相馬日式火鍋 荔枝角

突然好想打邊爐，隔日book位，琴晚一家大細7個人去打邊爐，7個人分兩枱，每個都係自己一爐，唔駛洗筷子，湯底每個人唔同，要辣有辣，唔辣嘅可以揀豬骨湯、牛乳、蕃茄湯......
呢間嘅牛肩肉幾靚幾好食，豚肉同雞都ok，海鮮款式唔多，但勝在夠新鮮，7個人埋單2100左右，平均$300/1個人，任飲任食兩個鐘，但甜品只得雪糕同西瓜，無其他選擇
講一講海鮮有d咩，大頭蝦、基圍蝦，青口，帶子，沙白，生蠔，東風螺，我最愛蝦、生蠔、帶子，新鮮好食，大頭蝦同基圍蝦仲識郁，喜歡食海鮮嘅朋友可以去試一下，有機會我會再去過

1