milk1113的个人专页

很久冇特別影相寫食評，話說琴日去完明星買咸香糕食，正準備撘車返家煮飯食， 路經方圓麵館， 好奇心下望到門口貼住麻辣三鮮粉麵，以前路過都好少係呢邊食野， 因為好似冇咩吸引， 加上之前睇過d 食評， 佢人流又唔太多，所以一直都冇試過。我叫左bb 辣三鮮麵 揀左爽爽麵，一邊睇餐牌，一邊等食物， 佢標榜自己冇味精都好好味， 所以等既期間都好期待。登登登登～ 食物來了，嘩好吸引我，因為d 餸全部都係我鐘意食既野， 我覺得好滿足呀，有金菇、豆卜、蝦、花甲 同埋魷魚我覺得好好味， 夠味，好清甜d 花甲， 會介紹朋友再黎， 所以我強烈地推介值得一試…查看更多

今年母親節撞正佛誕(譚公誕), 周圍都FULL, 所以我地提前一日慶祝, 今次揀左大自然素食(荃灣廣場分店)。今次用餐冇得BOOK位(唔知係唔係因為母親節關係定係點, 因為我之前去食過其他分別有得BOOK-.-), 都幾唔開心, 等左30分鐘, 而且我地有輪椅(當中有10個 大人+1個3歲小朋友), 被安排了坐餐龐最埋邊的方枱(如果無誤本應坐8人), 入坐期間, 我有提問可否安排坐中間冇咁埋既圓枱,因為我地有輪椅啊, 職員隨即答道:唔可以啊, 有人架喇( 我心諗乜唔係唔可以BOOK架咩,不過或者係一早有得BOOK,係我地太遲姐)最後當然要企唔穩既老人家步步驚心咁係佢好窄既通道一步一步扶佢入去啦。不過, 話雖如此, 始終我係打緊食評, 公平D 咁講返, 佢既食物整體黎講係唔太差既,雖然母親節, 但我地冇叫到圍餐, 因為圍餐比較貴, 同埋冇自己想食既野, 所以我地個別咁叫,   首先我地叫左個大人小朋友都喜愛既法包先(不過嫲嫲冇牙食, 因為法包係硬身同乾) 我地只叫左4件再每人分一半, 小食多滋味, 多吃壞肚皮嘛:)叫左2種餃子, 一種蒸餃 , 另一種就係煎餃(我比較鐘意煎餃多d, 香口d)飯都叫左2種炒飯, 老人家就鐘意食福建炒飯, 年輕dd既就鐘意食鴛鴦炒飯(可能係因為一次過有2種口味掛)而我就比較喜歡福建炒飯多dd, 因為我食野唔鐘意mix 左d味道丫, 另外我覺得金沙南瓜蝦都幾好味, 因為之前有次既食評我都提到, 我好鐘意食南瓜, 所以我好鐘意食呢個蝦, 夠香夠脆, 分分鐘大家都覺得炸得仲好食過平時普通酒樓食果d炸蝦仲有個燒汁蘆筍牛柳卷值得推介, 或者你地睇到個相覺得唔太似, 但我想講值得食(如果你係食蘆筍的話) 佢做得唔好太乾身, 味道同平時果dxx牛肉卷都好近似, 所以值得推介鎮江排骨係老人家小朋友都岩食既一個餸, 酸酸地幾開胃,太愛食酸野既我, 連冇人hou既青瓜都食晒冇淨, hahhahaaa 芋頭魚 通常係素食既時候, 我屋企人都必叫既例牌之一, 呢度既炸野係keep 到個水準架 所以我都唔洗點樣介紹啦, 夠晒香脆**不過芋頭太滯喇, 記得小食多滋味, 唔好食太多, 每人一小舊好喇, 食太多對個胃都唔太好每間餐廳款式都好多, 味道都好唔同, 各人都有各人既口味, 而我岩岩都提左好幾款我地屋企都幾鐘意食既, 以下都有一款還有進步空間既小菜就係 "魚香肉碎焗棉花茄子" , 唔夾, 味道唔夾, 我覺得太甜喇, 口感太軟, 唔知似咩咁。…查看更多

