估唔到喺紅磡，一間充滿港式懷舊風格嘅茶餐廳，都可以食到咁正宗嘅星馬泰菜式😋！紅椒力量真係夠晒特別，裝修都充滿懷舊氣息。
炸絲網春捲：
炸絲網春捲真係好特別，外皮炸到金黃香脆，入面餡料好豐富，有菜有肉，蘸埋啲酸甜醬汁，卜卜脆，口感一流👍🏻。
印尼炒飯：
炒得粒粒分明，配料好多，有蝦仁、雞肉、蔬菜等，味道香濃惹味，份量勁足，兩個人食，每人可以分到三碗多啲🤣，食到飽哂🤤。
豬頸肉撈檬：
豬頸肉煎得香噴噴，肥瘦適中，口感爽脆，撈埋啲檬粉同埋酸甜汁，好清新😎。
椰青：
飲番個椰青，清清甜甜，解渴一流🤩。
椰汁冰：
椰汁味香濃，消暑一流，絕對係夏天嘅最佳伴侶😇。
總結：
餐廳為港式茶餐廳嘅格局，可以食到星馬泰菜，真係特別既，而且味道都唔錯，價錢合理。另外，餐廳位置方便，喺黃埔地鐵站行5分鐘就到，下次一定會再嚟試吓其他菜式😋。
《紅椒力量 》
必嘉街紅磡灣中心12號地舖
