georgelui_hh的个人专页

用餐時間：7/7/2023 19:30食店位置：譚仔雲南米線-葵芳地鐵站好爵中心有想像過要食一碗簡單的酸菜炸醬雞肉酸辣米線，要等好久好久？究竟有多久呢？由坐下落單（19：35）到面對好幾個服務員西口西面惡言和不理不睬的情況下，我繼續不停催單4-5次後，最後服務員才凶巴巴和一言不發頭也不回地搶去我檯上的單據拿去出菜位，等了又幾分鐘，我問怎樣情況，她看著其他地方又西口西面回應：「追緊啦」就又頭也不回走了，最後一個服務員把米線隨意放在我的檯上，這個米線真厲害，讓我足足等了30分鐘才由西口西面的職員送到檯上（20：05），姑勿論米線好味與否，一個簡單的米線居然由以前等5分鐘到現在要等這麼久又要面對職員無禮的情況下，這一餐完全是不能接受，這間譚仔完全是不知所謂，職員嚴重無禮失德，請大家小心不要中伏！…查看更多

大蝦叻沙，湯還可以，但蝦又霉又有陣膱味，入口即吐，難食到極，我已分不清這蝦是不是壞了；米線煮得很杰像醬糊一樣，吸晒d湯，一pat野咁，幾啖入口即想停止再食。肉骨茶有藥材味，但入口卻失其靈魂，而豬肉煮得很實，好難咬，這茶未算難食，但有唔會令人有想食落去嘅感覺！雞湯米線，湯有少少雞味，但極淡，雞肉無雞味，真係唔想食落肚。整體唔掂唔得唔好食，唔會再幫襯啦！…查看更多

今日同老婆喺 Element 睇完 Harry Potter，見 Elements 無乜嘢食，就決定去青衣城搵嘢食，原本諗住去食阿拉廚房，但到時已4點多，正值休息狀態，想起新開的泰國餐廳 - i-Thai，而且又有下午茶餐，於是就去試一試。估不到這間中檔餐廳於星期日也有下午茶餐，而且價錢只是三十多元，包飲品；再看餐牌，也有6款之多，而且各有特色，感覺很豐富，加8元就可以轉特飲，真不錯。我一向最愛食咖哩，所以就選了雞鎚咖哩湯河，及加8元要了杯芒果椰子沙冰；老婆就選擇了青咖哩魚塊米線，再加8元飲咸檸水。(因不記得食物的全名，所以所寫的可能與餐牌有少許出入，但意思是一樣的)先送來的是我的芒果椰子沙冰，看 Menu 的賣相很不錯，很有芒果味的官能刺激 (因我愛食芒果嘛)，未點這個飲品前曾想過椰子味可能太強而蓋過芒果味，但一試之下，很有芒果味，而且濃得來也沒有令喉嚨嗆住的感覺，非常好飲。再來的咸檸水也不錯，真的很咸很檸味.. 不過不是我杯茶囉。:)然後就是餐食了，先來的是我的雞鎚咖哩湯河，湯味有濃郁的咖哩味，咸中帶辣，非常開胃可口，湯底好正，伴埋河粉就非常入味，好好味；但雞鎚就有點'鞋'，無乜味，認真麻麻...:(最後來的就是老婆叫的青咖哩魚塊米線，一碗青咖哩伴魚塊及一碟剩米線，我當然即試青咖哩的味道，嘩，不得了，先入口有濃郁的青咖哩香甜，慢慢滲出辣味，係比一般還要辣的味道，非常合我愛辣的口味，一匙青咖哩汁再伴米線，一匙過放入口，非常美味。因為老婆不愛吃太辣的食物，所以和她交換來吃...這一餐下午茶真的帶給我很大很大的驚喜，吃得滿載而歸；想必下次一定要試一試晚餐是否可以維持這個水準。:)我的部落格:http://hk.myblog.yahoo.com/abugashi-house…查看更多

