tonylui61的个人专页

是次返嚟,今次住響沙田石門附近......相比起上一次住汀九,石門(或者小瀝源)交通便利得多,至少鄰近石門站,可以搭屯馬線去好多地方.但原來旁邊有個京瑞廣場,果一度有唔少餐廳食店,可以講係美食天堂.咁 有幾間茶餐廳既,而每一次返香港,沙爹牛肉麵係必然食既嘢.以前細個去大排檔茶餐廳,例必叫B餐,八十年代沙爹牛麵既標準係牛肉鮮嫩多汁.但今時今日,呢幾次返嚟,食到既B餐,已經較以前失色不少.難得第一餐就去呢間食,有聽聞過呢間茶記係有名既.我會鐘意佢既沙爹牛麵,個湯底唔錯,麵係幾滑下,儘管份量唔算好大,但係覺得味道同牛肉係唔錯.炒蛋亦好滑.下次再次返嚟的話,可以值得再幫襯.…查看更多

呢個食評教訓到自己兩件事....第一，現金一定要帶夠，因為有啲地方，現金仍有存在價值，尤其是呢啲只收現金既餐廳、酒家。第二，一個人唔應該叫太多嘢食，當然，呢次例外，皆因點心好吸引。八年無返過嚟香港，雖然 有啲嘢係變咗，但感情不變，始終香港係成長之地，亦都掛住香港一大堆美食。云云食過既餐廳入面，川龍呢間要介紹既茶樓最為深刻彩龍一直有聽聞其名，但要真係去果度飲茶係未去過，難得返嚟一次，今次點都要去試下。於是趁星期日一早，走去荃灣，搭51號巴士上山。平日既51，係無乜人會搭，但一到星期日，行山友眾，如心廣場上車可坐滿一架巴士。但去到荃灣站，基本上可以「打爆」（滿載）一架巴士，原本紅公司（九巴）有計劃星期日或假日改派雙層巴士行51，車都試埋，但只聞樓梯響。未幾，去到川龍，酒樓響巴士站旁。入面既姐姐待應好好人，因為第一次去，都幫我夾點心。一共叫咗九樣野食（其實一個人差啲食唔晒），當中有雞札同鵪鶉蛋燒賣，雞札響外國見唔到，以前  LA有一間港西係有整既，但後尾無，原因係工序復雜；需鵪鶉蛋燒賣係有既，只係味道差減截。個人覺得個豆腐花好正，畢竟有聽聞用川龍既山水去整。本來想要凍既，但姐姐推介熱食更有風味，不過覺得個豆腐花幾滑下，同出面分別好大。另外亦有試過西洋菜，好爽口。當然，山竹牛肉、粉果同蝦餃都不可少..............但食到一半，教訓就開始，身上只有$140，而叫咗咁多點心，應該超出Budget之外。因為川龍係極之山旯旮地方，方圓十哩無銀行，而酒樓係只收現金。原本諗住食完之後先去暢錢（本身除咗呢$140之外，就只有美金)，但開始擔心既係，唔夠錢畀，可能要留響酒樓度「洗碗」還數呢啲情景。但好彩既係，真心多謝一位好兄弟，山長水遠走上嚟救我。呢份情，一定要珍惜，因為若然無佢，真係唔知點算。…查看更多

話說,兩年半前幫趁過一次澳牛,雖然炒蛋好滑,但始終幫趁完一次之後入黑名單,始終....出去食野覺得受待應氣係會難受D既....尋日再一次回港,咁第一餐當然係好D啦,於是去咗大快活度食,可惜既係再一次後晦,個早餐有火腿通粉,但湯仲多過通粉.我想,以後未必再幫趁.今日中午,入粉嶺有事要做,本來自己一個人食,但後來相約朋友見面.本來想去廣成冰室,但朋友有另一個好既介紹,於是去咗呢間樂樂冰室,反正果頭餐廳以往少去.本來點客鮮奶炒蛋火腿厚奶油包就算,但阿姐好人,叫我改成一Set套餐,差唔多價錢但有牛肉通粉,反正未食過早餐,都算啦,就叫套餐.炒蛋可能加上鮮奶,感覺上好滑,但係可以拍得住澳牛.但最唔錯係牛肉通粉,覺得好入味,而且份量唔錯,起碼好過大集團快餐店咁樣,只係水多過通粉.雖然不算薄有名氣,但值得去得過.…查看更多

