starz~的个人专页

最愛宵夜時分去榮記整番碗外賣~ 仲記得第一次食佢時, 係抱零希望! 只係唸住求其搵D野食, 點知番到去一揭開個蓋... 嘩~D香味即刻撲面而黎!!!牛肉豬肉丸粥: D牛肉即刻生滾, 生熟程度啱啱好; 豬肉丸就夠實淨且爽口, 正! 而且碗粥有D薑絲同生菜絲, 唔會成口肉, GOOD!蠔仔粥: 嘩!真係佑佢唔到... D蠔仔雖則稱為"仔", 但係都唔箅好細粒, 而且粒粒都好有鮮味, 每碗既數量又唔少, 抵到爆!生滾滑雞粥: 由於D雞攞去滾前, 師傅會稍微煎一煎D雞, (哈哈...我見到~)所以D雞肉都好香口, 而且每舊都仍然保持滑溜! 可惜我就嫌佢較油...田雞粥: 呢個都唔錯, 可惜食粥要幔慢lun骨, 其實好麻煩!! 但係味道係唔錯架~淨雲吞水餃: 佢D雲吞水餃隻隻都好足料, 而且D饀好新鮮, 一碗幾下就食唒lu~ 好味!講真榮記D粥又綿又滑, D餸又多又新鮮, 價錢又夠合理... 唔該某連鎖難食海X粥店盡快關門大吉, 打倒垃圾粥同石頭油炸鬼!!…查看更多

為左同熱愛德國菜既友人慶祝生日, 於是決定同佢去King Ludwig食個夠! 一行四人在某禮拜日的下午殺入赤柱, 決定與勁出名既豬手同各式香腸決鬥...Tea Buffet既時段為3:00-5:00pm, 共兩個鐘! 一入門口就已經見到張buffet枱! 咦...點解得咁少野食既? 唔緊要...原來出面都仲有個BBQ booth! 但係由於一直都見唔到豬手既芳踪, 所以決定落單先~ 車...乜原來唔包豬手既? 俾人fake唒... 唔制呀~ 好! 唔理喇...出去囉野食先~ 嘩...乜都無既! 剩係得D沙律, 龍蝦仔, 麭包, 炸魚, 薯條, 而BBQ booth就有燒粟米, 排骨, 雞翼同香腸~講真D野食只係普通到唔普通, 完全稱唔上為"好食"! D龍蝦仔細到無倫, 挾埋一啖肉都無! 個燒排骨就咸到死, 雞翼就OK, 而個香腸就得一款! 好心就唔好咁姑寒啦... 再來就order左個青口長通粉, 呢個味道就唔錯不過就等左勁耐...食到無野好食就食甜品啦~ 咦...反而D甜品幾好味喎! 個chocolate moouse同個raspberry moouse好好食, 而個creme brulee都幾好! 成餐入面最好食就係D甜品! 呢個食評既"OK"完全係俾D甜品架咋! 雖然我未試過King Ludwig既其他野食, 但整體黎講個buffet真係麻麻! 雖然唔係貴, 但D食物質素得咁既quail, 真係唔試好過試! >.<…查看更多

話說某個禮拜六lunch time, 終於同男友一嚐久仰大名既伊呂波~ 嘩...一行到門口, 仲以為搵錯舖頭添! 就咁睇間舖都算幾殘舊, 加上呢度既待應年紀都有番咁上下, 唔講仲以為自己去左懷舊茶樓呀~ 好! 唔理喇~食左先講! 一坐低就叫左個伊呂波定食(牛肉加大)同燒肉定食(牛舌加大)~伊呂波定食: 先來蒸蛋及刺身, 個刺身有D碎冰墊底, 夠唒凍且好新鮮, 好好味! 再來天婦羅, 天婦羅既味道都算OK, 而目唔會太油, 合格! 好...之後主角終於出現喇~ 碟牛肉既色澤都幾靚仔, 咬落又幾好趙, 細細塊一啖一嚿啱啱好!燒肉定食: 碟牛舌好大碟下, 抵! 不過食落有幾塊就稍為un左少少, 但整體都算滿意! 對於我呢個牛舌怪, 完全係三兩下就已經掃清喇~ 嘻嘻...下次一定要試下個厚燒版先~食完餐飯再食埋個綠茶雪糕, 好滿足呀!!! 講真百幾蚊個餐, 有前菜、麩鼓湯、蒸蛋、刺身、天婦羅、燒肉同甜品~ 嘩! 你仲想點先?! 真係好味又超值! Lunch Set稱霸呀~~~…查看更多

