Waffle Corner (葵涌廣場) (已結業)

咁啱想食章魚燒，附近另一檔等極都唔見人，見到呢間都有賣，算啦，就試呢間。見到18蚊4粒，23蚊6粒，因為我極度鐘意食章魚燒，所以就一次過叫6粒，俾完錢後非常後悔。因為我見到佢係雪櫃，拎左一大袋章魚丸😭原來係賣到章魚燒既價錢既章魚丸，然後就等佢加熱。終於出貨，點知仲要唔夠熱，我十分後悔，用咁既價錢只係食個d唔夠熱既章魚丸，仲要浪費我d 熱量Quota。然後，我睇番個牌先知佢真係賣章魚丸，仲話好食過章魚燒。。。。。。差好遠囉。章魚燒外脆內軟，仲有粒章魚鬚嚼下，層次豐富好多。用章魚燒既價格食急凍章魚丸，仲要加熱都唔夠熱，伏到爆。