swing21的个人专页

Iced latte $45（比起d 再大牌子嘅咖啡呢個價錢算係咁了），咖啡味香濃，可以揀自己喜歡嘅豆味。奶味唔會太厚蓋過咖啡本人，是一杯樣樣都剛剛好的正啡, 假期人多搵到呢間啡放空下都算係咁，支持下小店。…查看更多

同朋友睇完戲，見中間有少少時間就去呢間野田咖啡試下（用gulu 攞飛排隊，佢仲係soft opening, 知道入面有堂食位嘅人應該未算好多，所以我地攞左gulu 飛後10分鐘就入得了）。朋友叫左焦糖布丁cheesecake，試左唔太甜，Cheesecake底係我喜歡不太實的那種。我自己本來夜晚仲要食飯想叫件cake就算，但見到有croffle 就忍唔住試！Croffle香酥（真心拍得住之前係K11 Musea 牛角包店隔離餐廳食嗰個，可惜餐廳現在已停售Croffle。好多其他地方嘅Croffle堂食都唔好食，所以見到就忍唔住試XDDDDD），同黑糖漿，牛奶雪糕好夾。金萱茶凍係中間做到解膩嘅作用，隔離個cream味唔太濃甜不過其他部份都好食所以都夾。下次可能都係忍唔住叫呢個，其他cake唯有買走返屋企食啦。我係死小孩飲咖啡要加奶（但又唔想加太多），叫Dirty 佢地有問想要nutty 定 fruity base，可以用黎作為買豆前試下口味嘅作用。我自己叫左nutty 底，飲落係有少少日式炭燒香，但又未至於UCC嗰種炭燒咁重嘅，整體都幾好飲。我下次會再試其他咖啡/ 咖啡底甜品，食物+飲品+服務都算有質素，唔錯。…查看更多

本身去開成座間屋子，但無左就黎番呢間大圍本店。大圍本店多野食過以前成座間屋子，剛好就到下午茶時間去食下先（之前有次去好趕，今日有時間就慢慢食）。下午茶combo鰻魚串+明太子山藥冷烏冬+草莓戚風蛋糕+凍焙茶latte（蛋糕同latte都加左錢好似）。latte到左先黎一啖（一開始上錯跟餐個西柚冰茶），低調焙茶味加奶泡咖啡，可以一試但個味個人覺得唔算好夾。鰻魚串普通野。明太子山藥冷烏冬，咁熱天時食係正嘅，調味唔重好好，味道唔錯。草莓戚風蛋糕，蛋糕底係有蛋香同埋彈彈地，唔係一陣風嗰種，加埋cream同酸甜士多啤梨比例剛好。（好怕有時d蛋糕好多cream，呢個ok）。環境舒服可以慢慢食抖下，但如果好趕環考慮時間問題。…查看更多

入黎食野落單，及問幾點收工。不停催促我上左樓上攞位再落樓下落單，有一員工直情話：「呢度係通道黎。」我心諗，我側邊一個人都無，通道亦好闊無阻到人。上到去又要落黎再落單，我人得一個，叫人上落兩次先落到單唔係好合邏輯。（或者佢整QR Code 落單啦）🙄問佢幾點收，有d 員工就好禮貌咁答，有一員工則掘掘地話：「90分鐘用餐時間」我無意圖係度過夜架，不過係如果佢地關門唔想阻人收工就唔幫襯罷了，即刻無曬mood.入廁所有個勾但又貼住「不可掛袋」，唔通用黎掛廁紙？上層d 枱有d 無抹過，仲有蟲仔飛來飛去🤔可能佢本身太多人幫襯，所以先養成d 咁樣對客人的氣氛吧？我下次唔會再黎了。…查看更多

