奈緒子的個人專頁

本人連同朋友一早book 了8:30pm 5位,打算到此用膳,卻遇到不愉快經歷~8:30準時到達,交不到枱給我們,都算吧,唯有等...在炎熱的街上苦候了足足半小時,其間,我們看到門口的宣傳海佈,9時後入座每位平$20,心想,現在都9時,等到那麼久,每人可以平$20,也算安慰.9點零2分,終於叫我們了,但叫飛的亞姐竟然說,"現在已經雖然過了9點,付正價入去有沒有問題?""當然有問題啦"....."有問題就下位先,你們繼續等吧!"......爭論一番之後我們要求解釋,亞姐竟然話,大會個鐘未夠9點(各人手錶已9點零5分)那我們問她,大會個鐘現在是8點幾多分ar? 她又支吾以對,又爭論一番,她說大會的鐘現在是9點零1分..."那我們入得去沒有?" "未到你們,還有4張枱""未到我們卻又叫我們?" "叫你們是因為付正價可以先入""那我們不吃了,去小肥牛吧" "好吖,隨便你們"亞姐態度超級惡劣,幫公司倒米....現在想起也覺氣憤...明明就過了9點,卻想繼續收正價,倒不如放張牌o係度,"價高者得".....何必排隊?總括來說,我和我的朋友以後也不會到這間店鋪,原因1. 在街邊等位,地方不多,很辛苦..2. 職員的態度十分惡劣..竟然惡言相向對待客人.3. 食物價錢偏貴,任食卻不包飲品,迫人加錢才可飲野.…查看更多

d 草莓綠茶超難飲....豆花勉強(其實都唔係好合格),蒸飯好d,不過d 飯好濕,都係酒樓o個d 好食d~食物質數普通到爆,去隔離食B仔腸粉好過...唯一讚o既,係裝修有誠意law~…查看更多

我印象中呢間餐廳自雜誌介紹後每日o既晚上,總會有一堆人在等位~不過我上個星期日o既晚上去,竟然冇人等位之餘,入面得1枱客~由於我帶狗o既關係,我同男友就坐左o係室外唯一o既一張枱~正如之前o既網友所講,o個2個女侍應係經常雲遊太空o既....好在都仲識比水同送餐前小食比我地(我地幾驚坐o係出面佢地會睇我地唔到,唔招呼我地ar)點菜之前,用手機上openrice 睇下其他人有冇介紹咩好食...之前位網友話推介腰果濃汁滑羊,好,我地就試下,果然好好食,d 羊肉滑到好似雞肉咁,又唔蘇,又唔痴牙~不過唔明點解叫腰果汁,除左真係食到d 果仁粒之外,都係咖哩味之ma,冇腰果味ar,同埋份量真係好少,唔多夠喉(得6至8舊羊肉)仲有食左咖哩蟹,$85 的價錢真係很抵,d 蟹炸左先煮,一咬d殼就碎,不過略嫌隻蟹冇乜肉食~食食下,老闆兼大廚走左出o黎同我地傾計,可惜我地2個o既英文都係有限公司,吹左2句,佢就番入鋪喇,間中個女侍應都會出o黎同我地傾下計,問下我地d o岩唔o岩食,撩下我隻狗玩咁(不過都有d 雞同鴨講)最後埋單$190,我地比左$200,預佢會找番$5,$2,$2,$1呢個散紙組合比我地啦.(我地都諗住比$5貼士ga 喇)點知佢一打開找錢本野,下......一個$10...都唔知話佢老實好定笨實好....自然反應梗係攞走d 錢啦,不過佢地真係冇黑面o個d ga 喎,已經冇收加一,冇比貼士仲笑住咁係咁同我地講bye bye(講左10次都有,超nice) 由於我住附近,所以都應該會再幫襯o既~…查看更多

我同男友7點鐘到達,仲未坐滿,不過15分鐘之後已經要等位~食物方面,都係元朗o既經典長壽司啦..不過舊飯又大,又凍得滯,又散....唔知想點叫左三文魚,吞拿魚,鰻魚,帶子壽司最出色o既係鰻魚啦,夠長,(比田中o既更長)帶子壽司都唔錯,三文魚同吞拿魚就普通啦, ps三文魚壽司有特價($18二件)抵叫左個炸餃子"壤"雞翼,超難食,又冇味,又厚粉,唔知自己食緊乜,我問男友知唔知"壤"左d 咩o係入面,佢食來食去都食唔出.....而且口感好怪,總之好難食啦~另外,跟飯送o個個麵豉湯都幾好飲,不過個飯(吉列豬排蛋飯)就普通,冇咩特別~…查看更多

