Daisy_ma的個人專頁

同朋友行街行到餓，突然好口痕想食炸雞，但我呢排太熱氣，提議不如搵間可以食焗雞既韓式餐廳，上網搵到呢個連鎖炸雞店，佢同時有焗雞選擇，咁就去試下喇都係因為熱氣既關係，唔係咁想食雞食到飽，所以就揀左個咩都好似有D既不動腦筋二人餐喇泡菜魷魚幾開胃，唔算好辣而且酸酸地水冷麵就淡味左少少，不過可以解一解我既熱氣，我還是幾喜歡既套餐可選雙併十件焗雞，我地揀左蜜糖蒜香同韓風紫菜，蜜糖蒜香算係經典味道，雖然係焗，但皮仍然係脆，肉質嫩滑，蜜糖蒜香非常香口，比起韓風紫菜我地覺得高分很多呢!呢個會好推介!↑特飲好大杯，唔會太甜，我地兩個都飲唔哂總結佢既雞非常好味，會令我想再試，↑但下次就未必會叫二人餐，可能黎個全雞宴吧…查看更多

有時行街都會經過銅鑼灣加寧街果邊有間意大利小店，就好似鬧市入面有個小花園咁，雖然未知D野好唔好食，但我地都覺得食環境也可一試吧!入到去見到餐牌都幾多選擇的一開始先送上薄脆既餐前小食，但旁邊既青醬就怪怪的，疑似係用綠豆做之後我地揀左個前菜蟹餅，好足料!而且煎得好香口，我地都大讚之後黎左個吞拿魚pizza，會食得出佢既味道唔會特別配合香港人既口味整到好港式pizza，起碼會保存到意大利風味!!初初見咁大份都會驚食唔哂，但食落幾滋味，所以都好快比我地KO左!!最後一樣反而令人有少少失望，鴨肉意粉但醬汁唔夠濃，而且意粉掛唔到汁，食落淡味，麵質口感都偏粉，同以前食過既手工意粉都有些差距。整體黎講食物係有驚喜既，蟹餅同pizza我地都好喜歡，值得我地再黎試下其他野食…查看更多

係尖沙咀剪完頭髮見肚餓，大家都諗住好隨意咁搵下有咩餐廳啦，經過海港城見到有日本拉麵，仲要個名堂係米芝蓮拉麵，即刻心心眼期望極高咁入去，其實係香港想食好味既日本拉麵都預左會貴返少少，基本拉麵98蚊再加一我是可以接受既，最緊要係好食嘛。我地兩個人叫左個醬油拉麵同味噌拉麵，只能夠話啖而無味，非常普通，你唔會話好難食，但兩碗埋單要二百幾既拉麵，仲要戴住米芝蓮既光環，容許我地要求再高少少吧!只能夠話好失望，呢個價錢可以食更多更好既，我相信日本既質素一定唔會咁差，希望有一日我可以試到原汁原味既拉麵吧!…查看更多

話說朋友們都知道我係無肉不歡，而且肉類之中，係非常非常鍾意食牛肉，平時都係我負責搵餐廳，難得今次朋友好主動，提議呢間專門食牛嘅日式餐廳，咁我當然無任歡迎啦！黎到門口一睇招牌就知道呢間日式扒房主打牛系列我地今晚仲要趕去睇戲，所以book左6點就開飯喇，入到去店員拎住餐牌主動走黎介紹邊個Set最推介，最岩我呢D典形天秤座，經常三心兩意浪費哂D時間之前係日本京都食左一間吉列牛既人氣名店，第一次接觸到炸牛扒係可以咁鬆軟，一試難忘，所以店員一推介Set D 吉列炸牛扒($188)我就即刻心心眼另外，就揀左個Set C 頂級板腱牛扒($215)，完全係衝住"每日限量"呢四隻字而選擇佢既!店員另外推介我地可以優惠價加購一杯澳洲Shiraz紅酒，我見餐牌上既飲品其實都唔係爭太多價錢，雖然冇咩飲酒既意慾，但一試無妨。一見到上檯時就覺得回憶返哂黎!日本京都果個版本就冇另加爐比我地再煎熱既，店員介紹先煮溶牛油再每邊煎30秒，牛扒炸得十分香脆，即使再煎外皮都唔會淋身，但肉質好鬆軟，沒有煎乾水份既感覺，而且唔會好多油,再配日式沙律菜同一小塊麻醬豆腐加個飯完全填得飽我呢隻餓鬼友人揀左頂級板腱牛扒，牛味算濃郁，叫左五成熟，肉質軟嫩，雖然比起吉列炸牛扒佢未去到好驚喜，始終香港要食靚扒亦非難事，但呢個價錢的確算是合理。整體來講，食物同價錢我地都滿意既，而且店員既服務好加分，見我地個爐既火有變弱既跡象都會主動話幫我地換，即使我地已經食剩幾塊，所以呢種服務反而係成個晚飯最加分既一項呢!…查看更多

