魚堅日記的个人专页

九龍城好食嘅店舖往往亦好平易近人，價錢親民，就好似呢間集港式茶餐廳及大排檔風味嘅小菜館，食過一定會回頭。小菜供應時間由早上11點至晚上11點，餐牌好吸引，好多款式，有豬、牛、雞、海鮮小炒及煲仔，應有盡有，最正嘅就係每碟小菜送一罐指定啤酒，啱哂我哋呀🤩。鮑魚滑雞煲$178煲上熱辣辣，香氣四溢，份量唔惹少，鮑魚厚肉大隻，口感軟腍滑溜亦不失口感，濃郁味鮮；選用文昌雞，皮薄肉嫩，口感Q彈，雞味濃郁，以青紅椒、洋蔥、薑、蔥等爆炒，惹味又滋味😋。🥢爆炒香辣海蝦$158炒得非常有鑊氣，海蝦鮮甜爽彈，少少辣，相信大人細路都能接受，餸酒下飯都好正👍，轉餐加$12，有白飯及湯/餐飲。另外，每日11：00至18：00星期一至日都有供應10款不同款式嘅午餐，星期日有我喜歡嘅黃豆醬蒸鯇魚腩$64，包中湯/西湯及餐茶。🥢黃豆醬蒸鯇魚腩：鯇魚腩新鮮嫩滑，除咗鹹香黃豆醬之外，再加埋薑絲及蔥花，仲有鹹度適中嘅豉油，令魚嘅鮮味倍增。粉葛湯：完全唔係例湯咁簡單，湯頭濃郁又足料。☕️熱檸茶：有湯仲包埋餐茶，你都咪話唔抵👍。…

路經見到間店舖好搶眼，充滿香港懷舊風格，而且勁多打卡位📸，原來係香港創立嘅品牌《品曲奇》响旺角開咗新舖，當然要入去朝聖下喇。佢哋有創意之餘，仲好有港式風格，而且口味獨特，同時包裝設計亦好用心。店內好多款式都可以試食，可以試到啱先買；仲有多款得獎產品，好似有夏威夷果仁鳥結糖、原味牛油蝴蝶酥、鹹蛋蝴蝶酥、紅棗曲奇、朱古力果仁脆片等。另外仲有好多創意口味曲奇🤩，例如有：蝦膏、XO醬、蔥油雞、紅棗等，最緊要係不含防腐劑及色素，真材實料👍。無論送禮定自肥都一樣咁正，今次買咗👇：🍪果仁脆脆：有原味及朱古力味，曲奇口感非常香脆，美國果仁超新鮮，朱古力味更於2025獲獎🎖。🍪鹹蛋曲奇：曲奇口感鬆化，鹹蛋味濃郁，港式風格亦甚濃。🍪快樂果醬曲奇禮盒：禮盒內有原味、果醬牛油、果醬朱古力及菠蘿果醬荔枝，曲奇口感同樣鬆化，配合面頭口感QQ不同味道嘅果醬，最鍾意菠蘿果醬荔枝，濃郁甜香嘅菠蘿醬配合芳香嘅荔枝曲奇，創意及味道滿分😋。…

