imkoey的个人专页

Megabox food court開咗間新派日式餐廳值得留意嘅係「竹虎京堂」同銅鑼灣好出名嘅「奈良上釜」都屬同一集團，同樣係用獨特方式煮飯，總之就係要試佢個飯啦！今次竹虎京堂主打就係佢個竹筒飯，另外仲有丼飯、天婦羅，蕎麥麵而竹虎京堂嘅米就特別用咗北海道，據講米粒比較大，米粒的水分消耗慢，煮出嚟嘅飯更有口感首先要大讚佢每一碟前菜，真係好精緻好好食啊（其實仲有個茶碗蒸，不過我換走咗）盒入面左上嗰款前菜勁好食‼️有啲爽口，口感極好竹筒飯味道⭐️⭐️⭐️（3分）用竹筒蒸特別健康，同時為咗突出飯香，無特別添加太多醬汁，食完個飯都唔會有罪疚感啊想有多啲味可以撈埋啲明太子食！而今次個比較濕潤，下次再試下會唔會好啲先附送嘅茶好好飲，絕對唔係普通茶包，一問之下先知，原來係用咗京都綠茶嘅荔枝綠茶茶葉🍃當中成份包含荔枝果實多酚、茉莉花、玫瑰花瓣。有助防抗衰老，減少內臟脂肪並維持血管健康另外要特別讚佢個小甜品，係我最鐘意嘅麻糬啊好滿足嘅一餐，又健康又好味…查看更多

重點推介：墨魚頭🐙 魷魚鬚🦑車仔麵開到成行成市單係銅鑼灣都幾間出名嘅但只有榮記粉麵會令我心掛掛要數到必食、最好味就一定係墨魚頭🐙 魷魚鬚🦑咩叫好食？平時食墨魚魷魚都好似食橡筋咁，咬極都咬唔斷，呢啲係正常、難食榮記粉麵係做到平時高級西餐水準啲墨魚魷魚唔止硬得斷，稔得嚟煙靭簡單嚟講就似用「慢煮」出嚟嘅海鮮今次好難得試到墨魚頭，真係稔得嚟好煙靭上次嚟墨魚頭係賣哂，所以試咗一樣好出名嘅魷魚鬍我次次食都會額外叫個淨菜建議大家淨菜可以走汁，清湯上因為麵個湯底本身都好濃好夠味宜家無憾了btw呢間平時都夠多人排隊寫埋呢篇唔知會唔會再多人啲…查看更多

香港天氣愈嚟愈熱，有時真係諗唔到食乜好就不如食日本野啦～拉麵就太熱啦，短期內未必會去食反而壽司刺身就岩岩好活一鮮呢間餐廳成日喺Openrice見到見到有Set Lunch就入去試試啦Set Lunch唔包飲品，不過就有粒涼浸浸嘅雪米磁做甜品見到蟹膏飯就忍唔到啦～啲三文魚同油甘魚好大件好厚，我當佢地刺身咁食然後就係成碗飯嘅主角：蟹膏我將佢留嚟同啲飯撈埋一齊食，一啖仔蟹膏就可以配一大口飯真係好好味！！小建議：食唔落啲飯又想食蟹膏，可以考慮用青瓜捲住蟹膏嚟食第二個揀咗卷物嚟食同上面好唔同，呢款少好多飯（岩哂細食人士）太卷嘅蟹柳好新鮮，你睇到佢蟹柳絲根根分明甜蝦亦好新鮮唯一係白身魚，我本身唔太好淡味魚，再加上佢口感比較結實少少如果可以換其他刺身落去就perfect啦～食完呢啲成口omega 3最後食返粒雪米磁同埋熱茶中和返Yeah,  Sunday Vibe今次未試到呢款柚子酒，下次啦：）…查看更多

在上環上班經常經過Coffeeholic。Coffeeholic俾我嘅感覺係一間小店餐廳，唔係咖啡專門店，所以遲遲都無試呢間店。今日係同事極力推介下，我第一次光臨Coffeeholic😊同事話呢間店平時好多人，今日我地兩點到，店面都坐滿，所以店主安排咗我地上2樓進餐（對喔，有2樓喔～）驚喜啊🥰Lunch Set 由$118-198不等，我地分別叫咗一個沙律、兩個意粉share嚟食先嚟個餐湯：紅菜頭菠蘿湯好特別咖～無諗過菠蘿可以整湯，覺得極為特別❤️亦係呢間小店可愛嘅地方：）會帶嚟出乎預料嘅安排前菜：慢煮鴨胸沙律店主特別同我地介紹鴨胸用咗慢煮方法，希望我地鐘意～鴨胸真係好好味！你食到佢嘅肉質，咬落去稔稔地感受到鴨胸肉上面嘅肉紋，如果你平時食開凍鮮鴨胸肉就一定要嚟試下咩叫真正嘅鴨胸肉⭐️⭐️⭐️呢個個名好似係：蕃茄雞扒意粉🤔個名好似係長啲嘅，但我無記到😂總之就有蕃茄同雞扒啦！蕃茄唔會太濃味，調得岩岩好配埋火箭菜食中和返個膩度⭐️⭐️⭐️⭐️仲有一客意粉無影⭐️⭐️⭐️⭐️係明太子蜆肉忌廉意粉❤️❤️❤️呢個大愛❤️❤️但係我無影到相😢佢啲意粉都入哂味食到陣陣蜆肉味最緊要係，意粉梗度岩岩好！好滿足嘅一餐\(≧▽≦)/上環朋友要一試啊…查看更多

