audrey118的個人專頁

最近去咗尖沙咀美麗華商場，有一間環境高級優雅嘅泰式餐廳。今次特登嚟食週末brunch ，豐富菜式選擇，食物質素維持高質，仲有泰式小食放題，包括泰式青醬生蝦、炭燒頸肉沙律、沙嗲串、泰式蝦多士等等，食得好滿足!前菜⭐️酸辣無骨鳳爪⭐️魚子醬紅磚豆腐⭐️泰式青醬鮑魚三款之中最鍾意魚子醬紅磚豆腐，外層鹹香酥脆，入面豆腐非常滑!⭐️摩登海鮮冬陰功⭐️蟹肉海鮮湯特別推薦蟹肉海鮮羹，羹夠濃稠，蟹肉同海鮮份量足，味道鮮甜，唔會太鹹，飲一啖暖晒胃，非常順口舒服!主菜⭐️咖哩牛頸脊配薄餅⭐️麥皮金沙原隻蝦球蝦球係用大蝦🍤整成，包上鹹蛋黃翠章，鹹香酥脆…查看更多

旺角人氣排隊泰國菜 最有鑊氣炒牛河今日終於嚟到試呢間係通菜卡最多人排隊嘅泰國菜，餐廳有泰式大排檔感覺，廚師都係泰國人，所以可以食到最正宗嘅風味! 正宗泰國菜，但係價錢CP值非常高!⭐️泰式炒牛河 $78最推薦呢度嘅泰式炒牛河，惹味有鑊氣，河粉滑溜，帶有一點點煙靭感覺，牛肉雖然好滑，但唔係嗰種用鬆肉粉醃到腍晒嘅肉，仍然保持肉質同肉味，牛肉真係好好食!喺每日六點前食，仲可以以優惠價加配飲品! 非常抵食!⭐️火山排骨 $168…查看更多

原來喺九龍灣MegaBox 11樓有一間日式居酒屋! 有多款串燒選擇，而且夜晚6pm 後仲有$38 Menu!⭐️唐揚炸雞 $38新鮮炸起，咬落去仲會爆肉汁，做到外脆內嫩⭐️吉列炸蠔 $38⭐️雜錦魚生沙律 $38有唔少切角魚生、幾鮮味，配上柚子醋汁，減低其他食物帶嚟嘅油膩感⭐️串燒: 雞皮、雞翼、明太子雞肉、牛舌、牛小排、豚肉秋葵卷、豬頸肉、煙肉荔枝卷覺得牛舌最好食！配上清新唔辣帶甜味嘅紫洋蔥🧅⭐️松葉蟹肉帆立貝卷⭐️鵝肝鰻魚石鍋飯…查看更多

中環西班牙小餐酒館- Cruce喺蘭桂坊附近有一間小餐酒館，裝修風格同菜式都係西班牙風格! 餐廳老闆會定期研發一啲新菜式，增添一啲fusion風味，對食材十分認真!⭐️巴斯克蔥油三黃雞$298巴斯克喺西班牙嘅一個地區，運用堅果去烹調菜式，所以餐廳將堅果加入蔥油造成醬汁，配上外皮香脆肉質嫩滑嘅三黃雞！⭐️西班牙海鮮海味燴飯$468燴飯上面嘅龍蝦熟度啱啱好!西班牙燴飯味道濃郁，加上海味增加鮮味，配上三款醬汁，包括芥末沙律醬、辣味沙律醬及原味沙律醬，豐富風味及令燴飯更加順口…查看更多