由於本人都算係個蝴蝶酥迷, 所以當收到友人送既一盒曲奇四重奏蝴蝶酥時, 真係異常興奮! 因為之前成日聽人話呢度D餅好好味, 又話成日斷貨買唔到咁...好喇...一開! 盒內全佈滿一隻隻小蝴蝶, 我估大概有四五十塊啦~ D蝴蝶酥每塊睇落都幾金黃色, 面頭仲有一層微令既糖衣包住. 滿心期待咁放入口...點知...車! 都無味既!!! 係咪冇落糖呀?! 我已經唔算特別鐘意食甜啦, 但真係無乜味... 成盒入面我要食到底先有幾塊係叫做有D甜味囉...整體黎講, 如果陣味甜番D應該會幾好呢~ 至於我覺得好食既蝴蝶酥, 有灣仔既百事吉迷你版, 佢係我食過最好味, 味道雖偏甜但非常鬆化! 至於皇后餅度既超巨型曲奇餅底都唔差, 好香好香既牛油味, 不過食一個等於食左十隻細版, 食完超飽! 哈哈~ …查看更多

一直見壽司廣既評價都唔錯, 所以特登上個禮拜去試一試佢個lunch set, 睇下有幾吸引... Lunch都有幾多選擇, 而我同男友就揀左個壽司定食(9件)同三合一定食.壽司定食(9件): 先來muso湯, 湯內有蜆及蝦頭, 味道唔錯但偏咸, 可能有好多味精... 再來蒸蛋, 咦...個蒸蛋上有好多芫茜! 無食到!!! 之後終於上個壽司喇~ 印象中有舊吞拿魚、海螺、海膽、三文魚子、甜蝦、蛋卷、吞弇魚茸細卷x6等... 講真D刺身無乜邊款覺得特別有印象! 我剩係記得個蛋卷好難食, 又硬又唔夠蛋香. 而個海膽都極度唔正, 我肯定求其一間千両都好過佢! 失望!三合一定食: 有5件壽司, 包括海膽、帶子、吞拿魚、三文魚及赤身. 除了帶子的味道較特出外, 其他的都不外如是! 再來天婦羅飯, 有一件蝦、魚、茄子同南瓜, 全部炸物都舖在淋上汁的飯上. 炸物不止油淋淋, 而目只是微暖, 都幾唔好味! 我真係好懷疑佢係唔係天肤良集團... 全盒只係覺D飯上面既汁係算好味! 最後再上埋個烏冬, 個烏冬只係好普通, 相比起天勺真係無得比!食完野, 上埋兩片橙同餐飲. 嘩~唔好講笑! 嗰兩片橙係我同男友覺得成餐最好味既食物, 可能係沒有期望所以有驚喜掛! 總括黎講, 收我成$160個set, 我完全覺得唔值! 如果你整D野好食, 俾$500都覺抵啦~ 激氣呀! 總知去食峰壽司都開心D... >.<…查看更多

經過A-1就唸住買個冬甩食下,點知又好似唔太覺眼,所以就轉移視線去D麻糬波波度~要左一個朱古力同牛奶味,朱古力嗰個有D朱古力碎,甜甜地、幾好味!但牛奶嗰個就完全冇味,係少少香味都冇了剩係得個韌字!麻麻地...都係Little Mermaid個好食勁多!!…查看更多

