國王兔b的个人专页

咁啱想食章魚燒，附近另一檔等極都唔見人，見到呢間都有賣，算啦，就試呢間。見到18蚊4粒，23蚊6粒，因為我極度鐘意食章魚燒，所以就一次過叫6粒，俾完錢後非常後悔。因為我見到佢係雪櫃，拎左一大袋章魚丸😭原來係賣到章魚燒既價錢既章魚丸，然後就等佢加熱。終於出貨，點知仲要唔夠熱，我十分後悔，用咁既價錢只係食個d唔夠熱既章魚丸，仲要浪費我d 熱量Quota。然後，我睇番個牌先知佢真係賣章魚丸，仲話好食過章魚燒。。。。。。差好遠囉。章魚燒外脆內軟，仲有粒章魚鬚嚼下，層次豐富好多。用章魚燒既價格食急凍章魚丸，仲要加熱都唔夠熱，伏到爆。…查看更多

買左團購，二人 (星期五至六) - KS Cafe 六道菜精緻晚餐只售 $248 (標準價 $492)，所以放工過來了吃晚飯，另收服務費安排 (只限現金) $25 。位於商業樓宇上面的餐廳，不是買了團購，多數經過就走了。門面如下：店鋪面積不大，位置不算多，但因屬商業區，晚餐時段人不多。個前菜意大利風乾火腿配蜜瓜幾好食。青瓜濃湯飲唔出青瓜味。配青瓜濃湯個飽無咩特別。主菜(Main Course Pasta)大蝦卡邦尼意大利麵中規中舉。(And Meat)就叫左扒美國肉眼配紅酒汁，一分前一分貨，牛扒問要幾成熟，講左要7成，結果出到黎牛扒表面就大塊但勁薄，所以根本做唔到幾多成熟，只可以全熟。意大利芝士餅中規中舉。朱古力千層蛋糕好食過意大利芝士餅。…查看更多

見到有團購，所以買左D現金券試下。見到「餐牌版」抹茶窩夫覺得幾吸引，於是叫左半份（好彩只係叫左半份）。「真實版乾到燶」抹茶窩夫($48)！店員一送到來我心想：E~咩我叫左朱古力窩夫咩？啡色既？睇真D，原來係綠底，只不過焗過頭變到又黑又硬。店員真「好人」！擺明焗到過哂龍，乾到又黑又硬，都照送俾客人食。我又唔敢退，驚店員一陣加料，惟有硬食。T^T根本已經唔係窩夫，一D都唔軟，硬到脆，仲有少少苦，真係貼錢買難受。請勿在此店吃烘焙類甜品！勁中伏！擺明燶哂都照俾客！榴槤小丸子($52)，不過不失，個榴槤糖水稀左D，要將D榴槤蓉搞均勻哂先好食。個球唔似係雪糕，勁硬唔知係唔係雪芭。…查看更多

我唔會再去名苑食因為媽媽生日，先至去名苑食飯，諗住叫套餐無錯啦！結果係惡夢既開始！1. 前菜 - 秋葵乾應該係脆架嘛，點解我食到入面個心又濕又淋。2. 唔開胃「偽」湯渣個湯渣乾到成餅野，唔知邊度變出來，又話係「原盅豐料靚湯」，點解唔係係我地面前由個盅裝出來？同碗湯完全唔係同一樣野。3. 原盅豐料靚湯承上，湯入左盅，但湯渣就另外裝一碟上，仲要乾到不得了，根本唔係盅入面裝出來，叫咩原盅豐料靚湯。仲要剛剛好裝完四碗就沒有。4. 脆皮燒鵝皇（例）變了只有9舊咸得要命的「燒腩仔」侍應原本迫我們將「脆皮燒鵝皇（例）」轉「半隻燒雞」，但家人覺得不值，結果要求轉了「燒腩仔」。是脆的，但味道咸得要命。5. 有沙的「金蒜銀絲蒸蟶子（4隻）」以為終於來點正常一點的東西「金蒜銀絲蒸蟶子（4隻）」但一咬卻有沙。6. 有泥加料的「瑤柱上湯雜菜煲」瑤柱上湯雜菜煲，食到底，有一點點黑色，用手一摔會化成一撻黑危，原來係「泥」，d 菜洗得唔乾淨。黑色一點點的是泥。7. 清蒸珍珠龍躉（約一斤）應該是全個套餐最正常的食物，蒸得剛好。8. 額外加點的卻漏單的「海蔘伊麵」因為四人套餐沒有飯或麵，故特別額外加點的「海蔘伊麵」，但侍應掛住迫我們將脆皮燒鵝皇轉其他燒味，卻忘了下單。賣相不行，味道沒有特別。9. 大師精美甜品？！ = 雪耳木瓜紅棗糖水」「大師精美甜品」原來是「雪耳木瓜紅棗糖水」，不要吹這麼大好嗎？…查看更多

