小清新劑的个人专页

每次去親黃竹坑都會好煩有咩食， 今次竟然比我搵到間幾唔錯同有驚喜嘅buffet❤️ 就係南灣如心酒店 嘅ion buffet🥴夜晚buffet嘅野食都幾多，先講環境，咁啱我去嘅時間係萬聖節🎃，全個餐廳都好有氣氛。一坐底就有兩杯特飲，有造型又好飲。🍸到食物方面，小龍蝦好好味🦞，而且去到壽司bar果邊，師父1次過比咗好多壽司🍣。正! 而牛扒嘅熟成度都啱啱好，仲食咗幾轉。但最鍾意都係即叫即整嘅麵，個喇沙湯底一流呀🍜不過，最有驚喜都係啲甜品，有晒萬聖節造型，個棺材Tiramisu ⚰️，眼仔啫喱杯都好好食👁️。期待下次再去會有啲咩新嘢食，講到底呢間buffet係食得過！😋…查看更多

前排去左天后嘅阿翁小館食💖💖，今次揀左大閘蟹set。開始就食個蟹皇翅，蟹味好濃，好好食，之後再加少少醋落去，個蟹味仲出咗。之後到吉品鮑，入口香軟彈牙，非常入味。而且煮嘅火候啱啱好，切開嗰時嘅柔韌十足，絕對係要回味再食嘅鮑魚😍大閘蟹多膏又新鮮🦀但一定要分享嘅係杯薑茶，甜味同薑嘅辣啱啱好，會不斷想再飲☕️。最後個蟹膏蟹肉炒飯好足料，啖啖都食到蟹嘅香，完全食到停唔到口。最好有埋個官燕，為呢餐飯做個完美嘅句號🫶🏻 推介大家嚟試吓呢個期間限定大閘蟹set🥴🥴…查看更多

秋天正正係打邊爐好時機，咁岩旺角新開咗間「牛大人台灣火鍋吃到飽」，一於約朋友一齊食到飽！成層餐廳環境好大，光猛又乾淨，感覺好似去咗台灣。店員好有禮貌，續一介紹餐廳設施同多款湯底，我哋揀左台灣鳳梨雞鍋，特級安格斯餐包括10款肉類，海鮮，仲有自助吧可以任攞飲品、蔬菜類、丸類、麵。like 埋Facebook / instagram 仲送黑糖珍珠鮮奶。湯底好快就黎到，可以用app 落單或者自助吧攞野食，酸酸甜甜既湯底好嘢味，每款牛都試左一碟，而最推介係安格斯肩胛牛肉，蝦同海鮮都非常新鮮又大隻仲要特別推介佢任飲嘅冷泡茶，有三款任揀。 包裝有誠意之餘，味道仲好好！打邊爐難免係會食得滯滯地，飲下茶消滯解膩。120分鐘任食咁多款食物，真係好抵，下次約多D frd 黎食…查看更多

今日係朋友既生日, 佢又冇話想食咩,就淨係有個要求就係想飲下野CHILL下~咁兩個係尖沙咀放工行左陣街就去左好多酒巴果邊,搵間野食下又可以飲下野,見到THE RIGHT PLACE 睇落裝修幾靚,ARM哂兩個女仔打下卡飲下cocktail吹下水~就擇左佢啦一坐底就梗係嗌左野似先~一路飲一路吹水嘛~天氣熱熱地,Staff就推薦左the right melon比我地,話係原隻mini既西瓜冰沙+vodka...既cocktail~ 個造型真係好特別!!而我另外叫左杯好cute既dr. kitty~佢係一杯mock-tail呢,因為第2日返工唔飲得酒呀xd~荔枝同芒果味加埋乳酪好香~我地叫左龍蝦Risotto Scallop~有驚喜,佢入面有有兩粒帶子同玉子豆腐飯入面有咸蛋黃粒粒,有口感,龍蝦同帶子係grill 過,仲有鮮味,唔係整到好霉果種~德國咸豬手整到個皮好脆, 中間D肉就好JUICY,值得一讚德國咸豬手隔離D酸菜,好解膩, 夾住肉食,真係好食到停唔到~~最後因為係朋友生日就叫左個心太軟比佢XDDD本身餐廳話如果講定可以幫我地用朱古力寫HAPPY BIRTHDAY~不過算啦~太急唔記得左講~但餐廳都有提供到蠟燭比我地,真係好好~~心太軟襯椰子味雪糕好特別呀~…查看更多

