HA-LO的个人专页

我不是”隱世、高質”打手，只係位普通食客同朋友嚟慶祝生日是次坐main dining room，環境闊落，坐得舒服，唔會太嘈，方便傾偈，氣氛幾好。鍾意呢度裝飾，有特色，特別係D舊木門，好地道好靚。Staff好nice，服務好，welcome我地自帶蛋糕嚟切，仲會同我地唱生日歌，主動幫我地影相，同送咗個蛋糕仔，好耐無試過唔駛叫都會主動幫忙影相既餐廳Bombay Fried Chicken唔係D好特別菜色，但就係好食，好香，炸得岩岩好，唔會乾Pani Puri with Jal-Jeera上菜時staff會教你點食，仲不停提我地要快D食。係好食，香薄脆唔會”銀”咀，淋左個汁，有種好fresh既感覺Old Delhi Butter Chicken雞夠入味同淋，重點個汁texture係OK，唔會太水，但係可以再香濃多少少Plain Naan x 2 & Garlic Naan x 2OK合格，不是食過最好食，質地ok啦，味道唔夠香，我地一致認為Chutney好食DMango Lassi如其他食評所講，得Yogurt味，無芒果味Earl Grey & White Peach x 2無特別原本想飲cocktails，但係睇來睇去都覺得唔吸引，無叫到Book檯既時候寫明用餐時間120分鐘，當日人唔多，Staff都無趕我地走，只係見我地坐左咁耐，輕輕問下我地仲叫唔叫野飲，因為太飽，所以無叫到。Overall，會再來…查看更多

好彩Book左位，雖然外面沒有人等位，入面已滿座，book定位穩陣D!兩個人叫左: 原隻海膽 x 1 - 沒有海水味，沒有甜味，基本上是沒有味，下次可以不叫!Toro x 4 - 甘甜的魚味，食完口中仍留有魚的甘香不散，正!野生油甘魚壽司 x 2 – 係肉質結實之外，其實都無咩味深海池魚壽司 x 2 – 都係無咩味 (可能一開始食左濃味的Toro，所以不覺得有味!)三文魚壽司 x 4 – 新鮮大大舊魚肉，脂肪分怖均勻燒元貝x 2 – 面頭用少少鼓油輕燒，附上紫菜，熱辣辣脆卜卜，元貝大隻又鮮甜，食一粒已滯左，好食鹽燒大蜆 x 2 – 少少酒味，嚼極都唔完，好um，食完挑左四支牙籤，可以不叫雜錦天婦羅 x 1 (蝦x3，魚x1，豆x1，蕃薯x1，南瓜x1) – 沒有油”益”味，炸得岩岩好，沒有特別。(其實黎呢D地方試D新鮮海鮮好過，炸物出面都可以食到咁既級數。)海膽壽司 x 2 – 比原隻海膽鮮甜得多，好好味呀~~~鮭魚子壽司 x 2 – 待應介紹另一種鮭魚子，佢話當做，魚子係一串串﹐特別甜。上碟時師父提醒唔駛點鼓油，一食落去好Juicy，滿口汁又鹹又甜，以往在外面食都係醒的，今次有意想不到的驚喜。蔥花吞拿魚腩手卷 x 2 – 嘩, 點解咁好食既~~~黑芝麻雪糕 x 1 – OK， 飯後甜品!壽司飯如果可以多點醋味就更好，同埋壽司飲不夠實，一夾就散晒了!…查看更多

原味烤餅 – ok芝士烤餅 – 好香芝士味, 食落就唔覺有芝士味咖哩羊肉 – 因為我唔食得辣, 所以叫左唔辣。有意外驚喜, 果種咖哩味好正呀~~~~~好味過重慶! 平時我都唔鍾意用烤餅點咖哩汁, 今次勁點, 直情想飲埋d汁! 羊肉睇落去好似好”鞋”, 食落去好軟喎, 羊既少系穌味再加上咖哩味真係好正! 有驚喜!鐵板雞 – 平時重慶食果d就係又乾又”鞋”既, 呢度食就一d都唔乾又滑, 不過可能太大舊, 入面d肉醃得唔夠味罐裝忌廉汽水 – 好貴$10罐已食過重慶最出名果幾間, 全部都不及呢度,雖然價錢比重慶貴$20-30左右, 不過份量比重慶大。看得出老闆好期待每個客既來臨, 我也希望佢多點生意 (當晚只得兩枱客)。老闆好細心地將每一碟放小心地, 放得靚靚在客人面前, 服務極之細心, 感覺上他好似在高級餐廳做過。 見到鋪裹貼滿雜誌的介紹, 臨走前去睇下 - 老闆是兩兄弟, 尼泊爾人, 年少時去過印度學廚, 在香港恆河咖哩做過學徒, 後在香港的太平山頂餐廳及峰景餐廳任印度菜廚師, 原來大有來頭, 唔怪得咁好食啦! 不過有一度唔好既係,裝汽水的杯入面”裙”晒啡色的污積呢度有冷氣, 地方尚算清潔…查看更多