餐廳裝修簡潔中見時尚，位於airside嘅7樓，居高臨下，窗邊卡位勁好view，坐得舒服。🥢鳳梨雀仔3件$39造型好可愛，外皮鬆脆，鳳梨餡料綿密中帶有纖維感，清甜唔膩。🥢金魚戲水(湯蝦餃)2件$49胖胖兩條金魚，打卡度高，餃皮煙靭Q彈，蝦肉餡料充實飽滿。🥢黑蒜蝦燒賣3件$49燒賣質地爽彈，帶黑蒜嘅甜香又juicy。🥢麻葉煎餃(普寧豆醬麻葉)3件$49餃皮煙靭Q彈，餡料充滿juicy嫩滑嘅麻葉，不油不膩，食落幾清新。🥢抱抱蝦餃3件$49蝦餃仔好cute，無論餃仔定餃媽都滿滿爽彈juicy蝦肉。🥢潮汕炸蠔餅$89外面脆卜卜，內裡軟嫩，蠔肉鮮甜juicy。🥢桂花黑醋海鱸魚$189海鱸魚已經拆肉，每件都炸到超香脆，甚至連魚尾都脆卜卜，而且份量都唔少。🍯福果桃膠薑薯$39Q彈福果、軟滑桃膠、綿密薑薯、煙靭芋丸以及甜香椰汁嘅配搭，好滋味。🍯酒釀丸子$49丸子軟糯Q彈，帶淡淡嘅酒香及桂花香，清甜潤喉。🍹手打鴨屎檸檬烏龍$39鴨屎檸檬配烏龍夠清新。🍹黃皮茉莉茶冷萃咖啡$36喜歡咖啡但又怕苦嘅朋友呢杯飲品超推介，有咖啡香之餘又唔苦，仲好有黃皮嘅酸甜香及茉莉茶嘅清香。🍺古血派深色啤酒$39香港製造嘅手工啤，微苦帶咖啡香，飲落好有個性。🫖茶位$15茶款雖然無得揀，但係飲落都幾醇香好飲，最正嘅係因為我哋叫咗茶飲，所以免埋茶位，超抵👍。…

啟德除咗airside之外仲有另一個蒲點雙子滙，行完街我哋就去咗呢間餐廳食 晏，呢度嘅Lunch set有日式及西式可選擇，餐廳仲有戶外空間，可欣賞附近一帶景色。日式 lunch set$108🥢磯燒鮑魚海藻沙律+$8吸收哂鮮甜醬油嘅鮑魚口感Q彈軟滑，配海藻沙律清爽又健康。🥢比目魚西京燒+$12比目魚肉質嫩滑，配合西京燒嘅做法，味道甘甜鹹香，非常下飯。🥢三文魚籽+$15三色藜麥飯三色藜麥飯好咬口，配埋脆卜卜嘅三文魚籽更加正。🥣 麵豉湯富豆香味，鹹度適中。西式lunch set$148🥢鮮柚子慢煮雞胸肉沙律+$10雞胸肉微微火炙過，味道帶點焦香，肉質軟嫩，配合柚子及生菜，清怡爽口。🥢火腿可樂餅面頭塊火腿脆脆超鹹香，可樂餅炸得熱辣辣，外脆內軟心綿滑。🥢明太子忌廉菠菜大蝦意粉+$12爽彈大蝦並以三文魚籽做點綴，賣相超靚，意粉沾滿creamy嘅明太子醬汁，滿口鹹香滋味。Lunch set轉其他飲品正價減$20🍹熱情果咖啡(原價$60)帶獨特芳香嘅熱情果汁與咖啡融合成一杯夏日清新嘅特飲。🍹椰青咖啡(原價$65)清甜嘅椰青配搭咖啡，口味清爽怡人。香檸巴斯克蛋糕配檸檬忌廉吉士醬$78蛋糕口感濕潤綿密，香檸味提升鮮度同時又能減輕油膩感，食哂成件都無負擔。Tiramisu黃豆粉豆乳團子$88Tiramisu輕盈又creamy，入口柔滑香甜，團子Q彈軟糯，配合黃豆粉確係唔錯。…

食串燒一定諗起燒烤堂，身為粉絲嘅我哋當然知道旺角新分店由7月起已經搬咗去家樂坊，店舖更開揚，坐得更舒服。🥢欖角粉絲蒜蓉燒蟶子$52蟶子燒到熱辣辣，但又唔會過哂火，口感鮮嫩，湯汁帶甜甜鹹鹹欖角香以及濃郁金銀蒜嘅味道，粉絲沾滿湯汁，食落惹味非常，鮮味之選😋。🥢紫蘇雞皮蝦$48外面脆脆嘅雞皮包住新鮮彈牙嘅蝦已經好正，再加埋獨特香味嘅紫蘇葉，簡直係畫龍點睛，令到整體更豐富更突出，驚喜之選🤩。🥢鹽燒原塊雞皮$22薄薄一片雞皮，好似薯片一樣脆卜卜，超香脆，no.1 之選👍。🥢鹽燒鮮三黃雞腿肉$28雞皮燒到好香脆，肉質嫩滑juicy。🥢椒鹽鮮雞腳根$18 非常有嚼勁，啱哂喜歡咬嘢嘅我哋。🥢麻辣墨魚鬚$22麻辣味超濃，啱哂我哋，配合Q彈墨魚鬚，夠過癮。🥢鹽燒白鱔$48鱔皮燒到超香脆，肉質juicy又Q彈，魚味濃郁。🥢厚切鹽燒牛舌拖羅$48牛舌拖羅有咬口感之餘又超juicy，牛舌迷必叫之選。🥢蜜糖菠蘿$18燒到外面微微焦香，令到菠蘿更加濃甜，但仍能鎖住海量嘅果汁。🥢鹽燒日本青椒仔$20青椒仔面灑滿鰹節絲，使得清甜嘅青椒仔多份鹹鮮風味。🥢鹽燒銀杏$24口感QQ嘅銀杏，簡單灑少少鹽已經好好味。🍻Sapporo生啤$48買一送一咁抵，當然要啤啤佢喇。串燒由12蚊起，豐儉由人，仲有好多驚喜創意搞鬼之作，每次都食得好滿足。…

