Jamie Lau 321的个人专页

同同事第二次來La Parole食lunch！！之前聽同事講先知原來La Parole係社企餐廳嚟，扣除開支都係support間小朋友的言語治療中心咁，係幾有意義的，所以決定再來！1點去到餐廳，好在有book定位先，因為見到都幾full下。坐低無耐侍應就拎咗Welcome Snack同Menu過嚟。Lunch menu有 3個Course揀，Starter, Main Course同Dessert。Main Course選擇都算幾多，牛、羊、魚、海鮮都齊，有選擇困難症的我都係要諗咗好一陣子先決定到~~~哈哈Starter揀咗Truffle Mushroom Tart with Parmesan Chips，啲蘑菇配松露真係好好味呀！Main Course我最後就揀咗Skewer of White Cod, Shrimp with Steamed Zucchini in a “French Fry Style” and Lemon Sauce，賣相好吸引，火候控制得好好，保留到白鱈魚同蝦嘅鮮味，個魚仲好嫩滑。另外配埋青瓜同檸檬汁，感覺好fresh。最後甜品點咗法國麵包布丁配Leonidas榛子朱古力醬，食到最後唔記得咗影相，哈哈。個布丁口感好軟棉棉，加埋榛子朱古力醬，好香好滑，係一個令人好滿足的甜品！總結，係食咗好滿足同好有意義的一餐！等我下次收工過嚟試埋個dinner set先~~~…查看更多

喜歡吃日本菜的我，今天中午和同事來到尚善。幸好幾日前預先Book定位，因聽說午餐時間會比較FULL，果然餐廳滿座。入到餐廳後，被帶到中間的位置，雖座位不算很大，但座位之間距離亦足夠，尚算寬落。點了手握壽司定食，除了不同款色的壽司外，還附送沙律、麵豉湯、漬物、蒸蛋、生果等，成個餐好豐富!沙律好新鮮，有好多栗米，但沙律醬不太多。蒸蛋來到時還熱熱地，質感相當滑不溜口。手握壽司定食共有11件，份量足，款式各有不同，三文魚、海膽、帶子、牡丹蝦、鱲魚等。每件壽司都做得非常出色，當中最出眾的是海膽壽司，早已得知獲得不少好評，果然真的非常好吃，超大舊海膽，有兩層，啖啖肉又不腥，好鮮味。牡丹蝦亦出乎地美味，十分厚切及爽口。而吞拿魚及帶子亦都不錯。成SET份量好足又好吃，前菜、主菜、生果樣樣齊，整個午餐好滿足，食物水準高，加上服務不錯，侍應會時不時加茶，值得再去。…查看更多

以前曾經買過呢間朱古力，一直以為只係賣朱古力，而今天同朋友經過將軍澳先發現品牌仲開左間Cafe，望落D食物都好吸引，就忍唔到口拉埋友人一齊入去食少少野。雖然見到有Tea Set 揀，食物+飲品，價錢比較平及化算，不過最後因想食唔同的野，就散叫左1湯1沙律1鬆餅Share!點左個藍莓鬆餅後，店員就叫我地坐底一陣先，之後將微熱的鬆餅送過來。鬆餅雖然焗過，但不會好乾，而且好鬆軟，內有好多煙煙韌韌的藍莓碎，好食比利時魚蓉湯，每啖都食到有粒粒的魚蓉，味道有D似羅宋湯，但較濃郁，仲好惹味 旁邊的粟米包，質感亦不錯，非常鬆軟!我地仲叫左個沙律，燒南瓜西班牙火腿番茄沙律伴軟巴西芝士黑醋汁，先來燒南瓜，好軟身，似入口即溶的感覺，不過份量不夠多。我最鐘意係西班牙火腿，鹹鹹地的味道，帶點甘香細緻，好味道! 軟巴西芝士味道就好特別，個人覺得夾埋西班牙火腿一齊吃，更突出芝士味 整體都好滿意，食物非常好食，加上環境好乾淨，亦坐得好舒服，我地一邊傾計一邊慢慢食，真係唔願離開呀…查看更多