那日我同媽媽去食下午茶， 叫左佢呢個開洋蔥油拌麵配菜肉雲吞湯。佢d 麵有70% 唔係未煮散一抽抽， 就係好似上面既圖咁黐埋一舊。我忍唔住同樓面職員講，話你地個麵未煮好咁，大部分都黐埋一堆。佢就話呢個麵的食法係將菜肉雲吞的湯倒埋入去撈黎食，叫我試下咁食。我倒左d 湯落去，見到d 麵都係揚唔開，都無胃口再食。我想講你地呢個叫"開洋蔥油拌麵配菜肉雲吞湯"。理應係用蔥油黎撈個麵，雲吞係分開食。如果加埋個湯入去個蔥油拌麵咁樣食，點解唔一早叫菜肉雲吞湯麵不是更好?  就當你地個麵食法係咁獨特，d 麵條根本加左湯都揚唔開(如圖示)就證明係個麵煮的時候就無揚好先出菜。我自問係好有禮貌咁同個樓面職員反映呢個問題，但佢就係咁叫我用d 湯去撈個麵去解決呢件事 (仲要我問左三次佢都係咁答我)。再見到呢間餐廳外表整潔但個碗爛到咁都照用，係呢d 時期真係令人心寒。雖然佢下午茶的價錢的確係平，但咁既處理態度同埋d 碗具咁樣，下次都係不了。…查看更多

💁🏻‍♀️肉醬熱狗：熱狗🌭️麵包鬆軟，法蘭克福腸夠juicy！肉醬與洋蔥味道剛好又好夾！好味😋呀！💁🏻‍♂️三重芝士熱狗：芝士用既係靚野，好食！😋💁🏻‍♂️💁🏻‍♀️炸蝦卷：炸蝦卷熱辣辣香脆，入面用街市新鮮買蝦肉加墨魚粒整成，難怪食到兩種不同的鮮甜味😍唔使講，一定會再黎！🤪…查看更多

每兩，三個月就入來長洲探秘（其實係食野😆)除左食開的大魚蛋和芒果糯米糍，試下呢間裝修獨特的食店。😯店面富有特色，但食物先係重點。之前飲左凍野個胃寒寒地，叫一杯魚仔魚湯，鮮甜魚湯加入獨特味道的紫菜。有住家魚湯的熟悉感但又有其不同的味道，正！暖左個胃係時候食野啦😁鮮炸墨魚用薄漿即炸，墨魚係新鮮料仲要唔係次次有得食。肉質厚身，鮮甜又juicy (一份只賣$55的而又咁考功夫真係唔容易）老闆熱情又好客，一起吹吹水很happy😬😬但一諗起下次唔知幾時先入長洲，都係叫多份墨魚食下啦！🤣🤣🤣長洲人好客熱情 用料又貨真價實下次入長洲又多開must go 店了🤪🤪（見人食鱭魚同炸蠔都好似幾吸引，下次試下先）…查看更多

馬鞍山新開KFC，唔使出沙田先有得食，今日突然想食脆辣雞腿包所以就去試下了(之前有聽人講話要等半個鐘，都想去睇下係咪真既)門口有點餐機但因為費事研究所以都係去左排隊叫餐。排左大概10分鐘就到我了，點餐都好順利。點完餐之後我就等啦，唔知點解明明佢地有顯示屏但又唔用，係間中先打d號碼上去，個個都係咁望住個顯示屏但望極都唔見號碼，得一個好細聲既女仔係前面叫號，所以有d人等等下都走上去問有未。我都打醒12分精神睇住邊個盤上面d野似我，見到執好就攞。(等餐都係用左18分鐘左右，可能我係平日下午4點幾所以好少少??? 仲要見到個師奶大叫等左成個鐘 [佢遲過我黎，肯定無一個鐘囉]，搞到我隔離枱坐左無耐都忍唔住出番去及及有餐出未)當然食物先係重點啦! 我叫嘅係脆辣雞腿包餐配薯格，飲品係熱檸茶，另加一個葡撻。我人生未試過食咁硬咁乾既包(係佢底面都乾又硬，我估佢係烘過頭)，入面塊雞皮都幾厚無咩肉 (不過呢個又唔關馬鞍山分店事)個薯格第一舊我食到又濕又淋，好似蒸過黎咁。之後食嗰幾舊就正常少少，但都唔多香脆。熱檸茶就正正常常啦~ 反而我另叫既葡撻酥皮鬆脆，d蛋香甜幾好食wow! 成個餐最好食係呢樣!(如果我唔係趕時間我諗我會換過個包，搞到我俾我老公話你去KFC食包梗係中伏啦......  明明我細個食呢隻包覺得好好食 ga ma...)同埋我等餐既時候發覺派餐那三位職員好似唔知點咁，明明見到後面d野食係整好曬但佢地搞黎搞去都諗唔到點樣出餐快d。只可以話新店需要時間磨合，期待見到馬鞍山分店遲d會有更好表現!…查看更多