0216 新年假期終於完了，新年逗左咁多利是就要食返餐好既😂😂今日相約同事C 2個人一齊去食平時冇食過既西餐廳， 平時外邊睇 驚貴而不實，唔敢lunch黎食，諗住等收工夜晚黎食，但又成日OT 同同事夾唔到時間，不過原來唔試過唔知道物有所值的。一坐底，餐牌上既lunch set有$88-$238 好似大約有6-7個set可選擇，有湯，有非酒精飲品（唔洗加錢） 我心心眼喜歡佢個肉眼扒，半生熟程度剛剛好，完全合我心意，食起上黎外面有啲脆（我唔知道應該用咩口感形容外邊😂總之一個字講晒「正」），唯美中不足就係碟野黎既時候，竟然係我人生最討厭食既肉醬意粉😭😭（因為我由細到大都唔愛食肉醬），不過好在佢賣相都唔太似平時果啲😊，餐廳做果個先生上菜可能見到我個反應好異常，又聽到我問同事C 點解唔係薯角既😢，之後好好服務解釋點解，然後再問返我係唔係好想食薯角，然後我怕食唔晒，叫佢唔洗，但佢都偷偷叫廚房係咁2整幾舊比我，哈哈，果真最緊要係食客食得開心啊🙊🙊 同事叫左個意大利飯 我係咁2試左啲，可能我喜歡濃味一啲，我覺得佢個味道可以再濃啲啲，不過唔知係唔係試唔真，因為我怕我試多幾啖同事唔夠飽😂😂丫，最後我想大讚佢既飲品，我叫左凍朱古力，我覺得好好飲，朱古力同奶既味道剛剛好 同事話佢果杯咖啡 好特別，面頭果個泡好好飲好棉，由於我怕咖啡果個味道， 又怕苦，所以冇試到，未能感受到佢同平時一般既西餐廳既咖啡有咩唔同😂😂😂 餐廳內環境唔錯，I like午餐有免加一添✌🏻️✌🏻✌🏻下次要試埋晚餐先得…查看更多

原本約好左3個人一齊黎呢度晚飯點知朋友w放飛機算 唯有自己一個人同朋友c慶生啦😌2個人 應該都一樣開心既首先我地叫左2個餐望望下見到 原來Facebook like+check in有蟹子沙律送 所以總共每人有2個沙律食🙊🙊*不過我都係鍾意食送既果個沙律多啲因為送果個好似係芝麻醬沙律醬跟餐果個係醋黎（太酸了）有沙律 湯 包 同主菜主菜分別叫左肉眼扒同意大利飯個肉眼扒可能熟得制 有小小韌因為友人唔可以食生 所以叫左7成熟（好似）如果我平時自己食 都鍾意食生啲 感覺肉汁會好啲今次既晚飯 我比較欣賞個意大利飯多啲三文魚 意大利飯哈哈 不過朋友怪我錯手吱左啲檸檬汁落啲飯度 搞到個飯酸酸地個三文魚都唔腥 幾好味丫我就覺得都唔太差丫下次可以黎試其他野🙊又係食到好飽既時候 周圍望下啲氣氛原來都好多人黎食野飲野架侍應突然行黎告訴我地 今日係星期五 有免費占卜師玩 我地可以登記排隊玩下哈哈 我地唔執輸地報名 係玩之前 我叫侍應上甜品（細聲地說電話一book枱時告知有人生日）點知我安排錯左 朋友望住個點了立祝既甜品送上黎（因朋友對住廚房坐）所以演變成一個懶驚喜的生日飯喇😌😌不過都滿有氣氛既因為佢地會係轉播生日歌我都幾滿意☺️相見到佢許願個樣信我個Chloe bb都好滿意Hahhahah總括一餐生日飯 又有驚喜 我覺得呢間餐廳咁既價錢幾抵…查看更多