2008年11月1日放工約了老婆在青衣城等，老婆好聰明，未等B仔到達，已預先取了味千和UCC 的輪籌 (此2間都是在青衣城新開的食店)，因為從來未試過去 UCC Coffee Shop，所以放棄味千，只等 UCC。入內已被其精緻的白色歐陸裝修所吸引住，有了第一個很好的感覺。坐下選好心頭好之後，見更改成晚餐的話，只需 HKD28，而且有飲品、餐湯和任盛沙律 (和 Pizza Hut 當年的很相似，今次遇到這個機會，未食已很期待)，所以點了一個餐的和老婆 share。侍應遞過了盛載沙律的碗子，老婆就一個箭步前往沙律吧努力...圖1:就是這個任盛的沙律，味道尚可，而菠蘿和桃是罐頭貨色，不算特別...圖2:第一味來的是老婆超期待的蛋包飯(名稱是茄汁海鮮奄列飯)，主要配料是茄汁和海鮮，價錢大約HK70多。見其賣相尚算OK，都係未食就已經有點期待；甚料，唉！入口的感覺奇差... 蛋做得很老很厚亦很硬，而且一點蛋味也沒有，放入口像在咬膠板一樣，毫無味道。更甚的是，飯做得更差，無味兼且非常乾身，一點也不 juicy。再者，所謂的海鮮，就只得廖廖幾粒，少得驚人。而汁方面是還可以的，但其實都幾酸，一點也不甜，很難吃。所以此飯可用不知所謂來形容。當然最後吃剩的是很多的飯和蛋皮，因為真的很不願意放入口。圖3:第二味是一個賣相十分之醜怪的茄汁蜆肉意粉 (價錢都係大約70多元)，有留意到這碟意粉是怎樣上碟嗎？哈，一看就知道是從相片內，碟的右下角撥上去啦，所以這個賣相給我的第一個感覺是：「有無攪錯，至少也要抹乾淨碟邊啦... 唉！」真的很失敗，很不整齊呢。作為駐港的其中一間大型日式西餐廳，為何沒有將日本人的貫徹調理整齊精神，發揚在香港呢，用人用著這班亂來的廚師身上，真丟臉！現在入正題談談這個意粉的味道，My God！可以用 shit 來形容它，當將蜆肉放入口時，就會知道有幾大件事，因為會食到滿口都是沙，食得人毛管直豎，立即要吐出來。而意粉亦被茄汁的味道造得酸酸的，一點也不好吃，怎可能用這個價錢換來的這個造得非常差的意粉呢，當然最後也是吃剩很多啦。這餐真的豈有此理，我同老婆已將這間 UCC 列入黑名單了。…查看更多

日期: 10月30日 (星期四)今晚放工做完物理治療，去葵芳會合餓著肚的老婆之後，見時間不早的關係(大約9點正)，因此決定到葵芳新都會廣場的風月堂吃晚飯 (平常晚飯時間蠻多人排隊的)，哈，真的無咩人排隊，不知是否因為過了晚飯時間，還是因為近排的金融超級風暴所影響，所以一到達就可直入有位，正。坐下點好菜後，見檯上的花兒很特別，當然就是把她拍了下來啦... 我覺她的造型很特別，有趣嗎？第一味是紫蘇三文魚天使麵，價錢為 HKD75。當將天使麵放進口時，感到很香的香草味，除感到麵條 lim lim之外，更因加入了的青翠幼菜苗，感覺更是清新。惟一要從雞蛋裡挑骨頭的是就這個天使麵有一點點乾，而咸味也好像有點淡；但那種清新 lim lim 的感覺卻掩蓋了這些的挑剔。可想而知這個麵的味道真的很很好。隨後來的是野菌腸片奄列飯，價錢為 HKD75。雖然不是老婆所想要的蛋包飯(而是一塊蛋皮蓋住內裡的飯)，但，真的不得了，第一口放入口的感覺和飯味是和在日本吃的蛋包飯非常非常相近，蛋的香味和幼滑，飯的軟硬適中和 juicy lim lim 香味，再加入調配適宜的茄醬時，味道真的 Ichiban，食得很感動，絕對絕對值得推介！…查看更多