咁啱係佢收工前半個鐘去到 （佢開08:00-17:00）叫左招牌咸牛肉芝士蛋朱仔包同熱奶茶個包烘過，芝麻味香個芝士熔熔地又香但唔會太鹹蛋脆邊有蛋汁，加埋個熱辣辣既咸牛肉好正🤤熱奶茶香濃唔錯😋 （但好似凍奶茶出名d?? 下次要試埋👍🏻）難得個廁所仲要幾乾淨，真係唔錯！…查看更多

三星台菜食堂😛三星麵湯底順喉唔肥，麵質ok，牛腩牛肚牛𦟌都好淋好入味，牛筋都ok但相對無咁入味三星花鵰麵有酒香，杞子好甜 （我男人話😯）KTV腸not bad，有蒜蓉辣香蒜頭怪表示滿意 (但如果係蒜片而非蒜蓉會更好😍)食曬所有野差d飲曬d湯🤤 （加左辣椒醬更香，酸菜也不錯👍🏻)（不過台式奶茶好有香精味，珍珠雖好食但要另外加$5，not recommended)服務也不錯，下次佢再來😋😋 (沙田又多間食店真好😛)…查看更多

Ei......無期望就無失望囉叫左兩個麵 (一個紅燒三合一，一個紅燒半筋，兩碗都係唔辣)，小食一個滷水豬大腸拼豬耳飲品係凍台式奶茶佢個麵湯底好飲，好順喉麵好普通 (隻麵底唔係好似台灣d牛肉麵)唔夠彈 (仲要叫左硬麵)，麵本身個味無特色牛筋好食，牛腩唔算淋，牛肚普通小食豬大腸同豬耳味道普通，其實佢有個汁的 (同個肉本身個滷味唔同，香 d ge 汁)但兩個味無溝埋到，浪費左成件事 (要係咁夾住high黎high去先混埋到，試到個風味)係唔錯0既。台式奶茶唔台式，係淡鮮奶feel港式奶茶 (我真係好想知呢個係特別口味定係佢地無飲過台式奶茶係咩味......)店面表面光猛但有d位好多塵 (我坐左係d塵隔離😑）樓面混亂有時錯單漏單，後生的staff態度良，有位貌似很有經驗的 staff 態度傲慢 :我地叫左兩碗唔辣0既麵，佢上錯左我個碗俾另一個客，而那個客的辣麵就來到我這裏我先生知我唔舒服，見黎左既麵有辣油浮面，已經兩次問係咪黎錯同一位貌似很有經驗的staff 第一個回應 (係, 呢碗係你的)，第二個回應 (你試左唔係先俾番我囉)咁我好乖咁真係試啦 ，辣到我喉嚨頂(我之後有試我先生正確的那碗，對比之下更確定佢係黎錯了辣麵俾我)-->即係咁，我無expect你俾5星級service俾我，但如果我是一個對食物敏感的人，咁件事係可以好大的。咁事後那位貌似很有經驗的 staff 都有換過碗俾我，同講唔好意思。但呢件事既處理手法真係令人不敢恭維......Btw, 個小食一開始問那位貌似很有經驗的 staff 係咪已經雙拼左 (滷水豬大腸拼豬耳)? 佢話明，之後上多左一碟豬大腸俾我地 (我地兩碟都食左就之後先發現其實佢已經拼左，所以個豬大腸係多左 [我地唔知佢個拼係黎兩碟定一碟上曬，問個staff都係唔知，足證那staff對產品也是不太清楚的。之後就發生上面黎錯麵事件])同埋現場觀察如下 :第二輪黎既客人會無左送0既咸酸菜 [幾好食]有位年長客人因為唔知個蕃茄牛肉麵有無黎錯，到最後係試完佢先生個碗紅燒湯底都分唔到係唔係蕃茄底有位女士及友人的飲品無到，催了3-4次先有 (直到個女士催到話好頸渴)我諗如果唔急遲d先試，等穩定左先可能好d不過要係香港搵番真正台灣風味的好吃牛肉麵，可能真係要等等了。…查看更多

