SandyLai083的个人专页

有質燒肉之《Yakiniku Kakura》Yakiniku Kakura絕對係和牛驚喜之選，餐廳空間寬敞，環境乾淨舒服，座位設計令人坐得chill，不論朋友聚會還是二人慶祝，呢度嘅氛圍都恰到好處。前菜：野菜沙律清爽醒胃，個沙律應該係自已調制，有少少粟米味；前菜盛合包括泡菜、芽菜、菠菜、青瓜同蘿蔔，款式多樣，醃製得宜，為接下嚟嘅肉食盛宴做好準備。二人和牛套餐：▪️鰻魚 - 店員上台前，教導先燒皮2-3分鐘，再燒肉4-5分鐘，之後掃上鰻魚汁後，入口皮脆肉嫩，油脂溢出。▪️鹽味上牛舌 - 簡單同鹽調味已帶出濃郁牛味，口感爽口彈牙。▪️黑毛豚脛肉 - 油花分布均勻，肥瘦適中，入口嫩滑。▪️若鶢雞脛柳 - 配少許檸檬汁提鮮，肉質爽滑，調味恰到好處。▪️黑毛和牛精選 - 牛脂醇厚濃郁，配燒肉醬汁層次分明好▪️封門柳 - 肉質彈性十足，入口牛味濃。▪️大判燒(黑毛和牛西冷) - 有驚喜，必試，雪花均勻，入口即化，蘸上蛋黃汁後味道係絕配，每一啖都係味覺享受。甜品：杏仁味既布甸，口感十分細滑，雲呢拿味雪米糍夠哂凍，為豐盛和牛餐畫上完美句號。總結：餐廳員工態度親切友善，會主動幫忙燒製大判燒，服務質素十分好。無論食材質素、用餐環境同服務都值得一讚，價錢合理，係銅鑼灣區內高質燒肉之選。…查看更多

隱世食府「家嫂」隱世工廠區既柴灣家嫂，一反舊式工業大廈裝修，餐廳空間開揚，桌距寬鬆，無左鬧市食肆既壓迫感。簡約裝修搭配暖黃燈光令人有舒適感，同過往既「工廠飯堂」感覺不一樣。店家提供任食火鍋及單點套餐兩種選擇，隨餐附贈每日例湯及無限靚仔白飯。例湯絕非敷衍之作，老火冬瓜薏米煲豬骨不是味精湯，火候十足，套餐抵食及有飽足感。魚生海膽飯食：$68蚊有魚生海膽飯食，真係一個字抵。醋飯基底鋪滿三文魚、希靈魚、八爪魚刺身，頂部海膽，色質靚，絕無腥苦味，份量還不少，令人驚喜。隨餐送醃蘿蔔與蜜瓜粒，可以解膩。乾炒海鮮手打烏冬：鑊氣十足既日式烏冬，烏冬口感十足。蝦仁、帶子、魚柳等等海鮮份量大方，味道有層次。家嫂陳醋小籠包(招牌必點)：每隻小籠包頂都插住迷你陳醋針筒，食客可自行注射醋汁。皮薄餡靚，湯汁多不在話下，最正係陳醋經注射後，味道同豬肉餡好夾，比傳統薑絲蘸醋既食法更顯特別。松露蝦多士 (精緻小食)：一口尺寸容易入口，多士炸得金黃酥脆，但不油膩，蝦膠彈牙，重點係勁多松露醬，每口都有濃郁菌香。建議上台即食。蜜汁雞翼：看似普通的家常菜，但有驚喜。雞翼外皮烤至蜜糖色，咬開肉汁溢出，秘製醬汁甜甜地，尾帶少少檸檬香。總結街坊價錢，高質既物品，而且家嫂堅持大份量與創意並重，十分難得。特別欣賞將傳統菜式注入玩味元素(陳醋針筒)，每道菜都顯出出廚師團隊用心。午市人均消費不過百元，絕對係抵食。…查看更多

