為食pipi的个人专页

開年晚餐buffet 黎左2+2 食，幾鍾意帝都，位置方便。食完行下街又得，行公園又近。一入座率先聽到非常喜慶既新年音樂 "食年糕...年糕...食年糕" 踏入狗年即刻俾呢首食年糕洗左腦，令我好期待係唔係有年糕食呢？ 點知係無既。食物種類方面： 刺身有三文魚，蝦，吞拿，希靈魚呢幾樣熱門野，海鮮有生蠔蟹腳青口等等，熟食都有新年特色野好似 撈起、發財就手、五福臨門等。有麵食檔、甜品有pancake，Haagen Dazs 雪糕、仲有好多款cake 仔，亦有新年特別出既年年有餘，味道都ok。 特色： 有龍蝦包，有幾樣龍蝦主打菜，好似risotto 、pasta、湯，當中龍蝦包雖然唔係食開個隻，但又幾好味，新鮮出爐熱辣辣。另外亦有心太軟時間，即刻淋即切即食真係好好食，佢整得好食過好多間甜品店。味道： 生蠔細細隻但夠晒鮮甜，逐隻即開即洗既刷夠晒fresh. 仲有一人一盎既湯，老雞湯，講真麻麻。串燒個邊都係即燒，焗蠔好食。飲品： 好多酒店buffet 都係一杯茶/啡，但呢度有咖啡機，亦有茶，果汁任飲岩晒我鍾意飲好多野既朋友。整體黎講真係好抵食， 四百幾新年價有野飲野食足兩個鐘，食過好多間酒店buffet，質素差唔多但都貴一截，怪唔知佢入座率都好高。不過係d 音樂好滋擾，成程都有人聲、高音既賀年歌，如果係d 純音樂既新年音樂一定會成個氣氛好好多…查看更多

到年尾，又係食團年飯新年飯無數既飯局。今晚黎潮福試下呢個蒸氣海鮮鍋。晚餐海鮮set 每位388, 野飲任飲， 前菜個酸雲耳有麻香，夠晒醒胃。調味料亦多選擇。首先每人上隻乳鴿，唔太大唔太細隻岩岩好，唔會嚡好正，皮薄夠晒香。亦有湯揀，今日飲海螺湯，飲得出唔多味精，不過梗係唔夠屋企老火湯足料。與此同時又黎半邊龍蝦，果然新鮮既料就咁蒸都夠晒鮮甜。再黎一個貝殼盛，花甲蜆仔大中細都有除此之外有四款自選海鮮，今晚揀左元具、象拔蚌、鮑魚同埋魚。本身以為蒸野都係無咩味要點多d 配料，點知每樣野都食到原本既味道，就算唔點鼓油都唔會好寡。其實食到呢到咁上下飽，但仲有任叫任點既牛、點心、丸同蔬菜等，我就食唔落啦。最後佢既精華 亦都係個碗粥，真係好鮮甜軟滑濃味，有晒岩岩咁多種海鮮既味道，飽都忍唔住食晒成碗！ 惟衛生方面可以改善。…查看更多

係呢個出名行李喼同人一樣咁多既商場，黎到都少不免俾啲喼轆幾下，行過見到新開呢間洋食料理，本來都冇咩期待，就試下啦。淨係睇MENU 都幾吸引，每樣野都會有圖俾你參考，叫左海膽汁醬蟹腳帶子魚子意粉、肉汁蛋包飯同一杯紅豆綠茶。海膽汁醬蟹腳帶子魚子意粉首先個醬一上已經有香濃既海膽醬味道，同CREAM 既比例適中，唔會太杰亦唔稀，份量一般。意粉爽口，蟹腳都鮮甜，出乎意料真係幾好食。肉汁蛋包飯蛋包飯被濃厚既肉汁包圍，蛋唔會太熟，內裡既飯有蕃茄香，雖然未至於好正宗既日本蛋包飯，但已經唔錯，係飯既份量比較少，反而蛋同肉汁都頗多，有點喧賓奪主既味道。紅豆綠茶本來諗住係平時已經較好甜味一杯上，但原來佢係分開糖漿同綠茶，飲到綠茶本身既味道，紅豆都係一般。呢個價錢係呢個商場都屬正常水平，味道亦唔錯，可以ENCORE!…查看更多