因為媽媽好想試黃金蝦，而選左呢間餐廳食晚飯。對比起對面個間一品雞煲火鍋 ，呢間d客明顯少好多，完全唔駛得位。呢期佢做緊promotion，雞煲半價，我地叫左半隻。海星麻辣雞煲(半隻) 原價：$118 特價$58我平時都食得幾辣，譚仔中辣都無問題。呢次就屋企人叫微辣，點知出到黎竟然係勁辣，辣到我胃痛... 都唔知係唔係個廚師搞錯左...之後就叫其他野食，d價同對面個間差唔多，唔怪得個個去對面啦...黑豚豬肉 $40 (得7塊!!!)比多塊都唔得呀!!!同我玩單數!!!整塊莞茜係D豬肉上面做咩!!!9唔搭8!!!牛栢葉 (左下) $30竹笙 (右下) $30炸枝竹 (左上) $25這是炸的嗎？唐生菜 (右上) $25生根 (左下) $25伊麵 (右下) $20最慘既事情發生了!!!D店員話就幫我地加湯加完呢樽野，成個煲無哂味。你地話係加左生粉既水定係湯？後來滾個d野完全無味，又無醬無豉油，難食到不得了。原本打算伊麵最後食，可以索哂d湯，點知無哂味!!!只係食到伊麵既生油味!!!omg!!!最後，追加媽媽最想食既黃金海蝦 $88 (約8隻)。海蝦無味應是死蝦加冷藏，蝦頭居然炒到甩哂，d蝦真係雪得太耐。咸蛋黃一D都均勻。可能無落牛油一D都唔香。咁既野收我$88，$12一隻死到頭都甩埋既蝦，蝦肉無味。我真係慶到不得了。我真係唔會再黎呢間野!!!如果唔係阿媽要黎，我一定會嘈個老闆!!!咁既野就夠膽俾人食，仲要收$88。另外再叫左啤酒，藍妹$25枝。…查看更多

發覺係大家食~如果分開叫~好似叫車仔麵咁~好唔抵~因為叫碗麵加2個好味d既”食送” 都已經 $16 + $9 + $9 = $34叫十三會都只係要$33~而十八會都係$41~就同阿媽一人一碗XD~ 就咁睇個樣~十三會同十八會無咩分別~而事實上十八會多左5個”食送”~其中肥五花肉超多~而碗都係削搖麵~唔好期待有刀削麵既口感~不過都好過普少通既油麵、幼麵、粗麵~:)不過因為佢地削搖麵好長好似一條過~本身又粗過出面D粗麵~一咬斷~跌落去D湯度~就即刻水花四濺~所以千祈唔好著白色衫去食麵~至於D”食送”~由於都係就咁滾熟~都無咩特別好吃~媽媽好唔滿意個魚腐好樣衰~食落去同魚蛋差唔多~十八會多左既黑椒牛丸~只係俾半粒我有好多豬潤，五花肉，雞肉，火腿~奇特既係有火腿~總係覺得唔係好MATCH~湯底方面，好肯定有味精~因為食完我好口渴~飲極水都唔掂~:(我無叫到D 麻辣酸辣個D麵底D~因有辣椒油提供~而D辣椒油仲香~仲可以因應自己需要落幾多~另外，為左營養均衡，而叫左9蚊油菜~真係好貴~落左D好稀既腩汁但食唔出囉~只係見到菜上面有細細舊腩肉~證明左腩汁既存在~講真唔係好好食~不過可能價格還可以先咁多人黎食~…查看更多

