yingying104的个人专页

好滿足嘅一餐！其實港島區而家我淨係食呢間嘅阿媽家姐。點解會食唔厭呀？因為佢每一次佢都有唔同嘅驚喜。今次亦都唔例外，首先都係一個水雲去開一開胃🤤咁我就講幾個我最鍾意食嘅野先。個深海池魚係非常彈牙同有咬口嘅，之後佢今次有個龍蝦刺身，但係呢佢呢個醬汁就係個精粹，係用手指檸檬整出嚟㗎，龍蝦本身個味都唔係好突出，但係加咗個手指檸檬就唔同晒即刻帶出嗰鮮味。之後仲有個鮟鱇魚肝，今次真係好出色，我未試過食到好似食蛋糕咁既質感，滑、嫩、香，因為平時食啲鮟鱇魚肝有啲整得唔好就會有腥味。最後個鮑魚超彈牙同埋一啲都唔un，個重點就係個鮑魚醬撈埋飯同鮑魚一齊食，簡直係一絕。其實食海鮮最怕係腥味！但係今餐每一道菜都係帶出鮮味出呢！…查看更多

今日有幸收到朋友邀請試吓呢一間非常難book既中菜👍🏻果然冇令我失望！頭盤非常特別，香辣生蠔配皮蛋估唔到可以配合到生蠔嘅鮮味。仲有佢哋個湯係用好矜貴嘅冬蟲草去燉響螺，清甜得來響螺都一啲唔會硬。第一次食剁椒花膠扒，又係令我難忘幾多道菜，多數食花膠扒都係蠔油，或者上湯去整，但係佢用咗辣椒去做個醬汁🌶️我以為會好難辣，冚過晒花膠既味，出奇地又唔會喎！原來發現大廚係好鍾意研發新菜式！所以呢間餐廳你會試都好多唔同嘅新嘗試真係值得一試！…查看更多

今日收咗工之後，有啲餓又想食少少野，又唔想食呀飽，試咗呢間日式串燒店令我一試難忘！女仔個胃真係好麻煩，咩都想食少少，但係又食唔到多，我叫咗幾樣嘢食我係好欣賞平時唔食雞pat pat嘅我，今日我食咗佢哋嘅雞pat pat，真係超好食，一啲蘇味都冇，仲有一種好Juice嘅感覺，鍾意食辣嘅朋友仲可以加啲五味粉仲好食。另外，我超鍾意食佢哋嘅牛腹膜，入口即溶，超軟綿綿嘅肉質，試過返唔到轉頭。仲有，佢哋嘅燒白鱔，係必選推介，個皮超脆，但係肉質一啲都唔乾，仲要係超嫩。下次我一定會再嚟食過，同埋員工服務質素超好，每隔一段時間就幫你執下張枱，服務態度好好，值得加分。…查看更多

由於疫情關係，無晚市時間時間，又冇得去旅行，朋友請食好西，佢話唯有食好d, 去咗呢間米芝蓮一星既omakase 餐廳試吓，我好欣賞嗰個燒白子佢係用傳統炭爐去燒內綿外香，一啲都唔覺得會腥，仲有佢會配上蕎麥子魚子醬，口感非常特別。仲有我好鍾意食佢嘅鮑魚肝醬，餸少少飯一流，估唔到鮑魚肝醬濃得呢好鮮甜，一試難忘，其實我覺得佢哋熟食都幾出色，會有創新既口味，至於其他刺身，普遍都幾新鮮我幾鍾意食呢度嘅拖羅，一啲都唔覺得油膩，因為我唔鍾意食太肥拖羅希望有機會可以再嚟啦！但係一定要等佢人先可以開始食，呢個我覺得有啲麻煩。所以想試呢間嘅朋友就一定要準時！成日遲到嘅人唔好約呢間😂😂…查看更多

