Totoro Wen的个人专页

今天下午因有公事所以到荃灣走一轉，朋友推介這餐廳給我，我便二話不說直踩過去食lunch, 怎知一坐下來便中伏！餐牌上各款美食價錢頗高，如果是晚餐我絕對覺得無問題，但對只有不足60分鐘食lunch的我來說實在可惜，因為不能慢慢享受這午餐，有點唔抵😅我翻看餐牌，最終點了辣蟹肉烤餅。賣相不錯，蟹肉蛋堆得厚厚的，但底部那片明顯係包，不明為何叫烤餅。不過不打緊，因為我至愛食包😆蟹肉其實味道不濃，始終係雪藏蟹肉，但蛋炒得不錯，不過$158略嫌貴了點，配菜也沒有。Long Black細細杯，味道香濃，不錯。餐廳最吸睛的是他們的小型market, 即使再趕時間都忍不住抽少少時間買點東西，咖啡豆、蝴蝶粉及一盒Red currants便是戰利品。一餐lunch便這樣用上$4xx. 多謝晒！朋友！…查看更多

對一向喜歡食辣的我來說，一知道雅蘭開祥仔辣辣當然滿心歡喜，曾經兩次九點左右上去離遠見到有人龍，所以便打道回府。怎知OpenRice原來可以訂座，太好了！上星期五於訂座時間上到去，離遠仍見人龍，行近才知原來條龍是排隔離牛角，祥仔根本無需排隊，於食飯時段來說入座率只有一半左右。原來我早前係擺咗個大烏龍😄跟朋友兩個人點了四個菜式 ：惹火山木耳：味道未算濃郁，辣汁未能均勻沾上木耳，所以有啲基本上係無味的。涼拌水晶酸辣粉：上次就係睇報道被這道菜吸引了，所以一坐低便嚷著要點這個。可能期望過高，第一口已經覺得無想象般好味。味道比較淡，所指淡並非要鹹味，而是入口那種麻辣的香味。食這道菜我真係食唔到，感覺好像辣與水晶粉完全地併棄大家一樣。祥仔招牌酸辣魚：完全無酸辣味，由頭到尾只係食到面嗰層油。幸好魚尚算新鮮。不過我哋都只係食咗一半。乾煸四季豆：算是最有味道的一碟菜。朋友怕太辣所以還點了竹蓆茅根水用來解辣，但實際無呢個需要。我反而覺得要搵嘢解油😂埋單六百幾蚊，回家才醒過來，應該點套餐，多種菜式做緊優惠也只不過三百幾，實在傻得很🤣🤣…查看更多

這樣的日系輕食cafe比較少，難得屋企附近有一間，即管過去睇吓會唔會要排長龍。幸好1:00pm過到去，無人等位並有食客剛要離開，所以很快便可以安排入座。上次朋友跟我說對這店感覺麻麻，坐得太密，壓迫感好大。但我今次去，檯與檯之間距離都幾大，兩個人坐四人位，所以空間感足夠，令我於疫情下都有啲安全感。全店裝修簡約舒適，入門位的牆壁上有歌詞投射，好文青feel。店舖簡潔乾淨，其實都幾舒服。餐牌上食物選擇不多，但和式食物都係我哋喜愛的，所以都不難下決定。兒子選的關東煮份量屬小份，味道不錯。加埋兩種小食合共$48，話平唔平，話貴又唔算貴。我點了定食套餐，兩個飯糰，配上汁煮豚肉角及兩個小食，合共$78，算是ok。食物因為係日系和式，比較清淡。梅子飯糰為冬季限定，不過一點梅子味都無，如果可以在飯糰內加入一粒梅子，應該會好味好多。其他尚算不過不失。今日唔知點解，竟然傻下傻下叫左杯Americano,應該叫手沖咖啡才對，下次會再試。沒有加一服務費，尚算可以。…查看更多

秋天是我最喜歡的季節，秋意濃濃，陽光普照，一於出外搵間cafe來個寫意舒適的午餐。The roastery X開業都有半年多，今天終於有機會可以一試。餐廳裝修以灰綠為主，樓底好高，空間感十足，一入去已有一種頗舒適的感覺。因為唔太肚餓，所以想著要輕食便點了牛油果火腿配benedict, 怎知一上檯原來份量好大，仲要配上toast😅賣相絕對取得高分，即使唔太肚餓都忍唔住立刻放入口，toast外脆內軟，benedict做得恰到好處，配上牛油果及一點點蔬菜，唔會太滯。溫泉蛋肉醬意粉同樣份量不少，味道不俗，番茄醬酸甜度適中，不過我會覺得減鹹一點會再好不過。呢個夏天飲左很多不同地方的Cold Brew，呢間唔算最好飲，但也不差。豆的味道清香，第一口感覺略淡，但飲飲下會慢慢帶出濃味，good👍🏼而焦糖朱古力則比較濃，coco成份較高，絕對不會太甜。餐廳還提供口罩袋，頗貼心。…查看更多