星期五放工諗唔到食咩好,個天氣又成日打風唔成翳翳焗焗咁,就同男朋友諗住食麵或者其他野唔食飯咁飽啦,咁啱經過餃掂,睇menu都幾吸引咁,就食餃子啦~台面有有醬汁又有自助任食既自家醃蘿蔔, 食落爽脆酸甜好開胃男友就唔食蘿蔔o既...佢話要食回味手拍青瓜,少少酸辣爽口又開胃做前菜啱哂,可以自己加青瓜醬松茸豬肉煎餃咬落勁濃松茸味，煎左既松茸煎餃食落又香口又濃味，不過就有D油膩...飲返山楂雪梨水就ARM,個山楂雪梨水D 姨姨話係自家製~元貝豬肉湯餃既餡就比傳統dd,有芹菜同元貝(都幾大陣芹菜味,未必話人人鐘意)我個人覺得幾清新,佢個湯底話係既狀元九鼎湯，幾淡..我估冇用味精，但配餃食都ok既!!香煎軟心芝士餃餃子煎得都幾香口男朋友唔飽,最後佢加左個四川涼麵，簡簡單單， 麵條可以自己落芝麻醬或者枱面既四川的麻辣醬,佢話份量剛好xd…查看更多

三文魚他他沙律份量好足，三文魚外層燒熟左反而油香突出左,三文魚脂肪好夠,食落好香,加埋沙律菜就清新返,唔覺油膩,唔錯。鰻魚蛋卷新鮮有口感。薄切鱆紅魚刺身相反油脂冇咁重,鮮甜又完全唔膩, 刺身黎講算係價錢唔貴又新鮮。燒松葉蟹蓋,重量級既蟹膏,好食過D咩蟹皇醬太多,個人覺得夾落熱騰騰既飯到食好正,呢個必食!清酒煮蜆份量完全唔少,勁濃烈Saké味，比起其他店食過既濃味好多, 蜆勁鮮味又冇沙,咁既價錢仲要咁大碗都幾抵食。燒牛脷,好厚身,唔會太熟,食落唔韌,面頭調味幾適中,唔錯既下酒菜。日本南瓜天婦羅,脆漿唔會太多,炸得好脆口又唔算油,入面南瓜好粉好甜,中規中矩。最後係火炙三文魚菜包卷, 味道幾特別好清新,冇食壽司咁滯,個人覺得值得食下。價錢好貼地,食物質素唔差,小店黎講的確高質,睇得出有心思小店,值得支持!…查看更多

同舊同事聚下，兩個女仔對食同環境都有啲要求，咁岩想食西餐据下扒，見到呢間隔局好grand同埋個餐廳名幾特別，所以就走左去呢間係同事屋企附近新開既西餐廳～一入到去坐，已經好肚餓，都唔想諗食啲咩，就直接點左晚餐套餐。本身我地兩個都想食牛扒不過後尾諗住可以兩份交換試下就點左羊膝同牛柳咁佢就有前菜、沙律、餐湯餐包再上主菜既。佢地好細心留意你食哂邊樣，再上下一道菜，成個過程感覺都好smooth，唔會佢枱都係碟/中間等好耐。首先上既係---松葉蟹沙律。雖然松葉蟹肉唔算好多，但每一啖都食得出係新鮮既蟹肉，沙律菜配上胡麻汁，酸酸甜甜又開胃，岩哂食主菜既前奏。跟住就係---煎日本帶子三文魚籽配海膽慕絲一上菜其實真心驚訝，咁靚食得架？！原來係三文魚籽加煎日本帶子，睇得出餐廳花左心機係擺盤到。帶子完全無雪藏味仲好新鮮！配埋三文魚籽一齊點海膽醬放入口，真係口感大爆發！之後就係是日餐湯及餐包是日餐湯係白湯，難得白湯可以咁足料，有蘑菇、薯仔粒，飲落好香好濃郁。個餐包比一般西餐廳較為特別，因為有蕃茄係入面，絕對唔係一個又淋又無味既普通餐包。Last but not least...主菜！同事點既燒美國頂級牛柳配燒汁佢叫左牛柳要7成熟，雖然見到表面有少許燶但至少唔會過份熟，生熟程度亦都岩岩好，仲保留到肉汁鮮味烹調配料同擺設都係心機之作！而我既法式紅酒燴羊膝比我想中大份，羊膝肉軟腍同入味，伴碟既南瓜蓉非常清甜，可以減低對肉既油膩感不過女仔一個人基本上都食唔哂，因為真係好大份！差啲唔記得左...最後甜品係黑嘉倫子醬奶凍, 甜甜酸酸解膩一流:)…查看更多