假期前夕 與友人來到安興球場後這間cafe悠閒小聚 真好！我地每人點左1個前菜 1個頭盆咁我講我自己點果啲啦🙆🙆前菜 我點左 白酒羅勒煮大蜆我覺得味道好鮮甜 酒味都唔會話太濃郁 所以都幾好不過呢 我最欣賞都係個主菜 🙆🙆主菜我叫左個燒焗紐西蘭咖啡羊架拼牛仔腸哈哈 可能我大鄉里未試過咖啡粉既食物因為我平時唔愛咖啡味道今次咖啡粉 放落個羊架度個感覺好特別我唔識形容果個咖啡味（可能形容得唔好唔好見怪）🙊🙊果個味 我係鍾意架 就好似有陣苦苦甘甘既味道咬落個羊架既時候又唔係乾身 係好多汁咁樣好欣賞佢個羊架半熟既感覺都唔太so值得食完再食既主菜😋我同朋友 每人自己負責自己叫既頭盆同主菜 2個女仔好飽都食唔晒😔下次叫野食時都要注意下個份量😞我會再黎架 Aldou cafe😋😋…查看更多

係呢邊返工 日日lunch 都唔知食咩同唔想行得遠 仲有唔想等位我好多時都黎呢度食呢個卡邦尼意粉 配凍奶茶 佢個卡邦尼汁好好味 味道一啲都唔漏唔過份濃  可能佢加左好多洋蔥粒落去 味道有啲似白汁 不過得出黎好好味 （利申：我不是一個真食家 所以可能調亂左忌廉同白汁😂😂因為我平時唔食忌廉的）減少左平日去到其他餐廳食到果種好似芝士溝忌廉果種漏咁意粉入面足料 有洋蔥 煙肉 磨姑 火腿心心眼 見到都流口水 食完都想食埋碟邊啲汁😂😂（誇張法）跟著落黎要講杯奶茶 我少飲奶茶 因為個胃唔太好不過以前去親太興都會叫佢個冰鎮奶茶見佢呢度都有得飲 所以⋯我就叫左喇😋😋嘩 原來唔洗額外加錢 只係當普通凍飲味道唔太苦 奶同茶既分配好均衡奶唔會過多茶亦唔會有陣苦澀味總括：值得推薦的小店 下次我要試佢個 all day breakfast🙆🙆…查看更多

是日 不定時落雨， 7點左右又到晚餐時候，表哥表姐話想食譚仔，於是我帶佢地去食呢間人少的譚仔三哥，因我比較鍾情三哥，而且呢間三哥就在我家小巴站附近，食飽方便搭車丫嘛🙊🙊一坐低 我牌都唔洗睇就叫左煳辣湯底 炸醬墨丸米線我喜歡呢個湯底 呢種好似係胡椒粉既味 湯底好香想加辣都可加辣不過我今次冇加辣😋😋 呢個煳辣係我次次食三哥都會叫既湯底 三哥米線比較林 我就係喜歡呢個口感✌️幾個人一齊食 仲可以叫例牌會叫既小食其實係我必食架就算一個人都會叫晒佢地最多叫小土 小米線 務求咩都食到丫嘛三哥既尖椒皮蛋大人細路都食到因為佢係唔辣架雖然望落去係有辣油但佢絕對唔食得辣既人都食到我每次同唔食得辣既朋友去食 都會推介佢地去食架總知 一句講晒 食譚仔一定要搵三哥✌️…查看更多

在尖沙咀晚飯後朋友提議去個寧靜點既地方食糖水唔講唔知 原來深水埗長沙灣呢邊都有間坐得舒適既糖水舖一直以為是沒有的一坐低 店員好招地推介做緊優惠既蜂蜜蛋糕 似係半熟既果類 半價後$34 幾抵 於是我地叫左一個試試味道我地一致認為有陣蕃薯味都唔錯👍我去邊見心太軟都會叫黎食的因為心太軟係我大愛店員大力推介我試佢個日本芥末口味既心太軟味道唔差 值得一試 聽講佢用新鮮山葵去整 所以唔會攻鼻 所以平時食壽司怕點芥末攻鼻既人都可以試試我為食 偷試朋友果個金色時代芒果味淡左小小 我自己唔太喜歡 但朋友好快食晒總括黎講 環境唔錯 夠舒適 不過人流唔太多 可能我地去果時都11點幾喇🙆🙆😋😋價錢都算正常 而且打卡有9折添 都抵食既…查看更多