酒店大廚自立門戶，唔駛再用明閣價錢就可以食到優質食物，當然要去試吓啦！餐廳裝修簡約舒適，空間感十足，座位亦算多。坐下一望餐牌，選擇頗多，立刻選擇困難症上身，樣樣都想試想食。最終敲定以下三樣：1）星州炒米材料豐富，火喉十足。咖哩味香而不辣，材料新鮮，米粉炒得乾身分明，唔會有一舊舊的現象。2）海南雞飯連中式餐湯雞滑有咬口，肉質彈牙，纖維性高，不過雞油飯唔夠香。三種醬汁各具特色，每一隻都很美味。伴碟的花生焗得香脆，好味😋中式餐湯絕不馬虎，材料充足湯味濃，有滿滿的椰子味👍🏼3）冬陰公米線幾乎係單點菜式最貴的一款，但份量相對比較少。冬陰公湯比較稠，建議好似食冷烏冬般，一束束米線混上湯食。湯味濃，但湯裡除了兩隻蝦外，全是菇菌同香茅，材料比較單調。米線彈牙，熟度剛好口感佳。總體而言，食物質素算是不俗，價錢中等。茶餐廳菜式，但酒店質素，算是物有所值。…查看更多

Cafe開到成行成市，大多數都座落於一些唔起眼的位置，但並無阻年輕人捐窿捐隙去找尋打卡的地方。我經常行經附近食lunch, 今日見裡面唔係太多人就即管一試。Cafe裝修得不錯，有一行座位在咖啡檯前，可以欣賞咖啡師認真地沖調每一杯咖啡。我點了一客黑松露蟹肉炒蛋黑炭多士，蛋大概七成熟，黑松露味亦足夠，炒得不錯，但蟹肉就食唔出。喜歡黑炭多士的厚度，口感不是脆，但卻有一種硬度適中的感覺，非常喜歡。配上一杯Americano最好不過，咖啡濃而不澀，不錯👍🏼Cashier位置還有一張做型可愛的icon貼紙，記住攞張留念😊…查看更多

食物賣相有如藝術品，固然之吸引，是否物有所值，真係見仁見智。今日係兒子生日便帶他試寛巷子，皆因年紀少少嘅佢跟我一樣至愛麻辣火鍋。我們點了麻辣鍋併一個全是菌類的鍋，湯底味道ok, 但麻辣鍋裡的鴨血跟豆腐未能入味，稍遜。阿仔打邊爐最愛食牛肉，所以點了一個綜合牛肉盛合給他，$580份量少得嚇人！食藝術，無辦法。怕阿仔唔夠喉，點多一個手握壽司牛肉滑，賣相靚，但口感鞋。反而手握鮑魚壽司滑比較出色，口感爽枝仔冰口感跟味道都麻麻，好似食緊肥豬肉般😖最後點多一個鹵牛腱，好鞋，味道亦麻麻。總體而言，呢餐兩個人食咗大概$1,6xx, 真心唔值得。食物質素並非如想像般高，頗失望😞…查看更多

四人限聚令下，中秋佳節帶爸媽來試新店。對我來說，這並不是新，早兩星期已光顧過，短時都內再次光顧，絕對是因為食物質素高，員工們服務態度好👍🏼這裡有多款湯底選擇，之前曾經試過台式麻辣併胡椒豬肚湯，今次同樣選了台式麻辣但併花膠雞湯。三個湯底都好正，尤其是花膠雞湯，湯味濃香，湯料亦豐富。而台式麻辣同樣出色，辣度不會太強烈，未必能滿足喜歡勁辣的人。但湯味香濃，不過今次的鴨血不夠上次般入味。這裡的火鍋配料十分新鮮，熱烈推介以下的烏雞肉卷，肉片雖薄，但口感不俗，味道好正，爽口得來又帶有濃濃雞味👍🏼由於中秋節正日，餐店特意每檯送一碟海鮮棒棒糖，好窩心😘其實所謂棒棒糖是由蝦膠及墨魚膠做成，好有心思。鴨腸跟墨魚仔即使灼熱時間短，但仍然比較硬，我覺得可以不點，可以留quota改點其他有質素的材料。蝦滑、牛黃喉，雜菜盤都不錯，值得點👍🏼最後還送上飯後甜品 - 梅子茶凍，好好味，有鐵觀音的茶香，而中間的梅子酸味味，好好味，忍唔住食咗兩杯。此店由上至下的員工都好有禮貌，服務態度一流。爸爸想要白飯，服務員二話不說幫忙到自助bar盛了一碗給我們，好體貼❤️此店絕對係可以一去再去，價錢合理質素高，絕對係火鍋的好去處。怪不得客似雲來😊…查看更多