曾經上網Search過香港邊度食魚肉燒賣出名，其中一間就係筲箕灣呂仔記。久仰大名，今次行完西灣炮台晨運徑有啲肚餓，落返筲箕灣去東大街搵野食。三點幾下午茶時間，又唔可以食太heavy，經過一間芋圓甜品店好想食但友人話再搵下有冇其他野食先。行到一半，就見到聞名已久嘅「呂仔記」！！！！即刻指住佢要食佢個魚肉燒賣！佢店面好大，唔止燒賣，仲有糖水、車仔麵食。有得揀企喺度食或者坐入面食，我地行完山有啲攰就梗係入去坐。店面無咩好影，睇下啲燒賣啦！有啲貴，不過全部都好大粒！重點係自家製，用黃鱔啲魚肉自己整，所以啲魚肉好甜，自己搓魚肉好彈牙！唔好將佢同出面賣嘅麵粉燒賣比較，因為真係無得比😆另外佢個辣椒油都係好值得推介！無落豆瓣醬，係用辣椒🌶️自己炒，唔太辣好香🤤間唔中食一次係值得嘅搓魚肉同整燒賣都好多工夫啊提提大家，佢係隔個星期一休息小心摸門釘啊…查看更多

夜晚等朋友，喺北角呢個無商場hea嘅地方，等人真係無咩地方好去，結果見到呢間糖水鋪就入去啦～細細間，位唔多，深夜時份會開多幾張枱放路邊高水準🌟腐竹煲到溶溶地，啲大豆味出哂嚟，再加上白果薏米中和一下口感💯即叫即炸，黃金色熱辣辣不過太鹹，䜴油落得太多，美中不足其實呢間店喺天后有間大鋪係北角呢間細細地行小店風#小店街坊風糖水鋪…查看更多

平時放工經過留意到佢有$88安格斯牛扒lunch set，睇相好似幾好味，心入面mark咗間餐廳入to-eat-list！終於今次放工嚟食啦佢有少少難搵，其實由荷李活道入，上幾級樓梯就到。我同朋友經新紀元廣場入，上咗兩層扶手電梯又落埋樓梯先到！第一次唔識行，但食到咁好味嘅野，值得嘅，真係好好味啊💕當晚大約七半到，人唔算多，招呼我嘅係個後生女生，叫我地可以隨便坐店入面充滿日本風，一瓶瓶酒樽放喺廚房出菜位，仲有好可愛嘅柴犬畫喺牆上，成間店好治癒☺️唔係太肚餓，所以嗌咗個濃湯雜菜。湯底其實係濃湯寶咁嘅味，特別在啲雜菜，佢紫椰菜、椰菜、芽菜、金菇對鐘意食菜嘅女仔嚟講真係食得好滿足，連個湯都飲埋😍佢個湯無菜味，係分開煮嘅，如果鐘意飲忌廉湯嘅話多數都會自動飲埋碗湯😂牛扒好味必食🌟煎得岩岩好，唔靭好香牛味，加上啲香蔥牛扒啲油又滲少少落啲烏冬度，勁香！建議牛扒唔洗點汁，烏冬就要點底部係白桃啫喱配梳打汽水，偏甜燒野都好味一定會再嚟！健康又好味～臨走前女生待應話可以WhatsApp訂位食lunch，只要朝早11點前打去就可以訂即日食lunch，好方便💕#上環中價lunch之選…查看更多

從來未試過食完野一出餐廳門口，會同其實食客一齊話好伏💩好伏💩好伏💩本來滿心歡喜見呢間「伏野」咁多好評，又好味、又坐得舒服、仲要有live band，一早book咗同朋友嚟Happy Friday！點知野食鹹到苦，間野鹹到爆🤮一去到見間餐廳其實勁細，比學校課室仲細，放咗15枱客逼到爆，仲要加個live band，sorry其實無band，係live music間餐廳就係上圖眼見咁闊😪入到去，音樂聲剛好蓋過鄰位嘅交談聲，唔錯咖😊同時亦剛好蓋過我同朋友嘅對話聲🙄講到野食呢個真係極品！極力推薦俾大家🙌🏼如果你唔知咩叫鹹嘅極至就一定要嚟挑戰下！係自己味覺有問題定係🤣明明好多正評😂😂😂鹹 到 苦 啊 🤢都有正常野嘅⋯手工肉丸漢堡呢個係好味嘅雖然食完，相都唔願影，一啲都唔飽！心入面勁想走！出到面口遇到啲隔離枱，大家見到又有人因為openrice上嚟做水魚啦sosad總結，如果今日係4月1號，挑戰尖沙咀最伏愚人節大餐，騷真係當之無愧啊🌟…查看更多