BabeAnna的個人專頁

在網上看到元朗區這間「緣聚」日式放題，有我最愛的生蠔，還要是任食，我當然要去試一下，今日碰巧在元朗那邊工作，中午時便跟老公一起去吃個豐富的午餐～我們選了就是任食生蠔、長腳蟹、刺身……。先講一下生蠔，雖然不是很大隻，但蠻新鮮，我跟老公吃了3打呢😂另外長腳蟹、刺身都同樣新鮮，特別是、甜蝦和帶子，很鮮甜呢👍🏻然後還試了一些熱食，牛舌、羊架、牛柳粒、雞翼…..，熱食中最吸引就是鵝肝，雖然小小的一件，但味道很好呢👍🏻唯一遺憾的是忘了吃甜品，有空再到那邊時，一定再去吃🫶🏻 …查看更多

突然好想打邊爐，隔日book位，琴晚一家大細7個人去打邊爐，7個人分兩枱，每個都係自己一爐，唔駛洗筷子，湯底每個人唔同，要辣有辣，唔辣嘅可以揀豬骨湯、牛乳、蕃茄湯......呢間嘅牛肩肉幾靚幾好食，豚肉同雞都ok，海鮮款式唔多，但勝在夠新鮮，7個人埋單2100左右，平均$300/1個人，任飲任食兩個鐘，但甜品只得雪糕同西瓜，無其他選擇:(講一講海鮮有d咩，大頭蝦、基圍蝦，青口，帶子，沙白，生蠔，東風螺，我最愛蝦、生蠔、帶子，新鮮好食，大頭蝦同基圍蝦仲識郁，喜歡食海鮮嘅朋友可以去試一下，有機會我會再去過…查看更多

頭先先食完甜品，望到對面有間買酥皮蛋撻，我又心思思叫男朋友同我過去睇吓個老闆一見到我就係咁sale我買黎試吓，仲話就黎收工計平d俾我，hee...咁又氹到我買啦"磨菇撻"...比普通蛋撻大小小，個面有一層芝士，裏面全部都係磨菇，味道好正，d磨菇一d苦澀味都無，個撻都唔錯，好香脆...但係我就唔太鍾意個撻底，因為本身個撻係咸味，但係個底就超甜，感覺好怪但係整體係好食嘅:)"焗肉醬薯蓉"...面頭全部都係薯蓉，味道比較淡口，裏面原來係茄汁肉醬螺絲粉，味道好好，酸酸甜甜...但係有食到有d香草味，將薯蓉加埋一齊食，整體味道就啱啱好啦:)唔知點解行過咁多次我都無買過黎食????原來都係好食之選呀…查看更多

早幾日行過先望到富東有好多間舖位裝修緊，睇睇吓就發現左原來發記甜品都裝修緊，好期待佢開張:)過左幾日我就聽到有人講富東間發記開左，今晚就急不及待同男朋友去試吓去到果時大約22：30，但係好多人，好彩我去到啱啱有人走，所以就有好野食啦睇睇我地食左乜↓↓↓↓↓↓"楊枝甘露"...發記嘅招牌甜品~好香芒果味，裏面有西柚肉，西米，好多芒果，同小小芒果沙冰~芒果好多仲係大大件，個糖水好香好甜又夠凍，係西柚差左dd，因為有小小苦澀味，但係好在個糖水夠甜，所以都唔係大問題:)"焗香蕉酥皮卷"...賣相好靚:)界開一小件食入口，嘩...裏面好熱好香香蕉味，香蕉焗過之後有種入口會溶嘅口感，但唔係稔哂，仲有小小咬口出面酥皮唔太厚好脆仲有d黑芝麻添~伴碟嘅士多啤梨就麻麻...好酸發記有一樣甜品係我嘅至愛...就係芒果沙冰，佢地嘅沙冰係用新鮮芒果整，飲過好多地方都無一間好飲得過發記，好可惜今晚食唔到，因為店員話已經賣哂lu，雖然有d失望，但係依嫁咁近就可以食到，下次行過再買過就得啦價錢雖然係貴d，但係物有所值:)…查看更多

男朋友又要返外家，今次我無返去突然好想食鱆魚丸，所以就打俾男朋友叫佢買返黎俾我食啦"介辣醬小丸子"...犀利呀...男朋友山長水遠攞到返黎仲熱嫁一盒有6粒，一食落口就feel到d介辣味，但係就唔係好辣~鱆魚丸咬落都幾好味好鬆軟:)，但係d鱆魚粒就唔多好食，因為好韌又無味:(面頭果d木魚乾就一般，有d好硬咬唔爛，但係個醬就真係值得一讚:)其實我只係為左食佢個介辣醬，因為個醬超正呀…查看更多