近排見到OpenRice上面有好多飲食優惠，今日我決定去呢間新銅鑼灣新開嘅omakase ,呢到之後我想坐吧頭，侍應同我講好快會安排到俾我，其實都等到差唔多半個中，嘢食都上晒都未轉到吧頭坐，所以你見到我啲相，全部已經整好曬，而唔係一件件咁上，但係中間服務態度都幾好，不停在我加茶同細心問我想食啲乜嘢，心情好返好返啲，本身我係一個好鍾意食白子既人，之前其實又打過嚟問有冇白子，佢話有啲嚟嘅，之後過到嚟又話冇，我心諗可能晚市先有掛，算啦！我好鍾意前菜有安康魚胺同白子！超開胃同送酒。但可能成本比較貴掛，我食咁多間omakase lunch set都未必有:(講吓嘢食先，今日我嗌左一個omakase 餐同15貫壽司餐，個omakase 果五種刺身質素平均，唔會有食到新鮮嘅感覺，而我覺得佢嗰個豬手整得幾好食😋啲師傅都幾好傾，有啲有啲日本師傅咁😂唔想理你咁，所以服務質素到係我加分個位，個個壽司餐先睇落都還算可以，我朋友都未有太大點評，我覺得咁嘅價錢同質素，係可以下次再嚟食過嘅最後佢哋嘅清酒係好靚㗎！係一路斟酒一路變色…查看更多

我朋友極力推介呢間廚師發板既餐廳，一入到去，睇落去各方面都好乾淨同光猛，起碼唔會坐到好迫夾，佢哋每兩個人會隔1.5米，一個好標準嘅安全距離👍🏻有兩個師傅去招呼我哋，我哋係嗌一個晚餐餐牌，佢哋會有11款壽司，而前菜加甜點總共加埋有九款！合共有20道菜我講吓我幾欣賞嗰幾款菜式，第一款就係嗰個鮑魚，佢用鮑魚膏做醬汁，而佢個鮑魚煮得好好食😋一啲都唔會煮得太老，簡直係Perfect，而我最欣賞嘅壽司，就係嗰個吞拿😘唔會覺得好油膩同肥，加埋佢自己調製嘅豉油👍🏻今次食得好滿足…查看更多

經朋友介紹，第一次試吓呢間新開嘅廚師發板，一入到去都幾特別！出邊係食燒烤嘅！有啲大魚缸裝住好多蟹要廚師發板就只有10個位！知道而家係白子嘅季節😛所以一定要食🤗我試咗兩款白子都唔錯😘一隻就係酸汁白子😋但係我係唔夠喉，師傅都好好人再幫我加多一份燒白子😜兩種唔同嘅口味都可以帶出白子既鮮甜。之後我都幾欣賞佢嘅秋刀魚刺身卷😎我覺得做得幾出色😁無論外觀同埋個口感👍🏻最後, 我覺得佢蟹肉海膽，都幾有驚喜，淡淡嘅蟹肉配上鮮甜嘅海膽，果然係幾好嘅配搭😃，同埋要讚下廚師發板個師傅perry ,健談又風趣，成餐飯冇悶場。下次一定要試吓個燒烤先。…查看更多

由於朋友生日，又紅花會慢慢開心，我真係好欣賞佢哋嘅花膠炆鵝掌👍🏻啖啖都係骨膠原💪🏾仲有佢嗰個好普寧雞都好好味😋鮮嫩多汁，原來普寧醬係咁嘅味🤗最後我覺得我覺酸菜魚都好好食😋係用桂花魚整，所以冇乜嘢骨好滑，而我覺得麻麻地就係個到前菜，佢有三個小食一個就係鵝肝，一個係炸鱔，一個就係朱古力包住士多啤梨，我最唔鍾意就係嗰個朱古力，好鬼酸，但係可能個人口味啦，有啲朋友就話冇乜嘢😙我朋友話嗰個肉蟹糯米飯好正，超多膏😃冇辦法我唔食得蟹所以冇得講，整體水平啲嘢都係好食…查看更多

今次朋友推介喺你度食生日飯，我就揀咗一個中價位既阿媽家姐，大約$1680一位，因為而家有又到白子季節嘅時候😛我真係超鍾意食白子，呢度白子會有兩食🤩一個就係白子刺身配酸汁，一個就係用火炙😛兩隻唔同嘅口感！超好味😋同埋我幾欣賞呢度嘅蟹膏醬點鮑魚再撈埋飯,之後佢哋用野生藍鯨拖羅做壽司，我覺得好食過飼養嘅藍鯨，口感上雖然冇咁多油脂，但係口感係好過飼養藍鯨😀整體來講呢餐生日飯都算食得幾好😙師父服務都幾好，所以有機會下次都會再食。…查看更多

近排就嚟到我嘅生日，我朋友上網搵咗幾間阿媽家姐，其中一間就係鮨琥珀😋咁我就決定同我朋友過嚟呢度試吓食個lunch🤪嗌咗一個千$5嗰個套餐😃其實都幾多嘢食👍🏻都有二十幾樣😀我之前試過佢嘅姊妹公司☺️鮨中本，都幾好食😙今次嘅體驗都係唔錯😀但係你叫講，有咩特別深刻記憶好食嘅嘢🥺又冇乜😆因為我淨係鍾意食白子😂最後提一提👍🏻嗰個師傅好好人，超細心，知道我生日要影相，即刻叫個侍應清晒所有枱面嘅嘢等我影得好睇啲！呢個服務係貼心嘅😎…查看更多

