Terry518的个人专页

好耐無寫食評喇(懶),突然有衝動想寫🤣仲要第一次即場寫食評，夠晒現實！專登揀平日11點前食，唔會排隊排到絕望(因為不設限時)入到黎好舒服，空間好大，任何款式座位都有。menu選擇唔多(岩我😬）店員都會講番邊d款要晏d先有，細心！Bagel夠足料份量，三文魚口感不俗。稍嫌個包皮硬左d(個人口味只供參考😂）加10蚊有杯cappuccino, 拉花圖案就...味道都唔錯，有質感。坐係bar枱望住個藍天，好relax咁食野放空，一個相當好既地方，得閒肯定會黎hea下(公司係附近🤭)…查看更多

四川火鍋近期係香港開左唔少店，吸引不少好食辣fans朝聖。今次呢間火鍋店雖然唔係位處最中心，但到食飯時間都基本上滿座。叫左個鴛鴦鍋，成都小辣聲稱係香港辣既兩倍，果然係夠晒辣，食左兩啖已經流晒汗👍🏻切到一口一塊，非常方便，不過稍嫌無咩牛味，勝在份量多。頗有特色，有嚼口。雲吞足料，蝦肉爽口彈牙；牛筋丸好重牛味，但唔會韌。墨魚滑配油炸鬼出奇地好食，加埋辣湯好配;蛋餃皮比較厚，好重蛋味。炸午餐肉厚切，無得輸😘擺設係有心思既，但唔夠爽口。冬菇好大隻好rich，入晒味侍應會主動加湯、收碟、裝酒，服務一流，值得大家一試。…查看更多

有d火鍋店經常聲稱湯底好健康好養生，其實係好睇自己怎樣點野食既🤔，好似今次就示範左係養生中食得唔健康(錯誤？)🙈一見到呢間既火鍋湯底清單，全部都好正，重點係有晒每款入面既材料，唔使估估下。配料款色唔算特別多，勝在好多都係自家製/空運到港，岩晒我呢d有選擇困難既人🤣養生鍋湯底一黎到，陣陣既人參味已經飄出黎，但試飲湯底時又無好重藥材味👍🏻手切牛肉叫左細份，但出到黎都好多片。只要涮10幾秒左右已經好滑好嫩，亦好有牛味。左面韭菜餃入面放左好多韭菜，好飽滿。右面鮮蝦雲吞既蝦就超大隻，食落去係新鮮彈牙👍🏻一般午餐肉都係罐頭拎出黎serve,但呢度輕輕炸左先拎出黎，即刻好食左一個層次😋一開頭點解會話唔健康，就係因為呢度有酒精供應😂(其實係唔應該飲架嘛？！）叫左個佐酒小食，但稍稍嫌有d涼左，口感一般，唔係好入味。整體既環境同服務係好既，如果可以唔提供酒精選擇，會更切合呢間餐廳主題😆（應該係，除非唔係)…查看更多

湯底一向都係火鍋中既靈魂，無論食材有幾新鮮，都要有個出色既湯底，令食物味道昇華，豐富番整餐飯既感覺。今次呢間火鍋店主打花膠湯底，對女士男士都好有益處，決定一試。由於想試真d個味(其實係怕第一次食會伏🤣)，所以揀左最正常既濃厚花膠雞湯底。火鍋配料算係多樣化，只係飲品得幾款汽水係仼飲，其他要加錢。好少見火鍋店有一碟餐前小食送過黎(某d舖係自助去拎既🤔)主體終於出場，花膠好大片好滑，食落去好舒服。出色既仲有入面d雞，非常滑同好有雞味(無冰鮮既味道)，重點係個湯好好飲，未開始食配料先飲兩碗👍🏻👍🏻當下覺得個皮膚滑左🤣每次黎到既火鍋料份量唔算多，但上面幾款都好食，重覆叫左幾次。最好既係一路食個口都好jam有骨膠原，好滋補😂打完邊爐，仲會有個糖水送，令個口腔無左油膩感。環境以懷舊風為主，配合”偽”紅光管。唯一想佢改善既係個background music開得太大聲，講野好似要叫出黎😅整體黎講，想抵食而健康既話，呢間係選擇之列。…查看更多

