foodie1020的個人專頁

尖沙咀樓上居酒屋✨高質串燒🍢訂枱8折喺尖沙咀想同fd舒服坐低傾偈食嘢，呢間居酒屋價錢介乎喺燒烤堂同心燒之間，訂枱有8折，宵夜仲有優惠價!明太子饅頭要試，脆香饅頭加烤焗明太子，惹味勁餸酒。三文魚燒飯糰🍙我覺得幾出色，佢唔會燒得太燶，唔會痴牙到爆，但又夠香口。土佐豆腐好好食！炸香木魚絲加埋明太子同薑汁，配嫩豆腐好食到傻叫咗幾款串燒，全部都幾好食，牛舌厚肉有汁，牛橫隔膜肌軟腍，柚子雞酸香得嚟帶微辣好好食。係唯一白鱔比較多骨要留心。另外店員仲推薦咗池魚刺身，幾新鮮，刺身係每日推介下次未必有～…查看更多

上環內巷😱 臉咁大炸髀 🤤冬蔭功粉絲😈呢間餐牌聯合國咁😆咩都有，本身見到有人話炸髀好食所以狗衝了！炸雞髀配冬蔭功湯粉絲 ($84) ，雞髀好大隻炸到金黃，皮薄脆好似燒雞，肉勁滑！係真心有驚喜！冬蔭功湯酸酸辣辣，飲落似十小辣羅宋湯，入面仲有芽菜魚片豆卜菇，粉絲索哂湯，夠開胃！蔥油豬扒飯配煎蛋($70)上環嘅老友食完會唔會中風😁⋯煎蛋好靚，篤穿撈埋豉油葱油好送飯。豬扒我覺得普通。泰奶都竟然幾好飲，唔會太甜，香港人approved 。✨ 味道 ✨📍 上環畢街15號地舖…查看更多

荃灣呢間新cafe開咗都有一段時間，本身以為係得門面靚嘅打卡店，點知幾有驚喜！！！！▪️ 酸甜苦辣生吐司 $88 ▪️ 卡邦尼意粉 $78 ▪️ 蘋果金寶 $68▪️ Cruffin $58蘋果金寶熱焫焫上碟，金寶非常香脆，唔會過甜太厚身，非常輕盈，蘋果嘅肉桂調味亦唔過火，連埋雲呢拿雪糕一熱一凍，鹹鹹甜甜超級好食！係近期喺香港食過算出眾的Apple Crumble! 卡邦尼意粉豬腩肉焗到邊邊位勁焦脆，甜甜地，好好食 😭 蛋黃加芝士煮成嘅醬汁非常濃郁，我覺得驚喜在無過膩，亦唔會太鹹。係中午食完唔會滯住滯住嘅感覺。略嫌意粉可以再有咬口啲，但午市78蚊仲包埋咖啡，算係咁吧。自家製生吐司比想像中細粒，本身都覺得「哇88蚊，憑咩仲貴過意粉？？？？」但食完都明白廚師嘅心思！吐司非常鬆軟，麵包組織綿密，麵包皮勁煙靭勁好咬！麵包控真心必試！四個醬入面，我估唔到最有夾嘅，反而係九唔搭八嘅本地蝦米辣椒醬 🥹🥹超級超級惹味，想打包一樽醬拎走！希望店家會用呢個醬發明多啲菜式，意粉都OK的！火龍果果醬反而偏甜我麻麻，宇治抹茶奶酥醬就正常發揮，話梅番茄果醬幾開胃～今次仲試埋自家 Cruffin 😍！ 最欣賞自己homemake bakeries嘅咖啡店！Cruffin表面灑上糖粒，撕開食感覺有啲似牛角包，配埋柚子忌廉有種食緊donut嘅感覺～不過呢個要share都幾飽lol✨ 過日辰✨📍 荃灣享和街16號地下D號舖…查看更多

🔍 夠薑豚肉飯 😻 超香韓式年糕炒辣雞 💛九龍灣新開嘅外賣店！韓式日式餐乜都有！仲要幾抵食！夠薑豚肉飯 ($48) 勁重薑味！落足薑蓉炒，豬肉好軟腍，加埋溫泉蛋成件事勁夾勁滿足 🥹炒年糕($45)個汁偏甜，五小辣左右，年糕好好咬！春川炒辣雞飯都真係幾辣吓😂雞略嫌少少老，但撈埋蘿蔔絲青椒絲食係幾惹味！加$18可以有茶碗蒸，非常嫩滑，唔會太鹹！另外老闆係生招牌 😛 好nice！佢強烈推薦我下次早餐嚟試牛角包窩夫，我朝早好少去九龍灣，派大家去試吓！ ✨ 米吉✨📍 九龍灣宏泰道12號榮發工業大廈地下4B2室…查看更多

