Cute Angel的个人专页

是日午餐！想食清D揀左素春卷撈檬+椰青糕，個素春卷撈檬食落都清爽既，係D配料切得唔夠幼細，同埋只俾左一盒汁唔夠撈，另外椰青糕都幾好食，賣相可愛，味道清甜，啱晒食完撈檬之後清一清味蕾！…查看更多

是日午餐！今日就試左呢間，回鍋肉菜飯+豆漿！菜飯比較濕及淋😑，回鍋肉既味道尚可但份量咁少既😒…… 個外賣盒已經唔係深嗰種🙄，但回鍋肉既份量係嗰格仔既一半咋🤨…… 唔知堂食既份量會唔會多D呢🤔？…查看更多

第一次黎立鮨呢間分店，有位坐實在太好了👍，因為立鮨整體既食物質素都唔錯😋，但一諗到要立食就有D卻步😝，始終立食對我黎講真係無法好好享受…… 店鋪雖然唔大，但食物種類都幾多，讚！…查看更多

今日路過隨便買黎試下，估唔到呢間既曲奇又幾好味喎！雖然賣相普通😅，但都幾大塊及厚身👍，一咬落去感覺好足料🤤，好濃既朱古力味😍，啱晒朱古力迷既我😏，而且質地都鬆軟😋，絕對滿足到想食甜野既慾望☺️！下次經過再買其他試下先😉！…查看更多

是日午餐！餐廳環境不錯，坐卡位闊落舒適，午市套餐價錢都唔算好貴，叫左兩個燒烤餐，最驚喜竟然係碗飯，平日唔食生蛋唔食生蔥既我竟然食晒碗飯，味道配搭得好好，正！仲有送既泡菜每款都覺得好新鮮好好味，而肉既份量雖然唔多但高質的，整體質素都滿意，推介！…查看更多

聖誕節Lunch Buffet真係好滿意！氣氛熱鬧而且食物整體質素比之前食過既更好，服務亦殷勤，仲有任飲紅白酒、橙汁及汽水，最後另外再包多一杯餐飲，爽！甜品區真係好正好有聖誕氣氛，甜品除左賣相吸引之外味道亦相當唔錯，當中有不少聖誕節特色既甜品！最最最難忘既係咕嚕肉🤤！一啖咬落去有脆的糖面感覺，好正好正👍Buffet途中仲有聖誕老人去有小朋友既枱度派禮物，在場既小朋友們都好開心，充滿歡樂氣氛！…查看更多

重開的麗晶酒店同昔日的洲際酒店感覺上好似差不多，變化唔算好大，元旦日去試左Lunch Buffet！Buffet檯熟食區種類都幾多，另外雪糕櫃一睇已經心心眼😍，如果唔係天氣咁冷真係想試晒所有口味，太吸引！甜品區相當吸晴，尤其有多款巨大既蛋糕，睇相或者感受唔到，有幾款原個既蛋糕係又高又大個的，視覺上睇落真係好吸引，但係實際上係拎既時候係有難度的，而且每一件都實在太大件，如果唔係有幾個人分黎食既話，一個人根本無可能試晒咁多款，甜品質素果然無令我失望，記得以前我都覺得洲際既Buffet當中甜品係最好食既，而且每一件都包得好好, 好易拎好有精緻感，我最難忘既係拿破崙，可惜依家無左…… 仲有一點就係缺乏水果類，如果有多D切件水果或者一大盤切粒既水果供應會更好！凍海鮮類質素唔錯，壽司好睇唔好食，D壽司飯偏硬，中西湯都好飲，熟食大部分都好食，其中有一款即整既韓式煎餅味道真係麻麻，如果可以改為日式既海鮮廣島燒應該會更吸引！燒牛肉好食，湯粉就一般……甜品我係絕對推介，我只能說呢類甜品款式都係我喜歡的😍，唔好錯過放係最邊位既曲奇及小蛋糕🤤，有時越唔起眼既就越好食😏，原個蛋糕我試左三款都唔錯，馬卡龍無論質地及內餡既味道都好味👍，最後雪糕當然唔可以錯過，幾飽都要試😉！我已將最大既食力留俾甜品區，可惜甜品胃容量有限😑，最後每人包一杯餐飲，我地倆口子都叫熱檸茶，送來既時候係一個幾大下既球形茶壺，圓圓的好可愛，大大壼既茶夠多好啱喜歡飲茶的我，整體Buffet感覺唔錯，服務固然殷勤，收碟亦快，值得推介！…查看更多