海老名位於神奈川縣，竟然會係美居中心隔離搵到一間名為海老名既拉麵店，細細間，入面係地道拉麵店格局，大約坐到8 個人。呢度主要食沾麵，點左個蝦味噌沾麵同蝦醬油沾麵。一開始會俾份紫菜同炸脆脆，同面分開，令佢唔會淋。味噌：非常香既蝦味，入面有櫻花蝦，即係d 蝦仔乾咁，幾塊差燒、荀同溏沁蛋，湯底本身已經好濃郁，加上差燒經過炙燒，夾埋一齊又香又濃！ 正評主要原因係個溏心蛋，佢唔係平時普遍食到個種半熟蛋，而係真係溏心，真係清甜，唔膩，食多粒都得！麵就係粗身拉麵，其實唔係咁鍾意粗麵，如果有得揀粗幼度就更好。醬油：同上別主要分別係個湯底，醬油多左種咸香，無味噌咁濃，其他大致差唔多。環境：小店環境就一定迫d，可能預左同隔離撞住食，一定唔係舒舒服服坐低慢慢食既類型。價錢： 唔加一 大約都係 80 蚊一位 都唔錯值得一提係d 水杯有異味，本來想唔想正評因為d 杯真係有陣縮味。。。 希望佢下次有改善。…查看更多

$250 四餸一湯， 再加籠小籠包18 蚊有六粒，晚飯黎講都算抵食，盅湯一大盅咁上，姑勿論好唔好食，總之夠飽夠抵食今晚叫左：回鍋肉：最好食既一道，冶味，豬肉好食，豆腐干好香火丁津白：火丁呢火丁呢？ 有烤麩，普普通通，就係上湯同菜無驚喜。梅菜扣肉：d 肉整得唔夠林，梅菜味唔入味，味道唔差但個肉質唔係好正宗既感覺。甜酸雞：新鮮即炸，夠晒熱辣辣，唔錯，不過一放凍少少就會食到都幾硬。整體ok既，雖然唔算好好食，但算抵食…查看更多

Check in here before christmasWe have order three dishes:lu meat rice: the portion isn't as small as used to have, tasty half egg, fabulous meat, a recommended dishmushroom salad with black truffle sauce: smell really good and bring some good appetite, with the seasoning of black vinegar, very fresh but never too strong, nice saladsushi platter: the fish is half grilled, quite surprise to have sushi in Taiwanese restaurantWould say this is a Taiwanese fusion restaurant, quite cozy and suitable for chit chatting, and there is a few of signature drinks with interesting name, didn't order any of them as we hv to drive, will definitely give it a try. A lovely restaurant afterall.…查看更多

深水埗呢頭十分多野食，今日去西九龍，特登想食拉面，就黎左呢間隱家。叫左個差燒沾面。有指示教點樣食，先撈勻，夾一著面再掛汁上去，最後再加湯飲。個蛋可以揀溏心或者半熟，我揀左溏心，恰到好處，好食唔漏！湯底香濃而唔太咸，食完唔會話非常口乾，同行就叫左黑蒜湯底，非常香既蒜味，鍾意黑蒜既朋友不可錯過。面質亦適中唔太硬太軟，不過無得改，如果可以根據人客要求黎做就更好啦。環境就普通，細細間，都合乎佢個名-隱家。價錢合理唔太貴，鍾意食沾面既可以一試…查看更多

high quality of food, nice atmosphere + astonishing sea view = more than perfect.Most of the food offered tastes great like oyster, scallop, Parma ham etc. If you are looking for any food ranging from seafood, ice cream, delicious dessert, cheese and ham to lamb or beef, this restaurant has it.A bit pricey though, but you would expect this as for a 5 star luxurious hotel with helicopter flying under your feet. Will definitely here again for another shot. …查看更多

行開西環有間新開既泰船麵，一於入去試下。環境就普通，都幾迫，地道風。叫左船麵，炸蝦餅，泰奶茶，同海南雞飯。船麵： 豬肉配料，仲有d 豬油渣，咸咸香香，不過同泰國個d 船麵仲有一段距離... 細細碗20 蚊。海南雞飯： 反而幾多雞，油飯都唔錯，中規中距，25 蚊黎講算好抵。炸蝦餅： 普通，個醬好似"勿落雞"個d 醬咁奶茶： 非常難飲，好似落糖漿再溝水既味道，真係好難飲，泰標奶茶係好好飲的...總結： 價錢黎講算抵食，但想食真係正宗泰國船麵，泰色奶茶，呢度唔係一個好選擇。…查看更多

pipi 落堂就黎附近食晚飯，呢間湖南菜館入口係小巷，不過都唔難搵。店內唔算好迫，乾淨企理。叫左三道餸，分別係孜然骨、手包肉同埋粉絲煲孜然骨：孜然味唔算好重，但肉唔會韌，而且骨肉容易分離，食落唔會麻煩，味道都唔錯，雖然上碟蓋住好多辣椒，不算太辛辣。手包肉：用木桶上，不過純粹係容器，對味道無咩分別。 其實就係椰菜，豬肉片同好多好多辣椒。味道非常香，豬肉片爽脆，係有d 辣，但愈食愈想食粉絲煲：加左蛋黃碎，食落係落左蛋黃炒，所以好香，但都幾大煲，夠三個人share,真係純粉絲，無其他送架但個底會有少少痴鍋，扁左一餅學生全日有九折添！ 整體都唔錯，下次會再試下木桶飯…查看更多