團購實在太抵了~於是又到許留山吃甜品~好彩O岩O岩又對情侶食完~先唔駛等位=v=一入到去坐~竟然全間鋪都係自由行~睇黎許留山係大陸好出名XD~店員得3個~做到無停手~一個負責收銀~一個落單~一個整野食~等左好耐~先有人黎問我地食咩~燕窩椰皇燉雪蛤係許留山自己寫人氣甜品no.2~原本想食燕窩椰皇燉花膠~但成間鋪都係燕窩椰皇燉雪蛤既poster~反而menu 入面都無燕窩椰皇燉花膠~怕中伏就叫番燕窩椰皇燉雪蛤~好彩一d都唔會腥，可能d雪蛤唔係落左好多~d 燕窩同雪蛤都無咩味~純粹增加左d口感~有少少野可以咬口~d 椰漿唔會太甜~食到椰子既香味~燉原隻土耳其無花果和枇杷果太甜了:(似糖水多過似燉品一盅入面有一隻無花果、兩隻枇杷果、雲耳&南北杏~個無花果幾得意，有d似火龍果~有好多種子~一粒粒咬爆佢好得意XD個枇杷果就煲都林哂，d 味出哂去糖水度~無味又無口感雲耳&南北杏 純粹係配角~加番d咬口野俾大家~食完仲有龜苓膏贈券，會員卡(正價9折)同入會送既COUPON~睇黎許留山將會成為我未來既甜品食堂~…查看更多

真係未食過咁難食既茄汁焗豬扒飯~首先d汁唔知係咩汁黎架~啡色的~根本無茄汁既味道~又焗到乾哂~仲要燶左~豬扒好薄都算啦~有幾舊脂肪黏住~唔小心食中超大陣豬騷味= =d紅蘿蔔一d味都無~d 洋蔥都焗到乾哂~d 炒飯無味~又無鑊氣~呢個茄汁焗豬扒飯根本係一場災難~我未食過咁難食既野~仲有收左我$20+無下次~我宜家對焗豬扒飯有勁大陰影!!!…查看更多

去開poly聽講座~一場黎到就咁走~唔係好甘心~食左個canteen 難食既焗豬扒飯~之後更想搵d小食補償自己~之後聽講座個時~就用openrice search 到媽咪雞蛋仔~咁o岩佢就係我要去搭車既巴士站對面~就順便買黎等車個時食~見到之前既食家話粒粒朱古力雞蛋仔好足料就決定買黎試~我本身住荃灣~荃灣d朱古力雞蛋仔公價要$17~見到呢度只係賣$14就覺得好抵~去到只係有一個客等緊~總算唔駛排隊~俾完$~就俾左個8號籌我慢慢等~整雞蛋仔個個即刻開第二個爐整=v=夠哂新鮮~終於等到個粒粒朱古力雞蛋仔~新鮮整出黎~個邊好脆~好香~俾個橫切面睇下~XD真係好足料~食家們無介紹錯~XD…查看更多