深水埗嘅韓式家庭料理，開到去大角咀食街（埃華街）！繼續都係韓國老母的味道🥹❤️▪️辣花蟹湯鍋 $388▪️涼拌粉絲 $88▪️炸雞 半份 $78鍾意去呢間食，大概係因為市面丄太多韓國嘢，都係太鹹太味精，食完要狂灌水⋯但呢到係惹味得嚟，所有湯頭都係順口唔頸渴❤️🙏🏻湯鍋有三大隻花蟹，每隻都手掌✋🏼咁大，蟹好多肉，不過要慢慢拆。湯入面主要係蔬菜，翠玉瓜、冬菇、蘿蔔、洋蔥、金菇等等，鍾意可以另加拉麵。湯頭好有驚喜，佢完全唔係直接用泡菜辣醬開稀嘅泡菜湯，而係有種海鮮嘅鹹香，同埋好有洋蔥味！音樂順口暖胃，微微辣，唔會係辣到流眼水嗰種，相比起加拉麵，我會想加個飯落去食😂😂炸雞估唔到都有surprise，做法偏似日式唐揚炸雞，上咗薄薄嘅炸粉，咬落皮好薄，肉嫩多汁！涼拌粉絲秘製醬，望落深紅色好似好辣，估唔到食落係微鹹帶酸，完全唔辣🤣🤣。撈埋酸蘿蔔、雞蛋、青瓜等等蔬菜，幾開胃！新舖比舊舖更加闊落，坐得舒服啲，仲有燒酒米酒飲，如果你都搵緊一間食落舒服，唔濃味嘅韓式料理，呢間可能啱你！❤️❤️✨ MW Korea House ✨📍大角咀埃華街72號地舖📍深水埗福華街178A號地舖…查看更多

記得上年餘果啱啱出發酵茶，已經覺得好眼前一亮！今次見到有餐廳同佢哋合作推出特飲，即刻衝去試！▪️ 煎北海道帶子 伏特加番茄奶油長通粉 $178 ▪️ 慢煮四元豚肉 薯蓉 肉桂蘋果醬 $198▪️ 番石榴 Kombucha Espresso $78 佢哋推出咗三款口味嘅Kombucha Espresso，分別係番石榴、薑啤、西洋菜原蜜。荃灣店限定嘅係番石榴，就咁飲偏清甜，無咩氣，倒入epresso後，中和咗咖啡嘅濃苦咁，有種甜而後澀嘅感覺。我自己幾鐘意，算係易入口之作！ 今次嚟主要為啲茶，但都講吓食物！番茄奶油長通粉酸酸甜甜，入面有洋蔥、彩椒，車厘茄同瓜瓜，比想像中豐富，煎帶子大大粒幾香，整體係個開胃嘅main! 另外嗰碟就有少少失望，慢煮四元豚肉唔算嫩口，198我會expect再高質啲，反而伴菜嘅蘋果薯蓉出奇地夾，蘋果酸酸甜甜，同薯蓉撈埋幾清爽嘅感覺。✨How To Live Well ✨📍銅鑼灣軒尼詩道500號希慎廣場4樓414-417號舖📍尖沙咀河內道18號K11購物藝術館2樓201-01號舖📍荃灣大壩街4-30號荃灣廣場3樓343-345號舖…查看更多