食完餐唔好食既飯,一定要食番D甜野開心一下!芒果鮮果凍豆腐花: 冰鎮既碗載住,以為好凍,但原來冇分別!個豆腐花都還可以,D生果仲好甜添!楊枝甘露加雪糕: 舊芒果雖然細舊D,但mix埋舊芒果雪糕食幾好食!鮮果雪糕拼盤: 呢D野好難唔好食,係士多啤梨酸左D外,其他都OK!我唔明有冇100個喊面咁誇張呀? 講真D質素咪又係同發記、滿記差唔多,係細碗D啫,但人地位置都唔同D、而且又有茶飲、個位又坐得舒服嘛!…查看更多

朋友話想食意大利野,於是一行3人殺入意粉屋食意粉... 叫了2人套餐(包括龍蝦湯x2、芝士焗龍蝦帶子天使麪、Parma Ham Pizza、凍飲x2),另加小食拼盤(雞翼、洋蔥圈、春卷、香腸同炸薯角)龍蝦湯: 味道偏咸,且內裏既所謂龍蝦只係冇鮮味既急凍暇仔!天使麪: 完全唔得!D天使麪痴埋一餅,太淋又糊,而且D帶子龍嘏係零鮮味!Pizza: 呢個味道反而0K!除左D菜有太多芝士粉偏咸,個餅皮做得幾好食!小食拼盤: 除左薯角係食得過外,其他貨色一定差過快餐店!講真意粉屋D價錢都算中間,咁既價錢食D咁既野,非常唔值!加上D意粉完全0分,衰D講句自己整既仲好食過佢啦~…查看更多

一直都係shake shake薯條既fans,出左新野冇理由唔幫襯下既... 所以要左個9舊麥樂雞餐! 唔知係咪外賣既關係,囉到番屋企已經唔太脆~依舊要番日式紫菜粉,另加新加坡蜜糖芥辣醬同日式芥未醬!個蜜糖醬甜甜地,用來點麥樂雞好挾;至於個芥未醬就好重wasabi味,配薯條就啱D!但係講真2盒醬真係唔多夠,好心麥當勞唔好咁孤寒...食個餐成30蚊,俾盒醬使幾多錢呢?…查看更多

成日見D人推介呢度既朱古力冬甩,經過無理由唔買黎試下既...個朱去力"冬甩"根本唔可以稱為冬甩,因為佢只係一個圓波波狀既物體!外層舖滿朱古力粉、中間有層軟淋淋又煙un既粉團、內裏就係暖泣泣既濃朱古力醬!講真一啖咬落去,真係好滿正!一連食2個,啱啱好,哈哈!其實Little Mermaid有個蕃茄芝士pizza包都好好食,但近幾次去都好似唔多覺既!個包上面有審茄、磨菇丶青椒同溶左既芝士、熱辣辣食時真係好好味!講開朱古力冬甩,暫時食過最好味都係多美意!絕對好食過Krispy Kreme,因為至少冇油溢味嘛...…查看更多

前幾日食完D難食壽司,心思思要食番最愛既峰補番數!所以今晚同另一個峰壽司迷,心靈相通下一齊去食峰~三文魚壽司: 起碼有三文魚味,但略嫌太薄~峰玉子壽司x2: 暖暖地、甜甜地,好好味!赤貝壽司: 好新鮮,好爽口!海螺壽司: 呢個都好有鮮味~峰蝦壽司: 峰煆不嬲都係信心保証!火炙蟹棒壽司x2: 燒過既蟹棒同沙津醬融為一體,好好食!火炙海蟃壽司: 個汁同舊魚都好味~火炙帶子壽司: 燒過既帶子好似仲鮮味~火炙(汁)盛合: 包括有火炙蟃魚、火炙三文魚同火炙帶子三款,個三文魚好食過生既好多!炸軟殼蟹手卷: 熱辣辣、啖啖肉,每次必食!蛤仔湯: 有好多好多隻蜆,正!兩個人食到好飽先走,但我始終都係覺得白沙道既峰最好食!…查看更多