不嬲都知食法國餐最需要的係時間，約1個多鐘內吃應該也冇問題吧? 之後與朋友兩人進入餐廳。雖然二人枱有少少逼，但每樣餐具都放得好整齊，環境唔錯。Daily Set Lunch可以晌Starter、Appetizer、Main Course及Dessert內選2 Courses、3 Courses、4 Courses。我和朋友也各叫了3 Courses。等了近半小時，咩都沒來，聽到隔離枱那邊的人也好心急，因她們比我們早入座，但也只來了湯。我們不停咁叫侍應上菜快D，因為好趕時間。過了一陣，先來個蟹肉忌廉湯，好Creamy，入面的蟹肉好淋，好好飲。從不過快速飲完個湯後，又慢慢咁等.......再不停吹侍應快....再來個法式烤焗羊西冷配薄荷啫喱，肉雖然有D乾身，就配合薄荷啫喱一齊食，味道好夾，突出個薄荷味，不過薄荷啫喱唔夠多，幾啖就無好少，好快就無，而薯仔炸得不錯，整個味道尚算OK。最後，朋友那個靈芝菇白汁意粉遲遲都未來，而我們亦趕時間離開，就氣沖沖咁只係飲左個湯埋單。3個Course 6碟菜只來了1半，只能說食物味道算不錯，但起菜超慢。我們走的時候，隔離枱亦只係飲左個湯，白白咁等，等得太耐LA，又要快食，簡直食而不知其味。…查看更多

好耐冇黎其中一間我最愛嘅麵店 - 劉森記麵家, 自從豆豆走左之後都冇黎過…….:( 我一向都好鐘意食佢嘅竹昇麵, 貪佢夠彈牙, 冇梘水味又有蛋香味.今日兩個人黎到, 叫左兩個撈麵/河一碟菜. 唔好睇碟通菜十幾蚊貨仔, 其實都幾好味, 又新鮮又夠嫩~我叫左個黑栢葉牛筋蝦籽撈麵, 黑栢葉十分爽口, 同軟腍入味嘅牛筋相映成趣~雖然呢間店嘅蝦籽唔係話好香好香, 但就下得非常重手, 甚至食完之後仲有好多蝦籽剩喺碟度, 不過同時都反映左個撈麵瀝水瀝得唔夠好, 仲有多餘嘅水份, 令到蝦籽唔能夠緊]付麵身. 不過就真係以量搭夠, 蝦籽加上彈牙嘅竹昇麵, 混和左少少豬油同豉油, 係好食的!喺劉森記, 我嘅至愛其實係酸蘿蔔, 成樽放左喺枱上面任人食, 爽口, 唔會太酸, 十分開胃! 我每次都會食唔停口的 除左撈麵之外, 劉森記嘅蝦籽撈河都值得一試. 你睇個賣相幾靚! 隔離位仲叫我地借比佢影相添! 用左幼身嘅河粉, 每條河粉都沾滿蝦籽同少少淡色嘅腩汁, 河粉食落軟滑帶少許彈牙, 好味! 不過我覺得都係撈麵好食啲, 因為撈河較為淡身. 至於雲吞就平平穩穩啦, 餡料夠, 蝦佈尚算爽口, 不過其實呢度嘅餃子皮薄餡靚, 仲好味過雲吞!…查看更多

兩個人的午餐, 今日黎到海港城, 就試下呢間未食過嘅麵屋武藏 虎洞. 麵屋武藏喺香港有好多間分店, 但虎洞就只有一間, 唔知係唔係特別好食呢?呢個就係我同朋友發覺個名好搞笑, 所以就叫左嘅爆炸男爵沙律. 上面有好多脆卜卜嘅炸漿碎, 加埋溫泉蛋同爽脆多汁嘅青瓜絲, 唔同口感加埋一齊, 好清新!我叫左豚角煮黑武骨, 姐係黑蒜油豬骨湯底, 比平時嘅豬骨湯底更加香濃. 唔會杰,但就好油, 唔係個個都鍾意, 我就覺得冇問題喇! 呢度用上粗身嘅麵條, 食落陣牙, 掛汁力都唔差. 豚角煮其實有啲似台灣嘅爌肉, 煮得好腍, 啲肉用筷子輕輕一夾就會鬆開, 亦都鹵得夠味, 好食! 溏心蛋就煮得稍為耐左啲喇, 蛋黃唔係太流質, 但食味都係唔錯的.朋友叫了叉燒白武骨,湯頭果然比較溫和, 但仍然有好香嘅豬骨味. 叉燒厚度及肥瘦度適中, 亦都煮得十分軟腍, 夠入味.都好耐冇食過一碗口味咁岩我心水嘅拉麵, 所以飲晒啲湯對廚師表示敬意~ 會再黎的:)…查看更多