朋友食過呢間酒樓話佢啲海鮮幾抵食，有孖寶又有特價海鮮，選擇都幾多，裝修設計光潔明亮，坐得舒服。🦞海鮮二人餐 $688🐡🥢上湯焗波士頓龍蝦伊麵(隻)上檯時已經聞到勁香蒜蓉味，原隻龍蝦肉質爽彈，伊麵沾滿濃郁嘅蒜蓉牛油汁，啖啖滋味。🥢果皮蒸南非鮮鮑魚2隻南非鮑口感厚實中帶軟嫩，鮮甜濃郁，簡單以果皮蒸已經好好味。🥢古法蒸龍𧄌班件(細份)龍𧄌件以肉絲、薑絲、鹹菜及椒絲一同去蒸，再灑上蔥花，鹹鮮度充足，龍𧄌件爽韌中亦不失嫩滑。🥢燒鵝拼叉燒皇(細份)呢個餐除咗海鮮之外仲有燒鵝同叉燒，啱哂我哋喜歡大魚大肉嘅人。🥢薑汁炒菜心(細份)炒菜心薑蒜味充足。🍮精美甜品(2份)杞子桂花糕味道清甜，桂花味濃郁。…

暑假唔去日本，去鮨樂食番餐補數，食材鮮度像是置身日本，因為佢哋嘅食材係由日本豐洲市場每日直送，並用上新潟越光米。🥢A4和牛西冷巨切壽司 $138 火炙過嘅A4和牛肥美度剛好，炭香味濃，口感嫩滑又濃牛味，甜香juicy，配合清新細蔥及滑溜鵪鶉蛋，口感豐富。🥢海膽牛油蟹湯掛稻庭烏冬$138面頭好多海膽，濃湯creamy，帶濃郁嘅海膽及牛油香味，稻庭烏冬滑溜細膩富彈性，吸收哂濃郁嘅湯汁，啖啖滋味。🥢岩蠔2隻$98岩蠔爽口鮮甜，帶少少礦物味，配合酸啫喱、細蔥及辣蘿蔔蓉，倍覺清爽及更能特出鮮甜。🥢清酒煮日本大蜆 $98不愧為北海道產嘅大蜆，鮮甜多汁，蜆肉沉浸於甜中帶濃郁嘅清酒湯，一口一滋味，連湯汁都飲哂。🥢原條池魚刺身$188大分県產嘅池魚，師傅刀工一流，將原條池魚切到靚靚，肉質鮮甜滑溜，魚味濃郁，我哋覺得蘸少少醋汁及加少少薑蓉已經好好味。🥢山幸•本鮪(吞拿魚)壽司盛合$338盛合有赤身、中拖、大拖、蔥粒吞拿魚卷及脆脆手卷。由赤身開始食，絕對領略到咩叫層次😝。• 赤身：鹹中帶鮮甜，魚味濃郁。• 中拖：油花適中，肉質嫩滑鮮甜。• 大拖：油花肥美，入口即溶，脂香滿溢。• 蔥粒吞拿魚卷：鮮甜清新口感，一口一滋味。• 脆脆手卷：外面塊紫菜超級脆卜卜，配合鮮甜綿密吞拿魚蓉，口感豐富。…