今日早早book左6點半6個人食生日飯，點知壽星女同男友北上太忘形，預錯哂時間，我地到餐廳門口佢地先剛剛過關返到香港，所以我地四人就打算去前台問問可唔可以遲一個鐘先入座，未問之際已經見到門口寫明90分鐘用餐時間，我地都心知不妙，餐廳店員好好，佢話知道我地係經網上訂座，所以本身都預多左半個鐘比我地，所以佢建議我地照入座先，8點半後有檯就比我地繼續留，咁我地就決定入去叫杯野飲食住前菜等喇!入到去預留左店內最入既位置比我地，空間感好夠!先黎個吞拿魚沙律，沙律菜新鮮爽脆，用黎開胃係唔錯既等到朋友黎到佢又想食個牛油果沙律，我地當然OK喇!牛扒叫左5成熟，我地6個人分，每人一啖實在係唔夠喉!蟹肉意粉同蘑菇燴飯就中規中矩，不錯食喇後加左一份咸食法式可麗餅，味道同口感都出奇地配搭，十分驚喜!最後當然唔少得生日蛋糕喇!非常滿意餐廳臨時幫我地加字上去!而且食到8點半交檯時間店員就問我地是否願意轉檯，因為我地本身坐既位置係可以坐8人，而佢地下一輛客人只能夠選擇我地原本既位置，所以餐廳好好咁幫我地調位，我地仍然有6人位坐仲可以繼續暢談喇!!…查看更多

上次同朋友慶祝生日已經想鎖定呢間東南亞餐廳，可惜呢間餐廳不設訂位，大家都唔想冒險要壽星女等位，所以就轉左第二間餐廳啦。今次再有機會過嚟銅鑼灣，當然唔會放過呢個機會啦，我哋8:30左右去到，拎飛等位大約十五分鐘左右，有個小插曲，原本係得三個人食，後來有個朋友學完車話想join我地，所以我地三人入座都請店員唔好收走枱面另外嗰份餐具，點知隔左冇耐，有個比較高大既店員，態度唔算好好，質疑我哋問：乜你哋唔係三個人咩？我哋即時話而家四個，當下我地覺得好奇怪，照計就唔會再安排單人客過嚟同我地搭枱坐，何以要過黎質問我地呢？不過大家太肚餓啦！真係唔想理佢咁多！直接叫嘢食啦！知道呢度最出名無骨海南雞，3個人就叫住半份先吧！後來朋友黎到想叫多半份已經賣晒，的確名不虛傳，我地幾個都覺得好夠雞味又滑，呢個激讚！油飯就普普通通喇本身諗住叫個小食拼盤，後來發現單叫小食都唔貴，蝦餅印象中好似$68，餐牌上面寫住四件，原本我真係諗住佢係切開咁計四件，上到枱發現切開有八件，覺得驚喜！因為喺出面食泰國菜好多時候蝦餅份量都唔係咁多，佢有八件真係足料！另外佢個鳳爪沙律好惹味，薯仔薄餅淡淡薯仔，小食來講我非常推薦！另外都叫咗個炒金邊粉同印尼炒飯，味道唔錯！食到最後加多碟炒通菜，大家都飽到差啲食唔落啦！本身我哋都冇諗住叫飲品，但見到周圍嘅食客枱面上嘅飲品都非常吸睛，忍唔住落單！可惜就有啲令人失望，唔算出色！整體來講呢間餐廳我非常滿意佢嘅食物，飲品下次就可能未必叫啦！員工嘅服務態度有好有唔好，都無損我哋想下次再去嘅意欲，最後埋單每人$200左右，食到咁飽，我覺得幾抵食嘅！…查看更多

好少機會過黎長沙灣呢邊食飯，今次接朋友收工就鎖定呢間望落唔錯既西餐廳試吓喇空間感都足夠三五知己去暢談薯條炸得普通唔夠香脆好少會有失手既沙律，食落都幾新鮮大啡菇唔錯，滿滿既芝士，而且價錢我覺得幾抵食牛拱我覺得唔錯既，肉味濃而且唔會太鞋口，幾推介的!呢個意粉質地夠彈，味道好出，我鍾意!整體我地都幾滿意餐飯，雖然係有少少甩漏，冇幫我地轉套餐，問佢拎茄汁同水都要再提，不過我地中肯D講，↑呢個價錢同食物都是合理而且好食的，只要服務改善一下，相信我地都會再提議去食!…查看更多