海景點心之選《DHYC Dimsum Restaurant》食創新點心DHYC Dimsum Restaurant啊😍！餐廳位置向海，風景一流，內部環境都好優美，打卡一流📸。今次食左幾款店員推介嘅點心，賣相特別之餘，味道仲相當唔錯。鵪鶉蛋松露燒賣：幾特別，燒賣裡頭放咗粒鵪鶉蛋，再加埋松露，食落去口感豐富，味道香濃，真係好特別啊👍。蝦餃：蝦餃新鮮彈牙，皮薄餡靚，一口咬落去，蝦汁都爆晒出嚟🤤。size都幾大粒，食落好滿足😋。蟹黃燒賣：傳統嘅燒買上面擺放咗蟹黃，令燒賣嘅味道更上一層樓，燒賣入面嘅餡料都好足，食落去好鮮甜，蟹黃蟹肉嘅味道都好突出🤭。菜苗餃：菜苗餃嘅皮薄及晶瑩剔透，菜苗餡豐富，食落去清新而唔會覺得油膩😌。韭菜金錢蟹盒 ：其實即係炸雲吞🙈，炸得金黃香脆，外脆內軟，咬落去有韭菜嘅香味，而且入面嘅蟹肉都幾多，口感豐富。焗叉燒包：叉燒包嘅酥皮底好鬆化，叉燒餡料甜而不膩，味道一流。賣相都幾靚，值得一試😊。總結：得閒飲茶嘅點心款式多又創新，味道唔錯，而且餐廳位置向海，風景怡人，內部環境優美，打卡一流🥰😍。…查看更多

港式地道日本居酒屋之《朝asa》想搵間環境靚、嘢食又好味嘅日本居酒屋？太子大南街嘅《朝asa》就啱晒你啦😍！裝修優美舒服，座位都幾闊落，好適合同朋友仔或者情侶嚟Chill吓。 今次試咗佢哋嘅刺身同串燒，真係唔錯😋。背景音樂都係廣東歌，夠晒地道，好有Feel呀。海膽帆立貝海苔包：呢個海膽帆立貝海苔包，賣相一流，海膽鮮甜，帆立貝都好新鮮，包埋喺香脆嘅海苔入面，口感豐富，係餐廳極推介嘅一款菜式😇。原條池魚刺身：池魚刺身真係超新鮮！魚味濃郁，入口即溶，好正🤤。油甘魚刺身 ＆ 帶子刺身：油甘魚都好新鮮，油脂分佈均勻，入口即化，味道鮮甜😙；帶子刺身，夠晒彈牙，鮮甜味十足，口感一流👍。燒大啡菇：呢個燒大啡菇，燒得啱啱好，菇味香濃，juicy多汁，唔錯😋。醬油煮蠔：醬油煮蠔，味道鮮甜，醬汁都好濃郁👍🏻。串燒雞軟骨：串燒雞軟骨，香脆可口😎。串燒豬頸肉：串燒豬頸肉，燒到外脆內嫩，肉汁豐富，唔會乾，正😆。串燒豚腩串：豚腩串，燒得香噴噴，肥瘦適中，入口即化，好食到停唔到口😆。鹽燒牛面肉：鹽燒牛面肉，肉味濃郁，口感嫩滑，燒得啱啱好😊。串燒白鰻串：串燒白鰻串，鰻魚燒得香口，配埋啲醬汁，好惹味😊。明太子燒飯糰：明太子燒飯糰，外脆內軟，明太子嘅鹹香，配埋飯糰，一流💪🏻。白桃果汁 ＆ 日本果酒：白桃果汁，清清甜甜，解渴一流；日本果酒嘅酒味香醇，有多份唔同嘅味道揀架😙。總結：《朝asa》嘅刺身非常新鮮甜美，串燒類食物燒得剛剛好，環境又優美舒服，真係好正！而且佢哋喺太子站出口一出，行三分鐘就到，非常方便。餐廳好地道港式化🙈，背景音樂都係廣東歌，好有Feel🤭。…查看更多