今次去牛站食火鍋放題，午市食足4個鐘，確實舒服，唔使睇時間，可以同朋友吹下水，慢慢食，慢慢嘆，仲有好多卡枱，坐得舒服。🫕湯底有成10款，有辣有唔辣任君選擇，我哋揀咗椰子雞鍋，放題嘅鍋底都完全唔揸流灘，鍋底內有好多杞子、椰子肉及紅棗，仲有隻雞髀添。我哋叫咗個$308套餐，包哂所有高級靚牛，包括有澳洲M5和牛、SRF美國極黑和牛、特上牛小排等，同時亦包多款海鮮。📱QR code落單：🥩肉類叫得呢個grade我哋當然主力食澳洲M5和牛，牛味濃郁，甘甜嫩腍中不失咬口感，而美國極黑和牛亦係重點要叫，嫩滑口感，牛味濃郁。🦐海鮮類我哋重點食嘅係大頭蝦及鮑魚，都好新鮮，另外仲有海螺片、象拔、生蠔、脆肉鯇等。💫覺得幾特別嘅有竹笙蝦滑，竹笙內藏蝦滑，口感唔錯。👍最緊要食燒乳鴿，皮脆肉嫩，幾juicy。🚶‍♀️自助區：🧂調料區調料係火鍋嘅靈魂伴侶，有成十幾款可選擇，最正有酸柑仔，醬料調味或加落飲品都好正。🥢熟食有必食嘅麻辣小龍蝦，飽肚嘅肉燥飯，火鍋配料脆脆響鈴及炸魚皮，仲有港人至愛嘅午餐肉添。🥬蔬菜類超豐富有成十幾款，有大家熟悉嘅蔬菜，亦有大家好少見及完全未見過嘅蔬菜，包括有爽脆青瓜苗、 多汁花生芽及軟滑黃花菜。🥢丸類款式亦都唔少；而澱粉質就有我嘅至愛出前一丁；食到個口熱辣辣仲可以攞番啲涼拌小食餸下酒。🥤飲品非常多款式，有乳酸飲品、冷泡茶、紙包、罐裝氣水啤酒、果汁、茶啡，甚至日本清酒及梅酒都有，最爽嘅就係連生啤都有，啱哂我哋呢啲酒鬼，有4個鐘慢慢食慢慢飲。🍉生果有六款，多汁又甜嘅西瓜消暑清熱啱哂打邊爐。🍰多款精緻甜品、蛋糕、布甸等，飽到食唔切，仲有可親自整番杯軟雪糕添。🍦雪糕雪條唔少得，我哋當然來番杯häagen-dazs雪糕來個完美的句號喇。👍整體食物質素唔錯，最喜愛係澳洲M5和牛、SRF美國極黑和牛、大頭蝦、乳鴿及häagen-dazs雪糕；收碟快，無漏單，服務唔錯。…

銅鑼灣行街一啲都唔怕肚餓，實在有好多高質餐廳存在，今次去呢間餐廳嘅空內設計仲好特別添，嵌入式書架上放置數百本古典書籍做裝飾，整間餐廳氛圍充滿文藝氣息，同時亦有落地大窗戶，能飽覽靚靚維港景。我哋叫咗4-Course Menu $468，包前菜、餐湯、主菜及甜品。🥖SOURDOUGH 酸種包熱辣辣，外面香脆，裏面軟綿，口感好好。APPETISER🥢Pacific Ocean Swordfish Swordfish劍魚肉質甜香滑溜，配上酸香有致嘅橘子醬汁並帶有薄荷香，口感清新，呢個頭盤啱哂夏天。🥢Snow Crab Tian & Japanese Sea Urchin魚籽牛油果蟹肉他他呢個組合絕對無得輸，鮮甜清新，鹹香滑溜；海膽慕斯絲滑鹹香。SOUP 🥄Hummus & Artichoke Bisque 濃湯並不是creamy滑滑口感，而是帶有鷹嘴豆蓉嘅綿綿質感，同時有洋薊嘅清爽、蕃茄乾及黑蒜嘅酸甜香，口味獨特，濃郁又帶原始嘅風味。🥄Lobster Bisque +$58揭開酥皮一刻超濃郁龍蝦湯嘅香氣撲鼻而來，裏面仲有好多蝦肉，飲落醇厚甘香，仲可以自己加忌廉，調教喜愛嘅口味。MAIN COURSE🍽Charcoal Grilled Australian Grain-Fed Pork Rack 豬鞍好有炭烤味，脂肪分佈平均，質地鬆軟，配合蘋果醬汁一齊食，鹹中帶果香，口感平衡之餘又減低油膩感。🍽Red Wood Charcoal Grilled 21-Day Dry-Aged Irish John Stone BeefStriploin Steak300g +$158同樣都係濃濃嘅炭烤味，愛爾蘭西冷扒厚身又juicy，點少少黑松露醬或竹炭鹽已經好好味。DESSERT 🍰Lemon Cheese Mix Berry with Tofu口感清新輕爽，又唔會好甜。🍰Coconut Mousse Mango Compote慕斯帶有清香椰子味道，質地滑溜溜，配合芒果粒一齊食更顯甜密口味。…