元朗真係多食店得嚟又臥虎藏龍！喺呢條小巷除咗章魚小丸子，仲有墨西哥nachos tacos食😭🥹 終於喺大西北有得食‼️——————————————————▪️韓式豬腩芝士泡菜Taco‘s ($58) ▪️香辣大蝦番茄莎莎Taco’s($62) ▪️+20升級套餐 跟餐飲+沙律／薯條／Nacho‘s▪️墨西哥原條烤粟米 $45以往食墨西哥嘢真係要仆出港島，而家喺大西北都有得食了，好感動 🆘 呢度嘅Taco’s口味偏向fusion，除咗有傳統肉醬餡，仲有大啡菇／魚柳呢啲配搭。豬腩芝士泡菜Taco‘s完全爆晒餡，先加一層燒芝士底，再加泡菜同煎豬腩。豬腩肥瘦相間，一啖咬落係肥美嘅油脂+甜辣泡菜+酸甜番茄解膩😭 芝士令件事能夠融埋一體，基本上呢個組合無得輸😭 大滿足！！！！ 呢度最開心嘅位係跟餐有得食Nachos，佢唔是落薯片hea你的，真係plain嘅玉米片，再加酸忌廉、牛油果醬同莎莎，夏天食好爽。 驚喜位係薯條好高質，連薯皮粗薯，表面炸到乾身唔會滲油，但入面仲係軟熟的薯蓉，粗薯派好開心😭✨烤原條粟米成枝咬，勁濃牛油+芝士同紅椒香料味，幾惹味香口！😍 香辣海鮮莎莎Tacos相對清新少少，牛油果+番茄莎莎，不過唔太覺辣，如果夏天唔想食咁heavy，我應該會食呢個。（ #清清淡淡又一餐 ）整體食物都幾高質，呢個價錢over my expectation，但嘢飲真係一般...乳酸梳打太甜，海鹽檸檬梳打太重鹹味... 🏊🏻 希望之後會改善…查看更多

比起年半前嚟食，加咗1/3價錢，但個份量好似都有相應調整。所有肉都係即叫即煎，個豬五花好_好食，真係好好食🙏🏻❤️，佢係薄切再香煎，醃料唔會過鹹，入口豬油花喺口化開，有種食燒肉嘅感覺⋯雞扒以前會一開三，而家係無切，我覺得好似唔切個擺盤仲靚，仲好厚肉！唔知點解，明明佢係擺落碗麵，但塊皮係勁脆！一咬落個皮，皮同肉之間嘅雞油肉汁咇出嚟，好_正please….湯底濃郁得嚟，唔會好油膩，唔會紅油海浮面，可以好似食拉麵咁掛哂汁喺油麵同米粉到，飲完唔會口渴！京葱串就少失望，好細好細串（無名指長）但28蚊，味道就正常⋯我哋七點九去到，大概八點三有得入，八點半有得食，因為QR code落單system仲未整好，店主一人做哂 *所 有 嘢*，所以上菜次序有少少混亂，但係可以接受嘅～ 因為真係好食，一食落肚乜怨氣都無了😂…查看更多

以前去Beeger成日經過，聽人講話好食，但我今次嘅體驗係，呢個價位你有更好選擇🙏🏻😅我一直對呢間居酒屋嘅想像係「少貴但起碼好食」，但sorry真係不似預期先講好食嘅，大啡菇 ($38) ，帶有少少柚子香，咬落幾多汁。關東煮 ($78)有蘿蔔、蛋、蒟蒻、獅子狗同豆腐，甜甜鹹鹹好入味。免治紫蘇雞肉棒($44)，望落焦香，但食落唔知點解無想像中嘅鹹香感覺，坦白講我覺得低一個檔次嘅燒烤堂整得更好食。鰻魚串($63)實在太細串，大概係手指公咁粗，細到好影響口感，完全嘥咗條魚。佢燒到皮脆、入面有膠質，但係完全唔夠喉😂 好懷念心燒嗰串燒白鱔⋯燒豆腐燒得太乾，出面嘅皮變得太硬實。明太子飯團幾好食，超多餡，但同一個價錢嘅味噌飯團，就唔知食緊乜，味噌醬好孤寒，好似食緊好硬嘅飯only 大葱雞肉($40)超鹹，但可幸嘅係嚿雞係正常size，紫蘇梅醬雞肉($40)，肉質有啲鞋，芝士年糕($38)應該係來貨吧，所以味道一定有保證的，但又燒唔到外脆內飲軟滑嘅感覺另外啲酒都非常細杯，開咗枝清酒，呢個無嘢好講，但另外嗌嘅柚子酒，一杯62蚊，扣埋冰可能得100ml。人均600左右但得5成飽🤣真心覺得去居酒屋預咗洗錢，但亦會在意你比返乜質素我，唔係貴就等於高檔⋯後未睇其他食評發現其他客都有類似感受，真係無下次🙏🏻✨ しば ✨📍 西環堅尼地城士美非路11號地舖…查看更多