突然想食糖水, 又記得呢間店嘅糖水做得唔錯, 所以就夜媽媽黎左~ 雖然係大熱天時, 但係我都叫左個熱嘅蕃薯糖水(加湯丸) 湯丸外皮軟糯, 芝麻餡幾香, 亦不會過甜. 主角蕃薯好大舊, 香甜軟腍. 薑汁糖水辣味適中, 係我近來食過一碗最好嘅蕃薯糖水!西米露加豆腐布甸亦都係我的推介. 西米露加了不少椰奶, 杰杰地唔會水汪汪咁, 椰味同奶味都幾濃但又唔會太甜. 豆腐布甸係呢度嘅招牌作, 布甸好滑, 豆味十分香濃, 最好嘅就係佢可以同好多款甜品都配搭得到, 可以雙拼, 一次過滿足晒我兩個願望…查看更多

Lab Made 係我同好朋友最鍾意去嘅雪糕店, 好鍾意佢地成日都轉新口味, 不過試左咁多次, 佢地都仲係有新奇同富香港特色嘅口味推出, 真係好厲害!!今次我地嘅選擇係黑白豆腐花同紅豆豆腐, 因為Lab Made 做緊豆腐人To-Fu Oyako嘅promotion,所以都出左相關嘅產品. 而我地兩個都係好喜歡食豆腐嘅人, 所以就抵受唔住呢兩款口味嘅誘惑喇~~黑白豆腐花其實就係平時食嘅豆腐花加芝麻糊, 呢杯雪糕個芝麻糊就係流質咁嘅, 所以可以同豆腐味雪糕撈埋一齊食, 好有心思:) 同埋為左更加似黑白豆腐花, 杯雪糕上面仲加左黃糖, 食落去真係好香甜好似!!!朋友嘅紅豆豆腐味就相對冇咁驚喜喇, 我地都覺得好少少太甜, 不過豆腐味都係咁強, 食落去好清香, 因為始終都係用左香港出產嘅新鮮有機石磨豆奶整~ …查看更多

上個月，去開上環個頭做野，咁就約左朋友A食飯，知道我鐘意食法國菜，所以帶我黎食返餐。醒目又識食既朋友A當然係一早有備而來，就係訂位，但係眼見就算walk-in都唔係要等好耐。餐廳環境都幾舒服，有箋好靚既水晶燈，勁有高級餐廳feel。Set Lunch的價錢由$138至上$168，包一個頭盤／湯、主菜、甜品同野飲，係中上環黎講價錢都算合理。頭盤方面，朋友A叫左Mimosa Eggs with Premium Spanish Ham，佢話d火腿都幾新鮮，似係風乾左30個月以上，都有4-5片，加埋隻溫泉蛋，就真係好match，朋友A誇張咁話食完當堂食慾大增。IMG:1]而一向鐘意飲湯的我就梗係想試下佢個洋蔥湯，聽講洋蔥湯是法國路易十五一次打獵時發明，之後再流傳到民間，可以話係法國菜既平民經典。啡色的湯，清澈得黎又香味濃郁，炒香了的洋蔥絲，配上湯中的麵包，入口即溶，真係délicieux。[ 終於到主角─主菜。我叫左紐西蘭羊扒，塊羊扒都幾新鮮一d都唔羶，加埋個汁，唔駛落mustard 同薄荷醬都食得出羊既味道。朋友A就叫左Paste with Savoy Smoked Bacon and Garlic，睇落好似好簡單，但係簡單就見到廚師既真張，一黎到就嗅到陣陣既蒜蓉香味，好醒神，煙肉又唔會太鹹，意粉唔係普通圓型個隻，係長條型，好彈牙，好有嚼頭，唔錯唔錯。埋單個時，聽waiter講黎緊有brunch食，星期六日下午半價，好抵食，下次帶埋男朋友仔黎試下先。行到樓下，朋友A同我講間餐廳是社企黎，收益會捐俾一間中心作為小朋友語言治療之用，食飯都可以做慈事，真是估佢唔到。…查看更多