落雨嘅時候特別想打邊爐😝今次試咗喺佐敦嘅鍋霸台式養生火鍋！今次揀咗Lv2 美國prime 牛肩胛肉套餐，喺午市可以食4.5小時，可以同朋友慢慢傾偈，又唔使趕住食！價錢又平平哋$198（weekend），出乎預料嘅係湯底有幾正，就算係最平價嘅牛肉火鍋LV，牛肉質素都都唔差，俾好多平價火鍋店好！⭐️藥膳椰子雞鍋湯底飲到好濃嘅椰奶味，湯入面已經附上雞腿肉，好滑⭐️田園蕃茄牛肉濃湯蕃茄湯好濃，係好順口蕃茄味，入面嘅牛肉竟然係炆到好腍嘅牛肋條！食到咁上下將兩款湯底撈埋一齊竟然有冬陰功嘅感覺🤣大家都可以試吓！⭐️Prime Grade 牛肉有時最怕食火鍋嘅時候，牛肉又肥又冇牛味！但係呢度嘅牛肉肥瘦適中，有牛味，淥完都唔會韌，呢個價錢完全收貨！配料嘅選擇都幾多，全部QR code落單，可以任叫手工雲吞水餃同手工丸！今次食咗粒爆漿芝士牛丸都幾正！亦都可以加$40升級海鮮，選擇會更多，有蜆、鱔片、海蝦等等，最後仲可以每人一杯Movenpick雪糕！…查看更多

⭐️慢煮加利西亞風味八⽖魚伴芥末薯蓉呢款係凍食嘅tapas ,八爪魚比較爽口，配搭刺激嘅Wasabi出奇地開胃!⭐️西班牙橡果黑毛豬柳龍蝦汁砂鍋飯砂鍋飯仲有一些海鮮配料，同鹹香嘅黑毛豬柳!真係好食⭐️紐西蘭活青口 (⽩酒忌廉汁)採用新鮮嘅紐西蘭活青口，青口特別鮮甜!配上蒜蓉包,加上白酒忌廉汁可以食唔停!⭐️泰式奶茶味麻糬窩夫配雪糕可以嗌呢個嚟慶祝生日，上面有浮誇嘅雲朵棉花糖!入面有麻糬窩夫同movenpick 雪糕!…查看更多

喺香港101樓高空fine dining 係咩感覺！？直接榮登最好食嘅餐廳雖然嗰日天氣唔係咁好，落雨同多雲，但係就會有喺雲層入面食嘢嘅感覺🤣，間中會飽覽到全部維港景色，真係好靚！Amuse Bouche首先有新鮮烘焙嘅sourdough，麵包鬆軟，外層亦都唔會太過硬，搭配兩款自家調配牛油：煙燻味和辣味。餐廳特製的牛油則非常綿滑🤤，充滿香氣，令人想一啖接住一啖咁食！係食過最好食嘅牛油同埋sourdough!Burrata cheese配上蜜糖醋，吃下去不會太膩再配上超清甜的日本蕃茄及羅勒葉，10分開胃！蘑菇濃湯會即場在客人面前加熱，在完美的溫度下品嚐。然後撞入清湯，令層次更加豐富，並加入松露片作點綴，再滴上一點白松露油，松露的香氣充斥整個口腔！法國藍龍蝦🦞以慢煮炭燒的方式烹調，肉質鮮嫩多汁，口感滑順且彈牙，帶有自然的海味。搭配一粒意大利🇮🇹小雲吞，裡面也有龍蝦肉，充滿龍蝦精華的龍蝦汁以泡沫的形式呈現，讓整道菜的層次更加豐富！以慢煮方式烹調的A4宮崎和牛，入口即化、超嫩滑！牛脂喺口中爆發🤤🤤，非常難忘！搭配用牛尾整煎餅，酥脆可口，搭配酸酸甜甜的檸檬和蘿蔔粒，完美中和了油膩感，讓整道菜更加清新美味！…查看更多