8個人食左888蚊~1人俾111~但完全唔飽~可以話食完仲肚餓= =俾d正常野出黎先~燒豬頸肉($68 $6.8)=74.8~算係最抵食個個~份量正常~但味道一般~最正係居然凍架wo~泰式魚餅($68 $6.8)=74.8~算係第二樣抵食酸酸地加埋d怪味香芽草~唔駛加$既跟餐飲品~最ok係龍眼冰~真係有龍眼肉~另外仲有泰式奶茶~唔知係唔係加左d咩香草~朋友話勁怪味= =仲有要加$5先有既檸蜜~最正係加$5都係咁細杯~平時茱餐廳熱飲個隻杯~最唔抵食既就係我地最期待既菠蘿炒飯($88 $8.8)=$96.8~唔好睇佢個樣正正常~原來個菠蘿無挖肉架~d飯真係得面頭半圓個層~入面真係實心菠蘿肉~我地吐血~諗住食飯飽肚d~一人一匙飯就無~$12一匙飯~吐血~碟菜咁細碟~盛惠($58 $5.8)=63.8~如果唔係有女仔堅持要食菜~都唔會叫~咁都要63.8~不如叫燒豬頸肉$74.8~仲叫左一隻燒雞($148 $14.8)=162.8~好搞笑~我地一落order~就出左半隻俾我地先~之後，另外個半隻~等到我地就黎埋單要cancel order 先出~食埋就即刻走~我第一次食完野都唔飽咁出一間餐廳~自問我地都叫左唔少野~8個人叫左9樣野~但佢d份量真係好迷你~特別係d我地諗住用黎飽肚既炒粉麵飯~($88 $8.8)=$96.8 菠蘿炒飯~兩個碗都裝唔滿~真係好中伏~以後唔會再黎呢間野!!!埋單仲要加一~另外俾一人一粒值$0.5既薄荷糖~…查看更多

一如之前的食家~我都是買了團購劵才來南亞開餐~地址沒有寫是什麼大廈~害我在堅拿道西來點幾次~才找到><銅鑼灣堅拿道西10號的大廈名是「冠景樓」驟眼一看見到鐵閘~以為是住宅~之後才發現~有條樓梯上1樓><浪費了十多分鐘~雖然團購劵上寫要提前2日訂位~我們提前一日也是可以的~可能是平日的關係吧~入正題~d野食唔差~份量雖然唔多~但都比較油~所以都很飽~首先係凱撒沙律~有炸麵包碎~煙肉碎~黑橄欖片~車里茄~生菜~幾好食~d車里茄好甜爆漿~d沙律汁都幾好味~唔太甜~之後係中式餐湯~睇唔出煲咩~因為無咩湯渣~只不過有兩粒蜜棗~都幾好飲~秘制貴刁~份量唔多~但落足料~有好多蝦同燒肉~其他配料有蛋絲~紅椒絲~蔥~芽菜~幾惹味~但好油XD~咖哩豬肉印度薄餅因為見到前面D食評話唔好叫牛肉~所以叫左豬肉~無理由叫雜菜呀嘛XD份量偏少~薄餅得兩塊~薄餅好脆~又係好油~一塊都係O岩O岩好~咖哩汁勁香又惹味~我地唔想哂D 咖哩汁~直接將D餅扔左入D汁~索哂D汁~咬落去好JUICY~XD最後，就黎招牌紅豆冰~份量偏少~因為係團購版~不過都好好食~不過WAITRESS 拎黎D細杯~應該係O岩O岩洗完~勁多水~唔敢用~所以用男友一齊直接用大杯食XD 幾好食~不過同出面D紅豆冰差唔多~我去廁所~經過廚房~見到正版~滿D~又多一舊雪糕球好正~不得不讚呢間餐廳既廁所~又大又靚又乾淨~好少餐廳D廁所可以咁~另外，D WAITRESS都好HELPFUL~成日都添茶收碗~好勤力=V=…查看更多

一直以來許留山既甜品對我而言~真是太昂貴了~所以一般都是有coupon的情況下才來幫襯~今次媽媽剪左報紙coupon~燉蛋白(原價$32)買一送一~才陪媽媽試試~原本我們兩個都想叫芝麻流心燕窩燉蛋白~可是又想試多隻味~我就轉了紅豆流心燕窩燉蛋白~芝麻流心燕窩燉蛋白+紅豆流心燕窩燉蛋白(熱)可能是要做到流心效果吧~所以只有熱食~紅豆流心燕窩燉蛋白好失敗係唔流的= =d紅豆糖水同d蛋白撈埋一齊~變左粉紅色的蛋白~媽媽既芝麻~就好好多~會流的~d蛋白都滑~除左我個d紅豆黏蛋白= =~又唔會太甜~d燕窩份量都好足~如果有coupon的話，許留山都是不錯的選擇~…查看更多