屋企人鍾意食中菜, 開年飯揀左係新斗記食, 雖然新斗記最出名既係乳豬, 但係我地唔太鍾意食所以都冇叫, 但係都叫左幾款招牌菜式~~~滷水鵝掌翼 – 幾入味, 份量少左d…香煎蓮藕肉餅 – 煎得好香, 不過油多左d…椒盬豆腐 – 外面夠脆, 裡面既豆腐好滑生炒骨 – 個汁唔會太酸或太甜, 個排骨炸得好香脆臘味炒糯米飯 – 炒得夠煙韌, 都幾多配料炸乳鴿 - 乳鴿皮脆肉嫩又夠味 啫啫生菜煲 - 份量好少…查看更多

睇演唱會前先同朋友食飯, 係大家都好鍾意既韓國菜, 六點半餐廳唔係好多人, 點好菜隨即送上一碟前菜, 有泡菜, 大豆芽菜, 菠菜, 白蘿蔔同青瓜, 咁多野最好味係青瓜, 好爽口又唔太辣。:)辣泡菜炒年糕, 內有圓柱狀的韓式年糕、泡菜同豬肉, 年糕好煙韌, 如果可以減少豬肉份量, 多d年糕就好啦。石頭什錦泡菜飯, 熱辣辣既石頭飯, 加上一堆配菜同韓式辣醬撈勻一齊食, 飯焦入口脆卜卜, 好味! 但係辣醬偏甜, 要加多d先夠味炸醬麵, 個麵好彈牙，朋友話個醬好味, 不過我就覺得甜左d醬, 唔係咁啱口味..…查看更多

同同事放lunch去左呢間度食叫左個三文魚魚子套餐有個三文魚魚子飯, 沙律, 烏東同天婦羅個三文魚魚子飯唔錯, 三文魚幾鮮, 不過少左d 而沙律就麻麻, 主要係個醬汁個人黎講唔鐘意天婦羅之前仲以為會係蝦tim, 有d失望烏東都係普遍款式, 不過不失雖然d野食冇咩驚喜, 不過價錢倘算實惠…查看更多

聽人講呢度D榴槤食品幾好食所以就去左一試叫左個"榴槤飄香", 待應形容為榴槤版既楊枝甘露個樣真係好"杰"下,成個半固體狀咁一食落口對於我呢個榴槤喜愛者黎講真係覺得好正好重榴槤味, 入面重有幾舊榴槤肉, 每啖都好濃味食完成碗都唔覺得好"流"雖然有D貴, 不過我會返黎再食架~~~…查看更多

朋友生日想搵d特別野試下, 上openrice見呢間好似唔錯就book位準時7點去到都唔算好多人, 入面燈光唔多, 不過坐得幾舒服一行4人叫左個2人套餐加左個薄餅第一道黎既係沙律, 有d蝦片係上面, d蝦片好脆, 而沙律醬汁有d特別既香料, 鐘唔鐘意就睇個人喜好之後黎左雞串燒, 有個座咁上, 入面有d蠟燭仔, 個賣相幾靚, 味道就不過不失小食拼盤有3款, 不過份量少得濟, 個人覺得唔夠分, 不過個蝦餅幾好味, 炸得幾香反而驚喜既係個薄餅, 一d都唔油, 食落好鬆軟, 一定要試下 個咖哩牛都幾好, d牛肉好腍, 咖哩唔太辣, 岩哂我呢間真係座得好舒服, 又唔限時, 岩哂俾d朋友仔gathering…查看更多

同frd係附近食完飯想搵地方坐下, 行過見呢間個門面幾靚就入去試下我叫左個鮮奶燉蛋白, 可能個人食得濃味d所以覺得呢個幾淡, 冇咩特別友人叫左個火焰雪山, 黎果時waiter會熜燈點火, 幾得意試左一啖覺得甜得濟, 同我果個淡味成強烈對比...個環境唔錯, 又有電視睇, 不過衰在幾貴下....…查看更多