二十四日,我在港最後一日.....之前反覆響度諗:啊！今日係最後一日在港,之後返洛城,對於我黎講,今日之後,唔知最後幾時可以返黎香港?究竟係咪要食豪一D呢?我又唔想食大家樂、大快活咁平平無奇,了無新意.其實反覆去想,差一盅兩件未試過....好!就去飲茶吧.因為呢次我住曉麗苑,所以去飲茶,一下落去觀塘市中心,其實我又唔想搭車出去.近近地,睇Openrice食評,秀茂坪商場有一間酒樓,就近近地,去呢間飲囉,反正搭電梯就到.其實又唔難搵既,就響商場二樓,隔離係惠康超市.但因為早上八、九點飲茶,會有好多公公婆婆去飲茶.不過香港興搭枱文化,我就座無耐,就有一對公公婆婆坐我同一張枱,反正一支公去飲茶,無所謂.同十幾二十年比較,係咪時代不同呢?而家叫點心先響點心紙上剔上心愛點心,再點心阿姐拎過黎.我反而鐘意推車仔年代,因為比較似飲茶,熱鬧嘛.在洛杉磯,至今去飲茶仍保留呢種傳統,但香港仍舊用竹籠裝點心,幾十年不變;相反洛城已改用鐵籠裝點心,可能當地政策係咁.一個人,叫咗五樣點心食....似乎有點過態.蝦餃係必然要點既,始終唔夠大粒,但還算爽口既,都OK啦...魚餅反而我幾鐘意食,新鮮剛炸,熱辣辣,有魚既味道.香茜牛肉腸粉K既,如果D腸粉皮再韌番少少就Prefect.蘿蔔金錢肚:都幾好食,佢有用咖喱汁,咖喱辣D都幾好食.皮蛋瘦肉粥:係不過不失既.埋單收88蚊,折合約11-12美金左右.始終香港一盅兩件比起洛城以致三藩市平,雖然近年香港食材貴,快餐店加價,但比起美國而言,呢個價錢約食到當地三籠蝦餃(以一籠2.15美元計),會較划算.不過美國份量較多,亦不過不失,各有千秋既.…查看更多

剛回香港第二日朝早,去一趟粉嶺,想起以前一直光顧的海皇粥店,決定走去食早餐.裝修上面,跟以前不大相同,但有個窗口,望住師父們製作粥點,透明度很高,可以令食客們食得放心.既然如此,叫了客炸腸.感覺油條很脆口,就明白到即點即造係最新鮮.食炸兩,少不免這些例如甜醬、芝麻醬等等,這些是它們的良伴,食落口感覺一流.我住洛城.其實大部份港式酒樓,如半島海鮮酒家,都有炸兩作為點心.但通常是賣剩遮的,往往中午到酒樓叫炸兩,油條涼了就變軟,口感失去了不少.無錯,近幾年,洛杉磯開了不少港式西餐Cafe、粵式酒樓等,除了炸兩之外,也食到西多士、雞蛋仔等等,但不及香港那樣原汁原味.不過不要埋怨很多,始終有像樣的東西在外國食到已經係幸運了.同場點了個牛肉魚片粥.又要講外國,食到相似物品是粥底較杰,反而在香港,粥底是很稀.不過值得一讚,材料十分足,如油炸鬼、牛肉和鯇魚片等.埋單時,收總共35元.我覺得算叫物超所值.…查看更多