〔烤魚〕之烏蠅館烤魚必選，呢間真係好正🐟，間舖夠大夠舒服，裝修新潮，無論同屋企人嚟👨‍👩‍👧‍👦，定同friendgathering👭都坐得舒服，氣氛好輕鬆😌。我哋今次試咗自選烤魚套餐，套餐包火鍋料及小食(可自選)，真心好滿足！角係「蒜香清江魚」魚肉新鮮，肉質嫩滑彈牙，個蒜香湯底真係冇得輸，勁多蒜同蔥🌿，越滾越香，重口味朋友必食，無論係涮肉定係烚菜夾到爆💥。另外仲加咗幾款料：套餐自選小食「四川傳統酥肉（孜然味）」：脆得嚟唔油，孜然味好出，佐酒一流；「牛板腱」：超嫩滑🥩，淥幾秒就食得，索晒蒜香湯超正；「墨魚滑」：彈牙又鮮味；「黑豚肉」：肉質軟熟，油香滿滿；「特級香菇貢丸」：彈牙，菇味香；「唐生菜」：清甜解膩，平衡返個濃味。成餐飯食材新鮮、湯底夠味、環境位置舒服，鍾意烤魚同打邊爐嘅真係要試！絕對會再encore🌟！重點係2個人食，埋單都係$600幾咋，抵食！仲有而家做緊優惠，只要留個好評就送甜品一份。…查看更多

【串燒好去處】之芝加哥串燒酒場收工想同朋友chill下，搵個地方飲杯啤酒、食下串燒傾計，蘭桂坊「芝加哥串燒酒場」絕對係個唔錯既選擇！地點就腳，氣氛好，最重要係串燒款式多又經濟實實惠，而且唔同日子有唔同啤酒買一送一優惠，真心抵！🍺 必搶啤酒優惠 (記得mark低日子，每日都唔同)🍢 串燒試咗好多款，以下呢啲真心值得試：人氣海鮮組合：一次過試晒4款口味！包括手打鮮滑、無骨白鱔串、芝士魚糕同魚肉蛋賣，每樣好好食。芝士和牛串：和牛油脂豐腴，配上半溶既芝士，好邪惡，但滿足。牛油帆立貝：大大粒，燒得啱啱好，牛油香突出。雞皮餃子：創意之選，用香脆雞皮代替餃子皮，口感一流。風味羊肉串 & 羊西冷：羊肉控必點，羶香惹味，肉質軟淋。珍寶生蠔串：蠔肉飽滿，燒至半熟狀態，非常juicy。燒汁牛頸脊 & 鹽燒牛舌心：牛味濃郁，質感軟嫩。肥腸串 & 炭燒豬頸肉：燒得香口，送酒一流。總括，呢度串燒選擇多，價錢合理，環境適合同朋友暢聚吹水、飲酒。…查看更多

VIP房之《瀛鍋》今日幸會造訪九龍城瀛鍋，餐廳以新鮮刺身同鍋物聞名，用餐體驗十分印象深刻，職員服務良好，餐廳有多間VIP房，人頭消費$400/位，而且歡迎帶同毛孩及小孩，餐廳有一個少少area可以比小朋友玩樂，令大人可以安靜一會進食，另外食物絕對高質，特別係刺身拼盤同鮮味卜卜蜆底鍋。餐廳為十週年慶祝，送左鮑魚刺身，鮮甜可口，仲好大隻，口感滑嫩，每款刺身都十分鮮甜，鮮味令人忍唔住一口接一口。另外餐前小食炸蝦餅亦值得一讚，外皮酥脆，內裡的蝦肉餡，鮮香四溢，佐酒非常不錯。餐廳自製既餃子都係亮點之一，每一款都係親自包製，口味多樣化，四款口味亦各有特色，餡料新鮮，皮薄肉多。總括，瀛鍋既刺身、同自製餃子讓我留下深刻印象，絕對值得再訪。…查看更多

抵食任食之《牛站(駅)麻辣火鍋放題》抵食既放題真係可以一食再食，而且有乳鴿任食，中意飲啤酒既朋友可以啤酒放題，而且有Asahi飲，美國極黑和牛片放題，多款牛肉同食物隨而選擇，湯底有多款選擇，揀左焉鴦鍋(清甜椰子雞鍋、 蕃茄豬骨鍋)，椰子雞湯好清甜，蕃茄豬骨鍋夠濃郁，$3xx 放題套餐，有美國極黑和牛(2款)、手切封門柳、美國安格斯牛版腱、美國牛肩胛片等等，其他肉類有梅肉片、豬柳片、澳洲羊肉片等，海鮮類有沙白、大頭蝦、水魷魚、日本帆立貝、青口、手打墨魚滑等，沙白非常好食，order左3次，仲有我中意食既田雞，自助區好多食物選擇，有麻辣小龍蝦、魚皮、小青瓜、螺肉、滷肉飯、前菜多款等等，火鍋區多款有丸類、蔬菜，茹類、響鈴、炸魚皮等等，任飲區有珍珠奶茶同台灣飲品，冷泡茶、汽水，仲有啤酒、梅源、清酒可以任飲，總之一定有款岩你食岩你飲，甜品區有Häagen-Dazs同movenpick任食，甜區櫃有Tiramisu、椰子芒果布甸、3.6牛乳布甸、朱古力蛋糕等等，總括，呢個價錢絕對抵食，而且會食到好飽，晚上好多人，要食既朋友記得book位先。…查看更多

