意既甜品  個甜品好似整到一盆栽咁  好搞鬼  於是就黎一試一入到去人不多  可能是平日下午時間  中午又未落格  下午茶又好似太早的2點幾時間  呢度裝潢不錯  我被大型黑板吸引到  搞到遲遲都未睇餐牌落單  好多都想試  結果我同友人兩個每人都叫了兩個甜品  兩款係我的:)原來盆栽甜品係意大利凍餅  泥土係類似朱古力脆脆  脆中帶軟  可惜抹茶芝士個部分太少  慕絲又太多  我覺得分配得不好  食落太漏  口感普通  搞到得個樣  好睇唔好食另一個心太軟就好有驚喜  一上枱氮氣還在  散出煙霧效果好美  雖然煙一散   啲雪芭同雪糕一舊舊咁 好似碎了的骨頭咁  但好有口感  芝麻好香 配上抹茶心太軟味道挺新鮮 雖然旁邊圍著凍品  但流心效果仍然好好  呢個甜品水準不錯 店員還會提你不要即刻食  要等一會才吃   因為要等佢溶一溶化 如果唔係會黏住嘴唇呢^^  以下係我友人的:)友人嫌cream不夠多  叫佢額外再加  以為只係一"pet" cream咁上  點知還會加埋啲杏人片同脆脆  幾意外  不過價錢都相應有這種服務的:)haha紅白心太軟  紅色是紅莓雪芭配搭呢~…查看更多