今日lunch同同事去飲茶，多啲人可以叫唔同點心。呢度地方夠大，坐落唔洗迫住又乾淨，大大加分。飲茶蝦餃燒賣實叫啦，每樣四粒啱啱好分比四個人。蝦餃好大粒，外面腸粉皮好薄，入面蝦肉好新鮮好彈牙。原籠馬拉糕圓型咁，完完整整，又香又甜。臘味蘿蔔糕好香蘿蔔味，夠滑而且外面煎得脆脆地，好食！叉燒紅卜卜好新鮮好juicy，唔會太肥又香甜，好快已經比同事搶晒嚟食。煎釀虎皮椒用青椒包住細滑既魚肉，青椒同魚肉夾埋口感豐富，一開頭食到青椒味，食食下青椒既辣先慢慢出，好有層次感。…查看更多

今日咁啱去左太子果邊......想食下西餐。就見到呢間新開既Easy Joe, 睇下個餐牌, 價錢都合理,就入去試下!睇個MENU 好多都好吸引,見到呢個香辣蒜片鮮茄肉碎巴馬火腿配烏冬 竟然係配烏冬唔係意粉咁得意就要左,個巴馬火腿變左脆脆,好香口,烏東軟硬適中,少少辣,不過我唔食辣都接受到。仲有片皮鴨醬意大利飯都好有FUSION菜既感覺,中式既片皮鴨我都好鐘意食! 估唔到皮鴨醬同意大利飯會咁夾。飲品我點左落神花柚子蜜,而少女心既既男朋友就點左草莓SODA,一黎到第一個·感覺係好靚!好適合影靚相打卡😍而且仲唔係得個樣,落神花非常足料,一定唔係用粉沖果種,配合柚子蜜酸酸甜甜好好味!士多啤梨梳打既入面既士多啤梨碎碎係人手用新鮮草莓打,一飲就飲得出同用糖漿開既唔同,係清新好多!點可以少得甜品---二世組超級窩夫!窩夫熱辣辣即叫即做,口感超好,有生果粒粒,個士多啤利缪絲, 有手打既抹茶蛋黃醬同豆腐雪芭配窩夫食.好味道同打卡度都超高!…查看更多

咁啱今日嚟佐敦，就嚟食下呢間專食四川菜嘅楊記麻辣魚館，最啱我呢啲超鐘意食辣嘅人。食四川菜緊係食辣嘢啦，所以叫左呢個火爆腰花，係用豬腰做成既四川菜，非常地道，肉質嫩滑冇渣，夠肥美，每舊都吸晒啲辣汁好入味，正!宮保雞丁勁多辣椒，聞落好香，雞肉夠晒滑，好開胃，食落好滿足。酸菜魚份量都幾多，落足料，魚肉好新鮮，細滑完全冇骨。湯底黃宏地色可以揀要幾辣，酸菜好開胃，越食越辣。鐘意食辣既一定要嚟試下食到小小辣既都應該嚟挑戰下。…查看更多

