foodfood06的個人專頁

今年因為疫情嘅關係真係去唔到日本😭但係我真係勁想食日本野，所以就試咗呢一間店啦！嚟到就梗係要是依個牛肉火山燒啦，見到個肚都覺得吸引呀咁多牛肉，因為好掛住我嘅關係所以都叫咗個話好想殺喎同埋叫咗個刺身丼。係咪覺得超吸引呢睇落好似好多牛咁，不過其實入邊都唔係牛嚟嘅只係外面嗰層先係咋，但係其實份量都唔少㗎，牛嘅質感都唔錯嘅雖然同和牛比有一段距離，但我自己都覺得幾重牛味而且入口都非常之香。反而依個和牛涮涮鍋就有啲失望😞其實喺圖入邊見到同日本食嘅和真係有好大段嘅距離咁但係以肉質來講佢梗係好味過其他牛啦，但點解我會話失望呢因為其實四百幾蚊都唔平㗎，不過份量都算係相當之唔錯嘅，如果有機會都係去返日本食啦！最後仲叫咗個刺身丼，呢個反而有驚喜，雖然份量有啲小，但係海膽三文魚子帶子蝦全部都好新鮮同唔錯，又係蝦都幾大隻，所以如果肚餓都不妨可以一試！…查看更多

喺尖沙咀行街行到好攰就求其搵咗間店入去食下午茶今次就睇中左依一個釀雞翼嘅下午茶套餐，因為出邊食呢啲釀雞翼就算冇得錯都要20幾蚊，呢度只係$38就有埋沙律同薯條，最重要係有得坐，因為而家限聚令食嘢都幾唔方便！我就揀咗芝士蘑菇，因為佢本身會送暑假所以我諗都會飽肚就冇再揀糯米，雞翼方面其實覺得好好再加上啲蘑菇芝士勁Juice，整體來講個味道都相當之唔錯，至於脆薯格就揸得非常之香口，如果有蛋黃醬就更好啦😂沙律就係普通嘅水果沙律啦，食咗咁多油膩野其實都幾好。我自己因為比較鍾意紅豆冰所以加咗$10 ，一個餐仔$48 ，如果本身唔使紅豆冰普通嘢飲都係$38。以尖沙咀嘅價格來講我覺得都可以啦，而且雞翼真係幾好味😋…查看更多

上一次因為好失望好多食物都冇晒其實都根本冇得選，今日見好少人排隊所以等咗一陣就有位再入嚟試啦。甜品方面見到佢新出左一款名為榴槤嘅蛋糕，其實我自己係一個榴槤控嚟嘅不過就見佢成份好似冇榴槤，所以我就冇叫啦，有興趣嘅朋友可以試吓。上次都講過其實我最鍾意食嘅唔係佢嘅甜品而係佢嘅蛋治，真係做得好出色同埋好好味，亦都係我今次再嚟嘅目標，今次依然係保持水準所以大家如果想打卡嘅同時又真係好想食飽肚嘅嘢，不妨可以試吓依個蛋治！真心推介！蛋治係有set餐咁所以其實係可以再加錢使佢好出名嘅朱古力，其實我上次都試過並唔係話真係超好飲，但係以香港嘅水平來講其實真係算相當唔錯，而且朱古力味好濃。我之所以話唔係好好飲係因為我試過法國嘅超好味朱古力，所以先會覺得佢失色，但如果以香港比其實佢都好飲過好多間。另外今次仲試咗個雪糕，應該係夏日限定款，雪糕方面其實都整得幾滑幾濃幾好味，外貌方面就保持非常之高質素嘅水準。其實嚟依啲店食野，有時真係為咗打卡同埋賞心悅目囉，但其實個價錢真係唔平，你問我想食差唔多水準嘅食品有大把選擇，但係如果你係想打卡依度就係唯一選擇。…查看更多