聽講佢哋其中一位老闆係做美指！裝修好有心思，而家平日仲有午市套餐，12點至4點半都送餐湯同飲品！——————————————————▪️ 三文魚籽明太子意大利粉 $158▪️ 麻辣春雞半隻配薯菜 $168▪️ 西班牙蒜片大蝦配法包 $88上到去以為自己去咗龍華軒😂😂😂😂啲裝修creepy得嚟又有啲feel 叫咗兩個餐，包蘑菇湯同嘢飲，明太子意粉幾有咬口唔會太鹹，麻辣春雞個辣汁幾惹味，如果可以做到皮脆肉嫩會更好，不過唔知點解嗰日嘅配菜係白菜，即刻有喺酒樓食飯感覺lol 反而前菜幾有驚喜，蝦身全部去殼，爽口彈牙，落蒜片辣椒煮過，辣辣哋好惹味！法包落足牛油烤焗，勁香口😭🫶🏻✨ 悉尼樂園 ✨📍 銅鑼灣邊寧頓街9-11號登龍閣2樓A室 …查看更多

終終終於有堂食啦！可以開心食新鮮熱辣嘅大阪燒！✨❤️ 自資打手兩行眼淚在流▪️豚肉炒野菜丼 $56 + $10 味付溏心蛋▪️油揚豆湯烏冬 $34 + 吉列豚 (大) $20 ▪️海量海鮮大阪燒 $52 ▪️一粒檸檬 $25 | 粒粒香桃 $25 曾經會一次過買定幾餐外賣返屋企🤣 因為難得去咁遠，無理由唔買多啲！佢哋終於開堂食，濕地公園個商場嘅Feel少似田景嗰個 😂 呢間舖似乎有好多新嘢推出，coming soon包括：燒飯團、炸薯條、茶碗蒸等等一品料理、連梳乎厘pancake 都有😂 仲有好多新嘢飲（見餐牌）裝修光猛，坐位係cafe setting，唔算好舒服，食完光速餐就好走，自行落單取餐收盤。大阪燒熱辣辣果然係冇得輸，大大份勁足料，食到粒粒章魚蝦仁，超多椰菜😂 加埋蛋黃芥末醬同木魚啖啖都好滿足！我最愛嘅豚肉炒烏冬呢度無，得丼飯照殺，野菜量依然好多，蘿蔔椰菜冬菇茄子，豬肉軟熟，係家常菜嘅味道白飯小偷🥺🙏🏻 溏心蛋好好食，超級送飯，一定要加PLZZZZZ兩杯嘢飲正常，勝左夠大杯，湯烏冬超大塊油揚😂 吉豬麻麻，好似炸得乾硬咗啲。✨ 東屋台 ✨📍 屯門良德街8號珀御地下G09號舖📍 屯門龍門路43號龍門居50號地舖📍 天水圍Wetland Seasons Bay地下9號舖
 #東屋台#大阪燒#天水圍黃店#天水圍美食#屯門黃店#屯門名物#屯門美食 #girlsfoodies屯門 #豚肉炒野菜丼 #海鮮大阪燒 #溏心蛋#吉列豬扒…查看更多

🌸#girlsfoodies大角咀#girlsfoodies西式 🌸【💛 #GF_List 】⭐評分: 8.5/10——————————————————本身以為係劣劣港式西餐🥹點知！！太surprise了me，點解大角咀咁多好嘢食，我係咪要搬去大角咀了🥹——————————————————
▪️ 明太子櫻花蝦配青瓜絲扁意粉 $138▪️ 原隻軟殼蟹龍蝦汁蟹肉海鮮意大利飯 $198▪️ 山楂玫瑰梳打 $42 | 蝶豆花玫瑰梳打 $42主食唔係好大份，但真係幾好食（嗚），嘢飲就又大杯又好飲🥹！係咪二世祖所以豪爽啲青瓜絲配明太子，真係問哂號，但佢又無乜違和感，呢下癲。明太子醬非常濃稠，加埋櫻花蝦鹹香，扁意粉幾有咬口，捲起一揪隊落口食，好幸福的感覺！(/ω＼)軟殻蟹手板咁大隻，一切開⋯即刻流黃色嘅膏，肥到癲，飯粒偏硬身，索哂龍蝦汁嘅鹹鮮味，但唔會太鹹，蟹肉超級多，對得住個價錢山楂玫瑰梳打係高啤酒杯size⋯我哋坐吧枱要企起身飲⋯飲落係有氣版嘅山楂餅😂！蝶豆花梳打甜度無得較，但都冇過甜，開心開心🫶🏻見網上有人話太漏，但鍾意食有汁嘅嘢的我幾like⋯( ᐛ ，可以翻啅！✨ 二世祖 ✨📍 大角咀福全街18號地舖…查看更多