今晚係我第一次食呢間廚師發板，聽講呢度個廚師發板都幾出名，今次我揀咗月 omakase 餐 $2480 ，見到位置有大約八個座位，兩位日本師傅製作，我諗我呢個餐應該有16至20道菜😚我最欣賞就係個白子🤪佢係用火灸張白子燒一燒，呢個口感入口即溶，我再問師傅，其實白子嘅季節已經過咗，原來我哋平時食開嗰啲係鱈魚嘅白子，宜家呢個就係唔同嘅，但係我唔記得咗叫咩魚。之後我幾欣賞佢嘅煙燻牡蠣同埋個鮑魚，個鮑魚有個蟹膏醬比你去點，鮮味出晒嚟😚而且呢一餐比平時我哋食嘅廚師發板都比較多同耐，7點幾食到10點幾，整體感覺都唔錯！…查看更多

今晚朋友邀請我食廚師發板，呢一間我都係第一次食，但係絕大部份人都話呢間好好食，最慘我係唔識得蝦蟹😒但係都唔緊要，其實呢一間日本餐廳大部份食材都好新鮮，因為實在太多道菜，冇辦法每一樣都點評，就講吓我覺得最特別嗰幾款，我幾鍾意食佢嘅吞拿魚壽司，因為佢係用咗三種唔同吞拿魚嘅部位，食落去口感更加有層次，賣相都好靚，另外我幾鍾意食佢嘅鮑魚海膽，因為鮑魚嘅口感加上海膽嘅鮮味，真係鮮上加鮮另外我覺得日本師傅喺過程當中都好細心，時不時問我地有咩需要，師傅到中段知道我唔鍾意食飯，師傅就幫我全部轉晒刺身😯所以呢一晚我係好滿意嘅一餐…查看更多

其實今次係我第二次食，坐吧頭位都會方便師傅即刻整完就可以食，今次朋友帶我去食，冇話特別去點選，只係同廚師講好食就拎上嚟啦，好似廚師發板咁，整體來講食物質素都係新鮮，尤其是個拖羅同螺片我係非常鍾意食，希望下次可以再食過。…查看更多

首先我哋小食就叫左兩款雞翼，我就幾鍾意蝦醬雞翼😋食落去啲炸粉又唔會太厚，之後飲咗個蘑菇湯同埋食咗個青口，青口汁非常好，搞到我不停點麵包食，食到上咗癮。當中有兩個主菜我非常鍾意，一個就係菠蘿汁嘅黑毛豬扒，食落去一啲都唔會太老，因為我驚啲豬扒煮得太耐，會好難咬同好乾，呢個豬扒酸酸甜甜，好開胃，一咬落去啲肉汁仲喺度，另外我仲好鍾意食牛柳燴飯，啲牛柳有三大嚿咁多，但係質素一啲都唔差，煮嘅時間啱啱好，唔怪之得係呢度嘅招牌菜。…查看更多

今日係我第一次到home kitchen 享用晚餐，之前多數都係呢度食下午茶或者晏晝多，因為好多Cafe比我嘅第一印象都係只可以食lunch，晚飯嘅質素應該都係麻麻地，但係今次喺呢度食飯俾咗我一個特別嘅驚喜。今晚同幾個朋友聚會，叫咗三個main course 加一個小食😍包括有安格斯牛扒、蒜香鵝肝天使麵、雞扒蘑菇飯同埋黑松露炒蛋。首先，講下個安格斯牛扒，我order左5成熟，個牛扒又唔會太硬埋乾身，食落去仲有少少肉汁，同埋我最鍾意啲配菜就係有秋葵呢個都幾特別；之後講下蒜香蘑菇天使麵，個天使麵相當唔錯，因為可能佢唔係用醬汁去煮，而係去炒一炒再去煮，所以口感比較乾身同埋唔會將埋一舊；最後，個雞扒蘑菇飯亦都比我有一種唔同嘅感覺，雞扒肉質鮮嫩，因為我最憎啲雞扒煎到鞋颯颯，然後個蘑菇飯都幾特別好似啲意大利繪飯感小小濕，食落口個口感都幾特別。…查看更多