話說一日朋友說呢間韓國菜幾好吃 於是卜左20:30  八位。店內環境幾好 有韓國店員招待 不過冷氣好凍🙈我地8個人 可以試好多野食🙆🙆有泡菜煎餅 海鮮煎餅（不過忘了影相）我個人喜歡泡菜果個多啲因為海鮮果個除了蔥之外 我食唔出海鮮既味道🙊🙊跟著叫左2個鍋 海鮮鍋 部隊鍋海鮮鍋個湯好鮮味 正！之後仲叫左2份冷麵 一辣一唔辣我呢就試左預小小辣果個我怕辣丫嘛 不過還可以啦唔知係咩原因 攪佢果時 個麵痴埋一舊咁個麵上面有塊梨有半隻蛋 幾靚 賣相好得仲叫左甜酸炸雞 諗住叫比小朋友 點知小朋友覺得有小小辣食唔到 不過我試左✌️ 我覺得個雞炸得好脆 外面加左幾粒蔥生粒 味道有啲特別 雞肉好嫩 味道ok仲有個辣尤魚 我覺得放落口唔辣 但食落去辣到我唔識形容 不過我總共都食左3-4舊😂😂 我為食丫嘛🙊🙊丫 唔小得介紹就係我人生第一次食既 生牛肉口感好得意 好似海哲咁 好好味 呢餐野真係好滿足 好開心有機會會再來的😋…查看更多

好耐冇去過屯門晚飯了，突然好懷念中學時常吃的油豆腐拼上海排骨粉絲湯，超正👍👍一坐低 我同友人 諗都唔洗諗就已經知道要叫咩野一輪嘴地叫左好幾樣野食，樓面叔叔仲問「你2個女仔食唔食得晒架」然後我當然亦都諗都唔諗地回答「當然食得晒啦」呢度既樓面 其實咁多年都幾nice 唔錯唔錯我叫左油豆腐 上海排骨 炸饅頭 炸雞翼 豆腐花 豆漿 酸辣湯淨雲吞 超滿足👆足料油豆腐粉絲湯 超夠味，唔怕粉絲入唔到味 因為佢唔會姑韓 永遠放好多好多雪菜/炸菜比你👍👍👍上海排骨 唔知點解 佢可以炸到咁好味 😂😂 甜甜地 點豆瓣醬一流😋其實我一向愛吃炸饅頭 點煉奶 小朋友首選愛吃炸野甜野 就一定要叫😂😂仲有個雞翼 其實我好少晚餐揀呢間野 可能習慣左午餐先可以食呢度😂😂 埋單好抵2個人$1xx咋酸辣湯雲吞水準好似差左 稀左 唔知係夜晚好生意左少料左定係咩呢🙈豆漿 痴飯 係絕配 好耐冇食過 痴飯食味道依舊好味 足料👍…查看更多

收工 有同事順路車我同另外同事回家，沿路講起洪水橋而家冇咩其他國家菜式選擇，原來係我無知，在一個隱蔽地方裡有一間泰國菜，枉我曾經係洪水橋返過幾個月工😌😌同事好好咁即興話帶我見識見識🙊🙊一間外邊睇落地方唔大既店 一開門都好熱鬧7點幾就已經有好多人開餐 好在 幸運之神眷顧 我地仲有位唔洗等 👏👏 坐低左發現原來入邊仲有得入 不過未有機會參觀再入邊 唔知餐廳入邊仲有幾大一打開餐牌 都好多野食揀 餐牌奇怪地冇價錢我問同事價錢會唔會海鮮價 佢話佢食過幾次價錢同出邊泰國野差不多 唔算係貴果啲 咁我就放心叫野食喇叫左個冬蔭公湯（細）、一條魚、豬頸肉、泰式鳳爪沙律 仲有通菜 同椰汁糕個魚 燒得幾好 唔太腥 幾好 同事唔愛魚腥味都夾左幾次 幾好👍呢個鳳爪好辣 我唔食得辣 食得好辛苦😂😂 不過都要食 因為我喜歡佢果種帶洋蔥味同埋酸味得黎辣果種（唔識形容，總之一定要試既頭盤黎）咁辣緊係要叫野飲啦 唔知係唔係自己拎就得 因為我自己行左出去拎罐芬達飲 我真心覺得好得意 因為佢幼身 比起我平時飲開個包裝有唔同 本身我想試其他 但太辣 我驚試新野唔岩飲 變左我冇得飲黎止辣😂😂丫 值得推介係佢個招牌豬頸肉好正 好脆 點埋個辣汁 真係冇得頂🙆🙆🙆招牌野 緊係必食啦🙊🙊最後 叫左個失望椰汁糕真係好失望仲諗住咁多碟菜都咁得泰式甜品唔會差點知⋯ 甜品應該比機會去別處再吃😩😩😩😩不過晚飯真係 冇得頂✌️…查看更多