一大班同學聚舊加慶祝生日,原本應該開開心心...不過o個晚,真係好失望law~故事要由網上發現呢間野開始講!o係網上見到呢間cafe 以玩wii,無線上網,可帶狗,家的感覺招徠,感覺唔錯,經過所有人同意之後決定訂枱.我o係電話度話想安排坐玩wii o既位,點知佢話要包全場先可以玩...算啦,咁唔玩,咁我話會帶狗,佢又話會安排我布沙發,唔比我帶狗...(雖然失望,不過大局為重,唔帶就唔帶啦)我問職員收費點計時,他答我每人最少要叫一杯飲品,可以坐3小時,我反問他,如果我叫埋食物,係咪可以坐耐d,佢答我"係"於是就book 左7點30分喇!咁我同幾個朋友就預先(7:00pm)上去放低個生日蛋糕,順便吹幾個氣球增加氣氛,當時全場都冇人ga,咁我見我地都冇阻住地方,就著朋友留低等,我去接其他人上來~7:40pm,職員先拎memu 比我地睇,咁我地有幾個人都9:00pm 先o黎到,所以就叫住飲品同幾個小食,邊坐邊等啦...cafe 開始多人,有幾個人去左拎玩具玩,其中有一人拿住(只是拿住)4 份uno,還商量緊玩大富翁好定uno 好o個時,個職員就即刻衝過o黎話唔可以拎咁多玩具...下,我都未拎番埋位,你就確認到我地真係會拎走晒你d 玩具ar? 唔好顛啦~9:15pm,終於人齊,等左咁耐,諗住叫番10個8個飯,醫下五臟廟啦(而且d 飲品又差唔多飲晒,諗住每人再叫多杯)跟住個職員話我地最遲10:00pm 要走ga 喇,(因為我地7:00pm已經有人o黎左,計番3個hrs,10:00pm 就一定全部人要走)唔比我地叫飯,因為制作需時,我地一定食唔切...........呢下真係好過份,邊有餐廳唔比人叫飯ga,傻ga??咁我地問,如果我地每人叫多杯野飲,係咪可以坐多3個hrs? 個職員話唔得,總知我地10:00pm前一定要走!!!!!!!!!如果你一早同我地講只可以坐3個hrs,我就唔會book 7:30pm 啦,等齊人,book 9點幾啦!訂枱o個時仲同我講可以坐到2點收鋪~o係酒樓食餐飯都唔止3個hrs 啦,何況cafe!? cafe o既食物之所以貴d都係for 你坐得耐o者,而家我又唔係叫杯凍檸茶坐成日!!!!算算算,生日流流唔發脾氣,我地個個都好聲好氣o既~於是我就同d職員交代5min 後拎個生日蛋糕出o黎啦,點知個大瀋唔知係咪有語障聽唔明,跟住我尾,然後好大力咁"放"低成盒蛋糕...........我未見過有cafe d 人咁低能law,你唔將個cake 拎出o黎插立燭,唱住歌咁行出o黎都算啦,咁樣連盒拎出o黎,大大力放o黎枱,附送個"黑面"比你睇,真係好過份~離晒譜!!!!!食完個蛋糕即刻走,好在我屋企都容納到咁多人,早知一早o係屋企攪,叫pizza,唔駛受咁多氣!p.s.除左士多啤梨朱古力叫好d 之外,所以野都好難飲(不過去得cafe 都預左d 野唔會好飲)小食拼盤,都唔好食,d 腸仔又淋又冇味,之前o個位話佢"自制哈哈笑薯餅"好特別.我諗呢位朋友誤會左喇,佢唔係自制ga,o係凍肉鋪有得賣$6 蚊大大包,cheap 野o黎ga 咋!…查看更多

可能係食慣元朗d 大大件壽司關係,覺得佢地d 魚生真係又細又薄....叫左個北海度三文魚湯,其實係滾薯仔蘿白湯加d 三文魚咋,毫無誠意...麵豉湯都好飲過佢手卷d紫菜淋到死,咬極都咬唔開...服務方面,明明大把枱都安排客人搭枱,有d 九唔搭八.....埋單又要出去排隊埋喎2個人食左$200都唔係幾飽,不過都唔想再點菜喇~寧願去第二度食過~…查看更多