餐廳位於The One高層，有露天位置可以飽覽維港海景。日落時間非常浪漫。三種海鮮前菜選用優質海鮮材料，烹調方式都令海鮮嘅鮮甜味道發揮極致！法國藍龍蝦他他配鵝肝脆雞皮藍龍蝦肉非常鮮甜，龍蝦肉味道非常突出日本帝王蟹蛋泡沫配海膽將部份帝王蟹打成泡沫配上溫泉蛋，味道同樣鮮甜濃郁！荔枝車厘茄凍湯配西班牙紅蝦餐廳選用咗西班牙紅蝦，鮮甜彈牙，蝦肉非常好食，凍湯清新微酸，帶有淡淡荔枝甜味，係一款適合夏日嘅前菜香酥脆皮龍蝦配青酒忌廉魚子醬香脆嘅酥皮包裹住完美嘅龍蝦肉，提供反差口感，醬汁味道都非常好！熟成本地雞胸肉卷配龍蝦汁脆炸鵝肝雖然選用雞胸肉部位，肉質較瘦，但仍然能保持濕潤，配菜係擁有豐富油脂香嘅炸鵝肝作為對比，比較特別嘅係菊芋蓉作為配菜，口感類似山藥般的濃稠，將雞胸肉同鵝肝好好融合。腐皮法式千層配豆腐忌廉芝士桂花茶…查看更多

係尖沙咀市區都可以係露營環境食到燒肉！餐廳提供埋露營用品餐具，更加有露營氣氛！燒肉可以點上日式燒汁或柚子醬汁！日式燒汁同牛肉非常夾，中間Azure換柚子醬汁可以減低油膩感！⭐️夢王蛋海苔飯 份量比expect多，食燒肉就係要配上飯！⭐️厚燒豚腩肉豚肉非常彈牙！⭐️蒜茸牛油本菇⭐️ 全牛特選拼盤 $408A5宮崎和牛三角腹、牛小排、牛肋肉、牛舌、牛胸肉肉質全部都好高質！牛肋肉比較有咬口，牛胸肉肉味較濃、牛小排則軟淋，雪花和牛當然最正，燒完充滿油脂香，入口即溶！…查看更多

終於嚟試到呢間傳統韓國菜，連老闆都係韓國人，非常正宗！餐廳以簡約木系裝修，家庭式風格非常舒服，最出名嘅係有12道前菜，以及用巨大木板上菜！所有菜式都係韓式家庭風味，調味啱啱好！⭐️姨媽套餐 $60012道前菜包括泡菜、芽菜、蛋捲、明太子、韓式炒粉絲、菠菜等等。每次去韓國餐廳都會食吓佢哋嘅泡菜先，泡菜好食嘅話好大機會其他食物都會好食🤣！呢度嘅泡菜係食過之中數一數二好食！泡菜係餐廳每日自己新鮮醃製，所以唔會太酸唔會太辣，保持爽脆口感！⭐️湯：海鮮豆腐湯有火保溫，即使慢慢飲都唔會凍晒，雖然海鮮材料唔係咁多，但係味道依然濃郁，豆腐十分有豆味⭐️生伴牛肉⭐️烤鰻魚 （+$200）好少餐廳有韓式燒鰻魚！鮮鰻魚肥美彈牙！⭐️醬油蟹 （+$200）醬油蟹蟹肉亦都鮮甜，蟹膏拌飯非常好食！…查看更多

尖沙嘴泰國菜擁有室外半露天環境，裝修到有少少泰國餐廳感覺，要喺香港咁多間泰國菜餐廳突圍而出，所以呢間餐廳就有部份新式泰國菜式同自家調酒！⭐️原盅椰青大頭蝦冬陰功湯 $128⭐️串燒沙嗲雞（2串） $38⭐️串燒沙嗲牛舌（2串） $48⭐️小食拼盤（細）$148包括泰式雞卷、蝦餅、魚餅、春卷⭐️馬莎文咖喱牛腩配薄餅$188蟹肉蟹膏炒蛋配薄餅 $268⭐️Cobalt Blossom $108用荔枝、茉莉茶、volka 調製，有瞪大茉莉茶香，感覺似有酒精成份嘅果茶！…查看更多