晚飯後搵甜品吃，打開Facebook 見到呢排某個元朗group度勁多人講起呢間野，咁女人 食到幾飽，講到甜品就有第二個胃架啦我同朋友a&b ,一行三人 打算食晒豬扒同牛扒點知豬扒賣晒(8點幾9點左右就賣晒😱） ， 得返牛扒可以揀（聽講仲要得返2-3件），咁突登黎食呢2樣野，得1樣都要食架啦，叫左件牛扒賣相唔錯既算係 ， 可能呢個睇相會好啲真啲我地可能抱有期望而我對呢個朱古力雪糕真係讚唔落手我地可能唔太識欣賞 我同朋友們一致認為 好似雀巢3色雪糕既感覺賣相係滿足到我地香港人既心態既😂😂😂不過下次⋯ 應該冇下次😓縱使有下次⋯ 都只能試 那個吉列豬扒店內裝修都算簡單餐桌也很少Anyway 新開張 還有很大進步空間隔一段時間 我會再來試豬扒的希望 到時沒豬扒揀 還有其他多款啲既甜品啦因為太少喇而家😌😌😌…查看更多

突如其來的即興，告知友人與男友很想吃南瓜焗飯同素食，於是諗起緣來素食喇大約7:00左右，都未見多人等了5-10分鐘左右就好快安排入座一坐低緊係點 我最想食既芝士南瓜焗飯（個名係咁上下啦🙊我忘了）南瓜肉好甜 好林 我好鍾意總係令我每個月都突然想要食（因為太「漏」喇，朋友們唔太好南瓜同素食，我1個人又食唔晒，所以最多只能每月食1次）😭😭😭仲叫左炸大腸、芋頭魚、$1拼盆、片皮鴨等等炸大腸有菠蘿伴碟 可能炸得唔太脆 味道唔太真實 所以炸大腸還有進步空間🙆芋頭魚外皮很脆 黎到時熱辣辣 口感唔差 不過呢碟野係差唔多最後先黎到 所以我地3個人食唔晒（唔建議同時間叫南瓜焗飯&芋頭魚，人少一定食唔晒）$1拼盆 我覺得$1既野又唔可以要求太多 佢只係唔係太夠汁囉🙈不得不提 呢個北京片皮鴨好脆 好正可能全靠脆同個包仲有青瓜&醬汁所以好神似 總之一句講晒 我好鍾意啦😋晚飯時間 樓面姐姐話今日有糖水 要唔要 話係送既為食既我緊係問問 係咩糖水先啦 一聽到係南瓜就幾飽都要試 朋友們唔食南瓜 得我一個話要 個南瓜西米露真係正 又唔算太甜 又有南瓜香 食完好想再食 但免費既野唔敢再問人拎😂😂 朋友a & b又話唔要人送 如果唔係 我一個人可以食3碗西米露喇總結 ， 點解南瓜焗飯可以令我食完仲想再食架😂😂😂…查看更多

上星期同阿妹2個人去屯門，😌小朋友鐘意扭計，行2步就扭抱，為左唔想抱，當然要利誘佢啦🙊，帶佢去食我想試好耐既分子雪糕🙆🙆。阿妹睇圖揀左《「袋」表我的心》 其實我都估到佢會揀呢個，小女孩唔識字多數都揀花花啊 粉紅色 果啲架喇😓比錢之後等左大約幾分鐘佢個 '袋'表我的心實物出左黎😂😂阿妹對menu 個插圖應該有興趣啲😂😂不過我個人應為 個雪糕實物個樣同插圖都有6-7成似既😎試試個味道😋 荔枝味比較重 ，蓋過其他味（因為我食唔出😂）， 不過都ok既個味道，👍 平時我好少食荔枝味既野,如荔枝味糖啊啫哩果啲都唔好，❗️不過呢⋯ 呢杯'袋'表我的心 我有食完一啖仲想食多幾啖既感覺😋😋😋😋臨走阿妹仲問我幾時帶佢再黎食過🙊🙊…查看更多