晝夜星月之《昼月居酒屋》銅鑼灣鬧市中，「昼」讀音晝，宛如月光秘境。牆上點綴的月亮同天花打燈裝飾與店名遙相呼應，淺黃燈光及原木桌裝修，為現代感十足的日式空間添了詩意。入座後店員介紹$88三小時清酒放題，20餘款清酒列陣以待，由甘甜如月既「大吟釀」到辛烈如劍既「純米酒」， 一應俱全。刺身拼盤：率先登場，擺盤靚，三文魚腩脂香味重，油甘魚色澤虹光，赤蝦鮮甜，最驚喜係池魚與左口魚雙重奏，前者清甜，後者油脂香重，配上現磨山葵的微辛，配搭合宜。雞皮餃子邪惡既代表，將雞皮炸作金黃脆殼，內裹肉汁奔流的雞肉餡，充滿罪惡感同滿足感；蒲燒鰻：醬汁恰到好處，魚皮焦香；黑豚肉腸：咬爆時，口裡散出淡淡蒜香，佐酒正是絕配；免治雞棒：摻入軟骨增添口感，蘸透蛋黃汁更顯豐潤雞中翼；燒厚燒豆腐：外層香韌，入口滑，內裡如豆花般細嫩；牛柳串：火候精準，肉芯泛著櫻粉色，簡單海鹽調味已足；天扶良炸蝦卷脆軟交疊；而蔥拖羅蓉手卷將鮪魚腩濃郁而清淺餘韻。總結各款燒物表現亮眼，舉杯邀月，88元消酒放題不只是清酒自由，更是與朋友舉杯暢談的一夜 。…查看更多

浪漫歐陸小館之【The Grill Room】隱身於The Humphreys既The Grill Room，以低調奢華裝潢營造舒適氛圍，昏黃燈光十分浪漫，襯托係深木色調，半開放式廚房不時聞到陣陣炭烤香氣，店員有禮及細心介紹菜單，餐廳環境好適合情侶談心，或與好友把酒暢談整晚。我地選擇左✦ 2人套餐 ✦。頭盤：「三文魚慕絲捲」如絲般滑順，入口魚鮮香與淡淡既奶油重溶在口中，鮭魚提鮮；而「黑松露脆薯」十分邪惡美味，巴馬臣芝士與松露香交隻，味覺享受，脆薯佐酒一流。主菜：「香煎黑鱈魚」火候精準，魚皮金黃酥脆，而肉質柔嫩，香檳忌廉汁輕盈不膩，襯托雪魚鮮甜；「紅酒燴牛面肉配薯蓉」真係慢工出細貨，牛面肉膠質豐腴，用叉輕輕劃開，濃郁既肉香吸引食慾，薯蓉香幼，雖然份量不多，但飽足感十足。總括：以人均計$400位，不算貴，高質食材同味道都有保證，加上貼心服務與餐廳環境，絕對係難得既選擇。…查看更多