喺中環嘅西餐+酒吧陣入面，竟然匿埋間台灣嘢，出面食緊煙劈緊酒，入面播緊音樂，有書睇，真係平行時空😂——————————————————▪️招牌豆乳鹽酥雞拌麵 $82▪️甘梅蕃薯條 $62▪️草莓抹茶蕨餅紅豆牛角包窩夫 $74連皮番薯條超級大兜，上咗番薯粉先再炸，表面有層好似天婦羅咁嘅外皮，審上酸梅粉再加少少鹽嘅鹹味，甜酸鹹齊晒但又平衡啱啱好，勁好食！😭鹽酥雞有六大嚿，嚿嚿都雞蛋咁大粒，炸皮有啲似巴辣雞翼，上面撒滿椒鹽粉，咬開超級Juicy，似係雞髀肉嘅感覺！撈麵較淡口，但配埋鹽酥雞同埋蝦醬就啱啱好，麵好有咬口，完全係我嘅口味🥰！第一次食croffle⋯將牛角包放入窩夫機度夾，食落口非常酥脆，好似食拿破崙一樣嘅空氣感，啱啱好好熱辣辣嘅牛角包，配上冰凍嘅雪糕，超級幸福😭😭😭😭 ！ 食到我哇三聲，大佬如果大家想寫字，可以事先同店主訂，店主超醒目，同我裏應外合冇穿崩！🥲夜晚去樓上仲要無人，同朋友包場咁款喺上面Hea左兩個鐘🥹!! ✨ 旅窩 ✨📍 中環鴨巴甸街42號地舖⏰ 1130－2200…查看更多

⭐評分: 7/10——————————————————梅窩都有黃店！喺碼頭附近！戶外座位仲要望海，好舒服～——————————————————▪️煙三文魚忌廉芝士麥包三文治 $59 ▪️煙肉芝士麥包三文治 $59 呢度嘅嘢食主要係麵包+自選toppings，佢哋嘅白麵包／麥包／軟包都係自製！好有心～我哋兩款都揀晒麥包，非常鬆軟，食落有少少微酸，有麥芽黑包嘅錯覺，見隔離枱嗌軟包好似仲吸引！！煙三文魚+忌廉芝士真係不敗組合，creamy and rich 巧鬼幸福，但三文治無烘過，成件事好冷冰冰嗚嗚，煙肉芝士嗰個就好普通，唔建議叫～細路仔口味叫咗橙汁飲，真係鮮榨嘅感覺，開心仔～✨ Caffe Paradiso ✨​📍 梅窩銀運路3號梅窩中心地下8號​…查看更多

🌸#girlsfoodies大角咀#girlsfoodies餃子#girlsfoodies中式 🌸【💛 #GF_List 】⭐評分: 8/10——————————————————之前次次去都係食餃子，原來其他嘢都唔錯！黃店好難得有呢啲嘢食嗚嗚——————————————————▪️豬扒擔擔麵 $54▪️凍柑桔露 $10擔擔麵面盆咁大兜，本身以為會係有肉碎同辣嘅版本，嚟到原來只係花生湯底，辣殺可放心食用上海麵唔太有咬口，但非常適合呢種濃郁湯底，每條麵嘅表面都吸飽吸滿醬汁！最初食嘅時候湯頭較稀，但越食就會越杰身，每啖都充滿花生香氣，但又唔會漏到想死！豬扒有兩大塊，每塊都手掌咁大！我有問店員攞碗，所以塊嘢冇喺花生海遇溺，無浸淋到ohyeah！豬扒係炸的，個脆漿好很薄，肉質算係咁，唔乾又冇cheap肉除，食完呢碗嘢勁飽，happy happy仔！✨ 山東小城 ✨​📍 大角咀埃華街101號A1 鋪​#山東小城#大角咀黃店#yellow大角咀 #大角咀美食#餃子#餃子黃店#黃店餃子#擔擔麵#中菜黃店…查看更多