咁悶熱嘅天氣好易上火，想要消暑又要清熱，龍苑有個冬瓜盅套餐啱哂正值盛夏嘅季節，午市每位HK$298，套餐有3款點心、冬瓜盅、小菜、泡飯及甜品。🥢晶瑩鮮蝦餃皇很喜歡呢度嘅蝦餃添加咗好多筍，好有傳統風味，鮮蝦爽彈新鮮，餃皮Q彈。🥢蝦籽鮮蝦燒賣大大粒，整體口感唔錯，最緊要蘸點辣醬或XO醬，更加好味。🥢野菌素春卷脆卜卜唔油膩，用上野菌餡料，所以內裡都幾juicy。🥢迷你冬瓜盅 冬瓜盅餡料豐富，有雞肉、蝦肉、豬肉、蟹肉、帶子 、冬菇、蘑菇、草菇、蓮子、夜香花等，非常豐富，湯頭鮮甜，再刮埋爽中帶腍嘅冬瓜來食，消暑度最高。🥢菠蘿咕嚕蝦球 酸甜汁調校得剛剛好，蝦球大大隻又爽彈，配埋菠蘿、青紅椒、酸薑等材料，清新開胃。🥢蒜蓉炒時蔬 蒜香味濃，小棠菜爽脆無渣。🥢勝瓜肉鬆泡飯湯頭清新，餡料有蝦粒、帶子、肉碎、勝瓜、菇粒等，配上脆米及爽口飯粒，啖啖清爽，啱哂悶熱嘅天氣。🍧芒果西米露甜香芒果、滑滑西米及爽脆柚絲，再加上滑溜椰汁，甜度適中，口感爽滑清甜。📲香港金域假日酒店E-shop 8月31日前預訂，仲有高達8折優惠添😃…