雖然情人節想浪漫一下，但餐廳周圍都多人又會貴一截，所以我就提議夜晚自己打邊爐唔洗出去同人逼，晏晝我就揀左一直都想試但次次都見到排哂長龍既FLIPPER'S喇點解日日排長龍我地都要揀情人節過黎食呢因為我地都有半日假可以放，大約12點前就到希慎廣場，過到去排左大約15分鐘左右就已經可以入座，相信平日黎到都未必可以咁快入到去呀咖啡是還不錯，但曲奇朱古力就真是太甜喇，莫非情人節加糖了嗎?重點來了，是幸福的味道!原味班戟非常軟棉棉，口感同梳乎厘好似，入口即溶，而且沾上忌廉一口吃，唔會太甜，剛剛好!士多啤梨藍莓香蕉班戟，其實跟原味差唔多，只係加左水果上去，不過我地都好鍾意呢個配搭!雖然lunch黎講佢唔係十分大份，但都好飽肚，情人節能夠同情人食充滿幸福感既梳乎厘班戟是很滿足的…查看更多

情人節前夕，難得我地4個都咁岩早收工，相約6:15pm就到尖沙咀，我即時諗起呢間排隊店，咁早到相信唔需要等太耐吧!果然如我所料，可以即時入座。我地坐近門口位置，入面睇落去地方唔大，不過裝潢同環境氣氛都不錯，我地相當滿意。頭盤我就知道有人會揀呢個牛肉他他配上芝士同薄片蘑菇，可惜肉味被橄欖油掩蓋，相比意粉實在失色。我地4個人叫左4個意粉去share，大家一致認為手工意粉先係今晚既重點，每一道都非常出色。意大利雲吞釀入蛋黃，雖然我唔食蛋，但聽到朋友們讚口不絕，都忍唔住試左少少Tagliolini松露意粉係我既最愛，麵條非常煙韌，係出面少有既口感，加上陣陣松露香，不消數分鐘已被我地呢班餓鬼清哂意大利寬麵 Pappardelle 配牛面頰肉醬，夠哂牛肉味，麵既質感都是一流的最後黎多個Classic Lasagna 千層麵，十分開胃，雖然都是牛肉，但味道截然不同，而且烤焗完既千層麵仍然有彈性，又係要推介一下。老友與佳餚呢個組合，令到平時少飲酒既我地都忍唔住開返支酒，為呢次晚餐作個完美句號。…查看更多

今日臨時去旺角有野買，7點半夠鐘醫肚，即時睇下最近有D咩熱門小店可以試下先!去到十三姨門口見到有條小人龍，以為係排隊啦，點知排排下先發現有人叫緊飛拿拿聲拎張飛先，好彩都好快有得入座見到招牌係大三，我地二人都不加思索說直接黎兩碗招牌吧環境其實唔錯，幾寬敞，雖然我地兩個人搭檯坐，但都幾舒適的十三雞-湯底淡淡的，配搭幾特別十三牛-牛肉味夠濃，不過湯底依然是淡淡的茶很值得讚，一人一個茶包，茶味清香而且有蝦片送上做醒胃小吃，雖然沒有什麼特別，但都係一個貼心舉動總結，整間店舖都看得出是有花心機的，而且服務不錯，即使落錯單，跟店員反映一下，好快就換過個，只是食物及價錢都未能吸引到一試再試，但如果未試過，我仍是會推介大家去試一試，說不定人人口味不同呢…查看更多

去AIA之前要醫肚，呢間餐廳做旅行功課時已知道非常高知名度，終於比到機會我去IFC mall食個lunch喇。Shake Shake餐廳位於IFC平台，我太少去IFC行逛了，原來有個咁大既平台，入到去好似去左外國咁，畢竟香港能夠既露天又可以望住海景，多數都係貴價餐廳。好彩我地算早到，去到都好易搵到戶外位，當日既天氣好暖和，感覺好舒服!我地兩個人揀左個 ShackBurger同Chick'n Shack，薯條就原味同芝士味兩隻都試哂，見到有香港限定 Milk Tea Shake當然要試下喇! 友人就揀左Lemonade。落單之後大約等咗10分鐘，ShackBurger個牛肉味幾濃郁，不過肉質唔夠軟嫩，稍為硬左少少。反而Chick'n Shack雞肉幾多汁，有D驚喜。薯條係我最鍾意既紐紋薯條，香口非常。最後非常推介Milk Tea Shake，唔會太甜!雖然好飽但依然飲得哂你就知我幾鍾意!…查看更多