每次同幾個朋友飯局,首選地點一定係和民!不過禮拜五既夜晚原來須要等成粒鐘先有位...撞鬼! (總之等峰好過~)清酒煮硯: 真係幾清,好似冇乜味軟殼蟹沙津: OK桅, 但多左D油炸雞軟骨: 例牌必叫食物吞拿魚壽司: 細細舊, 食完都唔知食左吞拿魚星鰻魚卷: 又係必叫食物, 不過今日舊野好似唔夠熱呢燒原隻尤魚: 呢個幾好味炸雞翼: 個汁完全掂, 好味牛油焗帶子: 成pat油,香口但真係好油鐵板煎餃子: 呢個又係幾好味和風麻醬冷麪: 又係必叫食物, 夏天食最啱士多啤梨芭菲: 好味又抵($29), 但略嫌D芝士太大舊以一個和民忠實fans黎講,今晚D野食真係麻麻...好似冇邊野真係特別好食咁...唉!明明上次黎都仲好地地架嘛...…查看更多

每次經過Ben and Jerry's都心思思要幫襯下,因為佢地既Chocolate Therapy真係一試難忘!接近黑色既dark choco雪糕入面有朱古力碎同朱古力醬,真係好食到爆!哈哈~食完真係好滿足,能醫百病呀!(但減肥除外)之前有隻好似叫Cherry Surprise,入面有酒味既雪糕、好rich既朱古力碎同糖水車厘子,呢個都好好味架,可惜...而加冇出喇! >_<…查看更多

同個朋友九點幾先食飯,由於我地2個壽司怪今晚勁想食海膽,所以喺板前同金水2擇其1,加上金水完全唔使等...同時印象中既金水咁多笑面,好就試下!三文魚壽司: 完全唔好味,D飯又勁實火炙三文魚壽司: 呢個反而0K,食得吓蟹棒壽司: 唔好食!差過峰既十倍!海膽軍艦: 海膽有D苦味,唔太新鮮赤貝壽司: 得個爽字,冇鮮味軟殼蟹沙律: 好油同完全食唔出係軟殼蟹炸雞軟骨: 成晚最好食既野燒牛舌: 切到好似牛扒咁厚(和民自己燒既牛舌好食好多)海膽甜蝦手卷: 呢個都可以呢,D紫菜至少唔係啉服務方面,完全0分!食緊野時,有3個師傅咁啱企喺我地前面,但佢地仲要成日望住我地,應該係"監視"先啱,搞到我地勁唔好意思! 仲有,有個男仔喺我地一坐低就問我地加唔加茶,大佬呀~我位都未坐好架!點知唔夠五分鐘又問我加唔加!成餐飯一個鐘至少問咗我六~七次加唔加茶!好!唔計加茶,佢隔一陣又話幫我地收碟!講真D碟完全唔阻,你鐘意咪收囉!但係一陣間,佢見到我碟軟殼蟹沙律又問我收唔收!大佬呀,我已經令左頭加上碟野仲有1/3...點知佢再問,仲要zip喺我同我朋友中間問!救命呀!講真我同我朋友真係火都黎!食餐飯D野已經唔好食,D人又有問題,真係把鬼!下次半價都唔好預我~真係炆到要寫低發洩下囉! 峰義司、千両、壽司正好食過佢多多多多聲!…查看更多

見到呢度咁多好評,所以去完Disney就黎食個late dinner~一坐低就飲啖茶,嘩!呢個四寶茶真係好正,好重茉莉味而且好清香~之後我地就叫左小籠包、上海粗炒、排骨麵同炸銀絲卷~小籠包:一籠五隻,D汁好正,好好味!上海粗炒:都幾夠味但肉絲卻出奇地少同幼...排骨麵:個麵幾好食但D排骨就較"har"~炸銀絲卷:我無食但男朋友話ok!真係估唔到呢間野幾有水準,尤其係D小籠包,絕對好食過翡翠!好似如果有DBS信用卡,仲可以叫D半價set添!…查看更多