今個夏天推出「炎夏椰樂祭」，多款食品、飲品以及火鍋湯底都以椰子入饌，嚟個沉浸式椰子體驗，為熱辣辣嘅夏天帶來清涼感受。今次食嘅火鍋放題係日本黑毛和牛A4+(限時2hr，需19：30前離座)$448除咗有矜貴嘅日本A4黑毛和牛及伊比利亞黑毛豬梅肉任食之外，仲送澳洲M9和牛牛丸2粒、海鮮拼盤、任食鮑魚及任飲生啤添。🫕鍋底叫咗木瓜椰皇嫩雞及喇沙椰爺仲夏鴛鴦鍋，兩款湯底都非常多料，個人好鍾意喇沙椰爺仲夏鍋，味道濃郁，啱哂我哋。🦐海鮮拼盤有生蠔、鮑魚、帶子及鱔片，海鮮新鮮，生蠔超creamy鮮甜。🐃日本A4黑毛和牛：油花分佈平均，牛味濃郁，食多幾板都回本。🐮M9和牛牛丸2粒用M9和牛做嘅牛丸果然係極品，牛味濃郁，多汁又彈牙。🐷伊比利亞黑毛豬梅肉豬味濃，肉味清甜，質地爽口。🦪叫齊4款鮑魚，有鮮甜鮑魚、柚子燒汁鮑魚、炭燒鹽蔥鮑魚及古法醉鮑魚全部都好軟滑新鮮，最鍾意嘅口味係醉鮑魚，酒味非常濃郁。🥥新產品叫咗椰酥跳跳豬、黃金椰絲蝦丸及香芋椰漿脆脆，食落都唔錯。🥢酒糟嫩牛舌好嫩腍，餸啤酒一流。🥢好喜歡呢度供應好多不同款式嘅魚肉漿，有啲係期間限定亦有台灣直送，如章魚珍珠漿及干貝鮮魚漿，真係好值得試。🐚海蝦及蜆都好新鮮。👣自助區仲有好多丸類，蔬菜及麵食；仲有好多Häagen-dazs及 Movenpick 雪糕雪條；飲品都有好多冷泡茶、果汁及汽水，除咗自助區有醬汁料之外，QR code落單仲有香椰火焰醬及椰汁美奶滋呢兩款特色醬料添。🍹鍾意飲嘢嘅朋友一定好開心，呢度好多手調飲品，例如有手打鴨屎香檸茶、珍珠奶茶，我哋食呢個「日本黑毛和牛A4+」晚市套餐，所有特調雞尾酒如冰檸伴椰、粉桃椰香都係任飲。• 而家追蹤牛大人社群媒體仲送椰奶蓋芒芒爽。• 憑全日制學生證，响星期日至四，21:00後入座，仲有優惠添。• 而家仲可免費參加「知識就是折扣」活動，我哋答中3題，有張即影即有相片留念。…

餐廳位於24樓，居高臨下，加上有落地大玻璃，可欣賞到中環城市景，同時有個露台，放置着吊椅，所以無論坐室外或室內都一樣好chill 好有氣氛。Set lunch $328起，包前菜及主菜，甜品及餐茶以及餐酒，再可另外加配。🥖首先送上新鮮香脆嘅薄脆以及酸種包，加點橄欖油及甜醋一齊食，更覺滋味。🍽starter• 生蠔2隻愛爾蘭嘅生蠔，爽脆鮮甜，口感平衡，用上木犀草醬汁，酸爽獨特嘅口味與生蠔好夾。• 1+韓牛和牛他他+$88和牛他他肉味濃郁亦富脂香，細嚼之下滲出松露香及魚子醬嘅鹹香，口感軟滑鮮嫩，與竹炭包同食確係好好嘅組合。前菜咁正，所以叫杯氣泡酒嚟增加氣氛👇🥂Prosecco Brut DOC Casa Gheller" N.V. $68口感清爽，微酸帶淡淡嘅橘皮香。🍽主食 • 香烤波士頓龍蝦半隻 +$98蝦身肉味濃郁又夠鮮甜，肉質彈牙，而螯肉肉質結實，配上伊麵，口感Q彈煙靭，帶點中國風嘅醬汁，鹹香而不膩。• 美國USDA Prime 純種安格斯西冷牛扒200g+$38西冷牛扒炭烤味濃郁，口感嫩滑中亦不失嚼勁，油花適中，肉味濃郁又juicy。🍝芝士火焰車輪貓耳朵意粉(兩人份)+$98Whisky加上大量車輪芝士，與貓耳朵意粉完全撈混，形成一道超濃郁嘅芝士貓耳朵意粉，咀嚼住口感Q彈嘅貓耳朵，貓耳朵又吸收哂濃香芝士，芝士控必然之選。🍰甜品及☕️餐飲+$20綠茶芝士蛋糕清爽唔甜並配上熱檸茶，完美的配搭。🥛Still Water $58…

