leia lee's Profile

咁岩去開呢頭，本來想食美味餃子嘅，但由於太多人排隊嘅關係，所以決定轉場。突然諗起飲食雜誌介紹過依間餐廳，咁就膽粗粗試下佢。魚湯係招牌，所以分別點佐龍王麵（龍躉頭腩、龍躉片、厚切脆鯇片、脆骨腩、白鱔片、魚卜、魚肚、魚唇和花膠）同泡椒酸菜鑽石蜆米線。一上枱，已經俾陣腥味嚇親，未食都心知不妙，中伏！！！湯：結果無其他，就係「腥」，吹到好巴閉嘅魚湯半點鮮甜味都無，可能我係少少腥都食唔到嘅人，真心食唔落。朋友食到腥，但都話腥得有點over，佢食得晒，但肯定無下次。料：龍王麵d料就係每樣得一塊半塊嗰d咁，無特別。泡椒酸菜鑽石蜆就過份啦！menu張相就有10隻8隻咁，真實得4隻，泡椒酸菜都無嘜味，真係一樣優點都諗唔到。米線：普通料，無口感。總結：1. 早知食返餃子啦！2. 飲食雜誌始終都係賣廣告，新店勿亂試！…Read More

平時係食開灣仔店，見尖沙咀都開佐一段時間，今日終於黎試一試佢，睇下水準係咪一樣咁高。今次同朋友黎，分別點佐石燒豚骨魚介味玉沾麵同石燒肉盛豚骨魚介沾麵，兩份都點佐凍麵。見到有龍蝦沾麵，但今次唔試啦，因為對叉燒情有獨鍾。上菜啦，湯用石碢上，滾住熱辣辣，聽到聲都覺得正。但留意到麵身好似發脹佐咁，以為自己記錯，一試發現好淋身，不應該有嘅軟硬度，本來凍麵應該更有口感，但好明顯今日d麵煮過龍。不過，好彩湯底同叉燒無出事，豚骨魚介湯依舊濃郁，叉燒依然無比出色，厚切豐富口感，加上微微燒過令香味十足，肥瘦比例均衡，有入口即溶嘅感覺。朋友點佐肉盛，到最後有d漏，飽到食唔晒，貪心就出事了！哈哈！總括黎講，對今日嘅拉麵好失望，希望餐廳注意下品質控制。但係湯底同叉燒係不變的，為佐佢地，我會再食，不過係去灣仔店！…Read More

買佐杯紅肉火龍果沙冰，寫出黎就又足料又天然，結果飲落同水無分別，無味囉，$35大杯都無用，佢連落糖水錢都慳，我估入面得一片仔果肉，其餘全部係冰，我寧願你細杯d，但足料返少少，真係超無誠意，飲第一啖已經好嬲…Read More

本人及8名同事一行9人，於2018年6月4日到「在家」DINING AT HOME 午膳，分別點了6份旋風蛋鰻魚飯及3份魚生飯。當中連同本人在內共6人，進食了旋風蛋鰻魚飯後陸續出現發燒、腹痛、腹瀉和嘔吐等病徵，懷疑集體食物中毒。 本人是最早出現病徵的一位，用餐後3小時已經開始腹瀉和嘔吐，期後更發燒、腹痛及嚴重腹瀉。本人首2天分別到私家診所及法國醫院求醫，但服用藥物和2次打針後，情況不但沒有改善，反而每況愈下。由於病情嚴重，醫生轉介我到聯合醫院接受治療，入院長達一星期之久，足足兩星期不能上班工作。出院後接受胃部和腸部內窺鏡檢查，發現本人胃部腸部發炎持續，可見是次食物中毒嚴重。 另外一名女受害人情況與本人相約，她入住聖保祿醫院長達一星期接受治療，醫院不但從樣本中發現了沙門氏菌 (Salmonella) 及類志賀鄰單胞菌 (Plesiomonas shigelloides)，更從電腦掃描中發現病人2/3腸部發炎，必須接受注射式抗生素治療。其餘2男2女受害人分別到私家診所和急症室求醫，但食物中毒病徵依然持續了數天才漸趨穩定。 就上述懷疑集體食物中毒事件，本人及其餘5名受害人已向食環署報案以進一步調查事件。及後更得知有關食物中毒個案已增至3宗，涉案人數更多達19人。「在家」罔顧「食物安全」和「環境衛生」，事後對受害者不聞不問，意圖不了了之，手法可恥，惡行應該公諸於世，受到社會制裁！…Read More