雲吞麵 - 一大陣鹼水味, 湯底又唔得, 仲好似有D燶味, 雲吞淡而無味, 不鮮不鹹豆漿 - 普通, 一D都唔香豆味同行朋友亦有以上同感唯一值得讚0既係位於中環開鋪, 但價錢非常便宜!…查看更多

以前在灣仔返工lunch會特登行過黎買粢飯食, 當日行完花市特意黎懷緬一下, 點知,,,,,,,,,,,,一坐低我已經好快order左鹹粢飯, 凍豆漿, 友人都仲未諗到食乜, 好快有個疑似老細既男人走過黎問我地叫左野未, 我同佢講: "叫左, 佢未諗到, 轉頭先!" 過唔夠一陣, 又走黎問, 我答佢"未得, 等多陣一 , 跟住佢就黎個好不耐煩既樣, 應該話佢對住個個客都係咁既樣,之後佢指一指牆上個牌 "最低消費 $18 一位", 我當時心諗"咦, 一個粢飯$13 + 豆漿$7, 唔夠$18咩??" 之後先諗到佢話我朋友唔叫野食, 真係火都黎埋, 0岩0岩入黎, 櫈都未坐穩已經不斷催我地落單, ,佢講既時候態度又衰, 面口又衰, 攪到我地好似冇錢比, 0黎乞人食咁, 如果佢態度好d咁同我講我都唔會嬲到友人諗到叫咩既時候, d職員好似當你透明咁, 行過都唔理你 放低佢咁差既態度, 平心而論個粢飯 - 超級鹹, 除左好鹹既榨菜味 + 極多油之外, 我咩味都食唔到, 3年前都係講緊$8個, 依家要$13, 加價幅度大不但止, 食物質素亦極速下降, 好唔掂~~~~~~~~~~友人叫左豆沙鍋餅$23.................又係油, 好多油, 有陣怪味, 有d似香蕉味, 又冇紅豆味, 個皮又唔知想點, 又厚又un, 唔識形容, 食左幾啖, 唔想再食落去, 唔係因為要錢唔想浪費,我真係第一啖就想吐!!!!我同友人都一致認為從未食過咁難食既豆沙鍋餅:豆漿正常, 本來口渴想叫多杯豆漿飲, 見佢咁既態度, 唔想比佢賺多一個仙, 我寧願過隔離7-11買野飲好過~~~~…查看更多

剛剛去完呢度bbq回家! 呢度d野食真係ok, 初時見d蒜蓉雞翼是白色的, 有點心感不妙, 不過食落去又幾好食, 係我去過咁多間bbq場整得最好食的雞翼, 黑椒味同蒜蓉味冇分別的。豬仔骨都OK! 麵包就麻麻地, 實的的! 平時出面bbq場食一陣就會覺得好口渴, 0係呢度就唔係咁覺~成個場乾淨企理, 間位間得好, 用長枱同隔黎枱隔開, 唔駛同人地痴咁埋;有高高帳篷, 今日落大雨都完全冇影響, 又有電視睇; 工作人員有禮貌; 廁所就.........因為今日人少, 所以尚算OK;地點都算方便, 由大馬路行入去都係10-15mins, 可以搭的士入去Claim返錢, 可以Claim幾多我就唔知; 有冷氣房位, 出面係爐, 燒到熱可以入去涼冷氣, 夏天0岩晒, 不過果d位好似貴d;星期六每位$85, 1-3人包一袋炭, 唔夠要買, $15/包, 每人包一支水及一罐罐裝飲品。總結: 會再黎~~~…查看更多