囍菜大廚從五星級酒店出來自立門戶，每道菜式均用心製作，最難得的是一個人負責全場所有菜式的烹煮，實不容易！今日我們一行七人點了一個八人套餐，每碟份量多得驚人，老闆娘跟我們說通常客人都會食唔晒，但我們......卻把全部K.O., 老闆娘份外開心😃江南三小碟 ：實在不是三小碟，因為碟碟都好有份量。1）醉豬手好入味，皮爽脆，口感味道都一流。2）涼拌雲耳同樣入味，剛好的酸味混合小許辣，份外惹味，雲耳跟芹菜均爽口。3）素鵝面層的腐皮炸得又香又脆，大家都讚不絕口！鹵水鮑魚：口感不錯，軟硬適中。鮑魚本身味道不濃，用鹵水方式製作可突出返鮑魚的味道。不過面層的蟹子反而令飽魚鹹了點。菜胆花膠炖北菇：熱辣辣，湯味濃，喝一口便滿口盡是喜歡的菜胆味，湯料亦十分豐富，北菇，花膠，響螺，怪不得咁好味😋酥炸花枝蟹鉗：炸得酥脆，花枝份量應該多過蟹肉，因為蟹味不夠，但味道仍是不錯。不過強烈要求大廚將蟹鉗做細一點，太大隻反而感覺太漏。清蒸海星斑：本人對魚興趣不大，只是食了少許。魚本身是養魚，肉實但味道清淡，無海魚的香味。鮮百合蘆筍炒帶子和牛：味道清淡，但各種材料都很新鮮，炒得可口。脆皮風沙雞：大家異口同聲都覺得味道比較淡，不過雞肉彈牙，並非冰鮮雞。扇形金蔬：賣相一流，蔬菜排列得整整齊齊，果然是酒店級大廚。蔬菜新鮮，茨汁味道濃郁配合得剛好。雪山龍皇炒麵：好好味，龍蝦肉混合蛋白炒，味淡但清香，炒麵好味到不得了，真係好想黎多碟。脆麻花：即炸上檯，酥脆可口，最重要係絕不油膩。老闆娘見我們甚是喜歡，於是再做多一碟送給我們，太窩心了。除了脆麻花，還有馬蹄露，好清甜。我們還點了壽包，大廚在碟上寫上祝賀字句，好細心。是晚實在太豐富了，大家都好滿意。…查看更多

心血來潮想食韓式豆腐湯，於是專誠由荔枝角行過美孚到這店一試。店舖細細並以大長檯居多，完全沒有兩人或四人檯，所以要搭檯並且搭到一張六人檯可能坐著四組互不相識的人，空間感太狹窄了。店舖由韓國人主理，老闆跟員工都是以韓文交談。睇得韓劇多的人都清楚韓國人講嘢通常都係粗聲粗氣，所以可能會認為他們服務態度差，但其實這是他們的文化。一心來到當然要點想食的海鮮豆腐湯。湯還未上先來一碟韓式小菜，內裡有我至愛的泡菜，還有薯仔 及波菜，味道不錯。至於海鮮豆腐湯，比起其他新式韓菜館，這裡的味道應該是比較正宗，大醬味道有點不同，偏濃且鹹，豆腐是街市賣到的新鮮豆腐，質感結實，但海鮮就只有四隻蜆加一條短少的魷魚鬚，所以絕對稱不上是海鮮！…查看更多