講起呢間食店真係有段故事🧐，之前有緣食過一次😉，覺得燒雞肉質嫩滑及味道都唔錯👍，唔會有太多調味，啱我口味😋，估唔到今日隨意睇下有乜新食店既時候竟然發現係荃灣開左分店🧐，即刻衝去試下！去到既時候店家未準備好我同我家主人倆口子就兜左一陣返轉頭先食😑，其實店鋪以外賣為主，但我又想試下即場食有乜分別🤪？店家就開左張VIP枱俾我坐係度食🥰，仲請我地飲陳皮羅漢果菜及小食桂花車厘茄柑橘☺️，燒雞隨即送上，真係熱辣辣👍，雞皮燒到鬆脆😋，皮脆肉嫩🤤，真係比我上一次拎回家食既狀態好食好多🤩，喜歡燒雞有香草既香味亦無過多既調味，食返雞既原味😏，另外亦試左鮮雞油窯烤竹筒飯，好有農家菜既感覺😄，正！如果大家想試可以先打電話去預訂😉，咁就唔使去到等啦！…查看更多

是日午餐！母親路過陪食🥰，當然要帶佢去D坐得比較舒服的餐廳啦😊！點左河內湯河雙拼(生牛肉+牛爽腩)及炭燒越式香茅豬扒飯，湯河既湯底清甜😋，生牛肉比爽腩好食😉，香茅豬扒飯塊豬扒醃得幾好味👍，而且仲有煎蛋及沙律菜等，十分豐富🤤，雖然午市套餐價位偏高，但勝在唔多人而且座位又夠闊落，都值得推介☺️！…查看更多

是日晚餐！原本諗住黎試9月新品，但好多款都無既…… 仲要今晚既食物質素完全令人嚇一跳，做乜差左咁多？？？碟炸公魚係凍既，D壽司又難食左…… 點解會咁嫁…… 唔通同其他T Town既食店一樣越做越差？？？唉………查看更多

是日午餐！之前堂食過一次，坐得逼又等得耐，今日就試下先打電話下單外賣自取，打電話下單既過程幾奇怪，點解咁講呢？係近乎全程我落單對方又無乜回應，之後又無收線又無出聲吊住個電話咁，所以我都懷疑究竟有無落到單呢？跟住就去拎外賣，結果我去到就同一個阿叔講電話落左單，佢就問我電話號碼，竟然真係有落到單又無錯喎，但係未整既…… 跟住佢就拎張單叫人整，咁點解我要電話落單先呢？？？好彩當時無乜人我等左一陣就拎到外賣！整體味道係好食既，但無論堂食/外賣都好考驗耐性😂，都係嗰句，趕時間既唔好揀呢間！…查看更多

呢間店開左咁耐都未買黎試過，今日經過終於買左一盒焦糖奶油夾心餅試下！有驚喜喎，我仲以為會好甜，點知又唔會喎👍，焦糖奶油夾心食落好滑😏，加埋鬆脆既餅底真係幾好食😋，下次再買其他口味試下先得！…查看更多

是日下午茶！試左幾串串燒，白鱔好多骨，食既時候要小心🙄，雞、牛、豬肉就正常味道，燒菠蘿好食😋，可以解下肉既油膩感，我以為D串燒會用紙盒上，點知好似掃街咁入晒紙袋😑，食到隻手有D污糟🤣…查看更多

是日午餐：我家主人食主廚推薦「廚師發辦」，我就食雜錦天婦羅定食(我唔食生既所以只能點定食)，如果有火炙壽司定食就更好啦！咁先介紹我家主人食的廚師發辦包含的菜式先，首先上三款前菜，跟住就上平目魚刺身、一壺海鮮清湯、鰝鰺刺身、關鯖魚刺身、八爪魚肉及吸盤刺身、青森縣帆立貝刺身、白蝦蝦丸、手握壽司(五貫)有大拖羅、金目鯛、赤貝、甜蝦(塊大葉遮住左😂，好大隻嫁)及馬糞海膽，最後就係烏冬及熱咖啡！我家主人表示整體質素滿意！跟住就介紹下我食的雜錦天婦羅定食，同樣都有三款一樣的前菜，天婦羅既炸漿厚薄適中，唔錯丫，我就揀飲橙汁！午餐都食左兩個幾鐘，悠悠閒閒咁食最正！…查看更多

是日下午茶！一行五人所以叫左大Size既酸菜魚(選桂花魚)，味道係酸多過辣，但D湯越食越咸，而桂花魚片就無乜骨但略嫌切得厚身，如果切薄DD口感上會比較好食！另外樟茶鴨有D驚喜，有煙薰味又夠熱，唔錯！其餘食物就一般普通質素啦！…查看更多