日期: 2008年10月6日同老婆原本想食隔離間 Monster Sushi (我都有寫o左這間的食評)，但見咁多人輪候，咁咪上o左去 Suzuki Cafe 食晚飯囉...入面個環境都幾舒服... 坐下就叫o左一個意粉和一個鰻魚定食，詳細如下:(正確名稱就唔多記得，因為真係唔深刻，好難對其有印象)北海道牛奶帶子意粉 (60多元):有2個嘩... 第一個嘩係: 咁都叫帶子? 細到好似紅豆咁，極其量可以叫做小柱，點能夠叫做帶子呢，同餐牌張相出現好大好大的出入喎... 第二個嘩係: 點解D意粉整到水汪汪咁呢，變o左湯意咁... 食落口真係唔好食，但就好過快餐店D意粉少少啦... 鰻魚石窩飯定食 (98 大元)鰻魚真係好普通，味道同大家樂前排 Promote 的鰻魚飯差無幾，而且塊鰻魚丁屎咁大塊，真係唔知點樣可以值 98蚊.. 而且都係同餐牌張相出現好大好大的出入... 個麵鼓湯最衰，好似飲罐頭湯咁，一D都唔好飲，而且個餐仲無包飲品添，又貴又唔好食...所以這間食肆又入o左我個食店黑名單內... 下次一定唔會幫襯... 都唔明點解咁多人排隊輪候... 如果選同類的食肆，我會極力推介風月堂！My Blog: http://hk.myblog.yahoo.com/abugashi-house…查看更多

日期: 2008年10月6日同老婆o係隔離間 Suzuki Cafe 食晚餐食得好唔飽之後，意猶未盡，就拎住原先拎先的輪侯票試試睇下排到隊未啦，哈，咁好彩，下張就係我地，睇見有咁多人排隊，而且又要等咁耐，當然就梗係好有期望啦...因為期待，所以就唔記得影相添...我地叫o左幾碟壽司，但就非常麻麻，無一樣可以令人深刻...咁我就先講講最主要的壽司啦..帆立貝壽司: 睇落都幾大隻，但就無乜色水，死沉沉咁，放入口冷到牙都痺埋，嘩，點會咁鬼冷冰冰o架，仲要係硬硬地乾蒸蒸添，食完仲有一種好腥的感覺湧上喉嚨，真係好唔新鮮，好難頂呀，真 Rubbish!!! 我同老婆都係覺得羽壽司的帆立貝壽司又大隻又新鮮又好味，無可匹敵...最簡單的三文魚壽司: 可以見到已事先塗滿的醬油，自己再點好醬油啦，放入口，唉，平平無奇... 不算新鮮但又不見美味... 真不是味兒...然後我要講下D壽司飯，真係好鬼散，一夾舊壽司就即散，好鬼水皮..除o左可以用好唔掂來形容這間壽司店外，我覺得這間食店好不知所謂，毫無誠意...我同老婆以後都一定唔會再幫襯佢囉...My Blog:http://hk.myblog.yahoo.com/abugashi-house…查看更多

每年o既農曆8月15，我果邊D屋企人都就唔到正日中秋節食團圓飯，就唻就去，最後約好全部屋企人齊晒，就選擇o左9月7日星期日去哥哥住的珀麗灣食團圓午飯，無錯，係午飯呀，因為就唔到夜晚食嘛，無緊要啦，最重要係個個都一齊出席飯宴嘛。就係哩間馬灣輝記飯店，我媽咪好鐘意佢地D海鮮，而我哥哥就極力推介哩間飯店，講真，我覺得真係幾正...哥哥同老闆稔熟，佢幫我地選擇左條靚斑... 睇落都好新鮮喎！入到去坐，哥哥點左D好o野，咁我做細佬o既，梗係等吃啦...可能太肚餓同埋D海o野食太美味的關係，竟然忘記o左要影相，惟有用文字交待番食o左落肚的食物啦。第一味係上湯芝士大蝦米粉餅 (我唔知個真實名稱)，正，蝦好甜好新鮮，就算我皮膚敏感點都要食番一隻，而F米粉餅吹o左D海鮮上湯新鮮蝦汁之後，軟軟的一塊塊的，食落口感覺晒D新鮮甜味，好正呀！第二味係蕃茄牛肉湯，哩個湯係媽咪至愛，因為有好新鮮的蕃茄味，而且有濃濃的牛肉騷味，D牛肉好琳，湯吸收晒D精華，又係正！！圖1: 條斑蒸得剛好火喉，肉質嫩滑，正！圖2: 西蘭花炒斑球，新鮮好味，正！圖3: 辣椒酒醉響螺，湯味濃，螺肉甜，又係正！第6味係海鮮湯，鮮甜好味，正！第7味係腐乳通菜，炒得好香好夠味呢！圖4: 最後壓軸就係這個牛油鹽焗蟹，超香的牛油味，伴著鹽滲入蟹入面，連我這怕麻煩而唔食蟹的人，也取下幾個蟹鉗都吃，又啜又食，好好味呢... 雖然我唔食蟹膏，不過睇落真係超多膏，超靚，應該很好味呢...食完美食，埋單應當我地四兄弟姐妹，每人夾 400大元，即1600大元，不過哥哥很慷慨，只需我地交 300 大元給他，而他就塾多300元食這餐美味團圓午飯，多謝哥哥。不過要提一提的就是不要期望有超殷勤的招呼服務，因為這家飯店是家庭式的飯店，服務一般，但小菜一流。要看原文的話，可到我以下這個 Blog 詳閱:http://hk.myblog.yahoo.com/georgelui_hh/article?new=1&mid=3391…查看更多