呢間超人氣火鍋店，容祖兒、阿bob、許志安、張智霖等明星天后，以及星級大廚Ricky san都係座上客，食物質素高確係無庸置疑。🫕胡爐醉八鮮鍋$398鍋內有鮑魚、海蝦、蜆、花螺、青口、花枝片、花膠及魚翅頭，啲蝦仲郁緊好生猛；店員先炒一炒海鮮，然後落少少酒再爆香，點火，打卡時間到…洪洪烈火非常震撼，成個空間都籠罩住濃郁嘅海鮮香，跟住加入濃郁嘅龍蝦湯，裏面仲有洋蔥及蕃茄，飲完個湯食埋啲海鮮先再慢慢打邊爐，超正。🥢蘇格蘭大蟶子(隻)$68超新鮮，肉質爽脆彈牙又鮮甜。🥢新鮮脆鯇腩$168爽脆又彈牙，滿口脂香而不膩，魚味濃郁。🥢蟹子蝦丸(半份)$58超爽彈嘅質地，又有濃郁鮮甜嘅蝦味。🥢鮮淮山$68爽脆中帶黏滑口感，同時又帶點粉粉糯糯。🥢紅薯粉$48打邊爐除咗烏冬之外，紅薯粉都係好正嘅主食，索滿濃郁湯頭，無得輸。🥢招牌炸魚皮$88炸魚皮形狀同坊間好唔同，四四方方一塊好易食，炸到熱辣辣脆卜卜，只用一個字就形容到…正。🧋竹蔗茅根水(札)$88食火鍋咁熱氣當然要搵嘢下火，竹蔗茅根水當然幫到手，清清潤潤。🧂芥醬每位$28混醬嘅調料非常豐富，有成13款，有我哋最喜愛嘅花椒及麻辣油，仲有師傅自家製嘅辣椒油添。餐廳8週年誌慶，而家用 Whatsapp訂枱51221188，暑假全單超值半價優惠，星期五亦做到7折優惠。…

去搵沙田區嘅朋友聚一聚，食飯時間當然要搵間餐廳醫下肚，沙田友二話不說就帶咗我去呢間大排檔，佢話呢間大排檔响沙田區出哂名夠鑊氣份量足。🥢西蘭花炒花枝帶子$145花枝及帶子嘅份量超多，帶子又厚又大粒，花枝爽滑，炒得好有鑊氣，仲有好多西蘭花墊底。🥢蔥油雞半隻$108芫茜蔥嫩綠新鮮，仲有薑絲及辣椒絲，半隻雞嘅份量比預期中多，雞肉爽滑，點埋附帶嘅薑蓉更加好。🥢涼瓜班腩煲$108煲仔上滋滋聲非常有氣氛，班腩啖啖肉完全無骨，啱哂想食魚但唔識噒骨嘅我。🥢豉汁蒸大鱔$168大鱔肉質爽滑，啖啖脂香，配合濃郁豉汁，下飯一流。 🍚白飯12大大碗…

餐廳裝修以米色及木系為主調，簡潔清雅舒服，全部都係手工製作，除咗有傳統糖水之外，仲有新派甜品，同時亦有小食及飲品，另外仲有養生湯水可供外賣。🍨幸福滿滿流心芒果布甸$44表面睇見都好多芒果，本以為係普通嘅足料芒果布甸，但當匙羹插入芒果布甸嘅中心，即有超濃郁又香甜嘅流心芒果醬汁湧出，超驚喜之作🤩，布甸芒果味超濃郁，質地滑溜，就算唔落奶都好好味😋。🍨樹記腐竹薏米白果糖水$33用上大埔樹記腐竹，煲到所有腐竹溶哂，口感creamy如忌廉湯般絲滑，白果Q彈，薏米軟糯有咬口，順喉效果超正👍。🍨蘆薈雪燕綠豆邊馬蹄爽$46清爽蘆薈、滑溜雪燕、腍香綠邊豆再加埋又爽又滑嘅馬蹄爽，整體口感超清爽，啱哂夏天咁悶熱嘅天氣😃。🍹 香水檸檬蜂蜜蘆薈茉莉綠妍茶$28呢款飲品非常消暑清熱，清新香水檸檬及濃濃嘅蜜糖味，從中又滲出淡淡嘅綠茶香，每一口亦啜到爽口蘆薈。🧆香脆豆卜釀豬肉5粒$38豆卜炸得非常香脆，內裡釀滿豬肉，整體鹹香好味。聽店員講糖水係用冰糖，不用沙糖，所以飲落特別滋潤，甜度亦剛好，唔會太甜太膩。感覺到呢間店舖非常用心做糖水，用料真材實料，食出原味道之餘，亦食出無限驚喜。…