上次喺海港城推介過依間餐廳，返Office之後我又再次嚟食呢一間，可惜我由6:00等到8:00先可以入座，足足等咗兩粒鐘呀…因為好肚餓所以餐牌都冇影，今次依然都係食呢個蟹肉意粉，但係今次個意粉勁鹹勁濃囉，真係好失望呀同上次比真係差天共地，最後我要搵水沖一沖先可以食得落，大嗱嗱成$200俾啲咁嘅質素人哋真係有啲差😭另外就仲叫咗個漢堡包，之前我叫漢堡包係是試素肉嘅，素肉嘅味道係相當唔錯有興趣可以睇返我之前嘅食評。而我今次就叫真肉再配煙肉同蛋，然後我自己仲加咗芝士添，個味道相當唔錯，總括嚟講呢間店嘅漢堡包其實係食得過嘅，而且漢堡包嘅價錢係有$99至$129 ，不過我加咗芝士就要另外加$8，但都總算係唔錯嘅。咁嚟依間餐廳當然要必點就係甜品啦，我係叫咗香蕉士多啤梨pancake，唔知點解今次個pancake有啲鹹，不過都不過不失啦。但係大家真係千其要記得唔好加去$15嗰個人工雪糕，因為係一啲味都冇嘅。因為出邊好多人所以pancake冇影相，仲有飲品都冇影，今次都係叫咗椰子冰沙同埋朱古力冰沙。我覺得朱古力麻麻地，走嘅時候見到人哋好似叫咗類似水果茶或者係一啲喺茶類嘅特飲睇落好似唔錯，大家都可以不妨試吓。因為要等兩粒鐘而且又唔係特別好食，可能就未必再會咁頻密咁幫襯啦。…查看更多

想食度小月好耐啦，但係無論係lunch定係dinner 都勁多人排隊囉。今日好好彩唔使排隊，所以就一是度小月啦。佢嘅午餐係有lunch套餐嘅，就係得你見到嘅咁多啦。我自己就叫咗個三杯雞婁煩配芙蓉炸豆腐，嘢飲方面就叫咗玫瑰飲品啦。由於因為佢午餐竟然係冇佢最出名嘅滷肉飯所以我就額外再叫咗一份滷肉飯同埋加咗$38鹽酥雞小食。其實佢上枱速度係極快，味道方面其實三杯雞都幾惹味仲有少少辣，唔好睇佢咁細份但係其實佢碗飯都幾飽㗎。 特別推介依個芙蓉豆腐外脆內院真係幾好味！玫瑰特飲唔記得咗影相不過其實都己有台式飲品嘅味道算係唔錯。至於去比較出名嘅滷肉飯我覺得都係不過不失啦，你話真係好好味我又唔覺得，不過佢依碗飯都係20幾蚊喺香港來講都唔算太貴嘅。至於鹽酥雞我唔記得咗影相，不過其實個味道都唔錯，炸得好脆，唯一缺點就係有一啲好碎，碎到有啲我懷疑其實剩係得炸粉。。買單一共244 ，其實兩個人係唔需要叫咁多嘢嘅，所以有啲我哋都食唔晒，我唔可以話好平但係都唔算太貴啦喺尖沙咀來講。另外佢而家做緊外賣自取優惠七折～…查看更多

方榮記最出名嘅就係沙嗲牛肉，其實平時嚟幫襯火鍋比較多，但係而家疫情,唯有忍下口啦,因為都唔想做邊爐家族。但係又真係好想食沙嗲牛肉嗰個汁喎咁點算呢，最後我決定有錯過無放過，一於沙嗲牛肉炒麵都照殺。可能平時大家食沙嗲牛肉湯河或者湯粉就食得多啦，炒麵你又試過未呢？可能你會奇怪點解我會係叫炒麵而唔係湯河，但係我咪講咗囉因為我真係好鍾意嗰汁啊，如果我叫湯河咪會削弱左個汁嘅味囉！！！我想講佢個沙嗲牛肉真係好好好好好好好好味呀，依個炒麵其實係非常之香脆而且係唔油㗎！！乾身嘅炒麵再配上極之香濃嘅沙嗲牛肉，一絕。唯然唔可以打邊爐但係都過足口癮😋 都算完成咗心願啦！…查看更多