點了個叉燒飯和海南雞飯,燒味飯加$10就有湯及菜,例湯真係無得頂,冇味精又足料.每日仲有3款小菜比人揀2款,送埋湯同飯都只係$29,抵!而且間鋪係露天,o岩晒我帶埋隻狗去食(我食o個時都見到唔少人帶埋狗仔去食)營業時間到十二點九,收工收夜左去食都得~…查看更多

o黎過呢間幾次,覺得佢都冇乜生意咁o既.晚餐時間成間鋪得我一個都試過,不過其實佢都唔係咁差o既~我記得我食過個包成$30,不過真係幾好食,但係唔慣食生洋蔥,所以都係揀左出o黎冇食.薯角都即炸的,幾好,最正係栗米湯,甜甜的,很窩心,跟餐飲品千萬不要汽水,溝水的,很淡.....…查看更多

凍冰冰o既冬天,最o岩食煲仔菜,叫左個荔芋油鴨煲,真係好好味,而且份量很大,我一個女仔實在無辦法食完整份晚餐~…查看更多

烏冬很彈牙,放湯比較好.撈烏冬很難食,魚生飯太多薑,我要一路食一路揀番d 薑出o黎,而且魚生亦都切得很細粒最好食係牛肉飯定食,又夠汁又香口,而且用二十穀米,比較健康上菜速度有些很快,有些很慢,有待改善…查看更多

平時晚餐見佢咁貴真係唔敢試,不過o個日行過,見佢宵夜餐只不過係30幾蚊左右,咪試下law, 又幾得喎~如果開OT 開夜左,9點半之後先o黎食,都ok ga,不過如果正價食就唔抵喇~不過可能人地就收工啦,所以待應唔太耐煩,想你快快趣食完走人咁.......…查看更多

今日我最後一日番學,d 同學仔同我送別,由於人太多,見呢間鋪多位坐,容納到我地咁多人,所以揀左呢間食野。間鋪比我o既感覺係....好唔乾淨,d 餐牌油林林...我地一行13人,個個七嘴八舌,d 亞姐o既領悟力又差,好不容易先落晒單。豆漿機壞左,攪到冇豆漿飲,令大家有d 失望。上菜時,一次過o黎成7碗麵....我地都唔識分邊碗打邊碗,問d 亞姐,佢剩係話,咪白菜豬肉law(我地有6個人叫白菜豬肉餃拉麵)咁我地發現多左一碗麵,好心話番比佢聽o既時候,佢先話,有一碗係酸辣餃ma,跟住就行開左....其中一個同學咬左一啖"白菜豬肉餃"後面露難色說："我知邊碗係酸辣餃喇....唔好意思,我食左你o個碗"不過我地用肉眼睇,真係睇唔出該酸辣餃同白菜豬肉餃有咩分別...我地仲叫左5,6 款煎餃(咩海陸空煎餃、狀元煎餃、沙爹牛肉煎餃...)，不過好多我都食唔出有咩特別law,有d 得個酸字...d 皮又太厚,總知食完都唔知自己食左d 咩啦....…查看更多

睇過之前其他網友o既評語,決定試下呢間餐廳~可能夜卦(晚上10點幾)間鋪得一枱人,差d 唔敢入去(後來該兩名"客人"原來係老闆d 朋友添!)果然同其他網友所形容o既一樣....播放一d 唔知咩o既民族歌,又掛滿一d 好特別o既poster..都幾歐陸(唔望出去d 亞伯公園的話)到食物喇,都ok 啦,不過比我聽到廚房曾經傳出d 微波爐o既叮叮聲(佢係半開放式廚房).......我叫左個芒果芝士蛋糕,好細件(6寸蛋糕開6件)d 芒果仲薄過d 活魚刺身,而且唔新鮮(暗暗黑黑咁,雖然燈光都暗)不過就好好食,不太漏。飲品呢,我唔飲咖啡,所以覺得冇咩選擇...我男朋友揀左椰香咖啡,雖然係用酒杯裝,好特別,不過好細杯,佢話好飲可惜唔夠喉。…查看更多

好多糊類選擇~至愛栗子糊~下次想試下栗米糊~仲有d 炮冰o既形狀好得意,金字塔咁!~不過地方好細,成日都要搭枱....…查看更多

好多包包都係$2一個~生煎包ar,鍋貼都幾好最o岩就係收工買番o黎做下午茶~(不過如果遇著人多,質數會差d,好似d生煎包都未夠燶就勉強拎出o黎賣)最推介o既係炸曼頭($5有3個)有次我叫3個曼頭拎走,佢用個燒味飯o個d 飯盒裝比我放左3個曼頭落去,係吸唔到蓋law我比較細食,一個炸曼頭已經可以KO 我....(真係大半隻手掌咁大個)另外,我同事試過上海年糕($12) (好似車仔麵咁大碗)都話ok 好食~…查看更多