由於約左20：30睇醫生，所以今晚果餐就要係街食啦:)係富東行黎行去都唔知食乜野好，男朋友就話不如去大家樂，事關夠快嘛睇睇我地食左乜↓↓↓↓↓↓"燒朒仔五寶飯"...一睇就覺得賣相一般~飯質太稔無乜口感:(朒仔都可以，但係皮唔夠脆~雞翼無咬口，一咬就散哂，可能炆左好耐再燒返個表皮:(紅腸無乜特別，咸蛋好咸...（不過咸蛋就唔關大家樂事，因為佢都預計唔到）菜心都可以...幾爽口:)"竹笙煲仔翅"...望到覺得幾吸引，味道唔錯...d湯好濃好好味:)都幾多料...有竹笙，雞絲同素翅，每一羹都有翅有竹笙，唔需要落醋，因為就咁已經好好食啦"分蹄拼青瓜"...呢個冷盤都唔錯，分蹄咬落爽口仲好香青瓜味，青瓜本身都夠爽口，加埋個汁有小小辣味認真好食:)今次叫得一個餐，因為我同男朋友都唔太肚餓，一個餐3樣野食再加左一杯汽水都係＄46，都算幾經濟啦:)係個飯差d囉...…查看更多

食完包點再買左＄6腸粉試吓↓↓↓↓↓"腸粉"...好普通嘅腸粉，加埋甜醬麻醬芝麻同豉油都ok好食，但係本身果d腸粉唔夠滑，所以感覺好一般!!見到呢間舖頭仲有好多野食，有機會過開去會再買其他野試吓，等候我嘅報告…查看更多

朝早去完大埔，下晝就返左去東涌踩單車:)踩左一輪就去到富東，買野飲同下午茶先↓↓↓↓↓"凍豆漿"...幾香豆味...夠凍唔太甜:)"糯米滋"...花生椰絲餡，普普通通...糯米皮唔夠煙un，餡唔夠多...而且太甜:("燒賣+粉粿"...哈...今朝先食完燒賣，下晝再食過燒賣...好大粒...但係餡得豬肉同小小冬菇，豬肉都ok滑，但係食到加左小小梳打粉，冬菇太小...多返dd會好好多!!整體味道都可以~粉粿...皮都ok...夠薄，餡都係同出面果d差唔多...花生、九菜、豬肉、沙葛，味道都ok~好食過燒賣!!雖然今餐下午茶一般，但係都可以接受:)…查看更多

食完野見到附近有間買珍珠奶茶都幾多人，就走埋去睇吓都好耐無飲過啦，決定買杯試吓:)經店員介紹就買左...↓↓↓↓↓"紅豆珍珠奶茶"...店員話12：30前買送多一份珍珠等左5分鐘到就有得飲啦一飲就飲到好多珍珠，有大粒有細粒...好煙un:)紅豆好稔好甜，咬落仲覺得起沙添:)奶茶都幾好，唔太甜（因為叫左小甜），味道啱啱好，成杯奶茶又夠凍，好...飲＄13杯...咁大杯又真係幾抵要讚吓個女店員，好有禮貌同好積極，談吐好有禮，值得嘉許…查看更多

哈...今日我同男朋友又返大埔啦咁當然係有d事要做啦，但係做咁乜都好都要食左野先本身諗住去大埔廣場食車仔麵，但係搵唔到位泊車，所以就出返去大埔墟度食lu:)今日選擇係係新明發度食，睇睇食左d乜野↓↓↓↓↓↓↓"燒賣"...個賣相都幾好bo，好熱好熱...一咬就好多肉汁，餡入面係...蝦、冬菇同豬肉~蝦幾爽...冬菇夠香...豬肉唔太肥幾滑，整體味道都好好:)"雞扎"...都一樣係好熱，用快指打開腐皮見到有...火腿、雞、芋頭同魚肚~腐皮一d都唔硬，索哂d汁...好食:)火腿同普通果d無乜分別，雞好滑有好香雞味，芋頭好粉...最鍾意係d魚肚，好稔..索左好多汁，正...整體味道一流"北菇雞飯"...呢間係盅頭飯出名，咁我又點可以唔試吓呢唔太大盅...一聞就已經聞到好香雞味，飯...蒸得幾好...唔太稔，雞...好香雞味同薑味，有小小咸咸地咁...好滑，冬菇就小左d，但係一樣爽口夠香~豉油係自己落，所以就隨自己口味落幾多，加小小豉油d飯更加好食，唔怪得咁多人話好食啦由於係早餐，所以我同男朋友都食唔到咁多野，有機會再去試過!!有時想食點心唔一定要去茶樓，周圍搵吓可能會有更好嘅係附近呢…查看更多

之前媽媽俾左張美心餅card我，咁啱又突然好想食蛋糕，所以就去左美心到睇吓↓↓↓↓↓"黑森林長條型蛋糕"...雖然呢款蛋糕個賣相唔太吸引，但係都有d興趣試吓:)咁多間連鎖西餅店，我個人覺得最好食就係美心，今次都唔例外...一切就覺得個蛋糕都幾鬆軟，入口後感覺更加好，朱古力味啱啱好...唔會太過濃:)蛋糕好柔軟，唔會太甜...d cream都ok，蛋糕中間夾住cream同啫喱，啫喱係用做黑加侖子味，食落都好夾:)面頭有幾片芒果，芒果好甜好香芒果味:)整體成個蛋糕都好好食，如果改一改個賣相的話，我諗會更加吸引:)仲有一樣係值得一讚，就係d店務員嘅態度非常之好，待客10分有禮貌仲好親切添，真係值得加許呀…查看更多