星期日晚一行四人去到尖沙咀禾牛薈，發現呢度嘅座位都好闊落，有好多卡位同房 四個人打邊爐都有房坐真係第一次，房入面空間好充足，就算一次叫好多嘢食都夠放哂呢度食物款式好多，而且同類食品都有唔同選擇例如肥牛咁已經有八款我哋就揀咗特級手切肥牛 牛肉肥瘦均勻有光澤湯底方面揀咗正氣嘅椰子雞湯底 湯底清甜又有好多料，配唔同食材都唔會搶味 西班牙黑毛豬豬味濃郁又唔肥四個人叫個海鮮拼盤同手打四寶丸份量就啱啱好 四寶丸實質係有五款丸嘅 因為墨魚丸係分咗黑白兩款白色口感比較彈牙 而黑色就濃啲墨魚味除咗火鍋食品，呢度亦有唔少熟食(連炒飯都有得叫)我哋就叫咗個老友鬼鬼過吓口癮 油炸鬼脆身唔油膩，蝦膠份量亦都足不得不讚呢度服務都唔錯店員不時主動加湯，每次入房前亦都有敲門最後埋單每人三百幾，大家都食到捧住個肚走…查看更多

朋友唔呢排個胃唔太舒服，但又思鄉想食韓國野。咁炸雞果啲佢食唔到，我就擇間健康啲既啦！擇左尖沙咀既韓屋，個店面好靚，好啱打卡，全間粉紅色，仲播住韓國idol mv，勁好feel ~知道呢間最出名就係韓式住家熱湯，我地就擇左牛排骨湯暖胃，蒸餃子都好吸引，餃子王咁特別就特登叫左梨試下。個湯好足料，牛精肉同牛骨都好入味，配合韓式粉絲做底味道亦好正宗，牛骨好好味韓式粉絲做底。好似係韓國飲過既味道～～～餃子泡菜味好濃 好JUICY，夠哂野味。👈👈👈餃子王真係好正，又大又足料，好彩冇貪心嗌太多😍朋友怕辣所以嗌左啲野飲❤️總括黎講都好值得去，特別係唔想成日食啲熱氣或野油膩野但又想食韓國風味既時候就可以考慮下食😍😍…查看更多

今日去左沙田新城市廣場底層，去食greyhound cafe ，原來呢間野喺泰國都幾出名，喺香港仲有好多分店。先來前菜：秘製辣肉醬手包粉卷🌯用菠菜包住粉皮跟住再落肉醬啲菠菜蒜頭汁，超級非常好食，個肉醬汁唔算太辣係岩岩好之後主菜平時都食得韓國部隊鍋多🥘，都係第一次試食呢一個泰國部隊鍋，入邊有好多海鮮嘅料，不錯喔！最後甜品就叫咗奶茶千層蛋糕相當唔錯，有少少好苦，帶點甜，會食到好重好奶茶味，好有特色！🤪…查看更多

喺荃灣商場附近，行大約8分鐘左右，四周邊近車房，就會見到一間紅色日本店的沾麵店。一入到門口，不論是員工定係老闆，好有禮貌主動咁樣去行埋你問你食乜嘢，雖然地方很細，但俾人嘅感覺很整潔，坐得好舒服，好似番左屋企咁😍今日就叫咗個蕃茄紅油沾麵，好濃味嘅蕃茄味，佢啲麵同湯係分開上嘅，咁就唔會整到啲面林哂☺️仲有因為我好鍾意食蔥，跟住佢就加咗好多聰俾我食，超開心。跟住仲有一大塊脆卜卜既紫菜，肥美嘅豚肉。睇得岀老闆好用心去制作食物！🥰一邊仲有個流心蛋，超級好食😍…查看更多

好耐未試過一間野係咁唔好食係去到驚訝個種諗住都有D好評應該唔會太差啩點知D牛又梅 D色水已經唔開胃個湯底D色又沉到好似食過咁係嘅 自己抵死唔敢問不過我不嬲食野都係好又一餐唔好又一餐 食唔死都算數係出面食野好驚比人加料所以我唔會當面講D乜嘅同埋豬腦D味 真係咁嘅咩?我都叫食過唔止一次豬腦啊 唔會係哩種味啦 救命~其他野都唔洗有期望啦湯底唔好食 其他野仲點會好食?都有個五色火鍋小籠包嘅但其實都唔覺好靚好特別 而且同打邊爐真係勁唔夾 魚片上面有隻蛋嘅但都改變唔到D魚唔好味嘅事實 唔夠新鮮 好難用其他野掩蓋嘅反正哩次邊爐 我都唔知自己經歷左D咩了......…查看更多