今日難得同班姊妹食飯，住左係附近咁耐，咩都食過曬。近近地又想食好d都，坐耐d都唔知去邊好。其中一個話見到有間西餐新開，一於試下啦！食物有質素，好有驚喜！味道係蘭季坊水平，服務亦好好！可以用喜出望外黎形容，已經約定姊妹中秋gathering再來。大家一致贊成！期待此餐廳的各種可能性！…查看更多

溏心蛋幾好食, 叉燒呢我就鍾意食肥一點的. 呢度既叉燒淋身但調味太多，未至於咸既，但係又唔使咁多調味.湯既味道都甜既, 個感覺就似豚王個種，飲落有豬骨味又有點雞味的感覺，唔算太杰身，不會漏。不過奇怪既係個面竟然似意粉?? 哈~~ 就算係food court 食都未試過有拉面面質似意粉既?! 幾有趣.小店子一間, 如果大家想食碗面都可以試下既~~…查看更多

今日都要返工實屬不幸 所以我同我個杯 (註 : bf) 都費既去咁遠食.之前一係去顯徑食潮州野啦, 一係就係金城小廚 (呢兩個係都幾出名同真係好食, 但係我見都有好多人寫個兩間野, 所以真係寫都係等我下次先寫啦.)今次我個杯提議不如食下呢間. 之前見到入面都幾静, 不過今晚都幾多人. 我見都未試過就入去試下啦. (因為掛住食, 所以無影相 )我地叫咗以下既野食 :蟹子沙律冷茶面鰻魚炒飯西京燒豬頸肉蟹子沙律22蚊, 我同我個杯都以為得一碗到, 點知一上就係一碟, 都幾抵食. 青瓜同生菜絲都切得很幼細, 證明那個廚師的刀功不錯說. 而且兩樣野都很乾身 (我曾經試過不少港式日本小店蟹子沙律出水, 令我很不安... 真的會很影響味道的..) , 所以拌起來粉好吃, 唔錯! 唔錯!鰻魚炒飯做得唔錯. 飯粒顆顆企身, 鰻魚汁很均勻地沾滿了每粒日本米. 鰻魚, 蘿蔔, 蔥粒亦再拜廚師的好刀功切得比很細很細, 味道因而較易和飯粒融合, 有鑊氣又有油香 (UM..我係指鰻魚油香) 好味~ 好味~ (不過我食個時有少少飯焦..希望下次無啦, 哈~~~~~)西京燒豬頸肉有少少甜味的醬料, 令到呢個燒豬頸肉味道唔會好油膩, 都幾好. (可惜係我同我杯個日坐出面, 所以呢個來的時候好快就凍凍地..都無辨法了. 但係味道還不錯.)其實上面個個我都覺得 OK, 係唯獨呢個冷茶面. 上的時候用飯碗上冷面汁, 再用了一隻白瓦碟裝冷面, 令到冷面過冷河之後剩下的水份留了在碟上, 令味道變淡了. (本來那個面的質地還不錯的說), 而本身個冷面汁又唔夠濃 (加水太多?!), 所以令個冷面淡上加淡… (我見前面有POST 都係用木蓆上的, 點解變咗呢??) 我杯話如果加上UMM春蛋味道更好. (我都知…我就簡單 D, 想佢唔好用碟上同轉咗隻冷面汁OK 了~~)如果只係味道都唔錯的, 不過時有入錯單既情況出現. 年輕的店員不算禮貌周周加有點呆, 但係做野都算快了~ 我會再去食的, 以屋村日本料理來說味道真的算唔錯的. 個日凍凍地見好多人食 SHABU SHABU, 改天再去 TRY TRY 好了. 畢竟還算係一間新店, 努力吧!…查看更多