香港開左好多拉麵舖，有唔少都係豚骨湯底再加豚肉，分別可能只係湯頭濃度或者肉量多少。呢間舖主打既係牛，自問未曾見識過，所以去試下。可能係平日去既關係，無咩人排隊，好快就安排到入座入到去個環境好舒服，枱與枱之間有距離，貼左唔少日本海報，播下日本歌，有置身日本既感覺。餐牌基本上得三種，牛肉丼、極牛同白牛拉麵。揀左兩份牛，因為可以試到刺身同火炙。一試湯頭，味道好特別，好重牛肉味，飲落去唔會覺得油膩。刺身牛肉好薄身，食個時個口充滿牛味，唔會難咬開。火炙和牛燒得岩岩好，咬落去有肉汁唔會老。拉麵個質感較硬身，份量正常。流心蛋同紫菜都係好入味，同湯底融入到。純粹好耐無飲過，唔係好多餐廳有，都頗大杯。如果想試d唔同口味既拉麵，相信呢間會迎合到大家。…查看更多

尖沙咀都算係多放題餐廳，但要揾間留下印象既就唔算多，呢間可以叫做其中一間有特色。最初睇價錢有d略貴(可能係地段問題)，但見有唔少評價，所以都想睇下盧山真面目。因為有多個4個人食，所以有活魚切身送，但味道一般無特別刺身同唔少放題餐廳一樣，第一轉都係全部款式執一堆過黎（知d客肚餓🤣）。每樣都試左，正正常常。壽司方面都無咩大驚喜，有少部分舊飯係一夾就散開😯串燒款式唔多，牛舌燒得唔乾身，一口牛係juicy既。遺憾係d蝦黏殼，無咩肉食到。其中一個特色係定時會有即興食物推出，要食客先到先得排隊拎。乳豬燒得幾好，皮夠脆。炸物燒得幾好食，唔會overcooked硬崩崩。呢間另一主打，就係任食雪糕(雖然大廳都有甜品同冷盤任拎黎食，但如果想”回本”既話，好多人都揀雪糕😂）呢兩個牌子都有兩三款味道選擇，長期有人拎，亦有職員長期補貨。地方好大，枱與枱之間有距離，唔會好逼。職員數目偏小，要一次過落好多order，但唔會漏單，可以一戰。…查看更多

成日都聽講話大陸某幾間既煮魚整得好出色，好多香港人都會上去食，但其實香港係咪無餐廳整得到咁好食呢？本人覺得呢間係香港係做得比較好既其中之一，價錢可能係貴少少(其實香港餐廳有一半都係食租🙈), 但起碼唔係去咁遠先食到。好彩有book到枱，可以一上到去就入座(P.S呢幢大廈好多餐廳，但升降機得兩三部，大堂經常要排長龍，wall in 食既話早d到)餐牌上大部分都有圖，可以容易決定點咩食另外每枱都會有圍裙提供，唔使驚俾湯油彈到身魚前小食，雖然蛋可以做到流心，但辣味唔係好出，份量搭夠一係唔食，食就食最貴個條😅魚唔會overcooked，肉一夾落去就甩到，加埋個花椒湯底，食落去好舒服。當然都有叫其他”火鍋”配料，加落去煮都入味好食，但魚始終都係無得輸。芒果甜味略嫌唔夠，不過有Q果咬下都ok ge食完仲有甜品送，當然味道就無特別啦地方唔算好大，侍應有招呼有服務，仲會播d流行歌帶起氣氛。如果唔想走咁遠食魚既話，呢間係唔錯選擇。…查看更多

幾個人去到銅鑼灣食lunch，都知道呢區一向多人食野，就用手機app search下有咩餐廳可以排隊拎飛。見到呢間食物相唔錯，輪候枱數唔算多，就決定去食。等左一陣就可以入座，有窗旁位，環境唔錯。芝士份量係多既，可以做到拉絲，稍嫌肉醬比較少，食起黎比較膩。煙肉真係好香脆，乾得滯😅飯就好正常同大份，食極都有🙈話晒都係主角，窩夫都做到脆口，加埋糖漿(每一枱都有一大支俾客自己落)，係好食既。相對地較失望，牛扒係全熟🙈(唔知係個waiter無問到要幾成熟，定真係無得揀地俾全熟) 炒蛋滑既，叫做挽回少少分數叫左兩個小食，但個薯條好一般，個碗大細，撈又唔係，點黎食又唔均等兩種味道都做得唔錯，汁可以”掛”得住隻雞翼價格屬偏貴，特別係飲品(無餐)，所以無叫到。份量係大份既，一餐都可以食到好飽。下次有機會要試下甜品。…查看更多