餐廳環境優雅，可以俯瞰維港美景。最近推出以夏季為主題的餐單！⭐️三文魚親子沙律 加入了柚子汁，口感清新，色彩繽紛。鮮魚卵增添了層次⭐️刺身三點（帶子、油甘魚、鰹魚） 選用夏日當季刺身，魚生口感清爽⭐️鐵板燒帶子配香橙西班牙辣肉腸汁各個菜式都配上特色創意醬汁，但帶子跟辣肉腸醬汁味道未算很搭配，有點互相掩蓋⭐️鐵板燒白鱈魚配燈籠椒煙肉汁 魚肉細膩嫩滑，煙肉汁增加了香氣。⭐️鐵板燒大蝦配紅咖喱蝦醬⭐️鐵板燒美國牛肉眼薄燒熟度控制得當，肉質柔嫩，廚師煎香蔥蒜，增加香氣，配上山根沙律，帶點微辣，減低油膩感⭐️蕃茄醬煙肉炒飯 口感豐富，飯粒粒粒分明⭐️白桃奶凍 清爽可口，結尾甜品的選擇環境和意念都很不錯！…查看更多

旺角新開港式羊肉火鍋選用不同百日羔羊部位餐廳主打內蒙直運的百日羔羊有多種唔同部位，包括招牌高鈣肉，每隻羊只有600g，喺前腿附近，但月牙脆骨，所以食落口細嫩緊致，帶點脆骨嘅爽口仲有招牌羊上腦肉，位於後頸位置，係全隻羊最精華嘅部份，脂肪同肉呈現大理石花紋，鮮嫩Q彈！每碟羊肉都係即場切，充滿羊香味，並唔係羊羶味！湯底揀咗卜卜蜆湯，底味皮蛋芫荽豬骨湯，加上大大隻花甲，提升鮮味餐廳除咗有火鍋，仲有串燒食叫咗羊小排同羊肉串燒，加上孜然粉羊肉脂肪味比火鍋肉片重、更香口即燒鰻魚口感彈牙，魚皮帶點香脆，肉質嫩滑食羊肉梗係要配上麻醬，麻醬係餐廳自己打，特別濃郁，仲可以試吓蒙古特色嘅紅腐乳醬同韭菜醬有一個小驚喜嘅係餐廳竟然有玻璃樽裝可樂飲🤣裝修較為復古風格，但係場地乾淨，好適合約埋朋友打邊爐…查看更多

銅鑼灣bingo & cook 新推出醬油蟹放題!任食醬油蟹套餐$298/$348價錢分別在於第一碟係公蟹定係母蟹，母蟹先會有膏！蟹膏份量超多，用蟹膏撈飯，勁濃郁同鮮味！第二碟之後全部都係公蟹，蟹肉好似啫喱咁，加上醬油拌飯好好食！基本上食第二輪已經平過平時食好多！除咗醬油蟹任食之外，仲有任食炸雞同蒜蓉醬燒蟹肉，醬汁非常惹味，炸雞本身香脆肉嫩，仲可以保持到肉汁，自己仲鍾意將佢沾落去蒜蓉醬超好食另外烏冬炒年糕,香腸年糕串同罐裝飲品都可以任叫…查看更多

喺沙田新城市廣場見到一間泰國餐廳，連泰國人都有喺入面食！好似幾正宗！⭐️泰式牛肉火鍋$158湯底係船麵湯底，火鍋入面有肥牛、牛腩、牛筋、牛丸，仲配上米粉索晒船麵湯汁，配料豐富份量幾多！⭐️牛柳炒闊河粉 $98牛柳嫩滑，河粉質感幾軟煙韌，味道幾惹味！⭐️冬陰功湯$68 冬陰功湯微酸微辣，飲落去幾順口開胃，唔會太刺激，自己幾鍾意呢個湯，一碗仲有唔少海鮮大蝦！泰式椰奶咖啡 $38呢度嘅咖啡奶茶都係即叫煲，餐廳外都聞到香味…查看更多