椒鹽瀨尿蝦($16/兩 x 2pcs) $270 - 肉質非常彈牙, 好鮮甜, 椒鹽味不夠, 不夠惹味; 豉椒炒聖子皇 ($35/pcs x 4pcs) $140 - 質地都係非常好, 不過煮得唔好, 除左辣, 咩味都食唔到, 0徒左;龍蝦: 1) 牛油開邊龍蝦 ($150/份) 2) 芝士開邊焗 + e麵底 ($180) - 各要了一隻兩個都好有驚喜, 冇overcook, 味道好平衡! 牛油的面脆脆地, 芝士的芝士仲好軟, 加埋鮮甜龍蝦肉, 正!!!!呢個真係好好食!!!!!!!!!!!! 反而鯉魚門 - "快樂"就overcook左,又好"漏"~~~~芝士龍蝦可以唔駛加 e麵底, 個e麵好難食, 無味又乾;清蒸芝麻斑 ($18/兩) $324, 另+兩碗靚仔 - 蒸得唔錯, 好滑四眼紅衫叔叔好落力sale, 我地話要瀨尿蝦, 佢就指d全店最大隻既比我地; 問佢有咩靚魚, 不過唔想太貴, 佢就指左一條頗大條, 斤幾既老鼠斑, $5xx, 我諗佢唔記得左我地只係得2個人食, 揀條咁大既比我地~~ 我話貴, 佢介紹鬚鼠斑,$2百到尾, 佢都算係咁 講明係養的, 不過咁既size, 仲要係養既, 都要$2百都尾, 好貴, 我去鯉魚門 - '快樂"食一樣品種, 差唔多size, 野生的, 都係$160-$180一條。芝麻斑其實都唔係貴價魚, 街市都係賣$8-10/兩, 依家係$18/兩, 當然明白街市會平好多, 而且呢度又有免費船服務, 咁價錢就要貴返d, 不過以$324食芝麻斑, 真係唔係咁抵。呢度多數都係貴價魚, 東星斑, 老鼠斑等等, 而且全部size比較大, 兩個人食, 會大左d。仲有, 呢度既龍蝦都好貴下, 本地花龍唔係太大隻, 都要成$5xx, 一係就一份份果d, 一係就勁大隻, 所謂既中型又唔抵食~去之前睇過網友食評話呢度好鍾意同你玩數字遊戲, 所以我都提防一下! 問佢幾多錢, 佢就答你幾多錢兩, 要不斷追問佢呢度即係約幾多兩, 佢先比一個佢估計大約重量你, 好似冇咩意識秤比你睇, 0係我不斷煩住佢, 佢先話實際價錢要一陣稱過先知, 但係都要係咁追住佢, 即場睇住佢秤, 為免自己心算慢, 所以一邊叫佢計埋, 一邊自己記住佢報的重量及價錢, 佢都肯即場計比你, 都算係咁! 總括而言, 呢度係好食, 我都會再黎, 不過我會覺得鯉魚門 - "快樂"抵食, 環境好d, 感覺上老實d~ 以$1,184呢個價錢, 我可以去"快樂"食到企唔直, 呢度沒有前菜小食, 沒有湯送, 果盤要問先有。有人話呢度務態度唔好, 但我又唔覺, 係有個哥哥d語氣好似好惡咁, 其實佢冇咩野的。 …查看更多

周打海鮮湯 - ok, 不過唔夠"傑"尼哥狄索比亞墨魚汁意大利粉 - 都ok, 略嫌蒜不夠香Carbonara - 味唔錯, 不過好漏, 食左大半碟頂唔順~煙肉菠蘿pizza - 好多芝士, 我覺得幾好食, 係個餅底唔夠脆焗田螺 - 我冇食過, 老話完全冇味, 可以不食超多人, 等左足足一個鐘; 好混亂, 要自己寫名攞位, d人迫晒0係門口, 又聽唔到叫名, 派飛仲好啦! 我臨入去前0岩0岩見到有人攞位, 佢係D5, 我係B15 , 佢係咁分既:A 1-60, B 1-60 .......如此類推, 即係佢需要等110張枱!!!!!! 不過算去得快, 咁既價錢, 等下都OK既! 坐位都幾闊落, 唔會同隔離太近 ! 另外, D待應係唔會有笑容, 不過唔會態度差! …查看更多

有citibank信用咭優惠食過2次lunch!set lunch包括:橙汁(次次黎到都無哂西瓜汁),餐湯,餐包,美國牛肩扒,餐茶,雪糕!首先講個包,好脆好好味但係唔硬!個湯係忌廉湯,ok無咩特別!美國牛肩扒,食過2次第一次肉味香d但係比較多筋位,今次食果塊無咁多筋位但係就無咩脂肪燒得太耐變得"鞋"口!加左海鹽帶出肉既鮮味真係好好味不過唔夠大份!伴菜有薯仔,蕃茄,青爪.餐飲普普通通不過幾大杯!雪糕2次都係雲呢拿!入面超大冷氣好大風好凍,但係油煙好勁食完都成身味!加埋一都係每位$117,咁多野飲加埋杯水真係飲都飲飽!好抵好滿足呀!…查看更多