戲劇川魯饗宴之【星·South Beauty】米芝蓮餐廳《魯上魯》與川菜名門《俏江南》攜手，餐廳以戲曲文化為主題。餐廳【星·South Beauty】裝修元素加人頭飾、戲服、京劇道具點綴。水晶垛子黃牛肉：頭盤既水晶垛子黃牛肉如薄片透光，肉質香嫩，配上少許辣椒粉更添川味。熗拌濰坊鮮蘿卜皮：以青瓜詐欺視覺，入口原來係醃蘿蔔，新清爽脆，味道少酸。松茸清湯雞豆花：豆花入口綿密，松茸香氣撲鼻，鮮而不濁，味道入口細緻。魚子醬烤鴨配煎餅：廚師係客人面前切開烤鴨，同時可欣賞廚師刀工，五豆薄皮而香，鴨皮同魚子醬一同入口，絕對係視覺同味覺享受。青花椒毛血旺：落單時同店員講花椒不用太多，因食唔到辣。入口麻香特別重，配料肥牛、毛肚、大腸等配菜吸滿湯汁精華，薯粉滑溜，味道辣而不燥，食後暖身。海捕大蝦燒：白菜超入味，味道溶入左大蝦鮮味，蝦鮮同白菜清甜互相輝映。慕斯大油條：手臂般粗既油條，蘸上腐乳慕斯既小磚塊(有2種味)，腐乳既鹹香或鳳梨慕斯既果酸，2者味道有濃列精比，十分有趣。拇指生煎包如丑角靈動，一啖一顆的脆嫩惹人莞爾。終曲阿膠絲滑酸奶更將補品變甜點，阿膠的醇厚與酸奶的輕盈，竟如旦角與小生合唱，餘韻悠長。總結：菜色如戲碼般考究，川魯風味係餐廳文化氣息下十分夾，細節處見功力(如：豆皮印花、慕斯醬巧思)，價錢高尚絕對可再訪。…查看更多

懷舊風之《紅椒力量》估唔到喺紅磡，一間充滿港式懷舊風格嘅茶餐廳，都可以食到咁正宗嘅星馬泰菜式😋！紅椒力量真係夠晒特別，裝修都充滿懷舊氣息。炸絲網春捲：炸絲網春捲真係好特別，外皮炸到金黃香脆，入面餡料好豐富，有菜有肉，蘸埋啲酸甜醬汁，卜卜脆，口感一流👍🏻。印尼炒飯：炒得粒粒分明，配料好多，有蝦仁、雞肉、蔬菜等，味道香濃惹味，份量勁足，兩個人食，每人可以分到三碗多啲🤣，食到飽哂🤤。豬頸肉撈檬：豬頸肉煎得香噴噴，肥瘦適中，口感爽脆，撈埋啲檬粉同埋酸甜汁，好清新😎。椰青：飲番個椰青，清清甜甜，解渴一流🤩。椰汁冰：椰汁味香濃，消暑一流，絕對係夏天嘅最佳伴侶😇。總結：餐廳為港式茶餐廳嘅格局，可以食到星馬泰菜，真係特別既，而且味道都唔錯，價錢合理。另外，餐廳位置方便，喺黃埔地鐵站行5分鐘就到，下次一定會再嚟試吓其他菜式😋。《紅椒力量 》必嘉街紅磡灣中心12號地舖…查看更多

米芝蓮級漢堡之「Burger Joys」推開Burger Joys的玻璃門，紅黑主調既空間瞬間營造出美式餐吧的活力氛圍。牆上掛滿的漢堡特寫照，其中有多位名人食客的滿足表情，讓人未點餐已食指大動。半開放式廚房傳來煎肉餅既聲味，混合著烘烤麵包的香氣，係味覺享受。肉雞漢堡：作為入選全球50大漢堡，麵包採用法國米芝蓮認證既麵包🍔，表皮微脆內裡蓬鬆，帶有微甜奶油香，豐盛餡料而不塌軟。雞腿肉厚切能鎖住肉汁的同時，更加有口感層次，秘製香料醃漬十分惹味，同左自製蒜味蛋黃醬與微焦的洋蔥絲交融，尾調有一絲檸檬酸香解膩。  黑松露薯條：粗薯條炸至金黃，薯條上撒滿黑松露醬，上桌時松露油香氣撲鼻。特別欣賞店家附上金屬小叉，方便優雅地挖起沾滿醬汁的薯條🍟。蒜香雞翼：驚喜之作。雞翼🍗外皮如玻璃糖漿般晶亮，咬落口有脆卜卜既聲音，蜜糖蒜香醬甜中帶微辣，肉質嫩滑。凱撒沙律：誠意十足，份量多。羅馬生菜冰脆新鮮🥗，麵包粒烘烤後脆口，帕瑪森芝士現刨成薄片。輕炙過既煙肉碎，油脂香氣令沙律更有層次。總結，從麵包到醬料，都能夠感受餐廳同廚師既堅持。…查看更多