今日一行人五個人，慶祝友人生日飯，一向都係我負責搵餐廳，朋友話想係上環食西餐，咁我就提議到Green Orange試一試，大家都讚成就去馬啦。Starter我地叫左個忌廉白酒煮青口($128)同埋生蠔($58一隻)，好可惜餐廳話今日無生蠔，咁就加多個雞肝醬多士拼黑毛豬火腿伴香檳啫喱($188)，先講講個雞肝醬多士，比較少見，可惜味道唔算甘香，而且亦有友人唔係好接受到佢既"內臟味"，黑毛豬火腿就正正常常不過不失，反而香檳啫喱係幾特別既，酒味濃郁，呢道菜非常之大人口味。忌廉白酒煮青口忌廉味頗重，但白酒味就唔多覺，不過青口大大隻，作為開胃菜算是不錯既選擇。Risotto我地叫左個香煎鵝肝伴白松露烤菇意大利飯，鵝肝香口，意大利飯唔會過濕，算是粒粒分明。Pasta 揀左卡邦尼意大利麵同香辣小茴香銀魚柳意大利麵，兩個麵都唔錯，夠哂味。Main course 揀左我地食肉獸最愛燒美國頂級安格斯西冷扒 ，呢個完全無令我地失望，牛扒燒得好靚，我地叫左五成，肉質仲係幼嫩，配菜又夠多，係我地今晚既至愛!…查看更多

今日慶祝朋友生日，之前喺網上見到呢間餐廳有優惠，身份證號碼及字母，只要中4個免費送德國脆皮燒豬手，我哋嘅壽星仔剛好中哂，見佢有得送德國脆皮燒豬手 ($240)，好似幾抵玩，咁就一於book枱啦！去到餐廳佢安排嘅位置唔錯，u型梳化俾我哋五個人啱啱好，在場嘅氣氛都唔錯，嗰晚都好似聽到兩至三次生日歌，同埋場地會有live show,雖然聲浪有時幾大，但的確幾適合慶祝生日。食物方面豬手的確係佢哋嘅招牌菜，外皮鬆脆，贈品來講佢算高質，其他肉類同沙律就不過不失啦，最後埋單請埋朋友都係每人$250左右，所以我都幾推介想慶祝生日嘅朋友嚟呢度食飯，夠飽夠抵食！…查看更多

之前一直已經想試呢一間，我見佢有幾間分店，第一次去咗太子嗰間摸門釘，原來佢冇做晚市，所以就鎖定左晚餐黎銅鑼灣試試佢啦！地下果層係家品店，上到去店員問我哋有冇book枱，好彩都仲有位，坐多一陣就全場full晒啦。我地兩個人一人一個main加一杯咖啡，我是食肉獸+牛魔王，一見到個煎肉眼扒配日式青蔥牛肉汁已經好快做到決定，我非常推介佢，預設大約5成熟左右，肉質非常軟嫩，加埋佢日式既做法同配料，令到肉汁嘅味道更加突出。而朋友叫左個明太子忌廉意粉配烤烏魚子就失色左少少，份量好細，就算係女仔都覺得唔夠，而且價錢偏貴，忌廉蓋過哂明太子同烏魚子既味道，雖然依然幾好食，但就會感覺食落幾唔抵，HKD168食左個普普既忌廉意粉。咖啡我地揀左Hot latte同Espresso tonic，兩杯我都有試，幾好飲，同埋Espresso tonic幾特別，係出面都唔常見。總括黎講呢間cafe D野食同咖啡都好味，只係性價比不高，如果份量多返少少會好D。已經約左另一個朋友再去試，希望餐廳可以試下係份量上改進下，如果$500蚊埋單但兩個女仔都食唔飽會有點令人卻步呢!…查看更多

最鍾意搵啲相機食先嘅餐廳，最近知道九龍城有間Cafe由中藥鋪轉型，趁住今晚打邊爐，例牌動作就係去九龍城買牛肩脊，晏晝就去會一會佢啦。去到就發現排晒隊，但早餐都未食，所以就去咗食個蛋撻先，再返嚟排隊。返嚟當然人流都係咁上下啦，等左半個鐘左右，咁就入去朝聖下啦。環境既保留着以前中藥百子櫃既特色，同時加入左工業風嘅味道，中西合璧，再加上餐廳樓底夠高，透光度又夠，非常之適合晏晝過嚟tea tea佢。講咗咁耐環境，就知道食物唔算係一個重點，價錢唔算抵，講返食物先，個卡邦尼意粉好杰身，但偏偏唔夠濃味，all day就是正正常常啦，沒有什麼可以推介，你問我會唔會再嚟多次，我會因為個環境再幫襯，但就唔會搵佢填飽個肚啦，反而佢嘅咖啡，我又覺得OK喎，下次一於下午茶先過嚟，嘆住杯咖啡，感受下周圍，做下偽文青就足夠啦！…查看更多