真係好多人等位,等左35-40mins, 如果唔係有個人等得唔耐煩比佢張飛我, 我諗要再等多35-40mins, 叫左2個餐:豬柳拼大蝦 - 2樣都幾好食, 豬柳好鬆化, 隻蝦好香好大豬扒拼大蝦 - 老覺得豬扒好食d, 但係我又覺得豬柳好食d, 冇咁"un"要自己磨的芝麻醬, 我地都覺得麻麻地, 反而點沙律醬好食d份量好大, 我食了2碗飯, 老食左3碗, 對一個唔係咁大食既人黎講, 根本叫一個餐兩份食都夠, 冇飯又好難齋食咁多炸野, 但係食得飯黎又好難完成晒成個餐雖然野食係ok, 不過不至於好食到要排長龍 及 咁既價仲有,海景位全部都係四人坐位,情侶唔駛諗住有海景位坐!…查看更多

愛吃意粉既我加上睇到好多好評,抱住極大期望黎食:Caesar Salad - 好大碟. 個汁+一片片芝士好好味, 最唔好就係塊包, 太甜Potato Boat - 唔錯, 係略嫌下面既炸蕃薯太多油Carbonara - 一入口感覺激多油, 又唔creamy, 接近冇汁, 成碟只係得油, 食左2啖已經滯左, 最期待的, 竟令我超級失望~羅勒意粉 - 因為係辣的, 我食唔到, 友人話都okey, 不過唔夠大埔的Olivia好食餐廳裝修感覺好fresh, 但食既野就幾heavy! 同埋太嘈~ 太少位, 次次都book唔到位, 建議接近9:00pm walk in會好快有枱…查看更多

芝士牛肉漢堡 - 完全沒有牛肉味, 同時新快餐一樣都係麻麻地 , 沒有牛肉味的漢堡包, 就如沒有了靈魂芥茉雞扒漢堡 - 普通菠蘿特飲 - 老話難飲服務員個個都好似年初四咁既樣, 黑口黑面, 0岩0岩開鋪就已經咁既態度, 真係唔係咁得!最唔好既就係入面超大陣油煙味, 當時天氣又好凍, 件冷衫吸晒味, 一路行都覺得自己好臭! 就係因為呢樣野, 我唔會再黎光顧! …查看更多

Goose Liver 本人一向怕吃內臟, 見咁多人話好食, 就獻出我既第一次。個餓肝好細0舊, 第一啖放入口, 味道同燒鵝無分別, 不過口感就一流, 入口即化, 外脆內軟 Raclette 期望太高, 令我有d失望, 一0舊燶燶地的芝士, 多數都香架, 如果芝士既味可以特別d就好了Rack of Lamb好食, 要了7成熟, 好香, 食落口質地0岩0岩好, 真係好好食!Waiter叫我地叫3碟就夠喇, 食完以上3碟之後, 好似唔係好飽咁, 再叫多碟:Beef Cheeks好"淋", 一塊好淋好淋的牛腩, 味真係同牛腩一樣味! 我只可以講佢煮得好, 唔會過火.......我地不聽老人言, 碟Beef Cheek食了一半已經覺得好滯, 所以無叫到甜品!入面真係好細, 我地坐在中間既枱, 好似比左右2邊枱的人望住我地食, 好唔自在。服務態度好好, 裝修及氣氛都好, 半島入面走廊好靚 …查看更多

Crushin for the Pushin - 普通啦, 冇咩特別Debbie Does Dallas - 比Crushin for the Pushin 好食好多, 好似係BBQ汁個包 & 塊肉都okey, + HK$12有薯條個飽好大, 食到我差d食唔晒, 基本上可以唔駛加薯條要左柸Tropical Romance, 食完d咁滯既野, 飲返d果汁都幾fresh既! …查看更多

胡椒餅 (免費) - ok, 不過越食越辣鐵板雞 - 對我呢個唔食得辣既人黎講,呢個都幾辣,食到我出晒汗! 企圖加多d檸檬汁辟走d辣味, 但係唔work既! d雞煮得"鞋"左d, 乾左d芝士薄餅 - ok蒜蓉薄餅 - 麻麻地,芝士好味d總刮黎講,都係7樓果間好食d,又平d,環境裝修就呢度好d!! 佢地播d唔知咩文既disco歌,又食到出晒汗,即刻感受到咖哩的熱情! …查看更多