康城近期開咗新商場，唯一一間可以飲茶嘅地方就係譽居啦，星期一至五早上仲有孖寶優惠，星期六日都有嘅不過就要早啲起身。一般來講性價比都唔錯嘅，而且喺康城其實你都冇得揀㗎啦😂孖寶既套餐就喺晒上邊嘅相，我自己個人係比較推介狀元及第粥同蝦米炸兩腸，呢一個餐性價比真係好高因為平時食一碗及第粥就要40幾蚊，碗粥包一粒肉丸啦仲有豬潤粉腸豬心，非常之豐富。另外仲叫咗艇仔粥同埋鹹肉糭，艇仔粥就會有魷魚絲同魚片，價錢其實係平過狀元及第粥，不過我自己就比較喜歡食多餸啲粥～另外仲叫咗鳳爪排骨飯同埋粉果，但係我就冇影相啦！不過粉果都整得幾好味而且非常之皮薄，入邊仲加咗我最愛嘅粉葛！😋三個人最後埋單連埋+1同埋茶位總共係$142。睇到依度同你分享一件事啦，如果你本身有入開譽居會員係可以儲積分， $10下次當一蚊用，不過依個會員唔係免費㗎，係要比$50先可以入會，所以如果你唔係成日幫襯佢就唔好入會啦。最後奉上一張正價嘅點心紙俾你地參考吓。…查看更多

因為未食飯嘅關係所以單叫小食驚食唔飽就試咗個海南雞飯啦，估唔到一間熱狗店嘅海南雞飯係做得咁出色，睇相就知啦，首先會有三盤醬汁俾你點海南雞啦，仲有個好好味嘅油飯，整體來講其實我覺得比好多餐廳都好好食囉。一場嚟到當然就唔少得要叫熱狗啦，真係其實都幾邪惡嘅我叫嘅依一款，但係你望下啲餡真係多到好似要流出黎咁呀，而且真係超好味超Juice囉，所以你話有乜可能唔嚟幫襯啦。除此之外我仲叫咗個脆薯格啦，真係揸得超脆超好味而且配埋個醬汁真係一流。作為一間又好味又抵食嘅黃店，真係諗唔到點解你哋唔幫襯囉！…查看更多

由於因為太肚餓嘅關係所以就冇影餐廳嘅照片啦，不過大家都可以參考其他嘅相片嘅。 雖然名為大排檔，但係同大排檔嘅裝修真係一啲都唔同，其實裝潢得非常之企理、乾淨。其實我由細到大都特別鍾意大排檔嘅食物，尤其乾炒牛河炸嘢食炒米粉等等其實貪佢夠鑊氣，一般嘅大排檔其實係做唔出依啲水平，但係夏天咁熱你叫我食大排檔我又真係食唔落，所以依一間Dpd大排檔就真係啱晒我啦。今次推介嘅係星洲炒米，其實你問我$78就真係一啲都唔平，不過你見到份量其實都相當之大嘅，而且都有唔少粒蝦係入邊，最重要最重要就係夠鑊氣，所以我覺得無論味道來講啦定係鑊氣來講呢佢都真係做得相當之唔錯嘅，而且我覺得唔算係泰勒所以大家都可以嘗試一下，唯一美中不足係我覺得米粉可以在乾少少，咁就完美喇。…查看更多

假日就梗係想一齊去遛狗啦，但係放完狗要搵地方食嘢真係唔容易㗎，今次就試吓依間觀塘工廈嘅餐廳啦。你睇我隻狗坐得幾開心就知環境係舒服啦，有毛孩嘅主人不妨都可以嚟試吓依度嘅食物同環境。今次我就試咗抹茶牛奶同埋雪糕窩夫，但睇埋相就知道好味到啦。抹茶牛奶唔算特別甜所以我覺得都幾好飲，窩夫就更加唔使講，非常之香脆而且個草莓醬配得好好味，再加上雪糕同埋啲cream真係一流呀。價錢方面其實就同普通甜品店差唔多啦，但係佢可以帶狗喎，重點仲要係我覺得都真係唔錯㗎，歡迎你哋都嚟試吓。…查看更多