呢間餅店算是一間老店，係我讀中學時期已經存在，每次行經聯合廣場，都會聞到一陣陣好香的曲奇味。在若干年前吃下第一口的朱古力曲奇，便深深愛上了。今日行經太子，突然想起這店，心大心細想買曲奇餅食，但又怕曲奇的反式脂肪高，始終今時唔同往日！但最後魔鬼還是戰勝天使，所以就過去買左半磅，盛惠$55。曲奇味道依舊，牛油味濃郁，餅身鬆化，中間的朱古力更是畫龍點睛，令曲奇味道更佳。難怪此店屹立不倒，時至今日仍然客似雲來！…查看更多

每次食牧羊少年不知為何都有一份年輕的感覺🤓今日跟一班志同道合的好朋友來這裡，一邊食晚餐，一邊將心中的不滿舒發出來，實在過癮！牧羊少年食物質素不錯，價錢亦相當合理。有自選套餐給選擇，如果三五知己叫一個四人餐已足夠。我們一行六人點了一個套餐，一個晚餐及散點其他，埋單也只不過$1,064，真係好抵食。四人餐包括一個意粉，一個pizza, 一客沙律，三個小食，一客甜品及四杯飲品。蘿勒醬鮮蝦意大利粉 ：味道濃郁，清香，不過蝦只爽但沒味，應該係雪藏蝦。（不好意思，相片out focus😂)菠蘿辣肉腸薄餅：好香好脆，雖然材料不是太豐富，但味道搭夠。時令鮮果沙律：材料新鮮豐富，無得輸。黑松露薯條：新鮮炸，又熱又脆，配上黑松露碎更香。和得牛油帆立貝：這個並非特別好味，但比左靈感我可以自己在家整，容易handle😆炸雞翼：有少少辣，炸得香脆。甜品點了京都春日：Pancake配綠茶雪糕，好豐富。另外點了一客晚餐，日式燒汁牛肉意大利粉，味道濃郁，牛肉鮮嫩。芝士蛋糕🍰：味道濃，一齊分享不會滯口。另外點了一份肉眼扒，點了七成熟，但感覺熟了點，有點鞋口，不夠鮮嫩。心太軟配香草雪糕：好味，又係無得輸。…查看更多

個人比較喜歡這Pizza連鎖店，食物質素比較高，賣相絕不馬虎。奧海城新店開幕，怎能不去試吓！店舖裝修雅致舒適，座位寬敞，檯與檯之間空間感十足。服務員態度和藹，希望不是因為新開業而這樣，一定要保持下去。某程度上能夠得到優質服務，食客再次光顧的機率必高。兒子至愛這裡的麵包球，面脆內軟，還配上蒜蓉牛油、香草橄欖油及咖央醬，份外好味😋蕃茄肉醬螺絲粉醬汁不多，味道不夠濃厚；肉醬份量單薄，唯獨螺絲粉口感好，彈牙煙韌。巴馬火腿雜菜沙律，即使半份的份量，但也感覺充足。火腿不會太鹹，沙律菜款式多樣化之餘還甚新鮮。唯獨是我不太喜歡用上的沙律醬，味道一般。兒子點了一杯西瓜梳打，西瓜味不夠，但卻透心涼。…查看更多

朋友推介一個午餐好去處比我，話雪山啲嘢幾好食。今日突然好想食焗肉醬意粉，所以便專程過去一試。果然沒有令我失望，真的有焗肉醬意粉，仲要加多隻滑蛋，正👍🏼大概等了二十分鐘意粉便上檯，大碟到令我眼鯨鯨。意粉烚得淋左少少，如果能夠硬身返少少就好一點。肉醬酸甜度尚可，混合滑蛋後令肉醬更滑更香。熱檸茶茶味ok, 檸檬新鮮沒有苦澀味道。全店整體來說質素平穩，服務員態度好，即使午餐時段也不會催促客人，實屬難得！是日午餐盛惠$64，尚算合理。…查看更多

本人其實甚少幫襯food court, 今日過去西九龍中心本想一試水門，怎知去到時仍未營業😩所以周圍走走時見到我喜愛的米線，免得再走來走去， 便一試吧！本人還是第一次望到一碗米線的誕生，廚師即場將所有材料放入鍋煮，大約五分鐘便完成。大大碗，熱辣辣，賣相不錯！我點了麻辣湯，辣度足夠但並不麻。除了自選材料，還有肉碎，芽菜之類的配料。我自選了豆卜，蘿蔔及肥牛，材料新鮮，豆卜絕無酸味，蘿蔔亦沒有渣。整碗米線只欠湯頭不夠惹味，其餘都好穩定。喜愛這裡的豆漿，完全無甜味，似無糖的，不過年輕人未必會喜歡😊…查看更多