媽媽話見到間野開左好耐~好想試~出面見d價錢都唔平~希望真係一分錢一分貨啦~媽媽叫左乳鴿炒飯~好似52蚊~媽媽見到佢斬開左好唔滿意= =因為d乳鴿超快凍左~Waiter 俾左d 椒鹽黎~但原來入面d椒鹽潮溼哂~倒唔出= =d乳鴿一d都唔香~唉~弟弟叫左個燒鵝葡式炒飯~好似都係52蚊~同媽媽既飯一樣色~只不過多左d 青紅椒同提子乾~d燒鵝比我既普通燒鵝飯多~話就話炒飯~其實兩隻都係得個色~無咩味= =我既普通燒鵝同爸爸既燒肉飯(各$35) 睇相個時~都仲見到有d菜心~上到黎~竟然得幾片青瓜= =個樣同份量同食外賣燒味飯盒無分別~俾$35 堂食外賣燒味飯盒~天呀!!!我唔會再黎呢度食囉~發覺係度食晚飯既熟客~都係食普通"食送"~中伏了~…查看更多

先後買左飯博士兩次團購~第一次係$25購買飯博士$50現金券~因為始終新開~驚中伏~XD超抵但只係買左兩張~第一次食左兩樣野~蕃茄醬牛柳撈烏冬($39)~好好食~但烏冬太少~男朋友食唔飽XD~其實餐牌上寫既係~黑椒汁牛柳撈烏冬~我男友多口問可唔可以轉蕃茄醬~個收銀話OK~勁 surprised~XD龍蝦湯海鮮燴飯($39)~佢個MENU貼住「人氣之選」~睇到個廚師~拎住煲湯~係廚房行出黎~倒落D飯到~勁正XD~唔錯~好足料~海鮮有齊帶子，青口，魷魚~黎得飯博士~都係食飯飽D~見到有人叫加飯~原本圓筒形既飯~加多一個圓筒形既飯~下面個個壓扁左~勁搞笑~又見到有人要加汁~WAITER 好大方地拎左成碗滿既汁俾佢~個人嚇親XD~最後用唔哂~又見到有人要芝士粉~WAITER 成筒俾佢拎埋位慢慢加~飯博士D服務真係唔差XD~之後，我又買多次團購~今次係$39享魚米家集團旗下西式快餐店飯博士特色焗飯套餐，可選擇皇者至尊三色焗飯(包括白汁海鮮, 龍蝦汁吉列魚柳, 蕃茄汁牛肋粒) 或 龍蝦湯海鮮燴飯，連特色小食蜜味雞翼或健康橄欖油灼野菜，連冷或熱飲品及番茄雜菜湯無上次咁抵~但都係好抵食~又買左~要左至尊三色焗飯(原價$45)~D 焗飯好足料~但好肥XD~一個大男人食都超飽~白汁海鮮有齊帶子，青口，魷魚，蝦~D 蜜味雞翼 (原本要+$5先有) 無咩 蜜味~反而有味極鮮醬油味XD~飲品要左凍檸茶~起碼有3片檸檬~D冰又唔會太多~又唔會太甜~幾好~最後係番茄雜菜湯~都唔會太酸~最正係次次去，都大把位選~唔駛等"木台"~可能我幾次都係8點後先去食XD唔算多客~可以慢慢坐~有電視睇~…查看更多

雖然見到有好多劣評，但咁o岩有免費飛要去新寶戲院睇戲，所以見到團購佢咁近就順便買。團購左2張 $10購買$20【咀妙妙】甜品現金券，同男朋友一齊食。冷 - 芝麻糊配西米圓($24)我唔記得左講要咩餡。店主就每種俾一粒我，分別係:1. 芋頭蓉：最好食，微甜，幾滑2. 綠豆蓉：麻麻地，食唔到甜味，好粉\3. 純西米：咩味都無芝麻糊就無咩特吃熱 – 椰汁黑糯米配清心丸 ($22)清心丸呃人既一舊舊切出黎的，不規則形狀，半透明無味。清心既意思原來係無餡orz。我稱之為「中伏清心丸」。店主整番熱個椰汁黑糯米，拎出黎仲滾緊好正。…查看更多