8月25號是老婆生日，所以上左去山頂玩，去左蠟像館.. 山頂廣場和水皮到唔恨的 EA Experiences，見行到差唔多無乜野好行，老婆話不如早D食埋晚飯番屋企啦，就搭扶手電梯上多幾層的 Bubba Gump 食飯，其實之前已在 Openrice 看過其不錯的食評而 Book 左2位近窗座位，知道 Bubba Gump 有免費生日甜品贈送，所以叮囑他們25號係老婆生日大日子，叫他們給老婆一個 Surprise，Book位時接線員好 Nice 咁告訴我無問題。其實 Bubba Gump 是承接電影 Forrest Gump 的一間「主題」餐廳，有看過這套電影的話，一定記得 Forrest 去越南打仗時認識的黑人朋友 Bubba，Bubba說服他服完兵役後去做捉蝦生意，可惜在一次行動中 Forrest 的隊伍被伏， 雖然 Gump 救左好多同僚，但就救唔到Bubba，之後回國後誤打誤撞和 Lt. Dan 出海撈蝦，卻幸運地贏了很多桶金，Forrest 就將他的撈蝦公司名為 Bubba Gump，就是這間餐廳名稱的由來，當然中間有很多細節沒有在此提及啦，如果有興趣的話，可以買番隻 DVD 睇睇。我極力推介這套戲，真的很好看。講番這間 Bubba Gump 餐廳，同好多美國進註的餐廳一樣，裝修都做得好美式，好鬼西式，門面做得幾好，而入面就有個無敵靚維景。不過就唔見有西人侍應，換來的是巴藉 or 南亞侍應，佢地講D英文真係好重佢地D 鄉音，好鬼難聽和難明，可能我地6點左右太早入場，所以未見有識聽和講廣東話的侍應，又唔能夠叫果2個在 Book 檯樓面的香港侍應 serve 我地，唉... 真係難頂，可能我英文差啦... Shit。圖1.入面D裝飾幾別緻，而個 Run Forrest Run牌係有用途的，是給侍應指示，我問個巴藉侍應有乜用，佢又用D好重佢地家鄉的英文捲晒舌頭講解我知，但講真，真係好難理解他的英文... 算吧，食才是最重要...不過我覺得個意思同電影一樣，每當 Forrest 有危險的時候，佢個女友 Jenny就會叫嚷：「Run! Forrest! Run!」我諗如果我地豎起哩個牌，就即係叫 D 侍應唔好行埋唻卦...點好菜後，我扮晒野同老婆講，話去睇下間餐廳其他位置的裝修，其實係去出面 Reception 同果2個香港侍應單聲，如果我地食完主菜，就送上免費的生日甜品，希望俾個驚喜給老婆啦，點知佢地講：「我地知道你張檯有人生日，亦 mark 左係有生日甜品送，但要你通知我地 Ready，才可以送上甜品的」，咁我話：「話明係 Surprise，我點可以在老婆面前叫你地送上我頭先無點的甜品呢?」咁佢地話：「當你話食完要收野，咁我地會明白架啦」... Okay... 咁我就睇你地點明白法... 圖2. 哩杯係 Blueberry Smoothie.... 好似 Icecream 咁，而D藍莓就好似糖咁，甜到痺，絕對唔可以用來解渴... 講真初時飲一兩啖還可以，再飲會好覺得好甜，頂唔順...圖3.這個係 Baby Ribs，我可以豎起大姆指話正，因為真係好好味，D Ribs根本不需用刀切已能分開，而且很軟綿很有肉味，沒有'痴'牙的情況出現圖4.這個是芝士海鮮飯，炒得很香，而且D海鮮好新鮮... 因為我近排皮膚敏感，所以無食蝦，老婆就話好鮮味囉D蝦，因為用芝士炒的關係，食耐左會覺得好'漏'... 不過就個飯可以在西式餐廳炒得咁好，很值得呢。食後感:食完之後，我就同侍應單聲啦，叫佢地上野(即係生日甜品)，點知佢地唔明我講咩，問我仲需要D咩，我咪話給我太太的甜品囉，佢仲未明，唉，咁我就話，我 Book 位果時已經講左的生日免費甜品... 跟住佢就好似明白左D咁叫我地等一陣... 老婆問我咩事，我咪話：「原本想給你的 Surprise，但現在就無左...」 過左陣，佢地(有幾個侍應)送來一個丁咁細個的生日甜品，佢地又好奇怪咁問：「請問邊個生日呢？(我為示意我老婆)，咁請佢起立... 」嘩！起立，你估上台拎獎播國歌咩，太突兀了，老婆當然唔想啦，咁我就話唔駛啦，放底個甜品就得架啦... 唉，無晒 Surprise，真離譜；點解哩間餐廳咁架，完全無溝通，我 Book 位果陣時講明我太太生日，佢地話會送上 生日甜品架嘛，而我亦在上菜前同 Book 位的侍應講明點做啦，點知... 真係不知所謂，這個生日甜品都幾 Surprise，好彩無專登買生日蛋糕寄存給他們啦，因為驚佢地唔記得，送左去隔離檯祝人地生日快樂啦... 不過佢地送的的式甜品好幾好食，係咩? 係雲呢拿 Ice-cream 再 Mix D 朱古力呀， cream 呀...blalala... 埋單要 HKD 421，兩個 Main Dish 加一杯飲品，價錢算係中上，不過如果用這個價錢去 Spagetti House 食晚飯，真係會食到滿檯 dishes，仲要飽到暈呢... 最後 B仔給 Bubba Gump 的評語係：「食物中上標準，服務衰到痺，好影響吃喝的情緒，以這個價錢感受咁撻Q差勁的服務，就算有幾好的食物，也幫不了什麼呢，而且又要在山頂這麼遙遠的一個旅遊地方，所以對我唻講，我唔會再去這間餐廳，而因為這個經驗，我已將 Bubba Gump 列入我的食肆黑名單了。」以上純屬B仔的個人見解，有機會的話，你地可以去試試，可能你會反對我的意見呢...如果想看全文，可到我的 Blog: http://hk.myblog.yahoo.com/abugashi-house…查看更多