日本格調之《一杯鐵板燒居酒屋》無論係同朋友聚餐定係慶祝特別日子，呢間日式居酒屋環境令人感覺，尤如置身係日本，氣氛輕鬆又舒服。今次試咗佢哋嘅二人套餐，味道一流，性價比高😋。先付(沙律)：開胃既沙律清新可口，搭配香醋醬汁，既有脆既口感又唔失清甜，令人食得津津有味👍。刺身三品(吞拿魚、帶子、旬魚)：刺身新鮮得來，色澤鮮艷，吞拿魚肉質滑嫩，帶子鮮甜大粒，口感不錯，旬魚更係鮮味十足，完全唔會有腥味，配埋少少醬油，正啊😋。迷你海膽丼：呢個海膽丼真係小而美，海膽鮮味濃厚，米飯煮得岡好，搭配埋海膽甘甜，令人一口接一口。鐵板飽魚、海老：鐵板燒既飽魚煎得外脆內嫩，海老肉質鮮甜，食完完全唔會有油膩感。澳洲M4和牛：呢個和牛真係必食，肉質嫩滑，油花分佈均勻，煎到五成熟，咬落去真係口感滿滿，適合係食肉獸們😋。鯛魚湯烏冬：湯底清淡卻充滿魚香，烏冬彈牙，搭配鯛魚，食落暖心滿足，飲啖湯底好滋味。甘味(甜品)：甜品都唔可以錯過，味道清新，唔會過甜😊。海鹽荔枝梳打：荔枝味香甜解渴，海鹽既加添令味道更加豐富，真係大熱天飲啱晒😙。總結：二人套餐真係食得划算，味道出色，服務態度亦非常好，店員隨時關心客人嘅需要，店長更會介紹菜式嘅特別之處，細心又周到。而且餐廳位於觀塘最旺嘅商場apm，食完飯可以去行下，輕鬆又愉快，下次一定會再嚟試其他菜式😋。…查看更多

玩住食之《蝦蝦燒》再一次蝦蝦燒，話說上年生日飯後，真心覺得唔錯。職員安排坐底後，介紹可以將蝦夾起，放落冰筒，之後再燒，水缸內既蝦好新鮮游得好快，夾時仲會彈彈下。餐廳依家仲有優惠，加1蚊有個小火鍋，可以打埋邊爐好流水蝦自助燒烤放題：$348位任食慢慢嘆5 hours，自助區有好款海鮮同特式串燒，海鮮有生蠔、鮑魚、大扇貝、帶子、花蛤、蜆、螺、魷魚、三文魚腩等等；原條魚(馬友、石斑、倉魚等)，喜歡食海鮮既朋友，一定唔好錯過。海鮮over all都好新鮮，生蠔算大隻飽滿，無腥味，入口無咩沙，洗得乾淨。大頭蝦幾爽口、鮑魚彈牙、蜆同花蛤有鮮味。另外餐廳按人頭計，會送上鰻魚串燒(每人一件)，鰻魚有驚喜，肉質彈牙有口感。醬料區：有不同配料，按需要自已配搭，最正係有蒜蓉同牛油，燒海鮮時加上去，味道更豐富。蔬菜類：有南瓜、粟米、茄子、甜薯、翠玉瓜、冬菇、豆卜、青椒、雞批茹、菠蘿等等。肉類：台灣腸、紅腸、芝士腸、鵪鶉蛋、玉子燒、漢堡扒、煙鴨煙、獅子狗、牛柳粒、羊架、雞腎、大腸、魷魚鬚、雞全翼、雞肉 / 豬肉串、雞皮餃子串等，款式十分多。雞腎好爽口(拎左幾次)，雞皮餃子串有香口，羊架燒後油脂溢出，好好食。熟食：咖哩魚蛋、西蘭花炒蝦、豬紅、辣酒煮花螺、炸餃子、炸蟹鉗、麥樂雞等，仲有可以自已淥烏冬，帶小朋友黎食就岩哂，飲品 / 甜品：汽水 / 果汁多款，重點有不同啤酒，串燒一定要配啤酒；食完覺得膩既話，可以飲下消濟茶，甜品有格仔餅配雪糕最好不過，雪糕 / 雪條亦有多款，總結呢個價錢絕對抵食，有得玩有得食(夾蝦)，仲要可以任食任坐任飲，中意飲啤酒既朋友，仲可以啤酒放題，真係不醉無歸。…查看更多