如果叫左兩層飯，黎到一定嘩嘩聲兼黎電話黎影相既弘Chirashi日本野食控pipi 今日黎左灣仔特登食呢間兩層飯。裝修一般日本餐廳，細細間個杯好靚叫左個海鮮兩層飯，嘩，好大碗，上面個層有三文魚吞拿魚蝦自己揀，下面個層就有海膽、青瓜蛋絲魚子飯。通常呢類型都係sell gimmack ，呃like 影完相就算，但呢間食落有驚喜，個飯青瓜蛋魚子配得剛好，唔多唔少，唔會食完面個層就得返白飯呢種情況。 至於上面個層sashimi，亦非常新鮮肥美，百幾蚊就食到飽飽之餘，又好味，又影到相。十分推薦！佢仲有signature 既享丼丼，留待下次食，但望到隔離檯成度蟹咁，睇見都想試！…查看更多

街坊價錢韓國野環境唔錯，坐得闊落。但weekend lunch time 都無乜人。食物方面賣相幾好，味道就普通。飯盒： 泡菜豬肉蛋，但有個煙肉定火腿既幾片肉口感略怪，五十幾蚊無野飲，屋村食店黎講算貴芝士餃子面： 普通芝士面，7x9 買到既面，餃子無話特別好食，亦唔係難食，皮唔厚唔薄，真係普通。炸醬面；色水同碗都幾靚，食落都香，面質彈牙，算唔錯。沙冰； 無飲晒，好大杯總而言之，真係以普通可作結，試下無妨，但唔需要特登揸車黎…查看更多

今次以圖片說話。睇返d 圖就想再食多次。照舊等左好一陣，由於店舖唔大加上老闆娘想執好先俾客人入座，所以都需時等待。入到去梗係叫多幾樣，今次叫左溏心鮑魚、碗仔翅、魯水豬手、蝦子餃、豬油飯鮑魚入味大粒彈牙抵食！碗仔翅香濃足料。豬手d 汁要新鮮食，好多骨膠原，凍左會橡住口。蝦子餃d 蝦子食落好香，一粒粒分明。豬油飯唔駛問梗係香又滑，食多碗都得呀。叫咁多野兩個都係400樓下，真抵，加上老闆娘好好傾，值得，會再去…查看更多

For the food, not exactly to be fusion here, it's Japanese but named Chinesely. We have order:Sashimi cup: with sea urchin, roe, the ingredient is not as fresh as expected, and the urchin is somehow quite gamy in smelling. Super sashimi cup: basically the same but minced tuna added, not stunning, taste like the above.Chicken roll in perilla: very nice, recommend! roasted chicken totally blended with perilla, the smell and taste is wonderfully absorbed.3combo sashimi setRice rice rice,... Very full with urchin scallop and shrimp and of coz rice rice rice. Like the sashimi cup above, the sashimi aren't really fresh despite the scallop.Drink: Sapporo , normalDecoration: u can feel some Chinese here with the costume on wall, menu, plate etc, not exactly fusion in cuisine.Music is horrible, keep playing hardcore dance, people have to speak loudly, it's 18:00, perhaps a bit too early to have such boom chi boom chi. …查看更多

黎呢度食不下十次，今次應該係最後一次...仲記得第一次真係好好食。叫左黑蒜差燒沾面，要硬面質，中等濃度。上到黎d 面林既而且凍，散唔開...濃度我點過三種唔同濃度，食出黎都係一樣...加上個湯有d 確喉，今次加完湯都無飲晒。個塊紫菜都係林，未點湯都已經林左...係個蛋仍然保持水準，係溏心。店面迫都唔緊要，係佢特色，但我見到有隻小東西經過...... 係咪都係特色？ 味道比以前遜色，服務亦係，叫加湯但好似聽唔到咁，叫左好多次先有人應，但價錢就加加加，一個面都成90 蚊，不了...…查看更多