8月25日老婆生日，上山頂玩，搭山頂纜車上到去，午飯未食，要醫一醫兩個未食早餐的咕咕聲肚仔，見到一間好像幾地道特別的茶餐廳 - 香港地，就即刻入去試試先...當時檯上末見 Menu，又未見門口所示的午餐菜單，揮手叫侍應又唔知點解間餐廳咁豆腐潤都無人睇到，所以咪起身問側跟個肥侍應有無 Menu 囉，但佢好似唔明，咁我再問佢有無 Set Lunch 即係午餐的餐牌，哈，唔知點解佢好似成隻蟹咁，企定 O咀望住我，我唉一聲，見到隔離張檯無人，就一手拎左唻睇，之後同佢講，哩個咪係囉，但佢好似未及反應，我爆左句：「鈍！」就無理佢番埋位坐...圖1.老婆無叫餐，因為唔o岩胃口，所以點了這個焗豬扒飯。味道尚可，一D驚喜都無，而且茄汁都幾重，有點酸...圖2.而我就叫左哩個幾騎呢的薑蔥雞扒飯餐。薑蔥係幾好味，但飯就顯得有點乾蒸蒸，而雞扒就一D都0唔滑，仲有D韌，如果無薑蔥伴飯，真係好難食得D飯。圖3.盛惠 HK91，o係遊客區可以以咁o既價錢食到午飯，都算係咁啦，雖然味道真的不敢恭維... 當填飽個肚都還可以o既。My Blog: http://hk.myblog.yahoo.com/abugashi-house…查看更多