今日lunch就去左東薈城嘅food court，行左一陣就見最多人排隊嘅就係台灣食品，好...咁我就試吓啦↓↓↓↓↓↓↓:)"鹽香雞配鹵肉飯"...賣相都可以~由於係套餐，所以有例湯跟...雪耳煲紅蘿蔔，剩係睇已經好一般，因為都幾多油係面，試左一啖...味道普通比較淡同唔夠火路:(鹵肉飯...個汁打「獻」太「結」味道一般，鹵肉比較「鞋」，飯係用珍珠米，唔夠水煮，所以比較硬唔夠軟身:(鹽香雞...一睇就知係用雞扒，食落口雖然食到有鹽味，但本身雞扒只覺脆口唔覺有味，仲有一個最大問題就係...件雞扒好油，雖然舖頭已經搵生菜放底，但係一夾起雞扒就已經見到好多油總括food court呢間台灣食店係好一般，幸好價錢仲可以接受，希望下次可以試吓第2間啦:(…查看更多

今日返大埔陪媽咪食野，媽咪話市政大樓有間食豬扒麵好好食~我同佢講...之前已經去過食啦，豬扒係就係好大件，但係好多油...怕怕啦!!媽咪問我去左邊間度食，我話係電梯一上見到果間~媽咪笑一笑就話...我帶你去食果間唔係你講果間:)咁我就跟住佢去啦e...原來媽咪話果間係入面先係最耐歷史最好食:)咁就真係要試清楚啦↓↓↓↓↓↓↓"豬扒+上海粗麵"...件豬扒真係超大件（斬件上），外面好脆...內裏好軟，好正好好食味道啱啱好，唔覺油膩...正麵嘅湯底比較淡口，但係係用正宗上海粗麵，軟硬度啱啱好:)仲有就係辣椒油都幾香...不過就真係好辣，如果唔食得辣就最好唔好加落去啦:)媽咪果然無介紹錯，呢間真係好食過果間wo由於d豬扒實在太大件，最終要打包攞走下次要帶埋男朋友去再食過…查看更多

好耐無食過雞蛋仔，咁啱我係山林道返學，聽d同學講下面街口果檔雞蛋仔好好食，所以上完堂接男朋友收工之前就去買黎試吓:)去到已經有成6、7個人等緊，橫掂我仲有時間，所以決定等...，點知一等就等左成15mins"雞蛋仔"...拎上手熱辣辣，一咬落去好外面好脆...裏面好軟仲有蛋醬餡，味道比較淡口，但我覺得啱啱好，好正..."咖喱魚蛋"...咖喱汁好好味，辣味啱啱好，魚蛋好爽口好彈牙...yo...正本身諗住用多個膠袋袋住d雞蛋仔，點知個店員同我講...唔好用膠袋呀，焗住就好快稔哂唔好食嫁啦（語氣好有善:)）＄13一底...我覺得好有細個食街邊果d雞蛋仔嘅感覺，依嫁無乜幾多地方食得到咁好味嘅雞蛋仔嫁啦…查看更多

係旺角行街有度好，就係行到邊食到邊今次都一樣，行到攰就搵吓有乜好野食:)我好鍾意食上海菜，咁啱俾我見到呢間新派上海菜，等我試吓有幾新派先"雞絲粉皮"...呢個菜差唔多每次食上海菜都叫，因為我鍾意食粉皮今次呢個都唔錯，粉皮都幾滑，雞絲都可以，個醬就最好，麻醬比例啱啱好，唔會覺得太漏:)"紅油炒手"...餃子裏面係豬肉同白菜，味道ok可以，但係個汁就唔多好，淡口得黎仲唔夠辣，蒜蓉太小唔夠香:("擔擔麵"...湯味道一般，太多花生醬...好漏好漏:(幸好麵質都仲可以，好一般...:("酸辣湯"...酸味唔夠...辣味唔夠，但係湯底味道還可以，料唔多...得d筍、木耳同蛋絲，唔係正宗上海酸辣湯:("栗米羮"...太過稀...無乜味好淡:(好普通...我諗開罐罐頭湯會好食得多:("上海粗炒"...味道都ok，料都幾多...有肉絲、椰菜、冬菇同白菜仔，但係好可惜唔係用正宗上海粗麵黎炒，改用烏冬麵黎炒，感覺好唔同，一d都唔覺得似上海菜:(食完覺得好麻麻，唔太正宗...又唔覺有乜野新派口味:(旺角仲有好多上海菜嘅選擇，我諗都唔會再去呢間度食lu:(…查看更多