因為冇得食晚市嘅關係，所以好多店舖都吹出外賣優惠，傷心酸辣粉都係其中一間。除咗有食品外賣優惠之外呢，其他食品都享有七折優惠。所以今次我哋就叫咗一個粉再加小食啦，買單$66兩個人。當然係因為我哋兩個都係女生嘅份量啦。我今次係試咗傷心酸辣粉加夫妻肺片套餐，小食方面就要咗黃金花枝丸，然後加$3要咗個熱菜蜜，另外就再要咗個抗疫單點食品土豆絲。留意番抗疫單點食品係冇再七折嘅，咁我幫大家格過價佢係確實平過七折嘅所以大家都可以放心咁享用呢一個優惠。然後米粉米線或者傷心酸辣粉類別你哋就真係要格價啦。講返食物嘅質量呢，傷心酸辣粉就真係唔錯嘅，不過我叫咗小辣其實都相當難㗎啦，反而土豆絲就有啲失望啦，因為我一開始食嘅時候個外賣份量係多勁多，但係而家好似縮咗水。如果擬$66你評價嘅話我覺得係不過不失啦。…查看更多

今日要推介嘅就係全城熱捧嘅牛大人啦，11:30嚟到已經場面墟冚，真係名不虛傳啊。聽聞晚市勁恐怖，所以尖沙咀店一新開就嚟試吓午餐啦，新店開張仲有八八折啊。餐牌如下， 135就可以90分鐘任食。因為同行嘅人唔係好食大腸之類嘅咁所以我哋就揀咗最平嘅$138餐啦。如果因為抗疫期間驚打邊爐會互相感染呢，其實都可以揀一人一鍋餐，不過呢就冇得任食一啲台灣直送嘅牛肉漿或魚旗漿等，同埋其實就唔可以任食鴨血囉。所以我最後都係揀咗138任食。湯底方面我揀咗香港獨有嘅起司鍋啦，但係我超級唔推介，因為其實我覺得麻麻地，所以令到我覺得牛大人失色不少。不過自助食物入邊呢就會有醬料你可以揀啦，另外都其實有唔少自助食品例如貢丸啦芋絲等等呢其實你都可以隨便食嘅。咁入到去因為我傻更更唔知原來係用QR code點餐啦，所以呢隔咗一陣先開始點返牛肉啦同埋一啲特色小食囉，所以大家記得呢系用QR code點餐啊，如果唔係你就剩係得湯底㗎喇。咁啱啱都講過啦138嘅套餐呢其實會包含一啲台灣直送嘅手打漿，而我個人最推介嘅呢就係澎湖花枝漿呢個真係好好食我encore咗2round。另外仲有好多台式小食例如鹽酥雞、皮蛋豆腐、台灣小香腸、甘梅薯條等，我自己試過我覺得其實全部味道都唔錯。另外唔知係咪太多人嘅關係啦，其實漏單都幾嚴重嘅，例如其實我點左好多次水餃呢最後都係嚟得四碟啦，但係其實水餃非常值得推介所以我建議大家點都點到佢黎為止。至於鴨血方面我覺得同台灣相比呢就真係失色咗少少嘅，但係以香港來講水平都算唔錯啦，因為其實只係需要$135有咁多嘢食你仲想點呢。飲品方面有台式嘅茶啦咁我自己就試咗洛神花嘅，另外亦都試咗啲台式飲品如仙草凍啦，咁我其實就覺得都真係唔錯嘅，最後我竟然唔記得咗食雪糕，失策！但其實有入枱計到到我離開其實都差唔多食咗120分鐘。咁啱啱都講啦新張期間呢系有八八折嘅，所以其實我本身叫咗個138嘅套餐啦但係節完之後更計埋+1呢其實我買單只係需要$135姐。所以我覺得性價比都真係幾高嘅。如果你睇完我依篇長文咁我就送返個貼士俾你啦，我係11:30去嘅時候呢已經出邊好多人排隊啦，所以如果你想食第一輪呢你都要早啲去排隊啦，如果你係想食第二輪1:30呢咁我諗你要排隊嘅時間就要更加早啦。所以如果你係唔需要返學又唔洗返工嘅人士呢就要早啲出門口去食第一輪啦，如果唔係你就有機會撲空啦！…查看更多