日期: 2008年8月18日星期一同老婆放工去銅鑼灣行左陣 Sogo，之後再去無休館食晚飯，點解選擇這裡食晚餐？因為坐得舒服，食物水準不錯，而且侍應服務態度殷勤有禮，而且坐得都幾舒服，價錢亦相宜嘛。圖1. 老婆選擇了這個意大利蕃茄乾海鮮意粉，有水準的意粉製作，新鮮的海鮮，可以食得到意粉的口感，不是快餐店的煮熟和加醬，而是真真正正的和配料一起製作，正！圖2.加錢的話，好似係20蚊左右，就有包有湯有飲品，抵... 留意牛油用舊式茶餐廳時代常用的 Winner 牌，很夠牛油味，而 Cream Soup 裡面的配料充足，又是一讚。圖3. 這個是B仔每次來都要點的馬拉鮮蝦喇沙... 睇下，真係有好多料，而且非常新鮮，湯底味道恰到好處，又是一讚。圖4. 招牌黑汁雞翼，真係黑色架，味道甜甜的，很入味，值得一食再食...:)最後埋單大約 200 大元，抵食，好味，加上服務好，真係番晒唻啦。…查看更多

日期: 2008年8月1日地點: MOS Burger 康山分店 (太古站側)今日開會由早上9點半開到下午2點15分，又漫長，又長氣，又肚餓。見今日咁遲食午飯，理應不會有太多人輪侯食午飯，左想右想，抉擇了往就近的康山 MOS Burger 分店食包包... 有看過我之前的 Blog 文，應該見到我對這問日式 Burger 分店的評語，因此今次再試，用一個饑餓的狀態來評測一下... 看看是否不同呢?選擇了 Seafood Rice Burger套餐，盛惠41港元。圖1 說明: 取了 Lucky Number 牌，坐下等候專人送上餐食...圖2說明:. 大約10分鐘，終於送上這個餐....看來很細，好像不太夠食...OK... 先試炸蝴蝶蝦，噢，熱騰騰的，很好... 相比上次的經驗，今次第一個印象極好，點了一些 BBQ醬，蝦的熱力，醬的好味.... 得喎！ 今次真的多了份蝦味呢... 有熱力的影響真是不同... 當然，如果要跟日本麥當勞蝦餅漢堡的蝦味，就真係無得比啦。圖3-4 說明:再試 Seafood Rice Burger.... 初時猶豫是否要食這個餐呢，因怕飯餅味道會很奇怪，但又想試一試，所以....我食完剛剛的蝴蝶蝦才食這個的式飯包... 觀其包裝，真的很細心，用水晶綿包著它，那就可以保溫，當我打開包裝時，還有熱騰騰的煙噴出來呢... 打開一吃，不得了... 美味的醬汁，加上頗新鮮的海鮮配料... 絕呀.. 以我所能感受的，入面有蝦、小柱、魚、荀、紅蘿蔔、洋蔥等... 而且外層飯餅卻沒有將所有醬汁吸走和鎖死，所以不覺得油膩，雖然它 size 細細，但因為有飯，有配料，食完都覺得很足夠。食後感想:試完這間 MOS Burger 分點的套餐，B仔特意寫個食評來平反它之前在旺角朗豪坊分店給我的負面形象；其實，在香港真的有很多類似的例子，就是同一個品牌的食肆分店，每一間分店造出來的食物質素可以很不一樣，甚至差天共地；是不是開分店的老闆太短見了？只求一時發達，而沒有為長線投資，寧只為其打響了名堂的短時間效應去吸引客人，而沒有把每間分店的食物質素維持在同一的接受水平，或更上幾層樓呢。作為一間講求完美的日本漢堡包快餐專門店，好應該做好 其QC，並承襲日本人的工作態度和品質，貫徹其高質素的可口食品。因此請 MOS Burger 有關方面需上下一心，檢討有關的問題，請勿「各家只掃門前雪」... 致使同一個品牌的質量不一，嚴重影響其品牌形象。 P.S. 因今天沒有攙帶數碼相機，所以只好用手機的照相機去拍照，出來的照片效果真的很濛很差呢。請勿見怪。我的 Yahoo 部落格: http://hk.myblog.yahoo.com/abugashi-house…查看更多