一去到旺角，自然地就會諗起放題，因為實在有太多選擇。但總會有幾間係做得比較出色，就算其他舖出到好多優惠都無用，食物質素先係重中之重。平時呢間要book枱，起碼要提早2-3日，今次因爲年近歲晚，加上係食最早時段(1730-1930)，所以經openrice好易就book到。去到餐廳就見到有人排隊(就算book左枱都要排)，等到差不多夠鐘就會對bk no.安排入座飲品種類多到唔識揀，好想每款都拎去試下🤔刺身屬正常，劍魚腩值得encore壽司唔會整到有好多飯，可以一口一件👍🏻串燒類係做得好既一part,唔會燒得太過火太老，keep到肉汁，呢幾款都係可以添食可能本人係榴槤控，每次放題都會叫榴槤炸彈😂栗米相比下就無咩味呢兩款雪糕只係可以揀一款點一次🙈嫌食唔夠甜品都可以係自助吧拎，好多選擇😃有好多店員不停送餐收碟，地方有少少窄，所以行去拎野食時要小心。不過整體來說係值得推介既放題，同埋要提早book枱!…查看更多

多數非任食火鍋，一係就著重湯底，一係配料出色，但呢間就可以平衡到兩方面既要求。好彩有預先book枱，黎到個時等wall in客都唔少。環境老實講就非常地道，不過食野最緊要係食材，環境who cares🤣一場黎到梗係試最出名既沙爹湯底啦，黎到個時已經覺得好濃，係之前未見過。隔離整多個柴魚湯，比較清，但都好重魚味👍🏻見到咁多配料，對於選擇困難症既人黎講係一大考驗(本人諗左15分鐘🙈🙈)精選左幾款較出色既配料。手切牛肉好重牛味，而且好厚身，放落湯都要30秒左右先熟，非常好味。雖然每塊大小不一，但呢d先叫手切嘛!放落湯底10秒就食得，好爽脆好好味😋雲吞入面隻蝦好大隻好足料，牛丸爽口彈牙，魚皮鮫相對地普通服務態度就一般啦，因為始終都係一班較資深既伙記。想食特別既火鍋，可以一試。…查看更多

係元朗有唔少好好食既餐廳，亦都有唔少飲野既地方，但結合呢兩個元素而不錯既餐廳真係唔多，呢間係其中一間。雖然餐廳略細(廚房佔左一半),但環境好chill好舒服，音樂一時播快歌一時播英文歌，配合飲酒既氣氛👍🏻(抱歉無影低環境相🙈)雖然食唔出入面既釀料😂，但會感受到個種爽口彈牙，加埋自家製辣醬，味道不錯。乳豬皮好脆，入面塊肉好juice，略嫌肥膏多左少少有d溜，要加醬汁食叫左3成熟，但黎到切落有5成熟(估計😂)肉質都嫩既，有血水，唔沾醬食會好味d正常無特別，份量少左d全晚覺得最好食，有蘋果係中間，令鵝肝既油膩感無晒，再加埋多士底，一啖咬落去好rich👍🏻😋飲品/酒類選擇都多既，價錢唔算貴，食晚飯/happy hour都係個唔錯既選擇…查看更多

(小弟初次寫評，多多指教🙏🏻)我同朋友好鐘意食辣同火鍋，加上生日，所以係工作地點附近揾間火鍋店慶祝下。原本係bk左枱既，上到去唔算多人(可能19點太早😂)，可以有卡位坐。等到朋友黎齊就叫野了~餐牌係有誠意既，請(睇)呀！款式唔算多，但特色招牌菜會有圖show係餐牌後面，係貼心既叫左個紅白鴛鴦鍋(中辣),唔算太辣，但有d鹹點落辣個邊好入味，好爽口純粹上菜方式好特別😂第一次食滑係辣既，唔錯👍🏻見係生日叫豪d😏正正常常招牌打卡菜，跟足秒數，肉爽彈牙😋食個時要小心，因為有牙簽係中間肉質有d鞋口呢個寬粉有驚喜，連埋辣湯一齊食，岩晒!整體黎講，食物質素屬於中上，價錢係略貴，但起碼有招呼(e.g見杯茶無左會主動加，幫手落魚滑等等)…查看更多