今次是一間呢係日本野嚟嘅，理所當然地唔知點解海港城嘅鋪成日都要排隊啦，呢一間其實呢六點幾排都排咗接近一粒鐘先可以食。但係我覺得以海港城嘅性價比來講相當不錯。咁呢你就可以喺相度見到我叫咗啲咩嘢食嘅，我就叫咗一個蟹嘅意粉啦其實個味道真係相當唔錯尤其係個汁煮得真係好好味，不過依款係有少少貴嘅，大約我記得好似係差唔多接近190-200一份。但總括來講其實真係幾好味嘅。之後呢就仲叫咗個素食嘅漢堡包啦，因為素食嘅包其實係會相對地比真肉呢係冇咁肥嘅所以呢其實減肥嘅人就真係好適合食呢個素食嘅漢堡包啦。但係你唔好以為素食係好難食，其實佢完全打破咗我對於素食肉嘅印象，因為其實啲肉汁都係仲係超Juice，如果佢唔講數實其實我唔會覺得我自己係食緊素食，我以為自己係食緊真肉囉。所以真係超推介。咁嚟到依一間當然係唔可以唔點pancake啦，咁我係點咗seasonal 開心果pancake，其實都幾好味，個醬啦同埋其實pancake都整得幾好味所以我都真係超推介大家。…查看更多

首先要食依間當文歷餅店，我哋足足排咗一粒半鐘囉，而且喺排隊期間佢仲要不斷賣哂佢出名嘅甜品，真係勁驚入到去一款蛋糕都冇。其實排到入去嘅時候確實係真係乜都冇晒嘅，好彩個個服務生話仲有剩返一款，跟住我就即刻話落咗單先啦。咁今次就試咗好多嘢啦，其中我覺得比較好食嘅係真係三文治囉因為啲蛋真係超香同超滑，另外我亦都試咗個杯朱古力嘅咁呢就其實打卡係非常之好啦，因為嗰個棉花糖係會係你面前開花嘅，但係我就覺得有少少苦嘅但係都真係濃既所以呢朱古力熱愛者應該會幾鍾意嘅。反而你話佢一啲比較特色嘅嘢呢我就覺得唔係話真係咁值錢嘅，譬如個蛋糕其實我覺得不過不失啦，但當然啦因為其實我去完法國返嚟我覺得法國嘅甜品實在太好味，所以香港來講我其實唔係話真係覺得一間特別好食嘅。至於魚蛋我覺得都幾特別嘅因為其實佢炸得比較好味然後入邊又有雪糕咁我覺得依個反而值得一試同埋唔係太貴囉。…查看更多

今次試食西班牙菜啦，其實呢呢一間就出名食西班牙火腿嘅，我自己其實真係麻麻地，但都覺得可以試吓啦其中有幾款其實我覺得都幾好味嘅。不過其實我覺得成餐最好味就係嗰個硯啦，辣汁跟住然後煮啲大硯其實超鮮甜囉，知一個款其實係可以喺小食拼盤入邊揀唔同嘅嘢嘅咁我哋就揀咗呢一個硯同埋另一款香腸啦，其實都OK好味嘅。另外其實佢嘅多士都幾脆嘅，之後我仲叫咗個西班牙海鮮飯不過冇影，咁我覺得個西班牙海鮮飯都幾多海鮮嘅但我就唔係太鍾意啲飯，但其實果汁係整得幾好味嘅。仲有薯仔蛋餅都比較好食。咁如果你問我佢有啲乜嘢唔係太好呢，咁我諗就係最唔好就係呢個價錢囉，因為其實兩個人食都要成$800落樓嘅，但係其實香港物價比較貴出邊食一間西餐都唔平，同埋其實佢都真係一間比較正宗嘅西班牙菜所以其實如果鍾意食西班牙菜嘅可以試吓。…查看更多