日期: 2008年7月26日地點: 滿記甜品 (九龍灣國際展貿中心內)行完玩完 Hello Kitty Black Wonder展覽，要搵個地方 Hea 下休息一下，見外面天氣咁熱，因此同老婆走入中心內的滿記食甜品，真的很久沒有到滿記了，坐下看了 Menu，叫了一碗西瓜涼粉給老婆，再加一碗芒果西米露給自己，因為當日未食午飯，所以再來一個芒果糯米磁，填一填兩個空空的胃... 照片解說: Item 1.這個叫芒果糯米磁，得三粒咁多，放入口，B仔覺得皮厚，芒果不太甜，沒有驚喜，也不覺好味，食完一粒後不會有意慾再吃多一粒。Item 2.老婆要的西瓜涼粉，西瓜夠甜，但食剩很多涼粉，老婆回應：「未食的時候好想食，但叫了食了幾啖就不想吃了。」Item 3.B仔要的芒果西米露，B仔最愛吃芒果，所以對芒果要求很高；今次食這個甜品，總覺得芒果不夠甜 (真不明白，現在的香港不用怕趕不及吃季節性的生果，因香港已能 360日不停從不同地方入口當地合時的水果，理應芒果不應不夠甜，很奇怪)。而且西米露好像有一點苦澀，以貴人一級的價錢食這碗甜品，真的不太值得。最後埋單，盛惠80多元，貴過食2個碟頭飯。總括而言，滿記甜品在香港開到成巷成市，水準不但不能維持西貢主店的質素，而售價更唆與日俱增，貴過同級數的甜品店很多，以上原因就是我同老婆少去滿記的其一原因。有興趣可到我的 Blog: http://hk.myblog.yahoo.com/abugashi-house…查看更多

日期: 10-May-2008 (SAT) 中午12點半左右地方: MOS Burger - 旺角朗豪坊當日跟餐牌叫左個 MOS Cheese Burger 餐: 一個芝士漢堡，一個原隻炸蝦，和汽水；係咁多，盛惠41港元，唔算太貴，但又未見得超值，相比麥記的至尊漢堡餐，就已經有十多元的價錢差距了。交易完成後，他們給我一個號碼企牌，不用自取食物，等數分鐘後就有專人送食物到我的坐位，很體貼呢。MOS Cheese Burger 餐: 好標準的，特別的就是原隻炸蝦，不過只是暖暖的炸蝦，大打折扣呢特別在醬料上，用的茄醬夾雜著蕃茄粒，再加上比麥記還要新鮮的蕃茄，蕃茄味十足呢。而 Cheese 也很特別，當過了一陣子後，芝士片會因熱而熔化，和漢堡醬料成一體。食後感覺清新和口感不錯。:) 但整體的 size 就太細了。:(很特別的原隻炸蝦，看樣子像是不錯，但拿上手卻是暖暖的，為何不是熱辣辣的呢?那數分鐘的製作時不是用來等炸蝦嗎? 唉... 食落口沒有食蝦的口感，又沒有脆的感覺，更沒有蝦的味道。 幸好有惹味的 BBQ 醬，才有放入口的衝動。:)最後，我的食後感是:沒有驚喜，不外如是，可以一試。 以麥記作為比較標準，這間食店的食物價錢一點也不便宜，大約貴 50%左右，而且食物的味道和質素又不在麥記之上。我認為，作為一間進註香港的日本漢堡包店，實在感覺不到他們承襲了日本所講求的新鮮熱辣和認真製作的飲食文化，所以 MOS Burger 仍須有很多很大的改進空間呢。:(轉自我的 Blog 文: http://hk.myblog.yahoo.com/abugashi-house/article?mid=2514…查看更多